صالون نسائي يثير الريبة والشكوك !!!!!!!!!!!!!!!!!!!!!

[بالول]

بصراحة وبأختصار لجأة لكتابة هذا الموضوع وذلك لكثرة شكوكي حول صالون نسائي يقع بالقرب من سكني ... فقد لاحظت في اكثر من مرة دخول عدد من الشباب للباب الخلفي للصالون .... في حين رأيت اليوم نزول شخص من سيارة سبورت ودخوله للصالون من الباب الرائيسي ....

صراحة هذا الموضوع ازعجني كثيرا .... فهل ابلغ الشرطة في الامر .... أم أن هناك جهة أخرى معنية بمثل هذه المشاكل

[mariam_88]

بصراحة شي غريب فعلا والمعروف ان جدام كل صالون نسائي مكتوب " ممنوع دخول الرجال"
ما اعرف شالمفروض الواحد يسوي فمثل هالموقف بس انصح بعدم الاستعجال و التحري قبل التبليغ

و الله يحفظ بناتنا وخواتنا

[ولد ازغوى]

يمكن من الصوالين اللي فيها ستاف شباب :eek5:

[حلم الطفولة]

تستطيع التقدم بشكوى الى وحدة تفتيش الصالونات النسائية ببلدية الدوحة. فرع السد بلازا

[MAZEN37]

واجب عليكي تبلغي

[روح الاطلس]

متأكد انهم شباب يمكن بنات بويات :)

اخوي لازم تتحرى قبل جرب قرب من الباب كأنك بتدخل يمكن مكتوب من الخارج صالون لكن هو صالون رجالي او انه التبس عليك الامر

هل تشوف سيدات يدخلون بعد؟ متأكد الصالون مب مقسوم قسمين واحد للرجال والثاني للنساء؟ لانك تقول من الباب الخلفي !

المهم تحقق اكثر

[بالول]

شكرا للتفاعل ...

بس حبيت اوضح ان الصالون نسائي ومافيه قسم للرجال .... وهو فاتح من فترة ليست بالبعيدة

[هبوب الشمال]

اخوي. اذا انت شاك في الموضوع بلغ الأمن الوقائي. وعطهم كل المعلومات. ولا تخاف من شي. لأنهم بسيون تحركاتهم ويأخذون إجراءاتهم وماراح يل حقك شي. لان في بعض الصالونات تكون ستار حق أشياء ثانيه

[Q-tr]

السلام عليكم،،،، ياخوي اذا تقصد اللي في الخريطيات،،، فكلامك صحيح للأسف وايد سوالف تصير وسمعة هالصالون في الحضيض للأسف والمتضررين هم اصحاب البيوت القريبة جداً من هذا الصالون.

[الزلزال]

يمكن الصالون تحت انشاء الديكور والمعدات واصحابه يشرفون عليه معا لستاف ؟

[wadha-qa]

ياليت تشهرون بالصالون وتقولون وين موجود من حقنا نعرف اسمه لحمايه خواتكم البنات اللي يروحون وما يدرون عن هالامور اللي تصير

[الجووري]

بصراحة وبأختصار لجأة لكتابة هذا الموضوع وذلك لكثرة شكوكي حول صالون نسائي يقع بالقرب من سكني ... فقد لاحظت في اكثر من مرة دخول عدد من الشباب للباب الخلفي للصالون .... في حين رأيت اليوم نزول شخص من سيارة سبورت ودخوله للصالون من الباب الرائيسي ....

صراحة هذا الموضوع ازعجني كثيرا .... فهل ابلغ الشرطة في الامر .... أم أن هناك جهة أخرى معنية بمثل هذه المشاكل

هل الصالون في الخور ؟

[Rashid554]

يمكن مالك المحل وعنده مكتب بالصالون ويدخل من الخلف

[النجلا]

خرعتونا الصراحة .. ممكن لو سمحت تذكر اسم الصالون ومكانه ..؟؟

او مثل ماقالوا الاخوان يمكن صالون نسائي بس اللي يشتغلون فيه شباب ..

[بوحمد1]

فيه بعض الصوالين في قطر الموظفين رجال ( على حسب الطلب ) وخاصة في الفنادق

[بطل الفريج]

لايكون الكميرات تشتغل والشباب يتطمشون الله يستر على كل البنات

[غزلان]

لايكون الكميرات تشتغل والشباب يتطمشون الله يستر على كل البنات


:omg:


:secret:

:omg:

سترك يارب

الغبيه الى كل شي تسويه بالصالون

[الخزرجي قطر]

الله يستر من الصالونات والمشاكل الي تجي من وراهم

[فلتة زمانها]

شله توهقين نفسج
يمكن ستاف حق الصيانه او شي احسني اظن وخلج بعيده عنهم

[Mohammed2]

شله توهقين نفسج
يمكن ستاف حق الصيانه او شي احسني اظن وخلج بعيده عنهم

ستاف حق الصيانه ويجي بسياره سبورت :omen2:

[nadeemy]

انتبه يا صاحب الموضوع
لا تتسرع وتذكر اسم الصالون , احتمال تكون غلطان او التبس عليك الامر , وتكون عرضه لتحريك دعوى تشهيرضدك
انصحك بابلاغ الجهات المختصه وخلهم يتصرفون

[┋أَجِوَدًيّ┋]

عن أبي سعيد الخدري رضي الله عنه قال :

سمعت رسول الله صلى الله عليه وسلم يقول :

( من رأى منكم منكرا فليغيره بيده ، فإن لم يستطع فبلسانه ،

فإن لم يستطع فبقلبه ، وذلك أضعف الإيمان )

رواه مسلم

[جرح الزمان]

اتمنى أنك تتصل على 999 وتطلب الضابط المناوب

في العمليات وتبلغه عن الموضوع وهو بيتكفل بالباقي

في أجهزة مختصة وعارفه كيف تقوم بشغلها على أكمل وجه

[OREO]

احسن الظن ،،

يجوز الرجال هو صاحب الصالون و يمر بين فتره و فتره و يشيك ع الحسابات و العده اللي في الصالون و هذا من حقه ،، لكن بشرط يكون خارج اوقات العمل ،،

فلا تحرج نفسك اذا انك مهب متأكد ،،

[فقيه زمانه]

نصيحة دق على العضيد التابع لوزارة الداخلية وهم بيقمون بكل شي بيتحرون عن الصالون اذا ثبت عليه شي بياخذون اجراءاتهمواذا ما لقوا عليهم شي انتهى الموضوع وهم عندهم طرقهم لخاصة ولا بلاحقك شي ، لان الهدف من العضيد هو متابعة نفس هذي لحالات ......

[qatar.syria]

اخي الحل سهل جدا

ارسل احد اهلك زوجتك او اختك أو حتى والدتك للصالون وانت انتظرها خارجا ، وطبعا اخبرها بقصة الصالون وشكوكك حوله ، ونبه عليها ألا تخلع حجابها ابدا ثم تقوم هي بتفقد الصالون من الداخل وتتأكد من العاملات به ونوعيتهم

والنساء سيكونون اقدر على تقييم الصالون واخلاقياته

واذا لاحظت اي شيء عندها تقوم بالتبليغ وانت متاكد

[sweet qatar]

اخوي اذا انت متأكد من الي شفته..

توكل على الله وبلغ انك شاك في أنشطة الصالون.. مب أكثر..

في قسم متخصص بيتحرّى عنهم..
وتكون بريت ذمتك..

[رمح الشمال]

مدام فيه باب خلفي فيه شبهه انا اقول بلغي على طول

[كازانوفا]

بلغ ومش خسران شي راح تحمي عروض المسلمين من الانتهاكات
لانو خلاص ما عاد في لا ذمه ولا ضميرر

[بوخالد911]

بلغوا وبس

وحطونا بالصورة

[نورعبدالرحمن]

السلام عليكم،،،، ياخوي اذا تقصد اللي في الخريطيات،،، فكلامك صحيح للأسف وايد سوالف تصير وسمعة هالصالون في الحضيض للأسف والمتضررين هم اصحاب البيوت القريبة جداً من هذا الصالون.


وي مساكين ...وايد سوالف اتصير وساكتين
اشتنطرون ..الله لابليتنا , اول الرجاجيل لو وحدة متغطية وطالعة من بيتها في حزة متاخرة انعفس الفريج ..ولحين اتشوفون بعينكم وساكتين على الاجانب
والله مالومهم اعرفوا يختارون المنطقة المناسبة

[النهار]

يمكن مقسمين الصالون الي قسمين قسم لاعمال الخاصه بصاحب الترخيص والقسم الاخر صالون نسائي في كثير من المحلات مقسمه بهذه الطريقه
عموما لوعندك شك بلغ

[بالول]

للاخوة الكرام

اعذروني ما اقدر اقول اسم الصالون الحين .... لان لحد الان هذي مجرد شكوك .... واحتمال يكون الصالون لمجموعة من الشركاء كما اشار لذلك بعض الاخوان في ردودهم ..... لذا افضل التريث قليلا ومراقبة الصالون عن كثب لاتحقق من الامر ..... واذا ثبت لي عكس ذلك سأبلغ الشرطة بالامر .....

[kuwari]

اي والله مصيبة من قدام مكتوب للنساء ومن الخلف عام !

[راشد محمد]

للاخوة الكرام

اعذروني ما اقدر اقول اسم الصالون الحين .... لان لحد الان هذي مجرد شكوك .... واحتمال يكون الصالون لمجموعة من الشركاء كما اشار لذلك بعض الاخوان في ردودهم ..... لذا افضل التريث قليلا ومراقبة الصالون عن كثب لاتحقق من الامر ..... واذا ثبت لي عكس ذلك سأبلغ الشرطة بالامر .....

عين العقل

[بصمة قطرية]

تقدر تبلغ المكان المخصص لمراقبة الصالونات ..
هم بيعرفون يتصرفون ..
يراقبون الصالون و يعرون اذا في شي غلط ..
بالنسبة للي يقول صاحب الصالون او شركاء او اوا ..
مهما يكون ما يحق لهم يدخلون الصالون بالذات وقت الدوام ..!!!

[فلتة زمانها]

الحين شالفايده من الموضوع ابي اعرف
خليتي الشرطه وجيتي تكتبين اهنيه شكوكج !!!

[moon_night]

الحين شالفايده من الموضوع ابي اعرف
خليتي الشرطه وجيتي تكتبين اهنيه شكوكج !!!

استغربت من ردج

اكيد تبي تشاورنا في الموضوع عشان تتخذ الاجراء الصحيح

[OREO]

للاخوة الكرام

اعذروني ما اقدر اقول اسم الصالون الحين .... لان لحد الان هذي مجرد شكوك .... واحتمال يكون الصالون لمجموعة من الشركاء كما اشار لذلك بعض الاخوان في ردودهم ..... لذا افضل التريث قليلا ومراقبة الصالون عن كثب لاتحقق من الامر ..... واذا ثبت لي عكس ذلك سأبلغ الشرطة بالامر .....

تصرفك عين العقل اخوي ،، حاول دوم تتأكد قبل لتخطي اي خطوه ،،

[مو مهم]

للاخوة الكرام

اعذروني ما اقدر اقول اسم الصالون الحين .... لان لحد الان هذي مجرد شكوك .... واحتمال يكون الصالون لمجموعة من الشركاء كما اشار لذلك بعض الاخوان في ردودهم ..... لذا افضل التريث قليلا ومراقبة الصالون عن كثب لاتحقق من الامر ..... واذا ثبت لي عكس ذلك سأبلغ الشرطة بالامر .....

بلغ عن طريق العضيد او اتصال هاتفي للبحث الجنائي وهم يراقبون بدل منك

[سنافي]

الساكت عن الحق شيطان اخرس - ابلاغ الشرطة والجهات المختصة راح ايكون للتحري وللتاكد من الموضوع لا غير - يعني لو الكلام مو صحيح راح ايتسكر الموضوع - وتقدر اذا بلغت قولهم انك شفت اللي شفته ونقلته لهم وانك غير متاكد وهم لهم طرقهم للتحري


لازم تبلغ واجب عليك او اتكون مشارك في الاثم لو كانت شكوكك صحيحة

وجزاك الله خير

[ريتويت]

الخوف من الكاميرات

[السحابة]

ليكون اللي في دحيل

[تحداني]

صار الواحد يخاف حتى من الي يشتغلون في هالصالونات
رحت قبل فتره " صالون دانييل " في وحده تشتغل اهناك اسمها جورجيت " والله العظيم توقعتها واحد مب وحده .. منظر مقرف .. وتصرفات اتلوع الجبد
اللهم لا شماته


جملكم الله برضاه

[الصغيره]

يمكن جنوس لانهم كثروا الصراحه وصاروا يزاحمونا بالعيادات التجميليه

وللاسف فيه صوالين فيها كوافيرات شكلهم مسترجلات ونتفاجا من شكلهم تخيلوا كوافيره شعرها زيرووو

لابد من تدخل ولابد من فصل لكل ماهو مريب وغريب

ياناس اختلط الحابل بالنابل ماعاد نعرف النسوان من المتشبهين

والله بسيفورا بالاند ماركت دخل شاب اني فكرت انه مراه يشتري مكياج

لابد من ردع لهم الصراحه

[لاجل QT]

اخوى لاتقول اسم الصالون..الا بعد التاكد من الشي اللى شاك فية..لاخذ بناتنا الحيطة والحذر

يعتمد دخول الرجال الى الصالون هل في نهاية دوام الصالون لان يمكن اصحابة داشين يشيكون على شي

[REEMajesty]

احتمال يكونون يشتغلون او او او

لكن بعد يحق لك تشك

اتصل بلغ العضيد

بس لا تقول اسم الصالون حق حد عشان ما ياخذون احتياطهم

وكثر الله من امثالك

[doha2012]

,


لاحول ولا قوة الا بالله ,


كل شي جايز .. بس التريث زين لين اتاكد ,


,

[نورعبدالرحمن]

صار الواحد يخاف حتى من الي يشتغلون في هالصالونات
رحت قبل فتره " صالون دانييل " في وحده تشتغل اهناك اسمها جورجيت " والله العظيم توقعتها واحد مب وحده .. منظر مقرف .. وتصرفات اتلوع الجبد
اللهم لا شماته


جملكم الله برضاه


ههههههههههههه:shy:

[مستثمر رشيد]

هل الصالون في الخور ؟


ليكون اللي في دحيل


السلام عليكم،،،، ياخوي اذا تقصد اللي في الخريطيات،،، فكلامك صحيح للأسف وايد سوالف تصير وسمعة هالصالون في الحضيض للأسف والمتضررين هم اصحاب البيوت القريبة جداً من هذا الصالون.

يالله سترك ... الظاهر في صالونات وايد في البلد تثير الشكوك :secret:

[Abu JaBeR]

السلام عليكم
اخوي ياليت لو تتأكد في البداية من الموضوع
هل الصالون بداء عمله باستقبال الزبائن ام انه تحت الإنشاء
اذا كان بداء في العمل المفروض انك تكتب اسمه ليحذر الناس منه

[حصه20007]

ياليت تشهرون بالصالون

[آهـل شَـرق]

ياخوي تصرف باللي يحكمه دينك وعقلك .. وان كان بالتبليغ عنهم لمجرد التفتيش والتأكد عن طريق كاميرات الصالون ..

مرت علي سالفه من شهر تقريباً وانت الحين ذكرتني بها .. كنت رايح اخلص معاملة لي واثناء تخليص المعامله دخل شاب قطري لابس رياضه يسأل عن مكان معين .. فوصف له الموظف (عربي الجنسيه) المكان ولكنه قال جمله صدمتني .. (قاله تعرف الصالون الفلاني اللي كل شباب قطر صافين عنده يضبطون اللي داخله واللي طالعه) رد عليه القطري: اي مع ضحكه خبيثه .. قال بس حذاه تلاقي المكان اللي تبيه .. وانا منصدم ووجهي انمحت منه التعابير !!

لا حول ولا قوة الا بالله

خلو الواحد يخاف على هله من ظله

اخوي .. اشتك وخلهم يتصرفون .. ولا تنسى تخبرنا بكل جديد

[@north_star@]

اتمنى أنك تتصل على 999 وتطلب الضابط المناوب

في العمليات وتبلغه عن الموضوع وهو بيتكفل بالباقي

في أجهزة مختصة وعارفه كيف تقوم بشغلها على أكمل وجه

عين العقل على الاقل بيتأكدون من وضع الصالون أنه في السليم أو لا

[Um Yousif]

أخوي توكل على الله واتصل عالشرطة قول لهم شكوكك وهم بيتصرفون

[sweet qatar]

مرت علي سالفه من شهر تقريباً وانت الحين ذكرتني بها .. كنت رايح اخلص معاملة لي واثناء تخليص المعامله دخل شاب قطري لابس رياضه يسأل عن مكان معين .. فوصف له الموظف (عربي الجنسيه) المكان ولكنه قال جمله صدمتني .. (قاله تعرف الصالون الفلاني اللي كل شباب قطر صافين عنده يضبطون اللي داخله واللي طالعه) رد عليه القطري: اي مع ضحكه خبيثه .. قال بس حذاه تلاقي المكان اللي تبيه .. وانا منصدم ووجهي انمحت منه التعابير !!

لا حول ولا قوة الا بالله

خلو الواحد يخاف على هله من ظله


سالفتك صج تخوووف.. الله يكافينا الشر..

الحين ما كفتهم المجمعات لاحقينهم للصالونات..

اففف يعني الحين لازم اسوي ابديت حق لستة الصالونات الي اروحها واحذف الاماكن المشبوهة..

[تحداني]

ههههههههههههه:shy:



خرعتني
الله يصلحها


جملك الله برضاه

[بوخالد2]

نبي انعرف شنو صار بالموضوع !

[آنا غيــر]

انزين شنو يعني ماراح تقول لنا اسم الصالون ؟؟

والله الاشيا اللي المفروض نعرفها تروحون تتسترون عليها

والشي اللي المفروض خلاص تسكتون عنه تروحون تشهرون فيه وولا تنسونه

صج انكم مجتمع مفهي ولا بتتعدلون

[BoFahed]

اخوي اذا كان عنك دليل يكون احسن يعني تربص فيهم وخذ ارقامهم وصورهم بكميرة جوالك من السطح وروح اشتك علشان يكون عنك دليل وكلم جارك علشان يشهد معاك في الشرطة اذا طلبوا في التحقيق شاهد لانهم بيطرشون واحد ولا واحدة من التحريات علشان يصيدهم متلبسين لازم كل شي يكون متضبط صح ولا بتطلع عليك بالفاضي

اذا ثبت شكوكك والمحل معروف سوالفه مثل ما ذكر بعض الاخوان لازم مدير الصالون يكون عبرة لغيره

[آنا غيــر]

اعنبوه شهالتربّص اللي صار له كم يوم !

[ضوى]

ياخوي تصرف باللي يحكمه دينك وعقلك .. وان كان بالتبليغ عنهم لمجرد التفتيش والتأكد عن طريق كاميرات الصالون ..

مرت علي سالفه من شهر تقريباً وانت الحين ذكرتني بها .. كنت رايح اخلص معاملة لي واثناء تخليص المعامله دخل شاب قطري لابس رياضه يسأل عن مكان معين .. فوصف له الموظف (عربي الجنسيه) المكان ولكنه قال جمله صدمتني .. (قاله تعرف الصالون الفلاني اللي كل شباب قطر صافين عنده يضبطون اللي داخله واللي طالعه) رد عليه القطري: اي مع ضحكه خبيثه .. قال بس حذاه تلاقي المكان اللي تبيه .. وانا منصدم ووجهي انمحت منه التعابير !!

لا حول ولا قوة الا بالله

خلو الواحد يخاف على هله من ظله

اخوي .. اشتك وخلهم يتصرفون .. ولا تنسى تخبرنا بكل جديد

لا اله الا الله ، استغفرك ربي واتوب اليك ، المفروض تقولون اسماء هالصوالين شنو يعني مب بنات ديرتكم ماتخافون علينا ؟

[زمان]

بلللللللللللللللللللغ

مابتخسر شئ

وبنفس الوقت يرتاح بالك

وبتستر على ناس كثير

والله يجزاك خير

وقبل لا تقدم بلاغ رسمي اتصل باقرب مركز لك او روح له شخصياً وادخل على الضابط المناوب وقوله السالفه وهو بيتصرف

والموضوع ماينسكت عنه حتى لو كان فيه سوء ظن

قال تعالى : يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

وما اقصد حد بالفسق لكن اخذ العبره من قوله تعالى: (( فتبينوا ))

[تحداني]

لا اله الا الله ، استغفرك ربي واتوب اليك ، المفروض تقولون اسماء هالصوالين شنو يعني مب بنات ديرتكم ماتخافون علينا ؟




انا نفسج امي الغاليه
ياخي قولوا الاسم .. نبي انعرف
نشتكي من الجرايد عشان التحفظ واهني كل واحد ساكت

جملك الله برضاه

[sweet qatar]

لا ما يجوز التشهير..

الله يهداكم.. الرجال شاك.. وعليه انه يبلغ الجهات المسؤولة.. هذا لراعي الموضوع..


لكن يا ضوى الي كتب عن الصالون الثاني كتب ان الشباب يضبطون الداخلة والطالعة يعني مب داخل الصالون..
صح ودي أتأكد من اسم الصالون.. بس ما يصير ينذكر الاسم على العام..
لأن ساعتها بتزيدين شهرته من ناحية ومن ناحية ثانية الصالون مالهم ذنب في تصرفات الزباين خارج مبناهم..

[تحداني]

ايش هالحاله
صار له كمن يوم وللحين ما قال خبر وبلغ ولا لا
بس قاعدين انعيد وانزيد في الكلام

انت متأكد ؟؟
انت عارف ؟؟
انت شفت ؟؟
انت بلغ ؟؟
انت وانت .. يأما يبلغ .. ياما خلاص كافي نصائح انفجر خاطر البقيه وهم يسألون


جملكم الله برضاه

[آنا غيــر]

والله هاي شغل الشرطه انه يراقب الصالون يعني شنو انت تبي تصير شرطي على غفله

خلاص مب رايحه ولا صالون بتم بكشّتي ومابي اصير حلوه -_-

[روح الاطلس]

مع كامل احترامي لصاحب الموضوع، لكن طرح موضوع مطلسم مثل هذا مامنه فايدة غير اثارة الشائعات فقط

وكل واحد قام يشك لايكون الصالون بالخور واللي يقول لا يكون بالدحيل والخ


لا انت اتخذت اجراءات للتأكد ولا انت بلغت ولا انت حددت الصالون ،،، الموضوع في دائرة الريبة والشك، واصبح مصدر للشائعات.

[قطري !]

والله هاي شغل الشرطه انه يراقب الصالون يعني شنو انت تبي تصير شرطي على غفله

خلاص مب رايحه ولا صالون بتم بكشّتي ومابي اصير حلوه -_-



اي صالون وخرابيط



زين امهاتكم ماكان فيه صالون ولا خرابيط وكانوا ماشالله سنعات وجميلات


والله انا اشوف تقعدون من غير صالون احسن



يمدحون فورويل علي الصالون

[ريتويت]

لا اله الا الله ، استغفرك ربي واتوب اليك

[آهـل شَـرق]

لا اله الا الله ، استغفرك ربي واتوب اليك ، المفروض تقولون اسماء هالصوالين شنو يعني مب بنات ديرتكم ماتخافون علينا ؟


اسمه غريب نسيته .. بس اتذكر موقعه .. على كلامه المكان في المطار وتحديداً جنب جريدة الشرق .. السموحه خانتني الذاكره في الاسامي .. السالفه صايره من شهر وشوي ..

[تحداني]

يمدحون فورويل علي الصالون




ما معنى هذه العباره ؟؟

جملك الله برضاه

[إكليل الزهور]

يمكن كاتب الموضوع فعلاً بلغ الجهة المختصة و بدوا اجراءات التحقق من البلاغ!

المسألة يبيلها صبر و بنعرف اذا الشك في محله والا لا

بس اذا كلن بيقول و بيحذر من اسماء صالونات بدون إجراء صحيح معناته الخبر بيوصل هالأماكن و بتوقف نشاطها عشان تبعد الشبهات.. و بتثبت ان البلاغ غير صحيح و بعد فترة بترجع الصالونات لنشاطها! و ماسوينا شي!


اذا اي حد شايف شي مايرضي رب العالمين يروح يبلغ و يخلي مسؤوليته


و الله يعطيك العافية يا كاتب الموضوع و الاعضاء اللي فادونا بالإجراءات الصحيحة

[قطري !]

المفروض مانزلت الموضوع اخوي




لان هذا الصالون قد يوصله الخبر ان فيه نقاش حولة ويبعد الشبهه عنه لفترة معينه




فيه العضيد عندك او الامن الوقائي بلغهم حتى لو انت مو متأكد وهم يقومون بالدور وباسرع وقت




الامر في هذا الشان المفروض يتم وبسرعه

[fahad_qatar]

بلغ والا أدخل عليهم وشوف شوالسالفه

[مخاوي الشيبة]

روح الله يعافيك عند الباب ولي نزل راعي الرنج ولا غيره خلك في ذراه

وادخل وشوف وش العلم وان كانهم امنعو ولا عصلقو معك مالك الشرطة

ولا العضيد ان كانهم موجودين

[مساهمة]

والله خوفتونا

مرات الوحده تكون عندها شغله وتدخل اي صالون قريب :secret:

اخووي ياليت اذا تأكدت من الموضوع تبلغنا باسم الصالون .. لاتصير مثل الجرايد وتقول صالون وبس:victory:

[رذاذ]

صاحب الموضوع سوا عين العقل ..
لا قال الاسم وقال الى شافة وبيتاكد ويتواصل مع الجهات المعنية والمختصه لضبط الحاله..

الباقي واللوم على الى تروح وتبدل الفستان ف الصالون وهي واثقه ..
البيت استر سوي المكياج والتسريحه لكن لا تبدلين الا ف البيت ..

وهذي نصيحة

[الصغيره]

هاه وش صار تبينتوا عن الصالون

يالله تسترنا فوق الارض وتحت الارض ويوم العرض

[الصيفي قطر]

انا برايي كلم المطافي ,,

هاي شفيه طرح لموضوع وشرد؟

[بالول]

السلام عليكم

في البداية اشكر جميع من شارك في الموضوع.....
واود التوضيح بأن الصالون حالياً يقع تحت المراقبة .......
وفي حال ماتم التأكد من هذه الشكوك سيتم التشهير بأسم وموقع الصالون ....

لذا ارجو من المشرفين والقائمين على هذا المنتدى اغلاق الموضوع

[العقل الحر]

لا يكون الصالون من برا لونه اخضر :nice:

[nadeemy]

لذا ارجو من المشرفين والقائمين على هذا المنتدى اغلاق الموضوع

للعلم اخي الكريم ان مجرد التلميح باي اشاره تفيد بالكشف عن هوية هذا الصالون , سواءا بذكر الموقع او الهاتف او الوصف الدقيق للمبنى فانه يحق للطرف الاخر تحريك دعوى تشهير ضدك

[فلتة زمانها]

اخبر الصالون وردي مب اخضر :telephone:

[آنا غيــر]

اف منكم .. اللي يقول اخضر واللي وردي

ترى انا ماشوف هالخرابيط يكتبونها في منتديات الاجانب

يا يقولون الشي ستريت فوروورد .. ولا مايقولون

كالعاده كل شي احنا يصير under cover

[فلتة زمانها]

طلع مشمشي مب وردي ولا اخضر هههههه

[hxamad]

انا من رايي تتأكدين أكثر وإذا فى شى ليش ماتبلغين

[بوخالد2]

بل في ناس متحرقصه تبي اتعرف

يمه منك يالحريم اتحبون السوالف

[وطن]

مب يمكن الصالون تسكر خلاص وللبيع !!!

[المسك1969]

وليش تبين الموضوع يتسكر والكل ينطر الرد على المراقبة

الأمر واحد من اثنين:
1) القصة غير حقيقيه
2) القصة حقيقية وبتكون غريبة جدا لأن جميع الصالونات تكون مراقبة ومعروف اختصاصاتها لدي البلدية قسم الصالونات

وأنا استغربت أن أختنا حفظها الله طرحت الموضوع في المنتدى ثم تطلب إغلاقه... ليش يغلق عسى ماشر إن شاء الله... هل القصة غير حقيقية؟ هنا نعم يغلق إلا يحذف

ولكن دام أنك تقولين أنها قصة وتراقبين الصالون القريب من بيتكم وطرحتي الموضوع للنقاش واشغلتي عقول الاعضاء والعضوات فعليكِ إكمال الأمر للنهاية وتعلمين الجميع ما حدث في المراقبة وما أسفر عنه التحقيق إن وجد
ثم يغلق بعد التشهير به أو توضيح حقيقة الأمر بأن هناك لبس ما أو رجال صيانه أو أن الصالون قسم منفصل وقائم بذاته...


جزاكم الله خيرا

[صاحب النخبه]

وليش تبين الموضوع يتسكر والكل ينطر الرد على المراقبة

الأمر واحد من اثنين:
1) القصة غير حقيقيه
2) القصة حقيقية وبتكون غريبة جدا لأن جميع الصالونات تكون مراقبة ومعروف اختصاصاتها لدي البلدية قسم الصالونات

وأنا استغربت أن أختنا حفظها الله طرحت الموضوع في المنتدى ثم تطلب إغلاقه... ليش يغلق عسى ماشر إن شاء الله... هل القصة غير حقيقية؟ هنا نعم يغلق إلا يحذف

ولكن دام أنك تقولين أنها قصة وتراقبين الصالون القريب من بيتكم وطرحتي الموضوع للنقاش واشغلتي عقول الاعضاء والعضوات فعليكِ إكمال الأمر للنهاية وتعلمين الجميع ما حدث في المراقبة وما أسفر عنه التحقيق إن وجد
ثم يغلق بعد التشهير به أو توضيح حقيقة الأمر بأن هناك لبس ما أو رجال صيانه أو أن الصالون قسم منفصل وقائم بذاته...


جزاكم الله خيرا

كلام صحيح أنتوا شوفوا الموضوع حصل على كم مشاهدة والناس تتكلم بالموضوع
وفي كم واحد ذكروا عن صوالين أخرى بعد عليها ملاحظات
فالمطلوب إن تتحرك الجهات وتراقب الصوالين بشكل عام حتى تقطع عرق وتسيح دم
لأن هالموضوع يمس أعراض الناس أو على الأقل يسيء للمجتمع

[ريماس الغلا]

يا ريت تذكرون اسماء هذه الصالونات

[captin]

يمكن الرخصة صالون

لكن النشاط

ماخــــــــــور

:nice:

الله يرزقهم

[النجلا]

شكله الموضوع مطول وبالنسبة للبنات اخذوا نصيحتي الحين كل شي يستوي في البيت انتي بس طرشي برودكاست عن اي وحدة تسوي اي شغله بتلاقين وبتجيج برسم الخدمة في البيت .. وفي لستة فيها ارقام ماكييرات ومصففات شعر وكل شي كل شي .. احسن واضمن ..

والله يستر عالجميع ..

[حليتان*]

وين عاد الصالون يبه ؟؟

ع الاقل اول حرف من المنطقه ياخي مب الصالون ههههههه

[basma222]

في اى منطقة

[sweet qatar]

السلام عليكم

في البداية اشكر جميع من شارك في الموضوع.....
واود التوضيح بأن الصالون حالياً يقع تحت المراقبة .......
وفي حال ماتم التأكد من هذه الشكوك سيتم التشهير بأسم وموقع الصالون ....

لذا ارجو من المشرفين والقائمين على هذا المنتدى اغلاق الموضوع

جزاك الله خير اخوي.. وكثر الله من أمثالك..
وأتمنى الإدارة تستجيب لطلبك..



بل في ناس متحرقصه تبي اتعرف

يمه منك يالحريم اتحبون السوالف

والله انك صادق يا بوخالد.. و اشوف الرجال زادوا على الحريم..

حشا الواحد ما يطلب شورهم في شي..


اشوف الرجال بيض الله وجهه..سوا الي عليه.. والموضوع صار عند الجهات المختصة..

والي خايفة على نفسها تشيك على الصالونات الي تتردد عليها..

[R 7 A L]

وين وصل الموضوع

وش صار في الصالون ؟

[قطرية كشخه]

ما يبي لها كلام اتصل العضيد .. وبس وهم يكملون باقي اجراءاتهم بسرية :telephone::nice:

[مهرة]

لو سمحتو يعني لو في بعضكم خير قولونا ويش اسم الصالون؟؟ او دشوا على الرسايل الخاصة وخبرونا بهالصالون او اكثر اذا فيه مايصير كذا !!! رحم الله والدينكم سووا خير في خواتكم .. اشدعوه مسوين لي فيها فيلم اكشن وحلقات ومشاهدين >>> انزين متى الحلقة الأخيرة ؟؟

[آنا غيــر]

مهره انتي شكله عندج امل ان في حلقه اخيره هههههههههههه

وقفوا تسجيل الحلقات وتفركشوا الممثلين وولا بمقبضين شي

[بوسلمان 2010]

البحث الجنائي هو راعي الاختصاص ولا تاخرين في الابلاغ حسبي الله ونعم الوكيل عليهم

[بوخالد2]

جزاك الله خير اخوي.. وكثر الله من أمثالك..
وأتمنى الإدارة تستجيب لطلبك..




والله انك صادق يا بوخالد.. و اشوف الرجال زادوا على الحريم..

حشا الواحد ما يطلب شورهم في شي..


اشوف الرجال بيض الله وجهه..سوا الي عليه.. والموضوع صار عند الجهات المختصة..

والي خايفة على نفسها تشيك على الصالونات الي تتردد عليها..

اى بالله صدقتي

ولكن صاحب الموضوع مايبي يبوح باسم الصالون
خوف يكون شكه غلط او من الكلام هذا وتروح سمعت الصالون في الحضيض و يتخذ في ضده اجراءات قانونيه و تعويض و مب الكلام هذا

صحيح احنا ودنا ان شاءالله اذا بين الموضوع انه يعلمنا باسم الصالون لاانه كلن له شوفات و يخاف عليها

وجزاج الله خير ياسويت

[الماريّة]

اان كان في الخريطيات علمنا يا اخوي


احنا انتعامل مع هالصوالين ع الاقل خل نكون ع حذر

علمنا بالخاص الله يستر عليك

[bo_hamad]

ممكن اسم الصالون على الخاص

[faisalqatar]

ها بشر وين وصلت مع المراقبة ؟

[صاحب النخبه]

مافي حل غير نراقب الصالونات النسائية والمشبوه منها نحطها في البلاك لست
حتى البنات ماينضحون بسبب روحتهم لصالونات يعتقدون إنها جيده وبالأخير تطلع مشبوهه

[الـخـالـدي]

مهره انتي شكله عندج امل ان في حلقه اخيره هههههههههههه

وقفوا تسجيل الحلقات وتفركشوا الممثلين وولا بمقبضين شي

افا .. صار مثل فلم Lost ههههه

[faisalqatar]

شكله استانس الريال و دخل الصالون مع الربع ههههههه

[مكين]

اللي يراقب اهل الاختصاص مب انت يعني الشرطة او البلدية هي اللي تراقب

الحبيب مستانس على المراقبة