ख़ख़ النساء يحصلن على 75% من مدخول الرجال ख़ख़

[المتحدث الرسمي]

.....

شدني اليوم وانا اقرا الجريده هالعنوان ....



الأمين العام لمنظمة الأونكتاد د.سوباتشي بانيتشباكدي :

النساء يحصلن على 75% من مدخول الرجال


هل نظرية سعادة الامين العام للاونكتاد صحيحه ؟

على اي اساس تمت الدراسه ؟

هل المساواة اني احرم زوجتي من المصروف ؟

كم نسبة التخصيص من راتبك لمصروف الزوجه و البيت ؟؟

.....

لكم المايك


http://www.raya.com/site/topics/article.asp?cu_no=2&item_no=638764&version=1&template_id=35&parent_id=34

[لاجئ عاطفي]

شي طبيعي لان الرجل من مهامه ومن اولوياته انه يصرف على زوجته وبيته وعياله حتى لو زوجته تشتغل فهالكلام طبيعي واشوف انه من المفترض انه يصير

[ودي أكون]

اخوي غير الصورة اللي ف توقيعك .. الله ياخذه ..
السموحه بس هذا اخر انسان افكر اشوف ويهه في يومي :secret:


بالنسبه للفلوس .. الظاهر لان الرواتب قربت .. فالكل عينه ع سوالف الفلوس .. :rolleyes2:

متابعة من بعيد لـ بعيد

[بو الجوري]

مادري من وين جاب هالنسبـه :)

يعني أحيانا أكثر من 75% و أحياناً أقل :..
وفي بعض الأحيان في أزواج يآخذون من حريمهـم الأولي و التالي :)


طبعاً الرجال ملزوم يصرف على البيت ( زوجته و عياله و الخدامه و كل أمورهم )
لكـن مب مجبور في الكماليات :)


إذا عن نفسي أنا البنك هو اللي يآخذ 75% من راتبي
و الـ 25% الباقيه موزعـه على مصروف الزوجه و متطلبات اليهال و البيت
وأجار البيت :weeping:

ياخي ليش تقلب المواجع :weeping:

الحاله صعبـــــــــه :rolleyes2:

[فلتة زمانها]

الرجال يحصلون على 75% من مدخول النساء :nice:

[بنت امي]

75% هذي اذا ماتشتغل يمكن

لكن الي تشتغل ماتوقع توصل هالنسبه , اما اذا هي انسان لايشبع هذا شي ثاني :)

[بعيد المرامع]

نظرية غير صحيحة وليست واقعية ابداً

الا في حالة تحسبون مقاضي البيت الشهرية التي (تتبرع) الزوجه باحضارها انها من حصص الزوجة من الراتب

بعض الرجال يحسب كل ريال يحطه في بيته وعياله انه في جيب الزوجة ،

حفظكم الله

[faisalqatar]

انا اشوف ان الحسبة منطقية في حالة ان الزوجه ما تشتغل و تعتمد اعتماد كلي على الزوج
يعني كفاية اغراض البيت والعيال

شكرا عزيزي على الموضوع المميز و بقولك شي على الخاص

[ودي أكون]

المتحدث الرسمي ..

انتــه :thumbup1:

[لاجئ عاطفي]

للعلم الأمين العام لمنظمة الأونكتاد مايتكلم عن قطر او المجتمع القطري هو يتكلم بشكل عام

[nasser_151]

في حالة أن المقصود كافة التكاليف (الزوجة والأطفال والمنزل كالأكل والشرب..) معقولة

لكن فقط للزوجة :eek5::omg:
أحس قوية حتى لو ماتشتغل :rolleyes2:

[درع الوطن]

والله ماحد جاب لنا البلاوي والمشاكل والمصايب إلا هالمنظمات اللي ماتنعرف إلا إذا سووا لهم مؤتمر في قطر ...

من أول كنا عايشين وقانعين .. حامدين وشاكرين .. بس من طلعت لنا هالمنظمات المختلفه والهدامه أنقلبنا 360 درجة على مقياس ريختر للعوامل الجويه :)

وبكره بنسمع عن منظمه جديده بتتكلم عن خصوصياتنا الخاصه جداً جداً في مؤتمر نشر الفضائح

الله يستر علينا من هالمنظمات الخرطي ...

[وطن]

ممممممممممم

من وين جاب النسبة !!!