بعض الوزارات حان الوقت لكي تعمل بالفترة المسائية

[R 7 A L]

السلام عليكم ورحمة الله وبركاته


أسعد الله جميع أوقاتكم بكل خير ومحبه





في البداية أود أن أشكر وزارة الداخلية بجميع إداراتها للعمل الدؤوب (24 ساعه ) من وعيت على الدنيا وهم شغالين كل وقت ، وكذلك أشكر مؤسسة حمد الطبية ( الأب الروحي ) للصحه والطب في دولة قطر مع كامل الاحترام والتقدير لوزارة الصحه بإستثناء ( القمسيون الطبي ) الذي تحسن مؤخراً ، وغير هاتين الجهتين ممن يعملون بالفترة المسائية للتسهيل على المراجعين .




بعد خطه الحكومة بتقطير الوظائف في مؤسسة قطر للبترول وجميع الشركات التابعه لها أتسعت رقعه إنتشار الموظفين القطريين في جميع الشركات البترولية والنفطية على مستوى الدولة وزاد عددهم ، وقد حضوا لله الحمد والمنه برواتب ممتازة ومستقبل باهر في إنتظارهم أن شاء الله ، إلا أنهم في المقابل يعانوا وأكبر معاناه يمرون بها وذلك حسب تطرقي انا وغيري معهم بالحديث هي
( المراجعات الحكومية ) .



بنختصر الموضوع حتى لا يتشعب

بعض الوزارة الحكومية حان الوقت لكي تعمل بالفترة المسائية ( نظام الشفتات )
وذلك بعد ان تغيرت ظروف أكثر المواطنين


على سبيل المثال:

وزارة البلدية والنخطيط العمراني
فمن غير المعقول ان موظف في راس لفان او دخان او في المنصات البحرية وحالول يضرب خط أو يغيب على شأن مراجعه و أخر شي ( الموظفين الأثنين ورئيسهم ) غير موجودين !!! ( كانت هيئه في الماضي

- إدارة مراقبة الاغذية والتفتيش المفروض نحصلهم أي وقت نشوف فية شي مخالف ( المطاعم تغيرت عن أيام الثمانينيات قامت تفتح 24 ساعة )


- قسم التراخيص بالبلدية الواحد يروح لهم الفترة الصباحية وأكثر من 50 % من الموظفين غير موجودين ويضطر الواحد يرجع لهم اليوم الثاني :(



* غرفة التجارة
وغيرهم من الوزارات والهيئات الخدميه





ماعاد عرفوا الناس هم يحصلونها من مدرائهم واستئذاناتهم الكثيرة لتخليص معاملاتهم ولا من موظفين هالوزارات النايمين في العسل يومين يداومون و3 ايام اجتماعات :weeping:

[khaldoon]

اتفق تماما معاك....اي قسم خدماتي سواء وزارة او بنك او شي خاص لازم يكون فيه شفت ليلي و احيانا يلزم العمل 24 ساعة

و هالشي بيزيد الحاجة للموظفين و بقلل البطالة و بسهل امور الناس انها ما تترك شغلها و تطلع منه

بس المشكله تروح بالليل يقولك راجع الصباح الاداره

[khaldoon]

بالمناسبة....يا ريت بس المراكز الصحيه يكونون اكثر تعاونا معانا هاي الفتره بالذات....يعني كلها شهر او شهرين و يخلونا نسوي الفحص الطبي للمدارس للصف الاول الابتدائي ليلا و مب بس الصباح لانه بنضطر نتعطل عن الشغل يوم بسبب هذا الملف

[R 7 A L]

اتفق تماما معاك....اي قسم خدماتي سواء وزارة او بنك او شي خاص لازم يكون فيه شفت ليلي و احيانا يلزم العمل 24 ساعة

و هالشي بيزيد الحاجة للموظفين و بقلل البطالة و بسهل امور الناس انها ما تترك شغلها و تطلع منه

بس المشكله تروح بالليل يقولك راجع الصباح الاداره

هذا المفروض



المصيبة لما تروح الفترة الصباحية وتحصل أكثر 50% من الموظفين غير موجودين

أين هم ؟
الله أعلم يمكن نايمين يمكن يتمشون
بصمه الصبح والسيارة شغالة و وقت الانصراف العودة لاخذ بصمة الانصراف :telephone:

[khaldoon]

والله يا اخوي المشاكل كثيرة....تروح بالليل و تاخذ رقم و تنتظر لين يجي دورك و بس تقابل موظف خدمة العملاء و تسأله عن طلبك يقولك لا هذه مب عندنا تعال الصباح...بجد احس انهم فاتحين بالليل للمنظره و علشان يحطون موظفين يقولون لنا تعال الصباح.....

مره رحت ادارة حكومية خداماتيه مهمه جدا جدا من 3 سنوات الظهر قالولي تعال بالليل فاتحين الساعه 5 مساء....رحت و لقيت طابور و قعدنا ننتظر ...جاء الموظف ...موظف واحد بس و شاف انه بيتشغل بروحه و انه زميله ما جاء مثل ما هو مقرر.....احنا طبعا ما كان عندنا علم كمراجعين انه المسألة فيها 2 موظفين بس و انه واحد منهم ممكن يغيب ...احنا جينا لانه قالوا لنا تعال المساء فاتحين و بس ....

المهم الموظف شاف انه بروحه ما وده يشتغل و ظل 25 دقيقه ينتظر و يسوي اتصالات و يسأل رئيسه انه زميله ما حضر فهل يقفل و يمشي و الا اشلون؟؟!!!!......رئيسه قاله كم واحد موجود...لما عرف انه اكثر من 20 واحد متواجدين قاله سوي الشغل بروحك و ما تمشي...هالكلام صار امامنا على التيلفون و احنا نترجى الموظف انه يخلصنا و يحتسب الاجر عند الله...يعني بالعربي سوينا فيها طرارين ....يعني لو كنا اقل يمكن قاله روح و الله اعلم

[Rashid554]

اخوي الموظفين الي ماتلقاهم ترى هم بعد عندهم مراجعات ومن حقهم الاستئذان

شكر خاص خاص خاص لوزارة الداخليه صارلي موقف مو طبيعي واستغربت منه
في احد مراكز خدمات الوزارة في الدولة رحت للرسبشن وكان فيه عدد لاباس فيه للانتظار للحصول على رقم
طالعني الضابط الي في الكاونتر وقالي اخوي القطريين ماياخذون ارقام ادخل على طول
جعل من جابك بالجنه يابوناصر وكل موظفين الداخليه

[R 7 A L]

بالمناسبة....يا ريت بس المراكز الصحيه يكونون اكثر تعاونا معانا هاي الفتره بالذات....يعني كلها شهر او شهرين و يخلونا نسوي الفحص الطبي للمدارس للصف الاول الابتدائي ليلا و مب بس الصباح لانه بنضطر نتعطل عن الشغل يوم بسبب هذا الملف



نتمنى ذلك حتى ولو كان أمر مؤقت حتى ينتهي فحص الطلاب المستجدين

[مو مهم]

تبون الصج
من كثر ما دخلت وزارات تمنيت انهم يتحولون لعساكر من مدراء الى اصغر موظف
علشان الضبط والربط
مش لازم تكون ٢٤ ساعه او فيها فتره مسائيه اقل شي مش اجي عندهم احصلهم يقرون جرايد ومطنشين لنا

[intesar]

أتفق معاك ومنها يحلون مسألة البطالة اللي الناس تتكلم عنها..:victory:

[R 7 A L]

والله يا اخوي المشاكل كثيرة....تروح بالليل و تاخذ رقم و تنتظر لين يجي دورك و بس تقابل موظف خدمة العملاء و تسأله عن طلبك يقولك لا هذه مب عندنا تعال الصباح...بجد احس انهم فاتحين بالليل للمنظره و علشان يحطون موظفين يقولون لنا تعال الصباح.....

مره رحت ادارة حكومية خداماتيه مهمه جدا جدا من 3 سنوات الظهر قالولي تعال بالليل فاتحين الساعه 5 مساء....رحت و لقيت طابور و قعدنا ننتظر ...جاء الموظف ...موظف واحد بس و شاف انه بيتشغل بروحه و انه زميله ما جاء مثل ما هو مقرر.....احنا طبعا ما كان عندنا علم كمراجعين انه المسألة فيها 2 موظفين بس و انه واحد منهم ممكن يغيب ...احنا جينا لانه قالوا لنا تعال المساء فاتحين و بس ....

المهم الموظف شاف انه بروحه ما وده يشتغل و ظل 25 دقيقه ينتظر و يسوي اتصالات و يسأل رئيسه انه زميله ما حضر فهل يقفل و يمشي و الا اشلون؟؟!!!!......رئيسه قاله كم واحد موجود...لما عرف انه اكثر من 20 واحد متواجدين قاله سوي الشغل بروحك و ما تمشي...هالكلام صار امامنا على التيلفون و احنا نترجى الموظف انه يخلصنا و يحتسب الاجر عند الله...يعني بالعربي سوينا فيها طرارين ....يعني لو كنا اقل يمكن قاله روح و الله اعلم




لاحول ولاقوة الا بالله


وهذا كذلك مانتمنى من الاخوة المسئولين النظر الية بعين الاعتبار وهو ان يُفعل دور الموظف الذي يعمل بالفترة المسائية وان تكون لديه كل الصلاحيات التي يحظى بها الموظف الذي يعمل بالفترة الصباحية .

[khaldoon]

اقولك شي... المؤسسات و المراكز الخدماتية بلا استثناء .....ما نبيهم يدامون بالليل......نبيهم بس يكملون دوامهم بالصباح مب اكثر و صدقني احنا ان شاء الله بنكون بخير و بترتب امورنا

تكون انت عارف انه المكان اللي رايح تسوي فيه معاملتك بيسكر الساعة 1 او 2 الظهر....والله تروح الساعة 10 يقولك خلصوا الارقام....و تعال بكره او بالليل لو فاتحين

مراكز ثانية والله دوامهم للساعة 7 او 8 بالليل مساء ما رضيوا يعطوني رقم و انا حاضر الساعة 2:30 و قالي خلصوا الارقام..... اقوله اشلون شذي و انتوا دوامكم للحين بدري عليه ما خلص ...بيقولي مش شغلك....حسبي الله ونعم الوكيل فيه كيف انه يقلب الحق لباطل

المراكز الصحيه و الله العظيم لما كنت اجدد البطاقة الصحيه لو ما كنت اول 60 شخص فتعال بكره...علما انه تجديد البطاقه مب اختراع و لا يحتاج اكثر من خمس دقايق

خلني ساكت احسن يا رحال....تبيهم يداومون باليل....ههه

[kuwari]

اي والله اتمنى ذالك بجميع الوائر الحكومية يعني لو تبي الاسكان اتروح العصر او البلدية وكفاية ان بيرجع المحالين للبند المركزي للعمل وايضا خلق فرص للقطريين ....

وشكرا على الموضوع الرائع والهادف ....

[MAZEN37]

انا مع الطرح المفيد جدا جدا ولرقي بالخدمات والتنميه المطلوبه ولتوفير الوقت والقضاء على الزحام
مقترح هام هام هام

[R 7 A L]

اخوي الموظفين الي ماتلقاهم ترى هم بعد عندهم مراجعات ومن حقهم الاستئذان

شكر خاص خاص خاص لوزارة الداخليه صارلي موقف مو طبيعي واستغربت منه
في احد مراكز خدمات الوزارة في الدولة رحت للرسبشن وكان فيه عدد لاباس فيه للانتظار للحصول على رقم
طالعني الضابط الي في الكاونتر وقالي اخوي القطريين ماياخذون ارقام ادخل على طول
جعل من جابك بالجنه يابوناصر وكل موظفين الداخليه



شدعوة كل الأيام عندهم مراجعات

وزارة البلدية والتخطيط العمراني بالذات لانها خدمية بالدرجه الأول تحتاج الى ضبط وربط وتغيير في النظام
ياخي العالم تعبوا من المراجعات عندهم لا في التخطيط العمراني ولا في الادارات الاخرى لايعملون الا في الفترة الصباحية يمكن 5 ساعات بالاضافه الى كون اغلب الموظفين خارج نطاق العمل .

[R 7 A L]

تبون الصج
من كثر ما دخلت وزارات تمنيت انهم يتحولون لعساكر من مدراء الى اصغر موظف
علشان الضبط والربط
مش لازم تكون ٢٤ ساعه او فيها فتره مسائيه اقل شي مش اجي عندهم احصلهم يقرون جرايد ومطنشين لنا



الله يهدي بعضهم
قمة الاستهتار
شدعوة يقراء جريدة والمراجع ينتظر
في وقت فراغة اوكية اما امام المراجعين مايصير

[khaldoon]

شوف يا رحال....سوينا فحص طبي للولد علشان ملف المدرسة ....و بس في فترة الصباح حضر و عمل فحص الدم ....و بعدين جبتلهم عينات البول و البراز و انتوا بكرامة ثاني يوم و بعد فحصهم ب 24 ساعة بيقولولي جيب الولد مره ثانية الصباح و ليس المساء علشان نفحص طوله و وزنه و فحص عيون

اقولهم ليش ما سويتوا هالشي اول مره و ما يأثر على فحص الدم

يقولوا هذا هو الروتين و بس الصباح

تحس انه في ذكاء يقهر باللي حط هالروتين


كل شيء الصباح فقط....الفحص الطبي ...استلام نتائج الفحص ايضا بس الصباح للمدارس مع انه اي ممرض يقدر يسلمها بالمساء و موجوده و جاهزة و ما تحتاج اكثر من نصف دقيقه للتسليم

حسبي الله و نعم الوكيل....

[R 7 A L]

أتفق معاك ومنها يحلون مسألة البطالة اللي الناس تتكلم عنها..:victory:

والله ياليت

على الاقل 3600 يكون لهم نصيب

[الزلزال]

المفروض بعض الجهات يداومون بعد الظهر وانا اتفق معاك
وبلمره يزيدون الموظفين القطريين بنظام الشفتات
تحياتي

[rashid-1]

الـــسلام عليــكم

بصراحة إقتراحك مثل مايقولون ضربة معلم ولة مزايا أيجابية وأهم هذه المزيا:

1- الزحمة راح تخف بشكل معقول لأن لا الموظف ولا المراجع سيذهب وقت الصبح الا الموظفين اللي يرغبون في العمل بالوقت الصباحي

2 - فرصة للموظف للدخول لأي كلية أو جامعة في فترة الصبح

[R 7 A L]

اقولك شي... المؤسسات و المراكز الخدماتية بلا استثناء .....ما نبيهم يدامون بالليل......نبيهم بس يكملون دوامهم بالصباح مب اكثر و صدقني احنا ان شاء الله بنكون بخير و بترتب امورنا

تكون انت عارف انه المكان اللي رايح تسوي فيه معاملتك بيسكر الساعة 1 او 2 الظهر....والله تروح الساعة 10 يقولك خلصوا الارقام....و تعال بكره او بالليل لو فاتحين

مراكز ثانية والله دوامهم للساعة 7 او 8 بالليل مساء ما رضيوا يعطوني رقم و انا حاضر الساعة 2:30 و قالي خلصوا الارقام..... اقوله اشلون شذي و انتوا دوامكم للحين بدري عليه ما خلص ...بيقولي مش شغلك....حسبي الله ونعم الوكيل فيه كيف انه يقلب الحق لباطل

المراكز الصحيه و الله العظيم لما كنت اجدد البطاقة الصحيه لو ما كنت اول 60 شخص فتعال بكره...علما انه تجديد البطاقه مب اختراع و لا يحتاج اكثر من خمس دقايق

خلني ساكت احسن يا رحال....تبيهم يداومون باليل....ههه

لا نبيهم يداومون ليل على الاقل يساهمون في تقليل زحمات الشوارع


اي والله اتمنى ذالك بجميع الوائر الحكومية يعني لو تبي الاسكان اتروح العصر او البلدية وكفاية ان بيرجع المحالين للبند المركزي للعمل وايضا خلق فرص للقطريين ....

وشكرا على الموضوع الرائع والهادف ....

العفو اخوي


انا مع الطرح المفيد جدا جدا ولرقي بالخدمات والتنميه المطلوبه ولتوفير الوقت والقضاء على الزحام
مقترح هام هام هام

نتمنى يصل هذا الاقتراح للجهات العليا


شوف يا رحال....سوينا فحص طبي للولد علشان ملف المدرسة ....و بس في فترة الصباح حضر و عمل فحص الدم ....و بعدين جبتلهم عينات البول و البراز و انتوا بكرامة ثاني يوم و بعد فحصهم ب 24 ساعة بيقولولي جيب الولد مره ثانية الصباح و ليس المساء علشان نفحص طوله و وزنه و فحص عيون

اقولهم ليش ما سويتوا هالشي اول مره و ما يأثر على فحص الدم

يقولوا هذا هو الروتين و بس الصباح

تحس انه في ذكاء يقهر باللي حط هالروتين


كل شيء الصباح فقط....الفحص الطبي ...استلام نتائج الفحص ايضا بس الصباح للمدارس مع انه اي ممرض يقدر يسلمها بالمساء و موجوده و جاهزة و ما تحتاج اكثر من نصف دقيقه للتسليم

حسبي الله و نعم الوكيل....


حجج واهيه منهم أخوي خلدون
الله يعين بس


المفروض بعض الجهات يداومون بعد الظهر وانا اتفق معاك
وبلمره يزيدون الموظفين القطريين بنظام الشفتات
تحياتي

ياليت والله


الـــسلام عليــكم

بصراحة إقتراحك مثل مايقولون ضربة معلم ولة مزايا أيجابية وأهم هذه المزيا:

1- الزحمة راح تخف بشكل معقول لأن لا الموظف ولا المراجع سيذهب وقت الصبح الا الموظفين اللي يرغبون في العمل بالوقت الصباحي

2 - فرصة للموظف للدخول لأي كلية أو جامعة في فترة الصبح


اي والله

نتمنى نتمنى ذلك

وماراح يجني هذا الاقتراح الا كل نقاط ايجابية من جميع النواحي .

[اوف ليميت]

اتفق تماما معاك....اي قسم خدماتي سواء وزارة او بنك او شي خاص لازم يكون فيه شفت ليلي و احيانا يلزم العمل 24 ساعة

و هالشي بيزيد الحاجة للموظفين و بقلل البطالة و بسهل امور الناس انها ما تترك شغلها و تطلع منه

بس المشكله تروح بالليل يقولك راجع الصباح الاداره

موافق
واتمنى يحطون خدمة (chat) على مواقعهم .. مثل الشركات الكبرى التي تخدم الجمهور فالغرب
اذا لديك اي استفسار او تريد خدمه ما .. تستطيع ان تدخل للموقع وتتحدث وتناقش الامر مع احد المخولين بهالأمور

LIVE CUSTOMER SERVICE
وعلى حسب المكان
لو ناخذ مثال كيوتل
ادش موقعهم وتروح على لايف كستمر سيرفس وتحط رقم بطاقتك الشخصيه او رقم العميل وتضغط ابدأ او أياً كان
وتبدأ الchat معهم وسؤالهم والتوضيح وهكذا
يمكن ايضا في معلومات تبيها انت مكتوبه..ف ينسخها لك ع طول ويطرشلك نسخه للايميل
يمكن يطرشلك لنكات خدميه ماعندك فكره عنها
ويمكن انت تعطيه شي مباشر ويضيفه هو على ملفك اذا كان في شي ناقص دام ان بعض الجهات لاتسمع للبعض باعطاءهم access للدخول لملفه او بمنعه من تحرير بعض المعلومات المهمه المضافه
وجميل جدا بيكون للحريم..حيث انها لاتضطر تتصل من مكتب فلان لفلان وتتكلم وتتأثر وجذي
وهكذا ..

اذا بديتوا فيها..بتعرفون ترتقون فيها وبتجي افكار احسن للتطوير
وبنشغل شباب..والسالفه يبيلها بس اللي يقرا ويكتب بسرعه وخلاص

:]

[BUHASSEN]

والله اتمني هالشي انا موظف في البترول اجازتي السنويه نصها طايره عالاشغال والمراجعات من بنك والتموين......الخ لان مب حلوه كل شوي رايح حق المسؤول تستاذن واتمني ان يركزون علي نقطتين:
ان الموظفين الي يداومون المساء يكون عندهم صلاحيات يقدر يخلصك مب يقولك لازم تجي الصبح
وان تكون مده الدوام اربع ساعات وفوق عشان الواحد يمديه يلحق ترجع من لفان تدش البيت الساعه 4 او 5 وبعض البنوك يفتح من 5 لي 7 ساعتين
واقتراح ممتاز ولو تتطور المعاملات تصير الكترونيه
وعلي فكره في الداخليه واحد من الربع يقول انهم يتعاملون مع المراجعين انهم زباين فتحصلهم يساعدونك ويسهلون عليك قد مايقدرون اتني ان الوزارات تسوي نفس الداخليه

ويعطيك العافيه

[R 7 A L]

والله اتمني هالشي انا موظف في البترول اجازتي السنويه نصها طايره عالاشغال والمراجعات من بنك والتموين......الخ لان مب حلوه كل شوي رايح حق المسؤول تستاذن واتمني ان يركزون علي نقطتين:
ان الموظفين الي يداومون المساء يكون عندهم صلاحيات يقدر يخلصك مب يقولك لازم تجي الصبح
وان تكون مده الدوام اربع ساعات وفوق عشان الواحد يمديه يلحق ترجع من لفان تدش البيت الساعه 4 او 5 وبعض البنوك يفتح من 5 لي 7 ساعتين
واقتراح ممتاز ولو تتطور المعاملات تصير الكترونيه
وعلي فكره في الداخليه واحد من الربع يقول انهم يتعاملون مع المراجعين انهم زباين فتحصلهم يساعدونك ويسهلون عليك قد مايقدرون اتني ان الوزارات تسوي نفس الداخليه

ويعطيك العافيه



نتمنى يصل هذا الاقتراح للجهات العليا
والنظر فيه بعين الاعتبار