الشراكة مع الاجنبي والضرائب !!

[كركم]

مساكم الله بالخير

اخواني عندي استفسار في حال وجود شريك اجنبي في شركة كيف يتم احتساب الضرائب على هذه الشركة؟

[شموخ دائم]

,

,


مرحبا

اخوي الكريم

كل سنه لازم تعمل ( ميزانيه ) تدقيق من احد شركات التدقيق المعروفه والمصرح لها
مثل شركه الساعي ... الخ
وتقدم التقرير الي طلع الى هيئه الضرائب
والاجنبي يدفع 10% من صافي الارباح ( ارباح الاجنبي )

مثال
نفرض ارباح الشركه 400 الف صافي
لك 200 الف
وللاجنبي 200 الف

ال 200 الف للاجنبي يدفع عليها 10% من الربح
يطلع 20 الف يدفعها للدوله
والدوله ( كريمه )اول 100 الف ما تاخذ عليها شي
يبقى تاخذ 10 الاف ريال فقط على ال 200 الف للاجنبي

ان شاء الله شرحي سهل ومفهوم

مو هذي المشكله
المشكله في الاجراءات

لازم تطلع ( بطاقه ضريبه للشركه ) من وزاره الماليه الطابق السفلي على الكورنيش
واذا ماعندك بطاقه بتدفع ( غرامه ) 5000 ريال
:)
لانهم اعلنوا من زمان كل شركه فيها اجنبي لازم تطلع بطاقه وانتهت المهله والحين
ياخذون غرامه ويطلعون لك البطاقه

الاهم الان ان من تاريخ وجود الاجنبي بالسجل التجاري
تعمل ( ميزانيه مدققه )

يعني لو الاجنبي معاك من 2008 الى الان
لازم تعمل عن كل سنه تقرير منفصل
والله يعينك بتاخذ وقت طويل لين تخلص هذي الدوشه
يعني السالفه هذي بتاخذ منك وقت 3 شهور اقل شي
:)


,

,


اخوك


شموخ دائم

[امير البحر]

كان زمان لاول 100 الف ما تدفع ضرائب اما اليوم تدفع 10% عن اي ارباح للاجنبي ولو قليل
تحياتي

[كركم]

لاهنتوا على الرد وماقصرتوا

[محمد الجفيري]

بالتوفيق يا رب

[غايه الطواش]

١٠ بالمئه ولكن صار تعديل بمرسوم اميري بالنسبه للشركات الاجنبيه
ان شالله يوم الأحد نرجع لك بالقانون

[غايه الطواش]

مرحبا اخوي عندي القنوانين كامله اذ حاب ابعثهالك ..
بعض النصوص تير الى زياده الضريبه وبعضها الى تقليل من نسبه الضريبه اذا كان هناك تبرعات لجهات رسميه بحيث لاتزيد من نسبه 5%

بالاضافه الى ان هناك قانون اعفاء من الضريبه اذا كان النشاط يساهم في دعم التنميه الزراعيه او الصناعيه او السياحيه في البلد

بالاضافه ان الضريبه تختلف اذا كان الشريك الاجنبي قل الاقامه في البلد ام ان العمل تم خارج البلاد وتتراوح مابين 5 % الى 7 %

قانون الضرئب متشعب ..ويعتمد على طبيعه ونشاط ونوع المؤسسه ...
وافضل في بدايه شغلك ان تخلي المؤسسه براسل مال 200,000 الف ريال وذات مسؤوليه محدوده ....أامن واضمن لاقدر الله حصل شيئ فالمستقبل :)

[رحال الدوحه]

مـــا شـــاء الله

كفيتوا وفيتوا إخواني الكرام ، وأتمنى الكل يستفيد من المعلومات

أخوي كركم لا هنت تروح حق أحد المكاتب
" مدقق حسابات " أو وزارة الاقتصاد والماليه - ادارة الايرادات والضرائب العامة -
الدور الارضي ، وراح يفيدونك الاخوان بقيمة ضريبة الدخل وخذ معاك صورة من السجل
وعقد التأسيس والرخصة التجارية وصورة قيد المنشأة .

ربي يوفقك ويوفق الجميع