++ صباح الخير يا مديري الفاضل +++

[شبح الصمت]

صباحكم ورد وجوري ’’’

http://www.iraqnaa.com/ico/image/034.gif


هل في نظـر ’’ البعض ,, منا إذا ’’ المــدير ,, الــي يقط الميانه مع موظفينه إنه خفيف :eek5: ويأخذويعطـي ويسولف مع ذي ويضحك مع ذي إنه إنسان مع أحترامي مهب ’’ تكانه ، ثقيل ، رزه ,,


وإنه إنسان معرض للاستغــلال من الجميــع ومحط نظـر الإدارة العليا من ناحيــة شخصيته :telephone:


للعلم إنه أنسان كفو في محله ومجتهد :nice: ويؤدي واجــبه على أكمل وجه ولا أقصد بالخفيف إنه انسان كل من هب ودب يقط عليه كلام

لا لا أقصد وقت الغشمره غشمره ووقت الجد جد ’’’



أنتــظر ردودكم كلن في مجال عمله

أتوقع الكثير من المدراء موجودين معنا ونتمنى مشاركتهم

[R 7 A L]

انصحه انه يكون متقلب


لانه ثبت مؤخراً ان المتقلب في الشخصية هو الى يقدر يدير كل الأمور

[الـخـالـدي]

اخوي المدير مب بالاسلوب المدير بالمواقف اما الاسلوب يختلف من شخص الى شخص وهذي طبيعة الانسان

في اشخاص تلقاهم ثقال في اماكن شغلهم ماتشوفهم يضحكون ابد بس اذا واجته برى العملل تشوفه انسان ثاني

اتمنى اني اكون اثريت الموضوع

[faisalqatar]

والله انا اشوف المفروض المدير يكون اجتماعي و يحتك مع موظفينه
يعني لازم يتغشمر معاهم و يسولف معاهم و طبعا في حدود الادب
و وقت الشغل لازم يكون جاد و يشد عليهم

مب نفس مديرنا الله يهديه

ما اتشوفه ولا يرد على ايميلاته ولا منه فايدة و كله يبي الشغل بسرعه

زين وينك انت يالحبيب عشان نستشيرك ؟ !

[شبح الصمت]

انصحه انه يكون متقلب


لانه ثبت مؤخراً ان المتقلب في الشخصية هو الى يقدر يدير كل الأمور


وجهة نظر

بس اشلون نفسية الموظفين من ناحية الشخصية المتقلبه !!

هل تتوقع انه اليوم يجيني يضحك وبكره يجيني معصب وبعدها يجيني يصيح بتكون نفس ما اهم مبتسم لي وإلا تقلب شخصيته !!

:)


اخوي المدير مب بالاسلوب المدير بالمواقف اما الاسلوب يختلف من شخص الى شخص وهذي طبيعة الانسان

في اشخاص تلقاهم ثقال في اماكن شغلهم ماتشوفهم يضحكون ابد بس اذا واجته برى العملل تشوفه انسان ثاني

اتمنى اني اكون اثريت الموضوع

بعد وجهة نظر أخوي

في ناس في عملهم حازمين وخارج الدوام شخصية ثانية

لانه في ناس يقولون إذا شخصيتي في العمل قويه أقدر أوصل بسرعه بس الي شخصيتة في العمل جديه ولكن مع الكل فهذا انسان يكون محط النظر

واسعدني تواجدكم

[شبح الصمت]

والله انا اشوف المفروض المدير يكون اجتماعي و يحتك مع موظفينه
يعني لازم يتغشمر معاهم و يسولف معاهم و طبعا في حدود الادب
و وقت الشغل لازم يكون جاد و يشد عليهم

مب نفس مديرنا الله يهديه

ما اتشوفه ولا يرد على ايميلاته ولا منه فايدة و كله يبي الشغل بسرعه

زين وينك انت يالحبيب عشان نستشيرك ؟ !



يعطيك العافيه الكلام الي بالاحمر وينك نستشيرك مب شرط يضحك شرط وينه نبي نحصله ههههه
بس في الاول والاخير لو جيت تحاسبه عن تواجده بيقولك مب انا ممشي الشغل خلاص لا تحاسبوني طبعا للإدارة

إن شاء الله يطلع لكم اليوم ويقولك كاااني يالحبيب :eek2:
وشاكر لك مرورك

[قطرية كشخه]

بالعكس كل ما كان المدير يتعامل مع موظفينه بمرونه كل ما كان افضل وبالعكس حتى الموظفين بيحبون المكان وبتزيد انتاجيتهم ..

انا اشجع المدير اللي يتعامل بمرونه افضل من المدير الشرشبيل :eek5: اللي محد يحبه :nice:

موضووع مهم بالنسبه لي .. مشكوور اخووي " المدير ":secret:

[شبح الصمت]

بالعكس كل ما كان المدير يتعامل مع موظفينه بمرونه كل ما كان افضل وبالعكس حتى الموظفين بيحبون المكان وبتزيد انتاجيتهم ..

انا اشجع المدير اللي يتعامل بمرونه افضل من المدير الشرشبيل :eek5: اللي محد يحبه :nice:

موضووع مهم بالنسبه لي .. مشكوور اخووي " المدير ":secret:



وصلتي خير

اهنيه مربط الفرس دام المدير مرن الموظفين راح يحبون عملهم وينتأجون

أهم شيء في السالفه أهو الأمان في الوظيفه لكل موظف لانه إذا المدير يحسس موظفينه بعدم الامان راح يكون الانتاج مش في محله ..

بالتوفيق للجميع أختي

[faisalqatar]

يعطيك العافيه الكلام الي بالاحمر وينك نستشيرك مب شرط يضحك شرط وينه نبي نحصله ههههه
بس في الاول والاخير لو جيت تحاسبه عن تواجده بيقولك مب انا ممشي الشغل خلاص لا تحاسبوني طبعا للإدارة

إن شاء الله يطلع لكم اليوم ويقولك كاااني يالحبيب :eek2:
وشاكر لك مرورك

ههههه الله يسمع منك و يطلع لنا و يساعدنا شوي
اللي يضحكني انه ما يفهم في الشغل و يطلب اشياء ما تستوي اساسا و تعال راكض وراه عشان اتصيده و اتقوله ان هالشي ما يستوي !!!!!

والمشكله انه اجنبي -___-"

يعني ما بيقولي اكاني يالحبيب :( :eek5:

[بوحمد111]

اخوي شبح الصمت

والله حسستني انك تتكلم عني وقلت اكيد يعرفني شخصيا لأن انا هذا اسلوبي في الاداره اضحك واتغشمر مع الكل ولكن وقت الجد جد والكل يحترمني ويقدرني ويعرفون اني جاد ومجتهد في شغلي وهذا ليس مديح مني لي وانما شخصيتي هذه من عرفت الدنيا والله لا يغير علي
وبشهادة ناس مقربين لي يقولون لي يا بوحمد الكل يمدحك والقل يقول عنك كذا وكذا من المديح وجوابي لهم انا هذا طبعي ومستحيل اغيره ومهما وصلت من مناصب وانا ما اسوي هذا الا ابتغاء رضى الله علي ومن ثم رضى الناس عني ودعواتهم لي في ظهر الغيب وان يذكروني الناس بالخير
وامنيتي ان ينزرع هذا في ولدي حمد واخوانه

آسف على الإطاله وتحياتي

[شبح الصمت]

ههههه الله يسمع منك و يطلع لنا و يساعدنا شوي
اللي يضحكني انه ما يفهم في الشغل و يطلب اشياء ما تستوي اساسا و تعال راكض وراه عشان اتصيده و اتقوله ان هالشي ما يستوي !!!!!

والمشكله انه اجنبي -___-"

يعني ما بيقولي اكاني يالحبيب :( :eek5:

انزين اجتمعوا معاه طلبوا الاجتماع شنهي المشكلة

:)



اخوي شبح الصمت

والله حسستني انك تتكلم عني وقلت اكيد يعرفني شخصيا لأن انا هذا اسلوبي في الاداره اضحك واتغشمر مع الكل ولكن وقت الجد جد والكل يحترمني ويقدرني ويعرفون اني جاد ومجتهد في شغلي وهذا ليس مديح مني لي وانما شخصيتي هذه من عرفت الدنيا والله لا يغير علي
وبشهادة ناس مقربين لي يقولون لي يا بوحمد الكل يمدحك والقل يقول عنك كذا وكذا من المديح وجوابي لهم انا هذا طبعي ومستحيل اغيره ومهما وصلت من مناصب وانا ما اسوي هذا الا ابتغاء رضى الله علي ومن ثم رضى الناس عني ودعواتهم لي في ظهر الغيب وان يذكروني الناس بالخير
وامنيتي ان ينزرع هذا في ولدي حمد واخوانه

آسف على الإطاله وتحياتي

ابركها الساعة ياخوي معرفتك

والله يجزاك خير نعم الشخص بالمكان

وإن شاء الله من الاعلى للأعلى ياخوي والله يوفقك وإن شاء الله عيالك بيمشون على ما مشيت عليه كلن على ما تربى عليه وحسن التربيه وانت قدها وإن شاء الله تقر عيونك وتشوفهم باعلى المناصب واجمل الاخلاق ..

ما تبي موظف بوحمد تحت إدارتك

:shy:

[chillis]

المفروض يكون المدير مرن بالمعامله مع الموظفين حتى ينجزون العمل اسهل لان ان كان المدير متقلب بياثر على انجاز الموظفين بحكم مزاجيته انا ما قول يكون كلش خفيف بس وقت الضحك ضحك ووقت الشغل شغل وكله باسلوب حضاري يكون مهب يامر على الموظفين جنه الا هم خدم مثل بعض المدراء

[شبح الصمت]

المفروض يكون المدير مرن بالمعامله مع الموظفين حتى ينجزون العمل اسهل لان ان كان المدير متقلب بياثر على انجاز الموظفين بحكم مزاجيته انا ما قول يكون كلش خفيف بس وقت الضحك ضحك ووقت الشغل شغل وكله باسلوب حضاري يكون مهب يامر على الموظفين جنه الا هم خدم مثل بعض المدراء



يعطيج العافيه

محشومين من الكلمة المعلمه بالاحمر

هناك البعض منهم من يعامل الموظفين كانه اهو يدفع من مخباه من رواتب ومعامله جافه

ونسى انه الكرسي دوار دوار

ما هو الافضل انه يقولون الله يذكرك بالخير يافلان

وإلا قلعته وإلا ردته !!

وشفنا حالات والله من كثر ما يدعون على مدراء طاروا وصادتهم مشاكل

اللهم لك الحمد والشكر يـارب

لك الاختيار أيها المدير

:)

[sweet qatar]

هل في نظـر ’’ البعض ,, منا إذا ’’ المــدير ,, الــي يقط الميانه مع موظفينه إنه خفيف :eek5: ويأخذويعطـي ويسولف مع ذي ويضحك مع ذي إنه إنسان مع أحترامي مهب ’’ تكانه ، ثقيل ، رزه ,,


أنتــظر ردودكم كلن في مجال عمله


يتفاعل مع الموظفين.. ويسأل عنهم ويمازحهم..
لكن أبداااا لا يقط الميانة.. عشان ما يفقد هيبته..

المدير يضطر أحيانا لاتخاذ قرارات صعبة..
فكل ما وضح للموظفين حدود تعاملهم معاه كان أفضل لهم وله..
و أريح له من المجاملات والمقدمات الطويلة..

اعتقد احترام المدير لموظفينه اهم من ممازحته لهم..

يعطيك العافية شبح ..

[R 7 A L]

وجهة نظر

بس اشلون نفسية الموظفين من ناحية الشخصية المتقلبه !!

هل تتوقع انه اليوم يجيني يضحك وبكره يجيني معصب وبعدها يجيني يصيح بتكون نفس ما اهم مبتسم لي وإلا تقلب شخصيته !!

:)


[/b]



مشكلة الموظفين مو مشكلة المدير
يبون اهلاً وسهلاً

لانه صراحة بعض الموظفين ماينعطى وجه كلش

[intesar]

وقت الجد جد.. وقت المزح مزح..

[غزلان]

لاتكن لينُا فتعصر ولا يابسا فتكسر

[شمس2]

انا عرفت مديرات وايد اذكر منهم اول وحده تبتسم بس في السنه حسنه وتبي شغلها حار بحار يعني لا مجال للدلع وياويل اللي مايشتغل عدل يشوف الجانب المظلم من شخصيتها يعني احنا كنا نشتغل خوفا من زيرانها بس والله انا كنت احبها وهي تحبني بس ما تبي تظهر حبها تخاف اني ابتزها واستغل حبها
مديره ثانيه كانت ماتدري وين الله قاطها يحركونها الاداريات اللي حواليها كانت عسل في العلاقات الخاصه لكن في الشغل ماتنفع مالها راي كلمه توديها وكلمة تجيبها
اخر مديره كانت وسط لا هي عصبيه ولا هي هبله فديتها اكثرهم كانوا يحبونها ويحترمونها
وبسسسسسسسسسسسسس تعبت:rolleyes2: والله يجزيك خير على الموضوع الهادف:nice:

[انتر ميلان]

مساك الله بالخير

مروا علي الكثير من المدراء وشفت المدير الاجتماعي (( الشبابي )) اللي يسولف ويضحك وهذا النوع يحبب الموظفين في الدوام،، ويخلي الموظف يروح الدوام وهو مرتاح نفسياً ،،، لأن اذا جا الشغل على الموظف ،،، الموظف يحاول يخلص الشغل بأسرع وقت علشان مايتفشل مع (( أخوه )) اللي هو مديره ...

عكس المدير الثقيل اللي كل سوالفه عن الشغل ويبي كل شي بسرعة ،،، الموظف يروح دوامه وهو ماله نفس وهذا الشي يأثر على الانتاجية في العمل ويأثر على حياة الموظف الاجتماعية في بيته ومع زوجته وعياله لأنه يكون متنرفز ويفكر في الشغل...

وعقبال مانشوفك مدير طيب واجتماعي يالشبح

[خليفـة]

موضوع جميل اخوي شبح الصمت
من وجهة نظري .. كل شي يزيد عن حده .. ينقلب ضده

بالتالي :

لا تكُن ليناً فتُعصر .. ولا تكُن يابساً فتُكسر
خير الأمور الوسط
:)

خليفــة

[نووون]

افضل ان يكون المدير حازم وكلامه على قد الشغل خاصة مع الحريم ونادر مايتطرق الى امور شخصية

اما بشكل عام ... افضل ان يكون فيه حاجز بسيط بين المدير والموظف
اما الموظف ورئيس القسم الافضل تكون فيه مرونة وعلاقة اخوية بينهم

[شبح الصمت]

يتفاعل مع الموظفين.. ويسأل عنهم ويمازحهم..
لكن أبداااا لا يقط الميانة.. عشان ما يفقد هيبته..

المدير يضطر أحيانا لاتخاذ قرارات صعبة..
فكل ما وضح للموظفين حدود تعاملهم معاه كان أفضل لهم وله..
و أريح له من المجاملات والمقدمات الطويلة..

اعتقد احترام المدير لموظفينه اهم من ممازحته لهم..

يعطيك العافية شبح ..


الله يعافيج
وكلامك طيب بس يوم قصدت انه يكلمهم وياخذ يعطي انه يكون سلس في التعامل مهب شرط ضحك وتكركر وهالامور لا الابتسامه التحفيز التشجيع للموظف ..

الابتسامه تعوض عن كل شيء







مشكلة الموظفين مو مشكلة المدير
يبون اهلاً وسهلاً

لانه صراحة بعض الموظفين ماينعطى وجه كلش

لجل كذى يكون في الوسط نفس ما تفضلوا الاخوان والاخوات



وقت الجد جد.. وقت المزح مزح..

:nice:



لاتكن لينُا فتعصر ولا يابسا فتكسر

درر :nice:


انا عرفت مديرات وايد اذكر منهم اول وحده تبتسم بس في السنه حسنه وتبي شغلها حار بحار يعني لا مجال للدلع وياويل اللي مايشتغل عدل يشوف الجانب المظلم من شخصيتها يعني احنا كنا نشتغل خوفا من زيرانها بس والله انا كنت احبها وهي تحبني بس ما تبي تظهر حبها تخاف اني ابتزها واستغل حبها
مديره ثانيه كانت ماتدري وين الله قاطها يحركونها الاداريات اللي حواليها كانت عسل في العلاقات الخاصه لكن في الشغل ماتنفع مالها راي كلمه توديها وكلمة تجيبها
اخر مديره كانت وسط لا هي عصبيه ولا هي هبله فديتها اكثرهم كانوا يحبونها ويحترمونها
وبسسسسسسسسسسسسس تعبت:rolleyes2: والله يجزيك خير على الموضوع الهادف:nice:

وجزاج
إلا كم مديره مريتي عليها ههههههههههاي
المهم الحين انتي مرتاحه امورج طيبه



مساك الله بالخير

مروا علي الكثير من المدراء وشفت المدير الاجتماعي (( الشبابي )) اللي يسولف ويضحك وهذا النوع يحبب الموظفين في الدوام،، ويخلي الموظف يروح الدوام وهو مرتاح نفسياً ،،، لأن اذا جا الشغل على الموظف ،،، الموظف يحاول يخلص الشغل بأسرع وقت علشان مايتفشل مع (( أخوه )) اللي هو مديره ...

عكس المدير الثقيل اللي كل سوالفه عن الشغل ويبي كل شي بسرعة ،،، الموظف يروح دوامه وهو ماله نفس وهذا الشي يأثر على الانتاجية في العمل ويأثر على حياة الموظف الاجتماعية في بيته ومع زوجته وعياله لأنه يكون متنرفز ويفكر في الشغل...

وعقبال مانشوفك مدير طيب واجتماعي يالشبح


من بوئك لباب السماء
آآمين
شوف عن نفسي مديرنا عسل عسل لي جيته وجه فيه الحزم والشخصية الثقيله بس لي سولفت معاه قلبه رحيم وطيب وانسان ما يردك بلي يقدر عليه ..

ونفس ما قالوا اخواني وخواتي لا تكن ليسنا فتعصر وإلا يابسا فتكسر
لانه طبع الانسان طماع واذا الموظف استغل طيبة المدير راح تنعكس على المدير انعكاس سلبي بين الموظفين




موضوع جميل اخوي شبح الصمت
من وجهة نظري .. كل شي يزيد عن حده .. ينقلب ضده

بالتالي :

لا تكُن ليناً فتُعصر .. ولا تكُن يابساً فتُكسر
خير الأمور الوسط
:)

خليفــة


هذا اهو المقصود
الله يجزاك خير ولكم عالدرر



افضل ان يكون المدير حازم وكلامه على قد الشغل خاصة مع الحريم ونادر مايتطرق الى امور شخصية

اما بشكل عام ... افضل ان يكون فيه حاجز بسيط بين المدير والموظف
اما الموظف ورئيس القسم الافضل تكون فيه مرونة وعلاقة اخوية بينهم

يعطيج العافيه الرجل يجب في تعامله مع الاخوات يكون حازم صحيح بس الرجال الاجودي ما اتوقع يكون انسان يابس وانسان مكشر

اعرف مدير يقولي سالفته يقولي يا شبح انا كنت ماسك اداره وتحتي بنات واعاملهم معاملة خواتي ويشهد الله أنه الرجال قمه قمه في الاخلاق ربي يحفظه يقول عاملهم بطيب واحترام تحصل التقدير وخل بينك وبينهم حاجز لا تحاول تقرب من مشاكلهم عطهم على قد اسالتهم ..

فالحمد لله قريب 5 سنين يقولي اشتغلت وإلا تأذيت منهم بشيء ويقول عطها حقها تعطيك حقك بالشغل

[طلعة الروح]

الامان الوظيفي اهم من المدير ومن الشغل نفسه..

[شبح الصمت]

الامان الوظيفي اهم من المدير ومن الشغل نفسه..




سلامتج كلامج خطأ

اشلون الامان الوظيفي اهم

يعني نسيتي النفسيه ودورها فرضا لو مديرتج انسانه ما تنطق أو مديرج انسان ما ينطاق هل راح يكون في أمان وظيفي !!

الانسان مشاعر ترى لا تفكرين بس اني اجي اداوم وكل يوم مديري ينقد علي والا يعاتبني وإلا وإلا امور كثيره هل تتوقعين راح اكون مرتاح أو راح انتج !!!!

جاوبيني بكل صراحه

[بوسلمان 2010]

اهم شي يفرض احترامة وثاني شي يبعد التفرقه بين الموظفين ويكون ودود مبتسم

[شبح الصمت]

اهم شي يفرض احترامة وثاني شي يبعد التفرقه بين الموظفين ويكون ودود مبتسم



ارحم الله والديك

كلامك درر بوسلمان

كن حسن المظهر ولن تنساك العيون
وكن حسن الخلق ولن تنساك القلوب
:nice:

[مهرة]

بصراحة في فرق بين المدير القطري والمدير الأجنبي >> أجنبي يعني اشقر مو عربي عشان محد يفهم السالفة غلط ..

بما يخص موضوعكم هنيه المدير عامة انسان فيه الخير والشر ومع الوقت والعمل معاه بتبين شخصيته وطبعاَ يكون بمواقفه ومعاملته السوية لكل الموظفين الي تحته ولا مانع من القليل من السؤال والمزاح معاهم .. ولكن بأوقات ومناسبات معينه ومنها اجتماعات غذا او رحلة برع اشوي جو الشغل مثلاُ يعني .. وماعتقد بيفقد هيبته او مكانته بيكوون انسان طبيعي جداَ وغير متكلف او متصنع ..

نجي الحين للمثال الي عندنا بالدوام لأني قلت كما أسلفت سابقاً فيه فرق بين المدير القطري والأجنبي .. القطري للأسف جاي الدوام ولقى ضالته في اهدافه الخاصه والعمل او الهدف الحقيقي آخر همه ووتحته موظفين وقطرين وجمعهم بحجة انا للقطرين ومع التقطير ومن الكلام الي كلنا وشبعنا منه الحضور على كيفه وفهمه للشغل الله بالخير ومجند له كم موظف هندي على نيبالي وقاص عليهم وهم الي يخلصوونله شغله اما الضحك والغشمرة وسوالف الحريم الي مالها داعي لأنها سوالف حريم احب على قلبه من اي شي ثاني .. ولمن الي أعلى منه يطالبه بالتقرير مع موظفينه القطريين يجينا ويقووول لنا " ويش نقوله وكيف نسوي التقرير وايش حابين ينكتب لكم انا معاكم" وأيضاً " الا صج انتو شتسوون بالضبط ويش شغلكم" شفتو مدير هاه مدير .. واخر المطاف او التقييم ياخذ تقييم متداني واحنا للأسف من وراه بسبة سمعته وشغله .. ولا زعلان مارقووني وماعطوووني ويهدد انه بيطلع وبيلاقي شغل أحسن من الحالي .. واذا حد من موظفينه القطريين ماكان من شلته ولا تملحس معاه يحطه براسه ويسوي عليه مثل الحظر يشتغل وهو ساااااااكت ..

والله أشياء واااايد ماتنقال الله يعين والله يساعد والضمير في اجازة مفتوووووحة !!

يعطيكم العافيه على هالمتنفس الحر ..

[ريتويت]

بصراحة في فرق بين المدير القطري والمدير الأجنبي >> أجنبي يعني اشقر مو عربي عشان محد يفهم السالفة غلط ..

بما يخص موضوعكم هنيه المدير عامة انسان فيه الخير والشر ومع الوقت والعمل معاه بتبين شخصيته وطبعاَ يكون بمواقفه ومعاملته السوية لكل الموظفين الي تحته ولا مانع من القليل من السؤال والمزاح معاهم .. ولكن بأوقات ومناسبات معينه ومنها اجتماعات غذا او رحلة برع اشوي جو الشغل مثلاُ يعني .. وماعتقد بيفقد هيبته او مكانته بيكوون انسان طبيعي جداَ وغير متكلف او متصنع ..

نجي الحين للمثال الي عندنا بالدوام لأني قلت كما أسلفت سابقاً فيه فرق بين المدير القطري والأجنبي .. القطري للأسف جاي الدوام ولقى ضالته في اهدافه الخاصه والعمل او الهدف الحقيقي آخر همه ووتحته موظفين وقطرين وجمعهم بحجة انا للقطرين ومع التقطير ومن الكلام الي كلنا وشبعنا منه الحضور على كيفه وفهمه للشغل الله بالخير ومجند له كم موظف هندي على نيبالي وقاص عليهم وهم الي يخلصوونله شغله اما الضحك والغشمرة وسوالف الحريم الي مالها داعي لأنها سوالف حريم احب على قلبه من اي شي ثاني .. ولمن الي أعلى منه يطالبه بالتقرير مع موظفينه القطريين يجينا ويقووول لنا " ويش نقوله وكيف نسوي التقرير وايش حابين ينكتب لكم انا معاكم" وأيضاً " الا صج انتو شتسوون بالضبط ويش شغلكم" شفتو مدير هاه مدير .. واخر المطاف او التقييم ياخذ تقييم متداني واحنا للأسف من وراه بسبة سمعته وشغله .. ولا زعلان مارقووني وماعطوووني ويهدد انه بيطلع وبيلاقي شغل أحسن من الحالي .. واذا حد من موظفينه القطريين ماكان من شلته ولا تملحس معاه يحطه براسه ويسوي عليه مثل الحظر يشتغل وهو ساااااااكت ..

والله أشياء واااايد ماتنقال الله يعين والله يساعد والضمير في اجازة مفتوووووحة !!

يعطيكم العافيه على هالمتنفس الحر ..

:nice::nice::nice::victory::victory:

[ضوى]

فديت مديرتي تضحك وتتغشمر وتسولف وتتفطر معانا لكن الشغل شغل ووقت الجد مافي يمه ارحميني

[شبح الصمت]

بصراحة في فرق بين المدير القطري والمدير الأجنبي >> أجنبي يعني اشقر مو عربي عشان محد يفهم السالفة غلط ..

بما يخص موضوعكم هنيه المدير عامة انسان فيه الخير والشر ومع الوقت والعمل معاه بتبين شخصيته وطبعاَ يكون بمواقفه ومعاملته السوية لكل الموظفين الي تحته ولا مانع من القليل من السؤال والمزاح معاهم .. ولكن بأوقات ومناسبات معينه ومنها اجتماعات غذا او رحلة برع اشوي جو الشغل مثلاُ يعني .. وماعتقد بيفقد هيبته او مكانته بيكوون انسان طبيعي جداَ وغير متكلف او متصنع ..

نجي الحين للمثال الي عندنا بالدوام لأني قلت كما أسلفت سابقاً فيه فرق بين المدير القطري والأجنبي .. القطري للأسف جاي الدوام ولقى ضالته في اهدافه الخاصه والعمل او الهدف الحقيقي آخر همه ووتحته موظفين وقطرين وجمعهم بحجة انا للقطرين ومع التقطير ومن الكلام الي كلنا وشبعنا منه الحضور على كيفه وفهمه للشغل الله بالخير ومجند له كم موظف هندي على نيبالي وقاص عليهم وهم الي يخلصوونله شغله اما الضحك والغشمرة وسوالف الحريم الي مالها داعي لأنها سوالف حريم احب على قلبه من اي شي ثاني .. ولمن الي أعلى منه يطالبه بالتقرير مع موظفينه القطريين يجينا ويقووول لنا " ويش نقوله وكيف نسوي التقرير وايش حابين ينكتب لكم انا معاكم" وأيضاً " الا صج انتو شتسوون بالضبط ويش شغلكم" شفتو مدير هاه مدير .. واخر المطاف او التقييم ياخذ تقييم متداني واحنا للأسف من وراه بسبة سمعته وشغله .. ولا زعلان مارقووني وماعطوووني ويهدد انه بيطلع وبيلاقي شغل أحسن من الحالي .. واذا حد من موظفينه القطريين ماكان من شلته ولا تملحس معاه يحطه براسه ويسوي عليه مثل الحظر يشتغل وهو ساااااااكت ..

والله أشياء واااايد ماتنقال الله يعين والله يساعد والضمير في اجازة مفتوووووحة !!

يعطيكم العافيه على هالمتنفس الحر ..


الله يعافيج

عاد المدراء فيهم خير لا تحاتين اصابعج مهب سوى اختي مهره

يمكن انتي مرت عليج حالات بس الغلبيه إن شاء الله قد المسؤولية




فديت مديرتي تضحك وتتغشمر وتسولف وتتفطر معانا لكن الشغل شغل ووقت الجد مافي يمه ارحميني



الله يخليها لكم وتم على حاله وإلا يغيرها عليكم

كسبتهم أخت دنيا

:nice: