الى متى يا اشغال ويا اداره التخطيط والسلامه المروريه

[مو مهم]

في اقل من اسبوع حادثين دهس في الخور
اليوم حادث دهس لطفل مصري( 14سنه) ادعوا له بالسلامه في نزيف داخلي في الراس

وقبل اسبوع وفاه نيبالي بحادث دهس في الخوور

تكفون يا اشغال جسور مشااه او اشاراه مروريه لعبور المشاه
مع فرض عقوبات صارمه للمشاه بس الحين ما نلومهم دام ما فيه بدائل

[نووون]

لا حول ولا قوة إلا بالله

الله يقومه بالسلامه ويخليه لهله

مرات .. على ان انجاز بعض الشوارع وتخطيطها وترتيبها يكون على مستوى متقدم جداً الا انه يكون متخلف جدا بعدم اعطاء المارة حقهم بايجاد ممر مشاة او نفق أو جسر وينسف كل جهود السلامة المرورية
واعتقد ان احصائيات حالات الدهس والحوادث تسجل على المرور و يصرح بها سنويا
طيب وين الحلول لتقليل من الارواح الصاعدة إلى السماء .. ترا اهلهم يبونهم :(

[مو مهم]

والله حلول بسيطه جدا اذا ما يبون خساير ماليه
خطوط بيضا ع الشارع بوجود مرور مشاه + مطب قبل عبور المشاه اذا ما يبون جسور او اشارات ضوئيه

[kuwari]

اي والله هل يجب ان يكون هناك وفيات اكثر حتى يكون هناك حل يا جماعة جهزوا الدوا قبل الفلعة ......

[مو مهم]

والله يا الكواري ما نقدر نلوم الماره بسبب عدم وجود اماكن ثانيه
وفيه بعض الماره ( النيباليين) هم الي ينقزون قدام السياره وينتحرون ( اذا مات ديه ما مات تعويض)
بس ما نقدر نسوي شي ونثبته عليهم الا اذا وجد البديل (( مكان العبور)