استفسار ....................!!!؟؟

[ASK2]

السلام عليكم

عندي استفسار

بنيت ملاحق بحط فوقهم قرميد بغيت اعرف وشو الاشياء اللي يحطونها تحته

لان الغرفه مب صب يعني صقفها بيكون قرميد مب صبيه

طابوق الاطوف وحديد الصقف عشان القرميد

اللي سوى الملاحق قال بيحط العازل الحراري و بليوت المتين الاسود وفوقه القرميد الاسباني ..

في اشياء ثانيه يحطونها افضل ولا هذي احسن الاشياء ؟؟؟

[محمد2009]

عليكم السلام اخوي لو تحط كيربي الي يسمونه سندويش افضل للحمايه من البلويت من وجهة نظري افضل لاني انا جربته وولاني اتعامل مع شركه ويبنون ملاحق ومجالس واذا تبي شي تشطيب او صبغ او سراميك انا بالخدمه بعطيكم رقمهم مسؤلهم هندي محترم للديكورات والجبس ولاي شي تبيه واهم شيلا لاتنسى الاستخاره باي شي تبي تسويه وبالتوفيق

[معماري قطري]

يبين لي تفصيل جيد بس الحواف شلون بيسكرها وبيخفي البلايوود الأسود، وبعدين العازل الحراري سواءً كان صوف صخري ولا بوليسترين اللي هو الفلين الابيض الخفيف أو الأزرق الأكثر وزن وسماكة، هذي الأنواع من العوازل خطرة جداً الأول ضار صحياً إذا كان مكشوف وتتطاير منه ذرات تسبب حتى الخبيث ومشاكل تنفسية خطيرة، والثاني ينحط فوق السقف الخرسانة أو بين طابوقتين ويتسكر عليه طول العمر بصبية اسمنت ولو احترق فهو سريع الإشتعال، يعني مكشوف أي مصدر حراري يتسبب في اشتعاله بسرعة، ولين إشتعل تشوف دخان أسود كثيف لأن أساسه بترولي وينتج غازات سامة.

يعني لازم يوضع داخل وتكون كل الجوانب مسكرة جيداً حتى ما يتعرض للحرارة المباشرة أو للجو، ونصيحتي شوف شلون بيسكر الأطراف كلها ولو ركب خشب خله يثبته زين ببراغي وبالتوفيق لك هذي الطريقة ممكنة بس تنعمل صح ... ولا تنسانا بالصور نبي نشوف الخطوات قبل وبعد

[ASK2]

يعطيكم العافيه جميع وبيض الله وجيهكم

اللي فهمته منه ان بحط البلايود وبصف فوقه القرميد والاجناب بسكرها بسمنت وطابوق

[ASK2]

عليكم السلام اخوي لو تحط كيربي الي يسمونه سندويش افضل للحمايه من البلويت من وجهة نظري افضل لاني انا جربته وولاني اتعامل مع شركه ويبنون ملاحق ومجالس واذا تبي شي تشطيب او صبغ او سراميك انا بالخدمه بعطيكم رقمهم مسؤلهم هندي محترم للديكورات والجبس ولاي شي تبيه واهم شيلا لاتنسى الاستخاره باي شي تبي تسويه وبالتوفيق

ذي الكيربي اللي تقول عنه وين احصله بشوفه اذا جيد ممكن احطه
اذا تعرف وين اقدر احصله ؟؟؟!!

[مرحوم قطر]

هلا اخوي مادري اذا كنت ركبت الكيربي ولا للحين

و اذا ما بعد ركبته انا انذحك انك تركب الكيربي القرميد تلاقي اعتقد في الصناعيه شارع 15

وهو مثل الكيربي السندويش لاكنه على شكل قرميد و يجيك الواح نفس الكيربي العادي

و صحيح سعره غالي لاكن بيكون اوفرلك و احسنلك و جودته عاليه