المجلس الاعلى للتعليم .....معقولة ياناس

[فيزيائية]

مساء الخير




وكما تعلمون لقد بدأ التسجيل للسنة الدراسية القادمة من يوم الاربعاء للطلاب والطالبات
وكالعادة اولوية التسجيل لمن عندهم اخوة بنفس المدرسة
ومن المفرح الاستعانة بالتكنولوجيا بدل بهدلة التسجيل اليدوي
ففكرة التسجيل الالكتروني اكثر من رائعة
ولكن (يافرحة ماتمت)....
فعندما نطبق قانون ما ونشدد عليه ينسى المسؤلون الكرام ان هنالك استثناءات يجب النظر فيه....للتسهيل على العباد....

معقولة يكون عندي ابناء في مدرسة وعندما اريد تسجيل اخوتهم لا استطيع مع ان الاولوية لهم !!!!!!
والسبب بكل بساطة (رقم الكهرباء) ....
يعني بالتسجيل الجديد يجب وضع رقم الكهرباء وما يحدده الكمبيوتر من اسماء مدارس معينة هي فقط مايتم التسجيل فيه...
والطريقة ممتازة لعدم التكدس
ولكن عندما يكون لدينا اخوة تم تسجيلهم بالنظام القديم ولانستطيع ادخال اخوتهم بسبب النظام الجديد ......فهذه مصيبة لاي ولي أمر ....



لذا اناشد المجلس الاعلى بالنظر في هذه المسألة انسانياً....حالا ....
واللي عنده حل من اهل المنتدى لايبخل فيه علينا ....:(

[intesar]

روحي المدرسة كلميهم.. يمكن الحل عندهم.. بالنسبة للبيان وزعوا أوراق لتسجيل اللي عندهم أخوان..

[فيزيائية]

هم ماعندهم حل لان المجلس مشدد عليهم الالتزام بالقوانين بحذافيرها

[بصمة قطرية]

ذكرتيني العام صارت معاي نفس السالفة ..
ثلاثة من عيالي في نفس المدرسة
و يوم جيت اسجل الصغير طلبوا رقم الكهربا ..!!
انزين اخوانه في نفس المدرسة ..
قالوا لي لازم رقم الكهربا ولا ما يتسجل الولد ..:(
و يوم وديت الرقم قالوا لي ولدج لازم يدخل مدرسه ثانية ..:eek5:
قلت لها عسى ماشر ..:anger1:
اوزع عيالي كل واحد في مدرسة ..:anger1:
شلون قبلتوا اخوانه ..!!! :anger1:

[فيزيائية]

بصمة ...
كملي القصة من فضلج وين سجلتيه ؟؟
هل فيه حل ؟؟

[فيزيائية]

مافي حد عنده حل ):

[abusultan]

نفس المشكلة .. من سنتين سجلت أحد أبنائي وتم تسجيله حسب رقم الكهرباء
والآن أريد أن أسجل أخاه الأصغر، وعند أدخالي رقم الكهرباء فوجئت أن المدرسة تختلف عن المدرسة التي سجلت بها أخاه الأكبر
نتمى إيجاد حل ..

[elders]

اختي فيزيائية ..الطالب تسجيل جديد او تحويل ؟؟

[khaldoon]

هذه اسمها بيروقراطية عجيبه

ذكرتيني بسالفه اللي الاوروبي اللي يبي يصرف راتبه التقاعدي كل شهر لو يثبت انه على قيد الحياه كل شهر

الرجال تقدم بالطلب بشهر يونيو و صرفوله راتبه التقاعدي لانه اثبت انه عايش بس ما صرفوله راتب مايو لانه ما جاب ما يثبت انه عايش في مايو

[بصمة قطرية]

بصمة ...
كملي القصة من فضلج وين سجلتيه ؟؟
هل فيه حل ؟؟

تسجل في نفس المدرسة مع اخوانه ..
بس كان لازم رقم الكهربا لأتمام عملية التسجيل ..

[ريماس الغلا]

روحي للمجلس الاعلى واطلب حل اختي مب تكتبين بالمنتديات تطلبين حل


اهني الاعضاء كتاب وليس عندهم الجواب الشافي





متابع

[فيزيائية]

بنتي بادخلها الروضة يعني جديدة
ولان الاولوية للخوات المفروض تتسجل
بس قبل لي سجلت خواتها كانت اقرب روضة هذي
والحين بعد كذا سنة فتحوا روض ثانية اقرب
بس كل روضة تابعه لمدرسة معينة
لو دخلته مثلا روضة الاسراء راح تتحول لمدرسة الاسراء
وانا بناتي في خديجة .......................

[فيزيائية]

روحي للمجلس الاعلى واطلب حل اختي مب تكتبين بالمنتديات تطلبين حل


اهني الاعضاء كتاب وليس عندهم الجواب الشافي





متابع

تعتقدين لو عطوني حل كان كتبت هني :weeping:

وعلى قولة النائبة بالمدرسة ...
جاتهم وحدة من المجلس وشددت عليهم :(
الله يشدد عليهم مثل مايشددون علي المسلمين

[حسن]

الصراحه ماتزعل
مايصير تسجلون اعيالكم في مناطق غير مناطقكم بحجه ان المدرسه ذي غير وتاخذون نصيب
مناطق محسوبه على المدرسه
الا انا مع المجلس السنه ذي لما جيت اسجل ولدي في المنطقه اللى انا فيها بسبب انتقالي
الى منزل جديد رفضت المدير وعقب مقابله خالد الحرقان جزاه الله خير سجله غصب عنها
ولما اروح اجيب ولدي واتفاجا من ناس اعرفهم من معيذر وام اصلال والريان وغيره
وانا بيني وبين الدرسه اقل من كيلو1 هل هذا يصيريافيزيائيه
الحين المجلس اكتشف اللعبه ويحاول يضع لها حد وايده في ذالك

[elders]

بنتي بادخلها الروضة يعني جديدة
ولان الاولوية للخوات المفروض تتسجل
بس قبل لي سجلت خواتها كانت اقرب روضة هذي
والحين بعد كذا سنة فتحوا روض ثانية اقرب
بس كل روضة تابعه لمدرسة معينة
لو دخلته مثلا روضة الاسراء راح تتحول لمدرسة الاسراء
وانا بناتي في خديجة .......................

السيستم هلأ ما رح يقبل لانو مرتبط باين مدرستي بس ممكن تحاولي مع المدرسة بفترة سد الشواغر ..بالتوفيق

[ANONYMOUS]

الصراحه ماتزعل
مايصير تسجلون اعيالكم في مناطق غير مناطقكم بحجه ان المدرسه ذي غير وتاخذون نصيب
مناطق محسوبه على المدرسه
الا انا مع المجلس السنه ذي لما جيت اسجل ولدي في المنطقه اللى انا فيها بسبب انتقالي
الى منزل جديد رفضت المدير وعقب مقابله خالد الحرقان جزاه الله خير سجله غصب عنها
ولما اروح اجيب ولدي واتفاجا من ناس اعرفهم من معيذر وام اصلال والريان وغيره
وانا بيني وبين الدرسه اقل من كيلو1 هل هذا يصيريافيزيائيه
الحين المجلس اكتشف اللعبه ويحاول يضع لها حد وايده في ذالك


صحيح كلامك

بس يوم يكون اخ او اكثر بنفس المدرسه المفروض يتسجل وياهم
او ينقلون كل العيله للمدرسه الاقرب
(طبعا المصلحه العامه ان الاخير هو اللي يتسجل )

وعفا الله عما سلف

[حسن]

صحيح كلامك

بس يوم يكون اخ او اكثر بنفس المدرسه المفروض يتسجل وياهم
او ينقلون كل العيله للمدرسه الاقرب
(طبعا المصلحه العامه ان الاخير هو اللي يتسجل )

وعفا الله عما سلف

بالنسبه للحاله اللي تتكلم عنها لاتحاتي المجلس غصب عليه ان يسجلهم لك دام انهم خاضعين
لنفس المنطقه يعني مثل حالتى طارت المديره وقعت قلت له غصب اسجل ولدي
عندك بحكم انه اقل من كيلو1 ورفضت وعقب جات الامر لها وتقبلت بصدر رحب وانتهت المسرحيه والفلم اللي يسونه هل المديرات ماصدقو يعطونهم سلطه:victory:

[ANONYMOUS]

بالنسبه للحاله اللي تتكلم عنها لاتحاتي المجلس غصب عليه ان يسجلهم لك دام انهم خاضعين
لنفس المنطقه يعني مثل حالتى طارت المديره وقعت قلت له غصب اسجل ولدي
عندك بحكم انه اقل من كيلو1 ورفضت وعقب جات الامر لها وتقبلت بصدر رحب وانتهت المسرحيه والفلم اللي يسونه هل المديرات ماصدقو يعطونهم سلطه:victory:



وهذي حالة الاخت فيزيائيه وانشالله اقبلوا عيالها



يعطيك العافيه جبت لهم الطريقه :)

[فيزيائية]

الصراحه ماتزعل
مايصير تسجلون اعيالكم في مناطق غير مناطقكم بحجه ان المدرسه ذي غير وتاخذون نصيب
مناطق محسوبه على المدرسه
الا انا مع المجلس السنه ذي لما جيت اسجل ولدي في المنطقه اللى انا فيها بسبب انتقالي
الى منزل جديد رفضت المدير وعقب مقابله خالد الحرقان جزاه الله خير سجله غصب عنها
ولما اروح اجيب ولدي واتفاجا من ناس اعرفهم من معيذر وام اصلال والريان وغيره
وانا بيني وبين الدرسه اقل من كيلو1 هل هذا يصيريافيزيائيه
الحين المجلس اكتشف اللعبه ويحاول يضع لها حد وايده في ذالك

بس الظلم يزعل

يعني خوات وكل وحدة بمدرسة ؟؟
قوانين المجلس مب قرآن علشان مافيها استثناء...
وانا قلت اني مع التسجيل تبع المنطقةبس لازم استثناء للي اولردي عيالهم بالمدرسة من سنين ...

[بورصواوي]

احسن علشان تخف الزحمه ليش تنقلون عيالكم مكان ثاني بعيد دام في مدرسه اقرب

والمدارس الحل اذا في امكانيه تنقولن الاثنين المدرسه الاقرب او تدورون احد من اهلكم ساكن قريب وتعطونه رقم الكهرباء على اساس ان العيال ساكنين مع عمهم او خالهم