3 > أسباب وراء عدم كفاءة الإسعاف

[غزلان]

3 أسباب وراء عدم كفاءة الإسعاف


الحفريات وغياب مسارات الطوارئ والجهل بالشوارع .. مواطنون :
الدعوة لعمل القطريين كمسعفين .. لن تحظى بالقبول
ضرورة وجود نقاط إسعاف ثابتة على الطرق السريعة
مطلوب مسارات للطوارئ وربط الإسعاف بتقنية "جي بي اس"

طالب عدد من المواطنين بضرورة تأهيل الطرق وتخصيص حارات خدمات للطوارئ تستخدمها سيارات الإسعاف، حيث إن غياب مثل هذه الحارات يؤثر سلبا على خدمات الإسعاف ويتسبب أحيانا في حالات وفاة بسبب تأخر وصول الإسعاف، خاصة في حالات الحوادث الخطيرة والحالات الحرجة .. مشيرين إلى أن السبب الرئيس في وفاة الأشخاص في الحوادث المؤلمة والمميتة ببعض المناطق هو تأخر وصول الإسعاف إلى مكان الحادث، وهذا يرجع إلى عدة عوامل أبرزها الحفريات بالشوارع التي تؤدي إلى اختناقات مرورية وعدم دراية سائقي السيارات بأسماء الشوارع والمناطق بالدولة، ما يستدعي تدريب وتأهيل سائقي سيارات الإسعاف والمسعفين وتوفير عدد كاف من السائقين القطريين (المسعفين) ممن لديهم المعرفة الجغرافية بمناطق وشوارع الدولة من أجل الوصول بسرعة إلى المصابين والمرضى لإسعافهم، مع منح الحوافز والدرجات الوظيفية التي تساعد على استقطابهم للعمل في هذا المجال.

وشدد المواطنون على ضرورة استخدام التكنولوجيا الحديثة في ربط الإسعاف بتقنية الـ "جي بي إس" وتوفير عدد كاف من طائرات الهليكوبتر (الإسعاف الطائر)، كذلك التنسيق مع وزارة البلدية والتخطيط العمراني وهيئة الأشغال العامة لتوفير متطلبات سيارات الإسعاف في الطرق السريعة من مداخل ومخارج وأماكن الدوران وجوانب للطرق ومناطق هبوط آمنة للإسعاف الطائر .. وانتقدوا في هذا الصدد وجود عدد من الطرق والشوارع حديثة الإنشاء، لكنها غير مؤهلة للطوارئ، مستشهدين بشارع 22 فبراير الذي يعتبر جديدا، لكنه مزدحم طوال الوقت ولم يراع فيه توفير أي أماكن لسيارات الاسعاف. وطالبوا بأن يكون هناك تعاون بين الإسعاف ودوريات الشرطة من أجل إفساح الطرق المزدحمة أمام الإسعاف.



الرايه

[فلتة زمانها]

الحمدلله انه خدمة الاسعاف في قطر افضل بكثير من خدمات بعض الدول المجاوره
انصدمت انه الاسعاف عندهم عباره عن باص ركاب
عالعموم الخدمه محتاجه شوية تطوير ونشوفها للافضل ان شاءالله

[درر قطر]

والله أهم مشكلة زحمة المرور والناس مايسوون طريق للإسعاف عشان يمروبعض المسعفين ما يعرفون عربي والناس ما عندهم دراية بالمصطلحات الإنجليزية والموضوع فعلاً مهم لازم يطورون الإسعاف

[khaldoon]

الله يجزيكي كل خيريا غزلان على هذا النقل الطيب

ما اقدر اعلق بشي لاني ما احتجتهم و لا عندي خبرة بأسلبو عملهم و سرعتهم و ان شاء الله لا انا و لا غيري يحتاجهم و الله يديم علينا الصحه و العافيه

حبيت اسجل حضور و متابعة فقط

[بصمة قطرية]

للأســف مافي مخارج للأسعـــاف ..!!
وايد يعلقون في الزحمــة ..
و لازم نقــاط أسعــاف ثابتة بالذت في الأماكن
البعيدة وأماكن الزحمة ..
و لازم السواقين يكونون عارفين كل منــاطق البلد ..

[كلنا قطر 1981]

يحطون لنا سواقين اسعاف قطريين او مواليد قطر لانه هم الي يدلون قطر عدل و استخدام الجي بي اس بس القطريين و مواليد قطر هم من اكثر الناس الي عندهم خبره في التعامل مع الزحمه و الطرق و يدلون قطر عدل يعني عادي يدخل بين الفرجان و يختصر الطريق و الزحمه و الامور طيبه

اما مع احترامي لكل البشر التوانسه و الفلبينين وينهم وين قطر توهم ما كلموا ال 10 سنين

و طريقهم مرسوم عن طريق الجي بي اس فالتصرف عندهم مب سريع و لا قوة قلب

انا تعاملت وياهم في اكثر من موقف و بصراحه فاشلين

[جمال اليافعي]

الحمدلله انه خدمة الاسعاف في قطر افضل بكثير من خدمات بعض الدول المجاوره
انصدمت انه الاسعاف عندهم عباره عن باص ركاب
عالعموم الخدمه محتاجه شوية تطوير ونشوفها للافضل ان شاءالله

هههه شكلج أختي ما شفتي سيارات الأسعاف ( الحديثه ) على حسب قولة أخوانا بحمد الطبيه ...

باصات هههههههههه

صج بتشوفينهم قريبا بالشوارع وما عاد تشوفين سيارات الاسعاف الكبيرة :weeping:

[kuwari]

التقصير ايضا منا لان نحنا نبتعد عن هذا التخصص وقلة الاقبال علية وبخصوص ان توفير سواقين قطريين مش حل لانهم لازم ياخذون دورات عن الاسعافات الاولية والمعدات اللي موجودة بالفان ....

ويعطيكم العافية .....

[مو مهم]

والله سيارات الاسعاف في قطر من سيئ الا اسوء للاسف
والله فيه حوادث اقل من ٥ دقايق تاصلها من مركز الاسعاف والتاخير يكون ٤٥ دقيقه
والله تعبنا منهم
اذكر لي سالفه في احدى البلاغات تاخرت الاسعاف ما بين ال ٤٥ دقيقه الى الساعه ويوم جيت اكلمه ع سبب التاخير قالي عندك شي لا تقوله لي عندك اسمي وعندك رقم سياره الاسعاف واكتب تقريرك
يدري ان التقارير تنحط في الخرامه

لو يبون سواقين اسعاف من مواليد قطر اجيب لهم انا ٣٠ سواق اسعاف
وعندهم بعض المتقاعدين القطريين
فيه بس يبون السواقين من الجنسيه الفلبينيه والمسعفين تونسيين

[الغني بالله]

الحمدلله انه خدمة الاسعاف في قطر افضل بكثير من خدمات بعض الدول المجاوره ؟من .....
انصدمت انه الاسعاف عندهم عباره عن باص ركاب ؟ ما المقصود
عالعموم الخدمه محتاجه شوية تطوير ونشوفها للافضل ان شاءالله

ارجو التوضيح

[الغني بالله]

يحطون لنا سواقين اسعاف قطريين او مواليد قطر لانه هم الي يدلون قطر عدل و استخدام الجي بي اس بس القطريين و مواليد قطر هم من اكثر الناس الي عندهم خبره في التعامل مع الزحمه و الطرق و يدلون قطر عدل يعني عادي يدخل بين الفرجان و يختصر الطريق و الزحمه و الامور طيبه

اما مع احترامي لكل البشر التوانسه و الفلبينين وينهم وين قطر توهم ما كلموا ال 10 سنين

و طريقهم مرسوم عن طريق الجي بي اس فالتصرف عندهم مب سريع و لا قوة قلب

انا تعاملت وياهم في اكثر من موقف و بصراحه فاشلين:nice::nice::nice:

[غزلان]

الحمدلله انه خدمة الاسعاف في قطر افضل بكثير من خدمات بعض الدول المجاوره
انصدمت انه الاسعاف عندهم عباره عن باص ركاب
عالعموم الخدمه محتاجه شوية تطوير ونشوفها للافضل ان شاءالله


مثل ماذكرتي الخدمه محتاجه الى ناس تعرف كل اماكن قطر خاصه المناطق الى خارج الدوحه والى اسمائها صعبه على السواقين الفلبينين

شكرا

[مو مهم]

احسن من منو ....؟

تبون تقولون السعووديه

ترى السعوديه ٦٠ ضعف من قطر او اكثر وعندهم خطوط طويله
وغير كذا مراكز الاسعاف متوفره بكل مكان والاسعاف ما تتاخر تقريبا كل ٤٥ كم مركز اسعاف في الخطوط الخارجيه
اما الامارات الي اكبر من قطر ب ١٠ مرات تقريبا شايف حلقه عن الاسعاف واطول مسافه بين مركز الاسعاف و مكان البلاغ ١٥ دقيقه ع حسب البرنامج الي شفته وعندهم سيارات اسعاف متطوره (( مستشفى متنقل ))

هذا للي يمدح اسعاف قطر
واسالوا مجرب والا تسالون طبيب

[بوخالد911]

الحل :
يبيلهم موظفين من مواليد قطر يدلوون عدل الاماكن

جهاز الملاحة محدث باستمرار

ناس تشتغل بذمة وضمير

[تاجر كشخة]

شفتوا الاسعافات الجديده تقول باصات الخبز

[الأغر]

المشكله فقط في سواقين الاسعاف .. ما عندهم خبره في المسارات تأخير لعدم معرفة الاماكن .. والدروله الله بالخير !

[سـ ع ـود]

احسن من منو ....؟

تبون تقولون السعووديه

ترى السعوديه 60 ضعف من قطر او اكثر وعندهم خطوط طويله
وغير كذا مراكز الاسعاف متوفره بكل مكان والاسعاف ما تتاخر تقريبا كل 45 كم مركز اسعاف في الخطوط الخارجيه
اما الامارات الي اكبر من قطر ب 10 مرات تقريبا شايف حلقه عن الاسعاف واطول مسافه بين مركز الاسعاف و مكان البلاغ 15 دقيقه ع حسب البرنامج الي شفته وعندهم سيارات اسعاف متطوره (( مستشفى متنقل ))

هذا للي يمدح اسعاف قطر
واسالوا مجرب والا تسالون طبيب


هههههههههههههههه
ردك جبرني اني اعلق على الموضوع ليش حددت السعوديه؟ احد جاب طاريها؟ محد تكلم البنت تقول احسن من بعض دول الجوار ماقالت السعوديه !!
الا اذا اسعافات السعوديه باصات هذا شي ثاني !!
حسب مافهمته من كلامك .
نرجع لموضوعنا بخصوص الاسعاف عندنا في قطر اشوف محتاج لبعض التحسينات في الخدمه ورفع الجوده شوي اكثر من اللحين
بس بعد يظل احسن من بعض الدول الاسيويه :tease:

[مو مهم]

لو تقرا ردي انا قارنتها في اكبر دولتي وهي السعوديه والامارات

وللعلم انا قطري مب سعودي بس انا اتكلم بالحق

[بعيد المرامع]

الحمدلله انه خدمة الاسعاف في قطر افضل بكثير من خدمات بعض الدول المجاوره
انصدمت انه الاسعاف عندهم عباره عن باص ركاب
عالعموم الخدمه محتاجه شوية تطوير ونشوفها للافضل ان شاءالله


هههه شكلج أختي ما شفتي سيارات الأسعاف ( الحديثه ) على حسب قولة أخوانا بحمد الطبيه ...

باصات هههههههههه

صج بتشوفينهم قريبا بالشوارع وما عاد تشوفين سيارات الاسعاف الكبيرة :weeping:



هههههههههههههههه
ردك جبرني اني اعلق على الموضوع ليش حددت السعوديه؟ احد جاب طاريها؟ محد تكلم البنت تقول احسن من بعض دول الجوار ماقالت السعوديه !!
الا اذا اسعافات السعوديه باصات هذا شي ثاني !!
حسب مافهمته من كلامك .
نرجع لموضوعنا بخصوص الاسعاف عندنا في قطر اشوف محتاج لبعض التحسينات في الخدمه ورفع الجوده شوي اكثر من اللحين
بس بعد يظل احسن من بعض الدول الاسيويه :tease:



مدري انتم تشوفون غير اللي اشوفه ، ولا صار وتر تدندنون عليه

التطوير بالسعودية في مجال الاسعاف وصل مراحل متقدمة بحيث صارت هيئة للهلال الاحمر ، في حين بعض الدول "المجاورة" الاسعاف يتبع لوزارة الصحة

وصل الاسعاف بالسعودية للاسعاف الجوي ؟ مين بالدول المجاورة عندهم كذا ؟

كحل عيونك شوي معاي

www.you tube.com/watch?v=s-dUs8wLx2U

www.you tube.com/watch?v=jIUMoQdfcOw

http://s.alriyadh.com/2010/11/20/img/860811223182.jpg

http://www.saemn.com/wp-content/uploads/%D8%A7%D8%B3%D8%B9%D8%A7%D9%81-%D8%AC%D9%88%D9%8A-300x199.jpg

http://s.alriyadh.com/2012/04/03/img/065768817292.jpg

http://www.newsqassim.com/contents/newsm/13764.jpg

http://img190.imageshack.us/img190/9483/33b098cc6c.jpg

اخيرا ، اتمنى لو كان هنالك بعض القيود على استخدام الانترنت ، حتى لايختلط الحابل بالنابل ويصبح الكل " علماء " بكل شيء

[غزلان]

والله أهم مشكلة زحمة المرور والناس مايسوون طريق للإسعاف عشان يمروبعض المسعفين ما يعرفون عربي والناس ما عندهم دراية بالمصطلحات الإنجليزية والموضوع فعلاً مهم لازم يطورون الإسعاف


وزياده عدم معرفة الطرق لأماكن الحادث يعني من فتره صار حادث سواق الأسعاف مايعرف وين الطريق بصعوبه قدر يوصل وكانت الأصابات بعضها خطيره

[غزلان]

الله يجزيكي كل خيريا غزلان على هذا النقل الطيب

ما اقدر اعلق بشي لاني ما احتجتهم و لا عندي خبرة بأسلبو عملهم و سرعتهم و ان شاء الله لا انا و لا غيري يحتاجهم و الله يديم علينا الصحه و العافيه

حبيت اسجل حضور و متابعة فقط


ويجزيك كل خير خيو خلدون

ان شاء الله ماتحتاج لهم ولا احد من المسلمين

[غزلان]

للأســف مافي مخارج للأسعـــاف ..!!
وايد يعلقون في الزحمــة ..
و لازم نقــاط أسعــاف ثابتة بالذت في الأماكن
البعيدة وأماكن الزحمة ..
و لازم السواقين يكونون عارفين كل منــاطق البلد ..


:nice:

هذي الى يزيد الأسعاف صعوبه في اداء مهمته

[غزلان]

يحطون لنا سواقين اسعاف قطريين او مواليد قطر لانه هم الي يدلون قطر عدل و استخدام الجي بي اس بس القطريين و مواليد قطر هم من اكثر الناس الي عندهم خبره في التعامل مع الزحمه و الطرق و يدلون قطر عدل يعني عادي يدخل بين الفرجان و يختصر الطريق و الزحمه و الامور طيبه

اما مع احترامي لكل البشر التوانسه و الفلبينين وينهم وين قطر توهم ما كلموا ال 10 سنين

و طريقهم مرسوم عن طريق الجي بي اس فالتصرف عندهم مب سريع و لا قوة قلب

انا تعاملت وياهم في اكثر من موقف و بصراحه فاشلين


فعلا الأسعاف يحتاج الى سواقين قطريين عندهم خبره ودرايه باسماء المناطق وطرق الوصول لها

[غزلان]

هههه شكلج أختي ما شفتي سيارات الأسعاف ( الحديثه ) على حسب قولة أخوانا بحمد الطبيه ...

باصات هههههههههه

صج بتشوفينهم قريبا بالشوارع وما عاد تشوفين سيارات الاسعاف الكبيرة :weeping:


الله يعين اخوي

ياريت يحلون مشكلة تأخرهم لكبير للوصول للمصاب:rolleyes2:

[غزلان]

التقصير ايضا منا لان نحنا نبتعد عن هذا التخصص وقلة الاقبال علية وبخصوص ان توفير سواقين قطريين مش حل لانهم لازم ياخذون دورات عن الاسعافات الاولية والمعدات اللي موجودة بالفان ....

ويعطيكم العافية .....


معاك حق قلة الرغبه عند البعض في هذا التخصص

الله يعافيك

[OREO]

كم عدد البلاغات التي تستقبلها وزارة الصحة سنوياً ؟

كم عدد البلاغات التي تتأخر عن المده المطلوبه سنوياً ؟

ما هي نسبة الاخطاء المقبولة عالمياً الصادرة من منظمة الصحة العالمية ؟


اتمنى الاجابه يا صاحبة الموضوع على الاسئلة الثلاثة المطروحة لكي نعرف هل خدمة الاسعاف تستدعي التطوير ام لا ،، !!!

بإنتظار الاجابة ان شاءالله ،،

[ريماس الغلا]

دامهم جايبين توانسه ومغاربه ويفضلونهم على القطريين واهل قطر ومواليد قطر :


فما في داعي نتعب روحنا





متابع

[غزلان]

والله سيارات الاسعاف في قطر من سيئ الا اسوء للاسف
والله فيه حوادث اقل من ٥ دقايق تاصلها من مركز الاسعاف والتاخير يكون ٤٥ دقيقه
والله تعبنا منهم
اذكر لي سالفه في احدى البلاغات تاخرت الاسعاف ما بين ال ٤٥ دقيقه الى الساعه ويوم جيت اكلمه ع سبب التاخير قالي عندك شي لا تقوله لي عندك اسمي وعندك رقم سياره الاسعاف واكتب تقريرك
يدري ان التقارير تنحط في الخرامه

لو يبون سواقين اسعاف من مواليد قطر اجيب لهم انا ٣٠ سواق اسعاف
وعندهم بعض المتقاعدين القطريين
فيه بس يبون السواقين من الجنسيه الفلبينيه والمسعفين تونسيين


00

الله يعين اخوي الفلبينين شعرفهم ببعض الأماكن الى خارج قطر لازم بتتأخر الأسعاف

[غزلان]

الحل :
يبيلهم موظفين من مواليد قطر يدلوون عدل الاماكن

جهاز الملاحة محدث باستمرار

ناس تشتغل بذمة وضمير


كلامك صحيح اخوي وبخالد

هالشياء الى ذكرتها تنقص ألأسعاف عندنا

[غزلان]

شفتوا الاسعافات الجديده تقول باصات الخبز


:secret:

[غزلان]

المشكله فقط في سواقين الاسعاف .. ما عندهم خبره في المسارات تأخير لعدم معرفة الاماكن .. والدروله الله بالخير !


:nice::nice:

[غزلان]

مدري انتم تشوفون غير اللي اشوفه ، ولا صار وتر تدندنون عليه

التطوير بالسعودية في مجال الاسعاف وصل مراحل متقدمة بحيث صارت هيئة للهلال الاحمر ، في حين بعض الدول "المجاورة" الاسعاف يتبع لوزارة الصحة

وصل الاسعاف بالسعودية للاسعاف الجوي ؟ مين بالدول المجاورة عندهم كذا ؟

كحل عيونك شوي معاي

www.you tube.com/watch?v=s-dus8wlx2u

www.you tube.com/watch?v=jiumoqdfcow

http://s.alriyadh.com/2010/11/20/img/860811223182.jpg

http://www.saemn.com/wp-content/uploads/%d8%a7%d8%b3%d8%b9%d8%a7%d9%81-%d8%ac%d9%88%d9%8a-300x199.jpg

http://s.alriyadh.com/2012/04/03/img/065768817292.jpg

http://www.newsqassim.com/contents/newsm/13764.jpg

http://img190.imageshack.us/img190/9483/33b098cc6c.jpg

اخيرا ، اتمنى لو كان هنالك بعض القيود على استخدام الانترنت ، حتى لايختلط الحابل بالنابل ويصبح الكل " علماء " بكل شيء


ماقصروا الله يوفقهم ويحفظهم من شر الحوادث

[غزلان]

كم عدد البلاغات التي تستقبلها وزارة الصحة سنوياً ؟

كم عدد البلاغات التي تتأخر عن المده المطلوبه سنوياً ؟

ما هي نسبة الاخطاء المقبولة عالمياً الصادرة من منظمة الصحة العالمية ؟


اتمنى الاجابه يا صاحبة الموضوع على الاسئلة الثلاثة المطروحة لكي نعرف هل خدمة الاسعاف تستدعي التطوير ام لا ،، !!!

بإنتظار الاجابة ان شاءالله ،،




----

ان شاء الله لى صرت مسؤوله بوزارة الصحه بجاوبك على اسئلتك
حتى تكون اجابتي دقيقه ومن مصدر مسؤول

والموضوع تحقيق في جريده الرايه مب من تاليفي:)

[غزلان]

دامهم جايبين توانسه ومغاربه ويفضلونهم على القطريين واهل قطر ومواليد قطر :


فما في داعي نتعب روحنا





متابع


الله يعين اختي
حاطين ناس ماتناسب الخدمه الى يقدمونها

[سـ ع ـود]

مدري انتم تشوفون غير اللي اشوفه ، ولا صار وتر تدندنون عليه

التطوير بالسعودية في مجال الاسعاف وصل مراحل متقدمة بحيث صارت هيئة للهلال الاحمر ، في حين بعض الدول "المجاورة" الاسعاف يتبع لوزارة الصحة

وصل الاسعاف بالسعودية للاسعاف الجوي ؟ مين بالدول المجاورة عندهم كذا ؟

كحل عيونك شوي معاي

www.you tube.com/watch?v=s-dus8wlx2u

www.you tube.com/watch?v=jiumoqdfcow

http://s.alriyadh.com/2010/11/20/img/860811223182.jpg

http://www.saemn.com/wp-content/uploads/%d8%a7%d8%b3%d8%b9%d8%a7%d9%81-%d8%ac%d9%88%d9%8a-300x199.jpg

http://s.alriyadh.com/2012/04/03/img/065768817292.jpg

http://www.newsqassim.com/contents/newsm/13764.jpg

http://img190.imageshack.us/img190/9483/33b098cc6c.jpg

اخيرا ، اتمنى لو كان هنالك بعض القيود على استخدام الانترنت ، حتى لايختلط الحابل بالنابل ويصبح الكل " علماء " بكل شيء


قطر
:)

[فلتة زمانها]

بل بل بل
كل هالردود عشان قلت دول مجاوره انزين من جاب طاري السعوديه
يمكن اقصد البحرين :waiting:

[بوعلي2]

احس به يتوهق بالزحمه

يبيله مخارج على الاقل

[بوعلي2]

هههههههههههههههههههههه

[إكليل الزهور]

الحين من كم سنة و القطريين يتصلون في برنامج "وطني الحبيب صباح الخير" ويشتكون انهم يبون وظايف كسواقين سيارات إسعاف؟ و يقولون احنا ندل أكثر من الأجانب و نبي وظايف، و محد قاعد يوظفهم!!!

تطوير الإسعاف مهم جداً، و الردود تثبت شقد في تقصير و أخطاء ولازم تتصحح

يعني الأجانب ماينعطون دورات؟ عطوا القطري دورات بعد.. أهلوه لتحمل مسؤولية هالوظيفة!

اذا كل مكان يدور جاهز و متدرب و خبرة.. متى بيتأهل القطري لشغل الوظايف؟ دربوهم و اكسبوا، استثمروا فالمواطن.. الأجانب مردهم بيسافرون اما القطري موجود و هذي بلاده...

الله يوفق اخواننا و المسؤولين للي فيه الخير.. و إن شاء الله قريب نسمع عن توظيف القطريين في الإسعاف:victory:

[OREO]

كم عدد البلاغات التي تستقبلها وزارة الصحة سنوياً ؟

كم عدد البلاغات التي تتأخر عن المده المطلوبه سنوياً ؟

ما هي نسبة الاخطاء المقبولة عالمياً الصادرة من منظمة الصحة العالمية ؟


اتمنى الاجابه يا صاحبة الموضوع على الاسئلة الثلاثة المطروحة لكي نعرف هل خدمة الاسعاف تستدعي التطوير ام لا ،، !!!

بإنتظار الاجابة ان شاءالله ،،



----

ان شاء الله لى صرت مسؤوله بوزارة الصحه بجاوبك على اسئلتك
حتى تكون اجابتي دقيقه ومن مصدر مسؤول

والموضوع تحقيق في جريده الرايه مب من تاليفي:)

انتي صاحبة الموضوع و من واجبج انج تبحثين عن الخلل و تشاركين فيه الاعضاء لأجل موضوعج يطلع بنتيجه !!

----------------------

طيب راح اطرح سؤال ثاني ممكن يساعد الموضوع او على الاقل يخدم الموضوع و نطلع بنتيجه ان شاءالله ،،


ماهي الحلول بإعتقادج اللي نقدر نطور من خدمات الاسعاف عندنا ؟

[مخاوي الشيبة]

الله يسلام على الاسعاف بس

كنه مطر يتمنى الواحد يشوفه بس يزرق وراه عشان يفتك من الزحمه ههههههههههههههههاي


الله يهداهم بعضهم عليهم تصنيفه

على ماظن نمر السيارات الجديده فيها شريحة صغيره تقوم بتحديد موقع الحادث لاسمح الله هذا والله اعلم

ومافيها اي شي لما القطري يصير مسعف او سائق الاسعاف نفسه على الاقل على دراية ويدل بمناطق بلده

[بصمة قطرية]

انتي صاحبة الموضوع و من واجبج انج تبحثين عن الخلل و تشاركين فيه الاعضاء لأجل موضوعج يطلع بنتيجه !!

----------------------

طيب راح اطرح سؤال ثاني ممكن يساعد الموضوع او على الاقل يخدم الموضوع و نطلع بنتيجه ان شاءالله ،،


ماهي الحلول بإعتقادج اللي نقدر نطور من خدمات الاسعاف عندنا ؟



اذا ممكن اجاوبك واذكر بعض الحلول ،،،،، لازم في كل الشوارع و بالذات المزدحمة يكون في مخارج خاصه لسيارات الاسعاف ،،،، و لازم سواقين الاسعاف يكونون على دراية تامة بمناطق البلاد حبذا لو كانوا مواطنين او مقيمين ،،،، اعطائهم دورات في الاسعافات الاولية اقصد سائقين الاسعاف المسعفين طبعاً خالصين ،،، وضع نقاط معينة لسيارات الاسعاف بحيث تكون ثابته في مناطق مختلفة ،،،

[مو مهم]

انا اقولك عن الحلوول
ازاله الجنسيه الفلبينيه
اضافه الجنسيه القطريه او ميلاد قطر
.......
والله ان الخليجي يروح للحادث كانه اخوووه او ولد عمه بسررعه هذا الي اشوفه من قبل الدوريات ( مع انه من المفترض وصول الاسعاف قبل الدوريات )
ووللعلم العمليات تبلغ الاسعاف قبل الدوريات
وتوصل الدوريات للمكان وينادون الاسعاف اكثر من مره.. دون جدوى وبالاخير اذا كلمنه عن التاخير يقولك عندك اسمي ورقم الاسعاف اكتب تقريك
نكتب تقرير ينحط بالخرامه

[إكليل الزهور]

اذا ممكن اجاوبك واذكر بعض الحلول ،،،،، لازم في كل الشوارع و بالذات المزدحمة يكون في مخارج خاصه لسيارات الاسعاف ،،،، و لازم سواقين الاسعاف يكونون على دراية تامة بمناطق البلاد حبذا لو كانوا مواطنين او مقيمين ،،،، اعطائهم دورات في الاسعافات الاولية اقصد سائقين الاسعاف المسعفين طبعاً خالصين ،،، وضع نقاط معينة لسيارات الاسعاف بحيث تكون ثابته في مناطق مختلفة ،،،

قريت - فالجريدة اذا ماكنت غلطانة - مقترح بتحويل الحديقة اللي بين المسارين فالطرق العامة إلى مسار لسيارات الإسعاف.. هالاقتراح قريته من أكثر من سنة و أتمنى يتطبق لأهميته...

[مستثمر111]

الحل بسيط جدا تحويل جهاز الاسعاف بالكامل الى وزاره الداخليه افضل حل وتحت اداره مستشفى الشرطه ابرك من تخبط الادارات في مستشفى حمد كل يوم مدير شكل وكل مدير يجي يحط استراتيجيه غير ويبوق لين يقول بس الحين مدير بريطاني جاب سيارات مرسيدس خل يجي شهر ٦و ٧ والله بتفحون من الحر انا جربت الفان المرسدس ماينفع في الصيف حراره السياره تقوم و يخف عزمه كثير بس اش نقول عيونه خضر ويتكلم انجليزي اكيد هو صح الحل هو نقل جهاز الاسعاف للداخليه واصلا شغل الاسعاف دايما بشارع ومع الداخليه خليهم يكونون اداره تابعه لهم وبعدين بتشوفن كيف الانضباط عندهم

[الأغر]

انا اقولك عن الحلوول
ازاله الجنسيه الفلبينيه
اضافه الجنسيه القطريه او ميلاد قطر
.......
والله ان الخليجي يروح للحادث كانه اخوووه او ولد عمه بسررعه هذا الي اشوفه من قبل الدوريات ( مع انه من المفترض وصول الاسعاف قبل الدوريات )
ووللعلم العمليات تبلغ الاسعاف قبل الدوريات
وتوصل الدوريات للمكان وينادون الاسعاف اكثر من مره.. دون جدوى وبالاخير اذا كلمنه عن التاخير يقولك عندك اسمي ورقم الاسعاف اكتب تقريك
نكتب تقرير ينحط بالخرامه

معقوله الاستهزاء يصل الى اللامبالاة بكتابة تقرير !!
إذا كان صحيح في خلل في الاداره !!