حياكم ..

[خيالة قطر]

السلام عليكم والرحمه

ندخل فالموضوع سيده ..
يجماعة الخير أنا صارلي سنه فالبيت من التخرج ( ثانويه عامه )
وقدمت أوراقي فكل مكان
لأكن لا مجيب .. وحتى قدمت فالمعررض المهني ..
لأكن ما حصلت ولارد

تكفون اللي يعرف اماكن محتاجين موظفات مايبخل علي
وانا عندي شهادة كمبيوتر ..
جفت في مدارس يبون وفي المطار بعد يبون موظفات
بس هلمكانين أنا مارتحتلهم ..

الود ودي في وزاره الداخليه وهلمكان أشوفه
افضل لي وقدمت عندهم صارلي شهر مقدمه بس ماحصلت رد

واللي بيساعدني الله يجزيه اضعااف اضعااف اللي يتمناه :)

[sweet qatar]

شوفي موضوع الوظائف المثبت في القسم..


عسى الله يوفقج بالوظيفة الي تتمنينها..

[بصمة قطرية]

الله يوفقج اختي ..
جربي المدارس المستقلة ..

[روح الاطلس]

تبين الداخلية؟ براحه بتتوظفين

حاول تدشين على مدير الموارد البشرية اللي اعرفه يوظفون حتى اللي عندهم ابتدائي وهالوزارة بالذات اغلبها قطريين ويشجعون القطريين بالتوظيف

[خيالة قطر]

امين
أنا ذكرت ف الموضوع مدارس ومطار بعيده عنهم ماحب فهالمكانين

الداخليه والله صارلي شهر ماحصلت رد منهم
الله كريم

[خيالة قطر]

:)

،...

[الأغر]

الوظائف الشاغرة

وزارة الداخلية تضطلع بتحقيق الأمن والطمأنينة في المجتمع وتعمل على تعزيز الاستقرار لدعم خطط التنمية الشاملة التي تشهدها قطر في شتى المجالات.

وفي سبيل ذلك يسر وزارة الداخلية تلقي طلبات الراغبين في الالتحاق بالعمل لدى إداراتها المختلفة من ذوي الكفاءة والخبرة والطموح وحب العمل.
يمكنكم التواصل معنا عبر :
الهاتف : 44849444
البريد الإلكتروني : aad@moi.gov.qa

تواصلي معهم مره ثانيه عن طريق النت اختي والله يوفقك إن شاء الله

[خيالة قطر]

الله يوفقك ياخوي ويرزقك بالي تتمناه
في الدنيا والآخرة. :)

[مخاوي الشيبة]

مثل ماقال اخوي في وزارة الداخلية جربي معاهم وانشالله بتوصلين الى وظيفه

اذا ماقبلو مره قدمي ثاني مره

خبرج ربعنا بعضهم يبيلهم حنه او تنشبله في حلقه ههههههههه

موفقه انشالله

[خيالة قطر]

ان شاءالله ياارب ادعوولي

[خيالة قطر]

اتصلت لهم قالو شهر تو الناس !!
انطررررري


وانا اعرف نااس عندهم واسطه من ثاني يوم توظفوو
وبدون مقابله :)

الله كريم