النمسااااااااااااااا

[ولد الرسلان]

السلام عليكم ورحمه الله وبركاته،،،



اشحالكم :) :)



انا بخاطري اروح النمسا شهر مايو لمده 10 الى 14 يوم

ابي جدول حلووو ,,

اذا في دول بجوارها واقدر اروح لها..

واحنا بس شخصييين :shy:



:telephone: :telephone: :telephone:

[ضوى]

حلوة حلو حلوة النمسا ، تقدر منها تروح لسويسرا بعد جنة انترلاكن ماشاء الله

[ولد الرسلان]

:) :)

[القلم الصريح]

ميونخ ، زلامسي ، سالسبورغ ، فينا ، البندقيه ، انترلاكن

[ولد الرسلان]

ايطاليا في مجال اروح لهاااا:(

[ضوى]

اكيد في مجال عندك البندقية وميلانو للتسوق

[كايد الوكره]

استمروا يا جدعان

فنحن نراقب من بعيد

لكن الوقت في عيد الفطر

[ولد ازغوى]

النمسا ميونخ ايطاليا سويسرا كلهم تقدر تختار منهم مدن متقاربه وكلهم روعه بصراحه

[راعي 2006]

النمسا وزلامسي وميونخ كان جدولي العاام ..

بس الجماعه ماقصرو عطوك الترتيب الافضل

وموفق ان شاءالله

[مخطط قطري]

انصحك اذا بتروح انتر لاكن تروح مدينة لغنووو تبعد عن انتر لاكن 3 ساعات بقطار ومدينة حلوةةة وهادية

[مزعله النساء]

السلام عليكم ورحمه الله وبركاته
اخوي النمسا بلد في غايه الروعه والجمال من الطبيعه والأمان
تقدر تاخذ القطار وتوح ميونخ خمس ساعات
وتقدر تروح فينس مده 8 ساعات
والتشيك قريب منك
وانصحك بالسكن بالهلتون او الماريوت قريب من شارع المشي الكيرتنر
وانصحك تروح البرج فتره العصاري روعه المنظر
ومدينه العاب البرتر
لاتنسى تأكل سجر كيك في الكيرتنر شارع المشي الفندق

[بعيد المرامع]

روعة النمسا وزيلامسي تحديدا

طبعا اقرب لها جنوب المانيا بادن بادن و فرايبورغ ، وفيه سويسرا عاد غنية عن التعريف واقليمم انترلاكن

[vxr]

من واقع تجربة أخوي

اول شي لازم تعرف في أي مطار تنزل وفي اي مطار بترجع عشان تعرف ترتب السفرة
إذا بس بتكون في النمسا

أول شي خلك في العاصمة فيينا ومن بعدها روح سالزبورغ وبعدها زلامسي فية فندق جراند وفندق سالزبرغ هوف أو فندق رومانتك بعدها تروح منطقة قريبة بس مافيها عرب واجد يعني قليل اللي يعرفها

أسمها باد كاستين حلوة وفيها شلال وفيها فندق موندي حلو و إذا كفاك الوقت فية منطقة سوارفسكي حلوة بعد

أقرب شي لك هي ميونخ من سالزبورغ تقريبا ساعة بالسيارة

ايطاليا ما أنصحك فيها ألحين لأن سفرتك حدها 14 يوم

اي إستفسار حاظر

[محمد الجفيري]

up up up

بالتوفيق يا رب

[المتحدث الرسمي]

.....

فيينا ===> زيلامسي ===> انترلاكن ===> ميونيخ

فيينا ،،، قطعه من الجنه :ok2:

.....

[sout qatar]

السلام عليكم

اخوي بعطيك هالجدول بس لازم تأجر سيارة وتشتري قارمن والاحداثيات موجوده عندي

يومين فيينا
ثلاث ايام زيلامسي
يومين ميونخ
يومين رست في ألمانيا فيها أكبر مدينة ألعاب في أوروبا اليورب بارك
ثلاث ايام انترلاكن
يومين جنيف

طبعا نقطة الوصول فيينا والعوده من جنيف

[k.buahmed]

السلام عليكم

انا ما عندي جدول, بس احب انبه عن شيء مهم بخصوص الامان
رحنا فيينا من قيل, و كنا نروح نجلس في كوفي شوب ستارباكس (من اجل الواي فاي مع الاسف), و مرة كنا غافلين نتصفح الاي باد, جانا النديل ينظف الطاولة, و احنا منشغلين ما حسينا بشيء الا بعدما راح,............. ولما انتبهنا كانت شنطة زوجتي اختفت.........و اشتكينا و بلغنا الشرطة و و و بس في الاخير ما فيه شيء. (الشنطة فيها موبايل, كاميرا, خاتم الماس), كانت فيه بطاقة البنك بس الحمد لله قدرنا نوقف قبل ما يسحبوا منها

هذا فقط للتنبيه ما فيه شيء اسمه امان, لازم ظلوا حذرين,......... تروحوا و ترجعوا بالسلامة

اسف على الاطالة

[ولد ازغوى]

بو احمد
فيينا حلوه بس فعلا فيها جنسيات كثيره مختلفه هاي اللي لاحظته*

[ولد الرسلان]

:) :)