التسجيل الالكتروني = وهقه تايم + عوار راس هل من منقذ .!!

[ريــــــــان]

السلام عليكم

.. شلونكم عساكم بخير ؟.. :nice:

ادري ان مواضيع التسجيل كثيره بس مالقيت اجابه لاسألتي واتمنى تساعدوني :shy: .

- الحين لما اسجل بالموقع واخلص اجي عن خطوه اختيار المدرسه :secret:

يطلع لي التسجيل غير متوفر :( .

شلون اقدر اكمل التسجيل :telephone: ..

وبخصوص رقم الكهرباء لين اكتبه تطلع لي مدرسه بمنطقه بعييييييده عني

هل هو رقم الكهربا ماغيره ولا نجيب رقم من كهرماء خاص بالتسجيل ولا شلوون :tease:

وبعدين ليش المجلس مايحط رقم ساخن للاتصال والمساعده مانعرف هالسالفه جديده علينا

واخر سؤال :shy: هل اذا كملت التسجيل( على اعتبار انكم بتعلموني شلون اكمل :) ) بس

اخذ الورقه مع باقي الطلبات وعلى المدرسه اللي تطلع لي بالخريطه ؟!


ولا شلون :discuss: ؟.. اخوكو مزنوووءءء :telephone:

[إلا..إذا]

انا بعد احط الرقم يطلع لي مدرسه بعيده والمدرسه اللي جنبنا مافي الغلط من وين من الكهرما والا المجلس؟

[q6r2009]

انا بعد عندي سؤال .. شسالفة اني اجيب ورقة من مركز الشرطه تثبت اني ساكنه في هالبيت ؟؟؟؟؟؟

[Dana’1]

هههه نفس السالفة اسجل بنت اختي واحط رقم الكهرباء والبيت بمدينة واقرب مدرسة طلعت بمدينة ثانية وشكلها قريب البر ،،،،صدمة
اخر شي حطينا كهرباء بيت جد البنية ومشى الحال مؤ طالع بالخريطة المكان بس من الاسم عرفنا انها على الاقل بنفس المدينة
مالك الا ان تشوف بيت اهلك قرايبك بدخان والا الصمان ،، يمكن تظهر لك اقرب مدرسة حول بيتك
هم يستهبلون لازم تجاريهم

امزح لاحد يصدق 👀ادري مؤ وقتة

[رايق البال x]

انا توني مسجل عيالي وكل شي تمام وحطيت رقم الكهرباء وطلعت لي اقرب مدرسة عند بيتي
وبالنسبة لاقرب مدرسة المفروض انكم داخلين موقع اين مدرستي من زمان عشان تعرفون موقع المدارس القريبة عليكم مب تنتظرون يوم التسجيل ،، هذا اسمه اهمال
على العموم اللي رقم كهرباء بيته ما يتناسب مع منطقته يروح المجلس الاعلى اللي مقابل جريدة الرية يسجل عندهم على طول هذا كلام المجلس العلى وبامكانكم التاكد بالاتصال على الخط الساخن (155)

[الكبير الله]

شوف بارك الله فيك تروح برى البيت وبتحصل ارقام الكهرب والماء وكيوتل مثبته في الطوفة جنب الباب

الارقام اللي عليهم شعار كهرماء عبارة عن حديدتين برقمين مختلفين

ركز ركز (الفرق بينهم الرقم الخاص بالكهرباء محاط بايطار احمر والماء ايطاره ازرق)

انقل الرقم اللي فيه واذا دخلته في برنامج التسجيل ان شاء الله بتتسهل امورك

[بصمة قطرية]

الله يعينكم ويسهلها عليكم ..

[فيزيائية]

التسجيل سهل للي مايعرف يتصل بالمجلس مباشر 155
وبعد التسجيل تطبع الوصل ووتوديه مع الملف الصحي وورقة الكهرباء للمدرسة خلال 3 ايام
(ورقة الكهرباء تطلعها من اقرب كهربا عندكم)

[ريــــــــان]

شوف بارك الله فيك تروح برى البيت وبتحصل ارقام الكهرب والماء وكيوتل مثبته في الطوفة جنب الباب

الارقام اللي عليهم شعار كهرماء عبارة عن حديدتين برقمين مختلفين

ركز ركز (الفرق بينهم الرقم الخاص بالكهرباء محاط بايطار احمر والماء ايطاره ازرق)

انقل الرقم اللي فيه واذا دخلته في برنامج التسجيل ان شاء الله بتتسهل امورك


:shy::nice: ايه هذا السالفه
واضن التسجيل موقف لين تاريخ اليوم فتحو التسجيل
بارك الله فيك وفي كل من مر وعلق وقرا :nice: :nice:

[FAUCHON]

سالنا عن سير التسجيل بحكم عملي وعلمت ان عدد التسجيل يفوق 760 طالب منذ فتح النظام صباح يوم التسجيل والاعداد في ازدياد وهو مايعني ان النظام يعمل.

[khalid969]

انا توني مسجل عيالي وكل شي تمام وحطيت رقم الكهرباء وطلعت لي اقرب مدرسة عند بيتي
وبالنسبة لاقرب مدرسة المفروض انكم داخلين موقع اين مدرستي من زمان عشان تعرفون موقع المدارس القريبة عليكم مب تنتظرون يوم التسجيل ،، هذا اسمه اهمال
على العموم اللي رقم كهرباء بيته ما يتناسب مع منطقته يروح المجلس الاعلى اللي مقابل جريدة الرية يسجل عندهم على طول هذا كلام المجلس العلى وبامكانكم التاكد بالاتصال على الخط الساخن (155)

الله يعطيهم العافية الجنود المجهولين في قسم التطبيقات وجميع موظفي ادارة تكنولوجيا المعلومات على الجهد المبذول