إستفسار ... لستتات البيوت الشطار

[hyamm]

عندي إستفسار .. من الي عندها غسالت صحون .. ممكن تفيدني إشلون عملها وهل تنفع للجدور يعني فعلا مفيده وممكن تغنيج كليا عن غسل المواعين العادي ..
أيضا للي مجربه سمعت إن فيه جهاز ينشف الملابس لا ويطلعلج إياهم مطبقين بعد .. إذا تعرفون أفيدوني ..

[┋أَجِوَدًيّ┋]

فيه خدامة آلية بعد !

[ضوى]

يحليلج هيام :) يونس سؤالج

يعني ماتبين تسوين شي بايدج كلش :)

الله يرزقج ماتتمنين

[بصمة قطرية]

الاستفسار الأول ..
سمعت عنها ..
و لها اشياء خاصة تنباع في كارفور ..
مثل الصابون والمعقم ..
و اتوقع انها بس للصحون ..

الاستفسار الثاني ..
غسالة اوتوماتيك ..
تغسل وتنشف ويقولون تطلع الملابس كأنها مكوية ..!!1
مع اني مش مقتنعه بهالشي ..
شلون مكوية ..؟؟؟
بس تطبق بعد هاي جديدة ..؟؟
ان شاء الله يفيدونج اللي مجربينها ..

على العموم نصيحة بخصوص الملابس ..
كثيرين يغفلون عن هالنقطة ..
بالذات اللي تعودوا على الغسالة الاوتوماتيك ..
لازم تنشرين الملابس في الشمس ..
لأن الشمس تقتل اي نوع من انواع البكتيريا يكون عالق في الملابس ..

[حقيقه]

فيه نظام بالغساله الاتوماتيك يرتب الملابس يعني مايعفسهم كثير وقت الغسيل
لكن يكويهم ويطبقهم مستحيل

وبخصوص غسالة المواعين حلوه بس للصحون لكن ماتنفع لاي شيء جامد على الصحن او الجدر يعني لابد من الغسيل باليد اول
وانا ماحبها حلاته الغسيل باليد

[clouds]

إساله الصحون مفيده جدا جدا في حاله العزايم لان الشغاله مسكينه شكثر بتغسل ومفيده في رمضان لان وايد مواعين سواء من البيت او اللي يطرشون لج والكل ياكل في نفس الوقت فتصير مواعين وايد للغسيل وهي مفيده في هالوقت
ونشافها لثياب عندي نشافه تنشف 100% بس انا استخدمهل للفوط والملاحف وممكن البيجامات لكن باقي الثياب لا لان تهريهم بس ماتطلع مكويه ولاشي بس ناشفه

[موضي قطر]

هيام ... غسالة الصحون للأشياء البسيطة جداً كم صحن على كم قلاص وبس

ماتنفع لقدر مشخول ولا مكبوس ابداً ... ومثل ماقالت حقيقة غسل المواعين بالأيدين

افضل بالنسبة لي لو كنت مضطره .. بس اذا كنتي نفسي انا ماقدر اغسل ولا شي نهائي

بشرة ايدي ماتتحمل سوائل تنظيف المواعين والطامة حتى القلفزات بكل انواعها منها القطني

مايناسبني خير شر ..

بس تطبيق الملابس ما اظن موجوده ... والله اعلم كل شي جايز

[بومحمد 00]

نطري الشطار


ترى للحين ماجو هههههههههه



بل الحين بيطنقرون

[hyamm]

بعطيكم العافيه عالردود ... فيه بعض الاعضاء حسيت من ردودهم بعض السخريه ,,, وماأدري ليش ... مع أن مافيها شي لو سألت الي عندهم تجربه والشي الثاني أبي أستغنى عن الخادمه في البيت ما جاني من ورا هالخدم الا عوار القلب ... وموظفه وعندي بيت وعيال .. .... ... وشكرا عالعموم

[وطن]

غسالة الصحون تنفع للجدور طبعا
بس في الحالات المستعصية لا .. يعني اذا الجدر لازق فيه الاكل
يا اما تغسلينه كذا مره بغسالة المواعين

ولا تغسلينه بايدج احسن واسرع
وانا افضل انج تغسلينه بايدج لو فيه شي لازق فيه و بعدين حطيه في غسالة المواعين عشان يتعقم بالحرارة

عموما انا دوم استخدم غسالة المواعين لما اسافر
واغسل فيها كل شي
الكاسات .. الصحون .. الجدور .. كل ادوات المطبخ تقريبا

:victory:


بخصوص النشافه
اذكر في خاصية ان ما تتكسر الملابس وايد
لكن تطبقهم لا !! ما سمعت

[دااانة قطر]

عندي إستفسار .. من الي عندها غسالت صحون .. ممكن تفيدني إشلون عملها وهل تنفع للجدور يعني فعلا مفيده وممكن تغنيج كليا عن غسل المواعين العادي ..

ماعندي فكره عن غساالة الموااعين بصرااحه مارتااح الا اذا غسلتهم بنفسي:shy:



أيضا للي مجربه سمعت إن فيه جهاز ينشف الملابس لا ويطلعلج إياهم مطبقين بعد .. إذا تعرفون أفيدوني ..
عندي غسااله أتومااتيك
تنشفهم ايه لكن تطبقهم لا
والأهم نفس ماذكرت أحد الأخواات
لازم تنشريهم في الشمس
اللي عندي مااركة شاارب وعند أهلي مااركة ساامسونج لها عندنا قريب السنه والحمدلله وايد مريحتني

موفقه

[مرتبش]

غسالة المواعين مثل ماقالو الاخوان والاخوات ممتازة للصحون والقلاصات وتطلعهم ناشفين وحلوين بدون بقع الماء ..وتنفع لكل المواعين بشرط ازالة الترسبات القوية والكبيرة قبل ادخالها لجلاية المواعين.

نشافة الثياب "مختلفة عن غسالة الثياب "ممتازة للملابس وتنشفهم 100% خلال 30 دقيقة او ساعة ..بعض الملابس لن تحتاج لكي بعدها ولكن الثياب والقمصان الخ اكيد ستحتاج للكوي والترتيب ..

[hyamm]

يعطيكم العافيه

[doha2012]

الله يوفقك ,


غسالة المواعين ممتازه ... توكلي على الله .


,

[كازانوفا]

ماشالله الاعضاء كفوو ووفو

[بوجاسم566]

اختي انا ادرس برع

وعندي في الشقة غسالة صحون

طبعا لها صابون خاص دائري

بس الغسالة ماتنفع نهائيا يعني لازم تغسلين الصحون باليد عقب

تقطينها بالغسالة عن الريحة او عشان تنغسل زيادة

لكن الجدر والطابي ههه يطلع نفس ماهو

[وطن]

اختي انا ادرس برع

وعندي في الشقة غسالة صحون

طبعا لها صابون خاص دائري

بس الغسالة ماتنفع نهائيا يعني لازم تغسلين الصحون باليد عقب

تقطينها بالغسالة عن الريحة او عشان تنغسل زيادة

لكن الجدر والطابي ههه يطلع نفس ماهو


غريبة اخوي
غسالة المواعين تطلع المواعين ريحتهم صابون ونظاااااااااف يلمعون
حتى الجدور انا اعتمد عليها في تنظيفهم


هل شيكت الفلتر ؟؟ اللي ينحط فيه ملح ؟

وبعد في شي يتعلق داخل غسالة المواعين يسوي ريحتها وايد حلوة و معطره
هذا اذا كنت تبي ريحه حلوة زيادة

[دااانة قطر]

نشافة الثياب "مختلفة عن غسالة الثياب "ممتازة للملابس وتنشفهم 100% خلال 30 دقيقة او ساعة ..بعض الملابس لن تحتاج لكي بعدها ولكن الثياب والقمصان الخ اكيد ستحتاج للكوي والترتيب ..


ممكن أعرف نوعها ووين أحصلها ؟؟
وشنو نوع الملااابس اللي تحتااج كوي ؟؟

[hyamm]

غريبة اخوي
غسالة المواعين تطلع المواعين ريحتهم صابون ونظاااااااااف يلمعون
حتى الجدور انا اعتمد عليها في تنظيفهم


هل شيكت الفلتر ؟؟ اللي ينحط فيه ملح ؟

وبعد في شي يتعلق داخل غسالة المواعين يسوي ريحتها وايد حلوة و معطره
هذا اذا كنت تبي ريحه حلوة زيادة

حبيبتي يعني ممكن تحطين الجدور ..الصحون الي فيها زبوت طبعا بعد ماتمررين الماي عليهم قبل ,وتطلع معاج أوكي .. لان الكل مانصح فيها بالنسبه للمواعين الي من هالنوع والجدور ...

[وطن]

حبيبتي يعني ممكن تحطين الجدور ..الصحون الي فيها زبوت طبعا بعد ماتمررين الماي عليهم قبل ,وتطلع معاج أوكي .. لان الكل مانصح فيها بالنسبه للمواعين الي من هالنوع والجدور ...

انا ما امرر الماي على اي شي
الصحن اهم شي ما يكون فيه بقايا اكل والجدر نفس الشي

احطهم واشغل الغسالة
سواء فيهم زيت ولا صوص
الغسالة كفيلة بانها تنظفهم تماما

لكن اذا بتخلين بقايا الأكل تنشف في الجدر او الصحن وبعدها تشغلين الغسالة عليهم
اكيد ماراح يطلعون نظاف 100% ويبي لهم غسله ثانية

[hyamm]

انا ما امرر الماي على اي شي
الصحن اهم شي ما يكون فيه بقايا اكل والجدر نفس الشي

احطهم واشغل الغسالة
سواء فيهم زيت ولا صوص
الغسالة كفيلة بانها تنظفهم تماما

لكن اذا بتخلين بقايا الأكل تنشف في الجدر او الصحن وبعدها تشغلين الغسالة عليهم
اكيد ماراح يطلعون نظاف 100% ويبي لهم غسله ثانية

يعطيج العافيه .. بس ماقلتيلي كم من الوقت تاخذ للغسيل .. وبأي نوع تنصحيني....

[وطن]

يعطيج العافيه .. بس ماقلتيلي كم من الوقت تاخذ للغسيل .. وبأي نوع تنصحيني....


ماعندي فكرة عن الماركات
لان اللي استخدمتهم في بريطانيا وما كنت اركز في اساميهم

و الوقت الصراحة ما كنت احسبه لان ما كان يهمني

بس سؤالج جدا مهم
ممكن اللي يشتغلون في المحل يفيدونج بالوقت
اكيد مذكور في الكاتلوج الخاص بالجهاز

[قطرية مثقفة]

عندي غسالة صحون ونشافة ملابس
بالنسبة لغسالة الصحون ماتقدرين أتحطين فيها اجدور كبيرة @ ممكن طابي ، جدر صغير @ بس أهي ممتازة لغسل الصحون والملاعق والأكواب @ وبصراحة واااايد تنفع خصوصا اذا عندج خادمه وحده في البيت @
بالنسبة للنشافة انه ماأقدر استغني عنها لأنها بصراحة لها مميزات وااااايد بس سالفة الملابس المطوية هذي ماسمعت عنه إلا إذا في منتج في اليابان على العموم فوائده الله يسلمج أهي : 1- ماعندج مشكلة مع تجفيف الملابس بسبب سوء الأحوال الجوية يعني مطر أو غبار .... 2- الملابس بيطلعون لج وااااايد ناعمين وماتحتاجين الا انج تطوينهم يعني البجامات والتي شيرتات ولبس اليهال بيطلع كله مرتب ومايحتاج كوي بس لازم على طول اطلعين الملابس واتعلقينهم او تطوينهم 3-الملابس بتحتفظ لج بريحة الكومفورت 4- ماعليج من الكلام اللي يقول الشمس بتقتل الجراثيم والنشافة لا بالعكس حتى النشافة تقتل لان درجات الحرارة عالية جداً . ولا تنسين اذا بتشترين تاخذين منتج عالي الجودة يعني هفي ديوتي علشان يعمر معاج وشركة زينة للصيانة . يعني الحمد لله انه الشركة اللي خذت منها والله اذا اي خلل ايوني في البيت وايصلحونه لي ...... تحياتي وبالتوفيق

[قطرية مثقفة]

غسالة الصحون ماركة Maytag صنع بولندا موديل رقم MDW 700 EDWG
نشافة الملابس White-Westinghouse

[hyamm]

غسالة الصحون ماركة maytag صنع بولندا موديل رقم mdw 700 edwg
نشافة الملابس white-westinghouse

يعطيج العافيه ...