مؤسسة قطر للبترول ضد تطور مواطن القطري

[kaafy]

سلام عليكم ورحمة الله وبركاتة

مؤسسة قطر للبترول من وجهة نظري و من الواقع الى اتعايش معه , اجدها اكبر مؤسسة في قطر للاسف ضد القطري ومع الغير من الجنسيات

والاثباتات على ذلك

1. منع اعطاء بعثة الا بعد :

ا. الانتهاء من التدريب الذي يستمر 2 للامن و 4 -5 للفنين
ب. الانتهاء من مسمى "موظف تحت التطوير" , الذي يستمر 3 - 4 سنوات بعد التدريب
ج. اعتماد و موافقة اقسام مختلفة في مؤسسة تاخذ سنة تقريبا

__________ اي تقريبا يكون الشاب او شابه امضى مايقارب 6 سنوات او كثر حتى يحصل على بعثة التي تكون 4 سنوات ____________

................... يعني يكون شيب ماحصل خير عمره صار 30 او اكثر :anger3:.......................

2. عدم اعتماد اي شهادة ياتي بها القطري الذي على راس العمل اذا لم تكن مبعوث من موسسة قطر

ا. لن يتم اعتماد شهاده الا اذا كانت مدرجه ضمن جامعات المجلس الاعلى و اذا جاء غير القطري مع نفس الشهادة تم اعتمادها:anger1:
ب. مع الاعلم ان غير القطري يعتمدون اي شهاده قد ياتي بها حتى لو كان على راس العمل


3. عدم اسماح للقطري باخذ التفرغ المسموح به في الدستور القطري اذا كان مرافق للشخص يتعلم بالخارج

ا. يعني ماضر الموظف بس وضر هله بعد و عطل مواطن عن دراسه
ب. ماعطى الموظف تعلم و كسب مهاره اللغة او تواصل مع ناس خلفيتهم الثقافيه غير
ج. خروج الموسسة الشبة حكومة مع العلم ان قطر تملك مايقارب نصف هذه الشركات من حكم الدستور القطري الذي هو بمثابة احترام البلد :omg: و القهر المحكمة تقول حاله خاصه:anger1:


بعد هذا كله السبب هو كون المدراء و الرؤساء من قطرين وغير قطرين
مايبغون احد ينجح وياخذ مكانهم
او ينجح ويسوي لهم زحمه على مكان
او عدم الاهتمام بالقطري وتعلمة وبنائة لبلدة بنفسة



بعد هذا كله اود ان اطرح قضيتي

انا جامعية حاصلة على درجة تؤهلني ان ادرس ماجستير
الا ان موسسة قطر للبترول لم تسمح لزوجي ان ياخذ تفرغ
مما دفعني ان اتخلى عن حلمي وواجبي لتكوين ماده علمية بنائة للمجتمع القطري ودولتي قطر
والقهر ماقدر اسوي شي حتى محكمة قالت صح دستور ينص على مرافق
ولكن موسسة قطر للبترول حاله خاصة لانها شبة حكومية


وش رايكم

[XP.Qatar]

مؤيد لمعظم الكلام الي ذكرتيه ..

بس حبيت انوه ، إذا عرف السبب بُطل العجب ..

معظم الموظفين في قسم التطوير hrd .. كانوا مجرد مدرسين في مركز التدريب .. أي ليس عندهم أي مؤهلات للمصادر البشرية وتطوير الموظفين .. واللستة موجودة ومعروفة ..

تحياتي

[الكولونيل]

الله يعينك

[بن غيث]

اشتكي عليهم في مجلس الشورى

[al-obaidly]

,واحلى مسخره عندهم واحد عمره فوق الخمسين يبغي ترفيعه يقولونه روح خذ كورس لغه بعدين تعال

[al-waheed10]

كلام صحيح 100%

[R 7 A L]

أختلف معاك أخوي
انها ضد تطوير المواطن


يمكن اتفق معاك انها تبي لها سنوات لين تبعث الموظف
بس منطقياً معاهم حق


أكبر دليل انها مع تطوير المواطن وانها أكبر مؤسسة مع تطوير المواطن
روح شوف برا خصوصاً بريطانيا واستراليا يمكن 90 % من الشباب الى يدرسون مبتعثين عن طريق قطر للبترول .

[طرفه]

أختلف معاك أخوي
انها ضد تطوير المواطن


يمكن اتفق معاك انها تبي لها سنوات لين تبعث الموظف
بس منطقياً معاهم حق


أكبر دليل انها مع تطوير المواطن وانها أكبر مؤسسة مع تطوير المواطن
روح شوف برا خصوصاً بريطانيا واستراليا يمكن 90 % من الشباب الى يدرسون مبتعثين عن طريق قطر للبترول .



جزاك الله خير قلت كلمة حق

سؤالي لصاحب الموضوع
هل في هناك جهه حكوميه تعمل افضل من قطر للبترول ؟
مع اني عندي تحفظات كثيره عليهم ما في داعي لذكرها هنا لان الموضوع مختلف

[البدع]

اغلب النقاط الي ذكرتها صحيحة

ولكن (الحقيقة) ان اكثر موظفيين متطورين في قطر هم موظفيين قطر للبترول والغاز

واكثر مكان فيه بطالة مقنعة في قطر هو قطر للبترول والغاز

التوقيع/
موظف بطالة مقنعة سابقا

[Rayane]

مؤيد لمعظم الكلام الي ذكرتيه ..

بس حبيت انوه ، إذا عرف السبب بُطل العجب ..

معظم الموظفين في قسم التطوير hrd .. كانوا مجرد مدرسين في مركز التدريب .. أي ليس عندهم أي مؤهلات للمصادر البشرية وتطوير الموظفين .. واللستة موجودة ومعروفة ..

تحياتي

I agree 100% with you. sadly this is the truth

[ابوالكلام]

قطر للبترول نعم تطور الموظفيين القطريين ولاكن يحلم الموظف ان يمسك منصب التطوير مجرد ذر الرماد في العيون مسكنات والمدراء الكبار على ايام العصر الحديدي الناس بالعشرات تشتكي من قطر للبترول لا يضحكون عليكم

[Rayane]

جزاك الله خير قلت كلمة حق

سؤالي لصاحب الموضوع
هل في هناك جهه حكوميه تعمل افضل من قطر للبترول ؟
مع اني عندي تحفظات كثيره عليهم ما في داعي لذكرها هنا لان الموضوع مختلف



قطري

عندي ثانويه عآآآمه

10 سنوات خدمه

عندي آيلتس 6.0 من شهر 6 اللي فات يعني للحين ما كمل سنه....

ورافضين يبعثوني.... ليش.....؟ مع العلم ما علي ولا يوم غيآب ولا عندي مشآكل اداريه ولا تأخير ... ليش...؟

لانه ما جبت لهم الشرط الأسآسي.... اللي هو الوآآآآآآآآسطه .. وخالي مدري عمي ما يشتغل في الـ hrd ولا يعرف حد منهم..... ولا يقعد مع المدرآآ في الاجتماعات والحاجات ذي.

خلونا نكون واقعيين.....

[ابوالكلام]

قطري

عندي ثانويه عآآآمه

10 سنوات خدمه

عندي آيلتس 6.0 من شهر 6 اللي فات يعني للحين ما كمل سنه....

ورافضين يبعثوني.... ليش.....؟ مع العلم ما علي ولا يوم غيآب ولا عندي مشآكل اداريه ولا تأخير ... ليش...؟

لانه ما جبت لهم الشرط الأسآسي.... اللي هو الوآآآآآآآآسطه .. وخالي مدري عمي ما يشتغل في الـ hrd ولا يعرف حد منهم..... ولا يقعد مع المدرآآ في الاجتماعات والحاجات ذي.

خلونا نكون واقعيين.....

انا معاك اخوي شركة يبليها اعادة هيكلة ناس وايد تبهدلو فيها لحق على نفسك واطلع والا بيضيع عمرك فيها ما اقول الا وين المسئولين

[طرفه]

قطري

عندي ثانويه عآآآمه

10 سنوات خدمه

عندي آيلتس 6.0 من شهر 6 اللي فات يعني للحين ما كمل سنه....

ورافضين يبعثوني.... ليش.....؟ مع العلم ما علي ولا يوم غيآب ولا عندي مشآكل اداريه ولا تأخير ... ليش...؟

لانه ما جبت لهم الشرط الأسآسي.... اللي هو الوآآآآآآآآسطه .. وخالي مدري عمي ما يشتغل في الـ hrd ولا يعرف حد منهم..... ولا يقعد مع المدرآآ في الاجتماعات والحاجات ذي.

خلونا نكون واقعيين.....



اخوي ما شاء الله عليك مستوفي جميع الشروط من ناحيتك
بقى ان دائرتك تعطيك تارجت بوزشن وهي وظيفة المستقبل
ومن ثم دائرتك بالتنسيق مع ادارة التطوير ترفع الموضوع للجنة الهيرك
للموافقه والابتعاث

واتمنى لك التوفيق في حياتك العلمية والعملية

[kaafy]

ايه في موسسات تشتغل احسن من قطر للبترول

انا ابوي يشتغل في قطر للبترول خدمه 27 وهو موظف المثالي في دخان كل هذي المده ولا خذ مره اجازة عارضه

صح ماعنده شهاده بس يقرا ويكتب انجليزي ويعرف كل شغل الفنين

مع ذلك ماترقى يكون سنير والحين هو متقاعد ومعاشه في الحضيض

وغير هذا اتعاب او مكافئة الي تعطى في اخر الدوام تكون مليون و 500 للعساكر اضن


اما هو المليون حقه ماصفى منها الا 160.000 الف فقط لان خصميات غياب من سنه 1986 وغيرها من كلام السرقه و الكلام الفاضي و تقاعد بعد خذو كم من الف و كل هيئة خذت حقها من نصب والاحتيال

كلن خذ قسمة وماصفى له الا هذا المبلغ من مليون وشي وعندي كل دلائل

هذا كلام سنه 2005 ولين الحين مافيه فائده

شوف العسكري وشرطي صح تعب وشغل و كد بس حقة مضمون

شوف موظفين الوزارت

شوف موظفين الديار

شوف موظفين الحديد والصلب

وكلن فيه زينة وشينة بس قطر للبترول ماخذه الصدارة الا اذا كان عندك واااااااسطة

.......................

من غير هذا زوجي موظف تحت 25 عنده خبرة عمل 5 سنوات مع شهاده ثنوية 2011 بنسبة فوق 70 وعنده ايليس في مصنع كامل مافيه الا 4 قطريين بس ويبغون يطفشونهم بس قالوا له مافيه الا اذا خلصت موظف تحت التطوير و بعدها نحول ملفك على قسم البعات

ولاااازم يكون مديرك راضي عليك - الى عارف انه لو تطورت خذيت مكانه - او مافيه بعثة



يقهرون يبغي لهم من غير هلكيتهم

[مهاوي الشمال]

الكلام المكتوب صحيح ١٠٠٪

والhrd عباره عن عصابه قاعده تتصيد فالقطريين اللي ماعندهم واسطات ولا يقربلهم فلان وعلتان

يتهمون الناس بالتسيب وهم اكبر المتسيبين ومتفرغين بس للبزنس الخاص

ويتهمون الناس بالواسطه والمحسوبيه وهم اللي اصلا متوظفين وماسكين مناصبهم بالواسطه والمحسوبيه

ياعطون نفسهم الدورات والبعثات ويحرمون الناس منها

[Rayane]

اخوي ما شاء الله عليك مستوفي جميع الشروط من ناحيتك
بقى ان دائرتك تعطيك تارجت بوزشن وهي وظيفة المستقبل
ومن ثم دائرتك بالتنسيق مع ادارة التطوير ترفع الموضوع للجنة الهيرك
للموافقه والابتعاث

واتمنى لك التوفيق في حياتك العلمية والعملية


الله يجزاك كل خير.....

هذا مربط الفرس وانا اخوك... الاداره والhrd متعاونين ياخوك....

بعد ما طلبت مقابلة مدير العمليات قالوا لي بنوديك الشمال الاطلنطي وتارجت بوزشن ( سنير تكنش تحت التطوير ) يعني بي سي بي على العاشره... عقب 3 سنوآآآآت:rolleyes2::eek5:

واضطريت اني اوافق لاني اعرف انه افضل عرض ممكن من ورى هالخمه....

واول ما اخلص بأقدم استقالتي واسحب عليهم... حسبي الله عليهم ونعم الوكيل...

[XXX]

موظف صار لي 10 سنين
عندي شهادة توفل بمعدل 517
عندي شهاده من وزير الطاقه موقعه بخط اليد ,, شهاده تقدير
شهادة دبلوم عالي
كورسات كثيره
باقي لي على السنير 3 درجات
للعلم من دخلت والى اليوم ترفعت درجتين

وشكرا

عشان تترفع لازم تتوفر عندك كذا موهبه
في كلام ماينقال ف المنتدى والا ببط البرمه
واذا تكلمت قالو هذا حسود
لكن قالوها : العنز ماتشوف ,,,,,,,,,

السلام عليكم

[البدع]

بعض الكلام الي كتب غير صحيح

في قطر للبترول اذا ماعندك شهادة جامعية فوضعك يكون عادي

اذا حصلت شهادة جامعية فامامك 3 مشاكل

- بطالة مقنعة ( تقعد في مكتب لاتهش ولاتنش)
- تملحس ونفاق وفساد اداري ( الي يحب خشوم ويلعب بلسانه يترقئ)
- قطر للبترول اغلب الوظائف القيادة هي لقطريين فصعب تترقى

ولكن هناك نقاط إيجابية وهي:

- يكون متطور سوا لغة او جودة او تفكير
- يكون سهل يتوظف باي شركة اخري
- راتبه قوي

أنا الي ماعنده شهادة في قطر للبترول فوضعه يكون تحصيل حاصل

[نور الزين]

انتوا فهذا الكلام صادقين
هناك عصابه مقنعه و شرخ كبير في المؤسسه و فساد إيداري واضح
وهنا على الجهات المعنيه تصحيح الخطاء و تأديب ----

[بونو]

كله يعتمد على مدير الادارة ... والزين منهم ... معدودين عالاصابع

ولا تأخذ حقك بزندك

[.خالد]

كلامك غير واقعي ، معظم الكفاءات التي تدير الدولة الان دخلوا قطر للبترول بشهادات ثانوية وتم تطويرهم في هذه المؤسسة ، اذا اردت التطوير عليك بالصبر والمثابرة ، مب لازم كل شي يجينا مقرطس. وجاهز لازم نتعب شوي ، بس شوي .

[قطر دزاين]

انا بقول لكم ايش حصل معي معاهم والله ما ازيد بكلمه من اللي بقوله


انا لتحقت بالمؤسسه سنه 1983 متدرب وتمت فتره التدريب لحد سنع 1989 وبعدها تم توزيعنا على العمل وان تخصصي مكانيكا المهم تم تحويلي على دخان وبعدها بسنه تم الحاقي بدور تمهيدي هندسه اساسية بعد الانتها من الدوره قالوا الكورس هذا له تكمله من بريطانيا المهم خلصنا الكورس بنجاح ورجعونا للموقع العمل في دخان تخصص صعب ومافيه قطرين غيرنا احنا اللي جينا سنه 1989 في المكانيكا وهو صيانه توربينات اللي تعتمد علها كل المحطات بشكل 100% المهم لم تتم ترقيتنا حتى سنه 1991 ومانلت درجه واحده فني فقط
وكل ما طالبنا قالوا انتو توكم متدريبن علما انه تم الانتها في فتره التدريب وفي سنه 1996 تفاجئنا بقرار لم يكون على الخاطر حيث قيل لي ومعي عده شباب روحو قعدو في البيت طيب ايش السبب لم يخبرونا المهم تميت في البيت سنه كامله والراتب يمشي وعلى فكره ها القصه معروفه وكان المسمر ( رد بلويمنت )
الهم بعد سنه تم الاتصال بي وطلبوا مني الحضور للمركز التدريب انا فرحت قلت الحمدلله حصلو لي وظيفه ان شاء الله تكون افضل الهم تمت المقابلع معا عبدالدفع انا ذاك قال لقينا لك وظيفه قلت وين قال في مكتبه مركز التدريب تسجل الكتب الي يخذونها المتدربين هنا انصدمت يعني سنوات التدريب ذهبت وتخصصنا نادر ماكان فيه قطري وقتها في دخان كلهم اجانب قلت له كيف من فني مكانيكا الى مسجل كتب قال بالفم المليان هذا الموجود
على فكره الباقين وزعوهم على الاستورات ودريوليه انا رفضت قال اجل قدم استقالتك او فنش رفضت وبعدها جبت تقرير طبي للتقاعد حتى اريح نفسي من بالويهم

هذا اللي حصل احبتي

[فتك العديد]

الله يعينا على قطر للبترول المشكله انه اللبنانين ماسكين ال hr ولاعبين لعبتهم وفوقهم القطريين الدينصورات الي حاسدين القطري الشاب على كل شي وعندهم سياسه واضحه بتدويخ الموظف الطموح وادخاله في دوامه تخليه يطفش ويشوفله مكان ثاني يداوم فيه

[البدع]

الله يعينا على قطر للبترول المشكله انه اللبنانين ماسكين ال hr ولاعبين لعبتهم وفوقهم القطريين الدينصورات الي حاسدين القطري الشاب على كل شي وعندهم سياسه واضحه بتدويخ الموظف الطموح وادخاله في دوامه تخليه يطفش ويشوفله مكان ثاني يداوم فيه

انا اتفق معك بمسمى الديناصورات

ولكن هل انت متاكد من موضوع الي ماسكين ال hr

[kaafy]

شكرا على مروركم

قطر للبترول يدعمون البطالة المقنع لسببين

1. حتى مايكون فيه تميز للقطري
2. على شان يمسكون الاداره عدل من دون القطرين

اما الى يقول كلام غير صحيح , انا اقول لك واقعي مهب من مخي الكلام


وشكرا

[فتك العديد]

انا اتفق معك بمسمى الديناصورات

ولكن هل انت متاكد من موضوع الي ماسكين ال hr

جرب تروح البرج الي عند الزرقاء وشوف جنسيات الموظفين الي هم تحت المدراء القطريين سواء سكرتيرات ولا مساعدين او اي وظائف ثانيه وللعلم جرب تشتكي على موظف من الجنسيه الشاميه وبتشوف شلون الخبر ينتشر بين السكرتيرات من قبل ماتوصل عند اي مدير قطري وشوف شلون بيصرفونك وبيمنعونك من الدخول وماعندهم الا كلمه عطنا رقم جوالك ورقمك الوظيفي واحنا بنتصل فيك
اخوي قطر للبترول فيها عصابات من كل الجنسيات وكل جنسيه ماسكه مصنع او منطقه الهنود في مسعيد والشاميين في الدوحه والبريطانيين والجنوب افريقين في راس لفان والمصريين في المنصات البكستانيين في المصفاه ودخان والقطري الشاب ضايع بينهم كلهم
كفايه دفعه النيبالين والسرلنكيين الي وظفوهم في مسيعيد كان الاولى يوظفون قطريين مب يجيبون اجانب من بلادهم ويعطونهم هاي الرواتب الخياليه الي عمرهم مايحلمون فيها

[qataria]

اختلف معاك ..قطر للبترول من اكثر المؤسسات اللي تطور موظفينها لكن مشكلتهم الاساسية في الموظفين الاجانب اللي ماسكين مناصب وخاصة في قسم الموارد البشرية (ما منهم اي رجا ولا يحلون اي مشكلة يعني وجودهم مثل عدمهم واحيانا يتفلسفون و تستغرب على اي اساس حاطينهم في مناصب وهم بهالعقليه)، والمشكلة ان هالوظايف وايد قطريين مؤهلين يمسكونها. اما اغلب القطريين في هالقسم ما يقصرون ويحاولون يساعدون بكل الطرق.
المشكلة الثانية انهم يخللون بعض الموظفين يعني 10 او 15 سنة على نفس الدرجة ونفس الشغله بدون اي تجديد او تغيير.
المشكلة الثالثة انهم يهتمون باعداد الموظفين و تطويرهم من ناحية الكورسات والدورات لكن بدون ما يفكرون كيف يمكن يستفيدون منهم، وايد قطريين (سواء ثانوي او جامعي) بمسمى وظيفي ومكتب بدون شغل فعلي، وكل موظف وشطارته و كيف يقدر يغتنم الفرص علشان يثبت نفسه ويخليهم يعتمدون عليه ولا بيتم طول فترة شغله في دائرة البطالة المقنعه .

[البدع]

جرب تروح البرج الي عند الزرقاء وشوف جنسيات الموظفين الي هم تحت المدراء القطريين سواء سكرتيرات ولا مساعدين او اي وظائف ثانيه وللعلم جرب تشتكي على موظف من الجنسيه الشاميه وبتشوف شلون الخبر ينتشر بين السكرتيرات من قبل ماتوصل عند اي مدير قطري وشوف شلون بيصرفونك وبيمنعونك من الدخول وماعندهم الا كلمه عطنا رقم جوالك ورقمك الوظيفي واحنا بنتصل فيك
اخوي قطر للبترول فيها عصابات من كل الجنسيات وكل جنسيه ماسكه مصنع او منطقه الهنود في مسعيد والشاميين في الدوحه والبريطانيين والجنوب افريقين في راس لفان والمصريين في المنصات البكستانيين في المصفاه ودخان والقطري الشاب ضايع بينهم كلهم
كفايه دفعه النيبالين والسرلنكيين الي وظفوهم في مسيعيد كان الاولى يوظفون قطريين مب يجيبون اجانب من بلادهم ويعطونهم هاي الرواتب الخياليه الي عمرهم مايحلمون فيها

انا عملت في بعض تلك الشركات ولا اتفق معك ان هناك مافيا هندية او بريطانية

السلطة والقوة والقيادات في اغلب الشركات التابعة لقطر البترول بيد قطريين هذي الايام

[S A A D]

لما تولي اجنبي على تطوير المواطن شتتوقع تكون النتيجة ؟؟

التوظيف والتطوير والتقطير اغلبهم اجانب ,, مافيا مب شركة


التوقيع/
موظف في قهر للبترول سابقا

[almaf1a]

لكي تتطور وتبتعث للدراسة عن طريق قطر للبترول
يجب ان يكون مدير ادارتك رجل يثق بالقطريين وشخصيته قويه ليحاجج قسم التطوير
مع ضرورة وجود وظيفة للتطوير عليها سواء كانت وظيفة فاضيه او عليها اجنبي
الموضوع عند مدير القسم ولا يوهمكم ان التطوير هم الي يطولون الموضوع

[آنا غيــر]

اغلب النقاط الي ذكرتها صحيحة

ولكن (الحقيقة) ان اكثر موظفيين متطورين في قطر هم موظفيين قطر للبترول والغاز

واكثر مكان فيه بطالة مقنعة في قطر هو قطر للبترول والغاز

التوقيع/
موظف بطالة مقنعة سابقا

وممكن يا اخوي البدع تقول لنا شلون قدرت تتغلب على مسمّى موظف بطاله مقنعه سابق؟

[البدع]

وممكن يا اخوي البدع تقول لنا شلون قدرت تتغلب على مسمّى موظف بطاله مقنعه سابق؟

كنت مسافر السعودية

وسمعت الدكتور سويدان في شريط يقول نقلا عن كتب إدارية ان الوظايف القيادية تاخذ ولاتعطى

فرجعت وقدمت استقالتي وأخذتها

اسعى ياعبدي وانا اسعى معاك

*

[الشمالي111]

في قطر للبترول

اذا حبتك عيني ما ضامك الدهر

وخلونا ساكتين

[البدع]

في قطر للبترول

اذا حبتك عيني ما ضامك الدهر

وخلونا ساكتين

كلامك سليم واتفق معاه

مرة كان معاي مطوع بالموسسة نفسها ويشتكي ويقول نفس الكلمة

وللأسف مع الايام صار هو يطبقها علينا وصار هو الي يعطي افضل شغل بالمشروع لأفضل رفيج عنده ،،،، وانا كنت اضطر اطنش واسوي شغلي مع الدكتور

[طرفه]

مع احترامي لجميع الاراء
خرج من قطر للبترول نوعان
اما مدراء كبار في قطاعات اخرى من امثال
الشيخ حمد بن جبر ( الاحصاء ) والذوادي (كاس العالم ) والبوعنيين ( الميناء )
وال ثاني ( الجزيرة ) وغيرهم الكثير
واما فاشليين لم يستطيعوا العمل والمثابره
لا ثالث لهما

اما عن الموارد البشرية لا تعليق
يجب تفنيش الكثير الكثير منهم
ومنهم القطريين مساعديين مدارء للمدير للدفع

[البدع]

مع احترامي لجميع الاراء
خرج من قطر للبترول نوعان
اما مدراء كبار في قطاعات اخرى من امثال
الشيخ حمد بن جبر ( الاحصاء ) والذوادي (كاس العالم ) والبوعنيين ( الميناء )
وال ثاني ( الجزيرة ) وغيرهم الكثير
واما فاشليين لم يستطيعوا العمل والمثابره
لا ثالث لهما

اما عن الموارد البشرية لا تعليق
يجب تفنيش الكثير الكثير منهم
ومنهم القطريين مساعديين مدارء للمدير للدفع


كلام في الصميم

موضوع شيق

متابع ،،،

[طرفه]

كلام في الصميم

موضوع شيق

متابع ،،،



الله يسلمك اخوي البدع
وحنا دوم متابعينك مواضيعك ومداخلاتك الشيقه
الله لا يرحمنا منها

[desert hunter]

السلام عليكم ورحمة الله

والله انا استغرب كثيرا كيف هم ضد التطوير
يعني المفروض المواطن يهتمون فيه ولو يبي يكمل يكمل حتى لو يدرس اون لاين ويسافر ويرجع

شنو فيها هل بهالشي راح يسوي جريمه

حجتهم انه ماراح يؤدي في العمل
ردي عليهم زين وين راح مديري اللي فوقي مثلا
لو ماسويت زين في انذار وانا اتحمل المسؤوليه

بعدين احنا ناس كبار مب صغار والماجستير او تكملة الدراسه مب قرار فيه لعب
اني رايح العب مثلا
رايح اجدس واتعب
فليش مافي تقدير

ولو عن الترقيه وماشابه
الترقيه يكون لها شروط معينه مب ماجستير وبس
لازم نفهم الموضوع بصوره اكبر

منع القطرين عن الماجستير او الدكتوراه له اثار سيئه في المستقبل
ليش مايبون يخلون الواحد يكمل دراسته


مايبون جيل متعلم وفاهم ؟
ولا جيل شغل وبس

كيف راح ننهض لو تمينا بجيل شغل وبس
نبي جيل متعلم عشان ننهض فكريا ايضا

ياليت قومي يعلمون

سهلوا الله يسهل عليكم
خلوا الناس تدرس
افتحوا للناس ابواب الخير والعلم

مافيها عيب لو نشوف جيل متعلم وفاهم

وفي النهايه

العلم نور فلا تمنعوا النور ياجماعة الخير
صدقوني في النهايه احنا المستفيدين

ولو استقال وين بروح يشتغل برع !!!

بيشتغل في النهايه في قطر بلاده وبينفع بلاده
فمافي اي حجه لهم والله

خلاصتي في الموضوع


خلوا الناس تكمل وسهلوا الله يسهل عليكم
لان هالشي له اثر سلبي على نفسية الموظف

[عنيــــد]

متابع للموضوع و للمداخلات الشيقة ،،

و للعلم كثير من موظفين قطر للبترول يقرأون مواضيعكم في المنتدى ،،

(موظف قطر للبترول)

[Um Met3b]

مع احترامي لجميع الاراء
خرج من قطر للبترول نوعان
اما مدراء كبار في قطاعات اخرى من امثال
الشيخ حمد بن جبر ( الاحصاء ) والذوادي (كاس العالم ) والبوعنيين ( الميناء )
وال ثاني ( الجزيرة ) وغيرهم الكثير
واما فاشليين لم يستطيعوا العمل والمثابره
لا ثالث لهما

اما عن الموارد البشرية لا تعليق
يجب تفنيش الكثير الكثير منهم
ومنهم القطريين مساعديين مدارء للمدير للدفع




قطر انبنت....على ايدي كفاءات قطر للبترول....لا شك في هذا

والكل يعلم ان معظم القوانين في الاتش ار...مكتوبه بايدي اجانب...القوا نظرة على البروسيجرز

وستعرفون سر...العوائق امام القطريين...وللأسف ان ديناصورات كيوبي...لايحركون ساكنا

لتغيير هذه القوانين...وكثير من المناصب يتم الحصول عليها بتشغيل اساليب العلاقات العامة

مع مسؤول اعلى..وليست حسب الكفاءات...والامثلة كثيره...يكفي من تنذكر اسمائهم

في وطني الحبيب بشكل مستمر....والمؤسسة نايمه ولا كنها تسمع.

ال Hrd نفسها مسكت المنصب ليس حسب كفاءتها ولكن لانها صار لها 30 سنة في

المؤسسة وحبوا يجاملونها...وردها الوحيد على اي مشكله: ماذا نفعل لكم........!؟


ادارة ال HR...اصبحت ضعيفه جدا....ادارة التدريب من اسؤا الى اسؤا....

المعرض المهني...كان صدمة....لقطر للبترول.....بسبب


الDA الذي اضعف هذه الادارات بتعسفه ووضع القوانين ضد القطريين..ومحاولته التلاعب

باي قوانين تنصفهم...


ال Administration .....قلب قطر للبترول....كله يراد له اعادة تنظيف.......!

[بطل الفريج]

موضوع الكترايزيشن في قطر للبترول يضحك يمؤت من الضحك .

[فتك العديد]

المشكله انه لو عندك شغله ولا ترقيه ولا موضوع في ال hrr تنذل ذل من الزلمات الي رازينهم هناك ومحد يرد فيهم على تلفون مكتبه ولا على جواله واذا رحتلهم تشوفهم قاعدين بدون شغله ولا مشغله واذا رحت اشتكيت على حد منهم ولا راجعت الي اعلى منه ياانك بتروح حق وحده من الحريم الي ماسكين مناصب على الفاضي وهيا ماتدبر شي ولا انك بتوصل حق عبدالله الدفع وبيقص عليك بكلمتين وبيوهمك انه موضوعك خالص ومنتهى وبيصرفك ومابتشوف رقعته مره ثانيه وكل ماتحاول تقابله بيقولونلك مشغول ولا خل رقمك وبنتصلك يعني بصراحه الموضوع كله تطفيش وبس وبتقعد تدور في دوامه وماراح تحصل منهم شي وللعلم قطر للبترول يبيلها واسطه في شؤون الموظفين علشان تكون امورك في السليم ويكون عرجك في الماي لكن بدون واسطه الواحد ينسى موضوعه تعالوا شوفوا حاله الموظفين وخريجين الثانويه الواحد منهم يتم شاير مابين الدرجه ال ٧ لين ال ١٠ ولا يعرف يحصل شي اعلى تقول الامر مدروس من الاجانب انهم يسيطرون على القطري ويحبطونه ويتم مستواه طول عمره على هاي الشي *

[البدع]

عندما تخرجت من الجامعة جاتني تحذيرات كثيرة بعدم العمل في كيو بي

ولهذا كانت كيو بي اخر شركة افكر اشتغل فيها

فيها تطوير

ولكن فيها فساد اداري زايد

[Bozizoo]

أبشركم الحين سعادة الوزير الدكتور محمد بن صالح الساده
شغال على الموضوع هذا و حاط اهتمامه فيه
وفي قوانين تغيرت قبل فتره بسيطه تحمي المواطن القطري
الي في قطر للبترول يعرفونها وكيف ممكن يستفيد منها المواطن

الله يوفقه
لما فيه لصالح البلد

[البدع]

أبشركم الحين سعادة الوزير الدكتور محمد بن صالح الساده
شغال على الموضوع هذا و حاط اهتمامه فيه
وفي قوانين تغيرت قبل فتره بسيطه تحمي المواطن القطري
الي في قطر للبترول يعرفونها وكيف ممكن يستفيد منها المواطن

الله يوفقه
لما فيه لصالح البلد

سمعنا نفس الكلام يوم تولى الوزارة

وماصار شيء

قطر للبترول فيها افضل الموارد البشرية القطرية على الاطلاق

ولكن الادارات العليا تحتاج دورات في فن القيادة

لان الي صاير حب خشوم ومصالح وعلاقات ومحسوبية

[Bozizoo]

سمعنا نفس الكلام يوم تولى الوزارة

وماصار شيء

قطر للبترول فيها افضل الموارد البشرية القطرية على الاطلاق

ولكن الادارات العليا تحتاج دورات في فن القيادة

لان الي صاير حب خشوم ومصالح وعلاقات ومحسوبية

اخوي على سبيل المثال لا الحصر
مافي تمديد لفوق 60 سنه للأجانب
وقبل كان ممكن يقعد 65 سنه

[البدع]

اخوي على سبيل المثال لا الحصر
مافي تمديد لفوق 60 سنه للأجانب
وقبل كان ممكن يقعد 65 سنه

قرار جيد ولكن لايكفي

يجب ان (يجبر) كل مدير على اخذ دورة في القيادة

لايوجد شيء اسمه كفاءة في كيو بي .... وانا وانت نعرف هذا بشكل جيد

حب الخشوم واذا حبتك عيني ... هي الي ماشية

لازم مدير يتفنش في كيو بي بسبب فساد اداري عشان الكل يمشي على خط مستقيم

[فتك العديد]

اخوي على سبيل المثال لا الحصر
مافي تمديد لفوق 60 سنه للأجانب
وقبل كان ممكن يقعد 65 سنه

اخوي معليك كلام ينقال وبس بدون فعل معاي واحد مددوا له سنتين وطلع والثاني بعد عدى الستين وللحين قاعد والله اعلم كم سنه بيمددون له وعندنا مدير قطري اول ماوصل ال 60 حوله على طول على التقاعد ومسكين قبلها بفتره كان يبي يقدم على سلفه السياره قالوله مايصير خلاص اوراقك جاهزه للتقاعد يعني الاجنبي حلال عليه والقطري حرام عليه
وللعلم ثنين من الاجانب الي عندنا عدوا الستين ومددولهم سنه ولا سنتين وبعد التمديد وانهاء الخدمات حصلناهم شغالين مع شركات تشتغل مع قطر للبترول ( الكنتركت ) واغلب هاي الشركات توظفهم علشان خبرتهم في نفس المكان وعلشان علاقاتهم يعني هاي الشخص قاعد قاعد لين مايموت في نفس
المكان وفي نفس المصنع

[Bozizoo]

اخوي معليك كلام ينقال وبس بدون فعل معاي واحد مددوا له سنتين وطلع والثاني بعد عدى الستين وللحين قاعد والله اعلم كم سنه بيمددون له وعندنا مدير قطري اول ماوصل ال 60 حوله على طول على التقاعد ومسكين قبلها بفتره كان يبي يقدم على سلفه السياره قالوله مايصير خلاص اوراقك جاهزه للتقاعد يعني الاجنبي حلال عليه والقطري حرام عليه
وللعلم ثنين من الاجانب الي عندنا عدوا الستين ومددولهم سنه ولا سنتين وبعد التمديد وانهاء الخدمات حصلناهم شغالين مع شركات تشتغل مع قطر للبترول ( الكنتركت ) واغلب هاي الشركات توظفهم علشان خبرتهم في نفس المكان وعلشان علاقاتهم يعني هاي الشخص قاعد قاعد لين مايموت في نفس
المكان وفي نفس المصنع
اخوي القرار جديد ماصار له يمكن شهر ونص
وانا واحد من الناس الي ان شاءالله بيستفيدون من هذا القرار
ولا المفروض اخيس في المنصب الي انا فيه

[خالد32]

هذي شركة ولا مدرسة؟
حتى في الشغل تبونهم يعلمونكم؟
ليش الواحد ما يطور نفسه بنفسه؟
ليش ما تشوف لك مكان ثاني احسن من هالشركة؟
الي يبي درجة و ترقية لازم يثبت نفسه مب يقول ودوني و علموني و عطوني درجه. ترى محد فاضي لحد.
اذا انت ما ركضت حق نفسك محد بسويلك شي و هذي متبعه في كل مكان مب في قطر بس و فالعالم.

[خالد32]

اخوي معليك كلام ينقال وبس بدون فعل معاي واحد مددوا له سنتين وطلع والثاني بعد عدى الستين وللحين قاعد والله اعلم كم سنه بيمددون له وعندنا مدير قطري اول ماوصل ال 60 حوله على طول على التقاعد ومسكين قبلها بفتره كان يبي يقدم على سلفه السياره قالوله مايصير خلاص اوراقك جاهزه للتقاعد يعني الاجنبي حلال عليه والقطري حرام عليه
وللعلم ثنين من الاجانب الي عندنا عدوا الستين ومددولهم سنه ولا سنتين وبعد التمديد وانهاء الخدمات حصلناهم شغالين مع شركات تشتغل مع قطر للبترول ( الكنتركت ) واغلب هاي الشركات توظفهم علشان خبرتهم في نفس المكان وعلشان علاقاتهم يعني هاي الشخص قاعد قاعد لين مايموت في نفس
المكان وفي نفس المصنع

اضن هو الي طلب التقاعد عشان يفتك من بعض الناس
الله يذكره بالخير

[kuwari]

الله يعينا احنا بالاطفائية يقولون كلمة psp برنامج تطوير حاطه الاجنبي واذا طرشوة الادارة قالوا مافي psp من وين جبتوها !

شكل ال psp انهم يلعبون فينا playstation

[qataria]

اخوي معليك كلام ينقال وبس بدون فعل معاي واحد مددوا له سنتين وطلع والثاني بعد عدى الستين وللحين قاعد والله اعلم كم سنه بيمددون له وعندنا مدير قطري اول ماوصل ال 60 حوله على طول على التقاعد ومسكين قبلها بفتره كان يبي يقدم على سلفه السياره قالوله مايصير خلاص اوراقك جاهزه للتقاعد يعني الاجنبي حلال عليه والقطري حرام عليه
وللعلم ثنين من الاجانب الي عندنا عدوا الستين ومددولهم سنه ولا سنتين وبعد التمديد وانهاء الخدمات حصلناهم شغالين مع شركات تشتغل مع قطر للبترول ( الكنتركت ) واغلب هاي الشركات توظفهم علشان خبرتهم في نفس المكان وعلشان علاقاتهم يعني هاي الشخص قاعد قاعد لين مايموت في نفس
المكان وفي نفس المصنع

شوف شركة ارامكو في السعودية وهذا الكلام على لسان موظفين اجانب اشتغلوا فيها، الاجنبي يتم توظيفه بعقد سنتين و يخبرونه من البداية انه موجود علشان يعلم سعودي ياخذ مكانه بعد هالسنتين، ويشتغل الاجنبي على هالاساس ويتم السعودي ملازم له مثل ظله يتعلم منه وياخذ الخبره لين ما تنتهي السنتين و ياخذ السعودي محل الاجنبي. ونقدر نشوف مستوى الشركة و نجاحها ونسبة المواطنيين الاكفاء فيها.
اما عندنا و في شركاتنا وموسساتنا الاجنبي يوقع العقد لمدة سنتين و لما يداوم يشوف الوضع ومثله من الاجانب الديناصورات صار لهم سنين وسنين ما تزحزحوا من مكانهم فيكتشف الموضوع ويقرر انه يتربع على العرش و يكتب الكرسي باسمه ولما يشوف قطري نشيط ممكن يمثل له اي تهديد يتفنن في تطفيشة واخوانا في الموارد البشرية ما يهزك ريح لين ما يطفش القطري بعد ما يعرف انه مافي امل ولا رجا من نظام شركته .
و الخسران الوحيد في الموضوع المؤسسة لانها دربت وعطت خبرة و صرفت هالمبالغ علشان تأهل الموظف وبعد هذا يطلع الموظف بسبب اجنبي بيفيدهم كم سنة وبيحول على بلاده.

[almaf1a]

الله يعينا احنا بالاطفائية يقولون كلمة psp برنامج تطوير حاطه الاجنبي واذا طرشوة الادارة قالوا مافي psp من وين جبتوها !

شكل ال psp انهم يلعبون فينا playstation

اخبر اسمه PCP
Personal Career Plan
قلبته بليستيشن الله يهداك :tease: