سؤال محيرني ؟؟؟؟؟ظ

[الورد جميل]

السلام عليكم ورحمة الله وبركاته
اخواني ابي استفسر عن القرض الاضافي الثالث اللي سمعنا عنه من بنك التنمية بدال مليون وميتين يصير مليون وثمانمية
هل هو صحيح ولا كلام جرايد ابني وابي اشطب والمبلغ ما كفى لو بينزل خير وبركة ما راح ينزل باخذ سلفة من البنك والله المستعان على فايدتهم وخصميتهم ووجع الراس
اللي يعرف يفيدني وجزاكم الله خير
وشكرا

[شموخ دائم]

,

,


مرحبا

اخوي الكريم

مع اني اتمنى زيادته للشباب

ولكن حتى هذه اللحظه مافي زياده ولا في شي رسمي
وكلها موضوع نزل بالجريده من كتابه صحفي وماذكر اي مصدر
وسوى هذي البلبله
وبنك التنميه كل المسئولين فيه يقولون ما جانا شي رسمي

نصيحه اخوي الكريم رتب امورك على الوضع الحالي مليون ومئتين
اضمن لك

والله يوفق الجميع


,

,


اخوك


شموخ دائم

[مستثمر 999]

ان الله مع الصابرين

ومثل ما يقولون ما في دخان من غير نار

مثل اسقاط الديون والاشاعه الي الكل استنكرها وفي النهاية صارت صج

اقصد ال 60 % الي ولله الحمد انقذت وايد ناس من السجون والاهانه والطراره

وحتى شراء بيت العمر صار اسهل ولا بدونها محد كان يقدر يشتري بيت ولو بمليون

توكل على الله وكمل بيتك واذا احتجت دبر عمرك الى شهر 6 وبعدها توكل على الله وخذ قرضك شرط يكون من بنك اسلامي او الاولى - أو الاجاره او بيت التمويل القطري او الجزيره المهم اسلامي

[الورد جميل]

يعطيكم العافية وما قصرتوا رحم الله والديكم