كراج لصبغ السيارات

[جوال 11]

يا أعضاء المنتدى من له خبرة في صبغ السيارات عندي سيارة لكزس ولونها صدفي أصيبت بحادث في الرفرف الخلفي ومطلوب من له خبرة يدلني الى كراج جيد ومضمون حتى لا يحصل أختلاف في اللون .
وجزاكم الله خير

[مستثمر 999]

الوكاله لها الاولويه - موعد والسلام وما عليك من الي يقول لك زحمه وتأخير الخ الخ
2- شركة الخليج للسيارات وكيل البورش سابقا - شارع 15 مقابل بروه عند الدوار
3-شركة المناعي
4- شركة الديهاتسو
5- شركة التيسير ( سوزوكي )
6-كراج المستقبل شارع 27

[بطل الفريج]

انصحك كراج المستقيل الجديد شارع 27 للصدفي
كراج الكويتي _النمر زين بس الصباغ الزين فيهم توه مسافر

[مساهم الشبكه]

الغالي انا توني صابغ موتري كامل عند كراج الميراج شارع 16 لبلوك الثالث يصير الكراج بعد مسجد ساره ومدير الكراج واحد من هل قطر ملتزم اسمه بوعمران واكثر المواتر اللي عنده من الموديلات الجديده ومن فتره كان يصبغ في اكس ار صدفي مقلوب وكان شغله فوق الممتاز لو لك رغبه في رغبه ابشر باللي يسرك

[مساهم الشبكه]

رقم الرجال

[بويعقوب]

انا كرهت اللون الؤلؤي لهالسبب

توني صابغ موتري في كراج الاودي , وبعد 3 محاولات ضبط اللون :)

المفروض يخلصه في اسبوع تم عندهم اسبوعين ونص

شوف وكالة اللكزس يمكن يضبطونه

[بوسلمان 2010]

انصحك بشركة الاودي والبورش لايعلى عليها 100/100

[waseet]

عليك الاودي والبورش عن تجربه واحذر من النورمندي والناصر والكرستال عن تجربه في لكزس صدفي

[ولد المنصور]

الاودي وانت مغمض

[ميراج للسيارات]

اذا لك خاطر شوف شغلنا وان شاء الله بيعجبك

وللعلم صبغنا ألماني وهو اللي تستخدمه الأودي والمرسيدس حصريا ( سبايس هيكر)

ونضمن لك الصبغ لمدة عام

والله يعوض عليك

[ميراج للسيارات]

الغالي انا توني صابغ موتري كامل عند كراج الميراج شارع 16 لبلوك الثالث يصير الكراج بعد مسجد ساره ومدير الكراج واحد من هل قطر ملتزم اسمه بوعمران واكثر المواتر اللي عنده من الموديلات الجديده ومن فتره كان يصبغ في اكس ار صدفي مقلوب وكان شغله فوق الممتاز لو لك رغبه في رغبه ابشر باللي يسرك

الله يجزيك خير على الاطراء والمدح اللي الله يجعلنا أهلا له

وشهادتك وسام على صدري

والله يحييك من ماكنت والمكان مكانك

[جوال 11]

مشكوريين ولكم التحية وما قصرتوا الله يوفقكم