دفان الغرف والحمامات

[فتك العديد]

بغيت استفسر عن احسن نوع للدفان الداخلي هل الرمل المغسول ولا الدفان العادي ولا البودره ولا البلاستر *

[معماري قطري]

ما يبي له كلام الرمل الخشن المغسول، وهو رمل يُستخرج من الأرض ومن مناطق محدودة جداً في قطر، ويُغسل بماء يكرم القاريء المجاري المعالج والمعقم جيداً، ولا توجد به حشرات أو نمل أبيض وثابت نسبياً لا ينتفخ ولا يهبط بسهولة.

ذات مرة قرأت لأحد الأشخاص في هذا المنتدى أن الرمل المغسول عبارة عن رمل طعوس لكن مغسول وهذا كلام خطأ وليس بصحيح.

[سلطان زمانه]

بودرة للبلاط الخارجي والداخلي واذا تبغي ممكن اوفر لك بأسعار حلوه

[النهار]

عن تجربه البودره احسن شي للدفان لو ندك دك جيد ماينزل ولا سانتي واحد ولو بعد عشر سنوات

[A.L.I]

عن تجربه البودره احسن شي للدفان لو ندك دك جيد ماينزل ولا سانتي واحد ولو بعد عشر سنوات





:nice::nice::nice::nice::nice:

[khaldoon]

اخوي احسن دفان هو دفان الارض نفسها الاصلي بس انك تشيل منه الاحجار الكبيره اللي بزيد طولها او عرضها عن 75ملم....لانه اكبر من هذا الحجم يدخل في تصنيف الصخور و ليس الاحجار حسب المواصفات القطرية

ممكن يكون في الدفان هذه الصخور بطول 200ملم بس بشرط باتجاه واحد...يعني تكون مثل الشريحة

الرمل المغسول غالي جدا جدا وما احد يدفن فيه بس يستخدم في كل اعمال البناء من طابوق و خرسانات وبلاستر و تبليط

الرمل المغسول او washed sand
هو الرمل الذي مر بعمليه غسيل وتخلص بذلك من الطمي والاملاح ويتم ذلك بوضع الرمل بغساله (حوض كبير به ماء) و به ذراع كبير تدور ثم يترك ليترسب الطمي على الوجه ويزال
ثم يضاف عليه الشبه للتخلص من الاملاح التي لم تذوب بالماء


الرمل الناعم مال الطعوس و اللي انت سميته رمل بلاستر يستخدم في دفن البايبات و لا يجوز استخدامه للبلاستر و يستخدمونه المقاولين الصغار في البلاستر لانه رخيص مقارنة بالرمل المغسول...تأكد تماما انه كل المشاريع الكبيره ما تستخدم الا رمل مغسول و الا بيكونوا يغشون بالخلطه

تقدر تستخدمه في دفان غرف البيت بحيث انك بس تغمره بالماء تماما و هذا هو اسلوب دمكه بس انا ما انصحك الا لو كانت غرف صغيره جدا جدا و ما عليها الاوزان الكبيره

الرمل البودره بس ترش عليه ماي و تدكه بيصير مثل الحجر و صلب جدا جدا

بس يوم ما يصيده ماي بالمستقبل تحت اي سبب مثل تضرب ماسوره و الا اي شي....بينتفخ و البلاط بيقب لفوق ...ما نقبل ندفن فيه كاشراف

[فتك العديد]

يعني الاغلبيه مع البودره والاخ خلدون مع الدفان الطبيعي والاخ معماري مع الرمل المغسول
المشكله اني سمعت من اكثر من واحد انه الرمل المغسول احسن شي بس المشكله في سعره

[محمد2009]

السلام عليكم اخوي على حسب المكان اذا قواعد افضل لهم الدفان العادي بشرط ميكون فيه حصى
واما اذا كان للسراميك والبلاط انصحك بالبودره لانك لارشيتها ماي صارت يابسه
ولان الرمل النعيم لارشيته يظهر الملح في الطوفه اذا صبيت الماي بكثره عليه ..

ولان اخوي انا عندي شركه واشتغل للزباين بهالطريقه ولي خبره من فضل الله بهالمجال

والله يوفقك دوم وانا بالخدمه باي شي

[khaldoon]

يعني الاغلبيه مع البودره والاخ خلدون مع الدفان الطبيعي والاخ معماري مع الرمل المغسول
المشكله اني سمعت من اكثر من واحد انه الرمل المغسول احسن شي بس المشكله في سعره

اخي العزيز ...افضل شي الدفان الطبيعي

الرمل المغسول..دلني على مشروع تم دفنه برمل مغسول ....و خلنا نشوف كم تكلفته و ايش بيكون لانه معناته بيكون قيمة المشروع رقم فلكي

البودره مب زينه على المدى البعيد نهائيا...مثل ما قلت لك فوق ....اسأل الاستشاريين فيها بس روح عند ناس معروفين و يفهمون مب اي واحد

[معماري قطري]

ملاحظة سواءً إستخدمت الرمل المغسول أو الرمل الحكومي الخشن المغسول كُلها تصلح، لكن رجاءً إبتعد عن البودرة لأسباب إنتفاخها بالماء ولأسباب أن البودرة فائض كسارات وغير نظيف وفيه تواجد كبير للنمل الأبيض أو الأرضة ، وممكن يصير إعادة إنتشار بعد فترة وتحصل الأرضة طالعة من مونة البلاط ومخربة السجاد ومخربه أي خشب مثل النعلات والابواب، بعدين الله يعينك على النمل العادي والنمل الأشقر الكبار يحبون النمل الأبيض ويتعايشون معاهم ثراهم عيال عم.

[فتك العديد]

اخواني والله ضعت في منكم يؤيد البودره وفي منكم يذمها يعني الافضل الدفان الطبيعي الي يسمونه الغربال ولا رمل الحكومه

[ولد المنصور]

انا عن نفسي حطيت بودره وخليتهم يغرقونها بالماي ودكوها دك ..

[معماري قطري]

اخواني والله ضعت في منكم يؤيد البودره وفي منكم يذمها يعني الافضل الدفان الطبيعي الي يسمونه الغربال ولا رمل الحكومه



إذا بغيت الراي الأكيد الدفان يا اخوي من أرخص مواد البناء في البيت ولا تستسهله، واللي فهمته منك الدفان تحت أرضية الحمامات وتحت بلاط الغرف ... هنيه نتكلم مباشرة لكن الدفان ككُل لرفع مستوى البيت فصحيح راي المهندس خلدون هو الصح لأنه بيكلف كثير.

بعدين بعد الدفان بفائض الحفر للاساسات ولرفع مستوى أرضية البيت المفروض تكون فيه صبية خرسانة وحوافها تكون من البورد القابل للإنضغاط وهو من مادة خشبية، وبعدها تتمدد بايبات الكهربه، وبعدها يجي الدفان اللي تقصده انت أتوقع، فالدفان الأولي كميته كبيرة وممكن يحتوي على حجارة ولازم يندك عدل وينصب عليه ماي، وشيء مهم البلدية قسم مكافحة القوارض كانوا يصبون دوا لمقاومة الأرضة بالمجان للمواطنين وهذا شيء مهم لازم تسويه، وبعدين أي فواصل تمدد لازم تكون مرشوشة بمادة مقاومة للأرضة، وانا أقصد الفواصل الخشبية اللي تنحط بين الحائط وصبية الخرسانة اللي يجي عليها البايبات مالت الكهرب والدفان الثاني قليل الكمية ذيه أما يكون رمل مغسول ولا خلطة اسمنتية برمل مغسول وعليها تتركب البلاطات هذا بالنسبة للغرف والمطابخ والصالات، وبالنسبة للحمامات نستخدم رمل مغسول حكومي ويفضل الخشن، وكمية حمولة نشال واحد بتكفي كم حمام، والقيمة 300 ريال على حسب علمي ما ادري كم الحين، وبتفتك من خساير الأرضة المحتملة والموجودة في أغلب دفان قطر، بالنسبة لدواء مكافحة الأرضة فيه نوع قوي في حدود 100 ريال للغالون موجود عند شركة الدرويش، وهذا تصب منه شوي على ال compressible board اللي يكون في حواف الصبية الخرسانة علشان يقاوم طلوع الأرضة لداخل البيت وانتشارها على خشب الأبواب المكلف واللي بتحتد بعد كم سنة تغيره، فدائماً الوقاية خير من العلاج.

بعدين مستغرب توهانك ذيه وسؤالك وانت تبني الله يعينك، وين استشاريك المفروض له راي ويتعب لأجلك الموضوع بسيط لازم عليه.

[khaldoon]

اخوي احسن دفان هو دفان الارض نفسها الاصلي بس انك تشيل منه الاحجار الكبيره اللي بزيد طولها او عرضها عن 75ملم....لانه اكبر من هذا الحجم يدخل في تصنيف الصخور و ليس الاحجار حسب المواصفات القطرية

ممكن يكون في الدفان هذه الصخور بطول 200ملم بس بشرط باتجاه واحد...يعني تكون مثل الشريحة

الرمل المغسول غالي جدا جدا وما احد يدفن فيه بس يستخدم في كل اعمال البناء من طابوق و خرسانات وبلاستر و تبليط

الرمل المغسول او washed sand
هو الرمل الذي مر بعمليه غسيل وتخلص بذلك من الطمي والاملاح ويتم ذلك بوضع الرمل بغساله (حوض كبير به ماء) و به ذراع كبير تدور ثم يترك ليترسب الطمي على الوجه ويزال
ثم يضاف عليه الشبه للتخلص من الاملاح التي لم تذوب بالماء


الرمل الناعم مال الطعوس و اللي انت سميته رمل بلاستر يستخدم في دفن البايبات و لا يجوز استخدامه للبلاستر و يستخدمونه المقاولين الصغار في البلاستر لانه رخيص مقارنة بالرمل المغسول...تأكد تماما انه كل المشاريع الكبيره ما تستخدم الا رمل مغسول و الا بيكونوا يغشون بالخلطه

تقدر تستخدمه في دفان غرف البيت بحيث انك بس تغمره بالماء تماما و هذا هو اسلوب دمكه بس انا ما انصحك الا لو كانت غرف صغيره جدا جدا و ما عليها الاوزان الكبيره

الرمل البودره بس ترش عليه ماي و تدكه بيصير مثل الحجر و صلب جدا جدا

بس يوم ما يصيده ماي بالمستقبل تحت اي سبب مثل تضرب ماسوره و الا اي شي....بينتفخ و البلاط بيقب لفوق ...ما نقبل ندفن فيه كاشراف


ملاحظة سواءً إستخدمت الرمل المغسول أو الرمل الحكومي الخشن المغسول كُلها تصلح، لكن رجاءً إبتعد عن البودرة لأسباب إنتفاخها بالماء ولأسباب أن البودرة فائض كسارات وغير نظيف وفيه تواجد كبير للنمل الأبيض أو الأرضة ، وممكن يصير إعادة إنتشار بعد فترة وتحصل الأرضة طالعة من مونة البلاط ومخربة السجاد ومخربه أي خشب مثل النعلات والابواب، بعدين الله يعينك على النمل العادي والنمل الأشقر الكبار يحبون النمل الأبيض ويتعايشون معاهم ثراهم عيال عم.



إذا بغيت الراي الأكيد الدفان يا اخوي من أرخص مواد البناء في البيت ولا تستسهله، واللي فهمته منك الدفان تحت أرضية الحمامات وتحت بلاط الغرف ... هنيه نتكلم مباشرة لكن الدفان ككُل لرفع مستوى البيت فصحيح راي المهندس خلدون هو الصح لأنه بيكلف كثير.

بعدين بعد الدفان بفائض الحفر للاساسات ولرفع مستوى أرضية البيت المفروض تكون فيه صبية خرسانة وحوافها تكون من البورد القابل للإنضغاط وهو من مادة خشبية، وبعدها تتمدد بايبات الكهربه، وبعدها يجي الدفان اللي تقصده انت أتوقع، فالدفان الأولي كميته كبيرة وممكن يحتوي على حجارة ولازم يندك عدل وينصب عليه ماي، وشيء مهم البلدية قسم مكافحة القوارض كانوا يصبون دوا لمقاومة الأرضة بالمجان للمواطنين وهذا شيء مهم لازم تسويه، وبعدين أي فواصل تمدد لازم تكون مرشوشة بمادة مقاومة للأرضة، وانا أقصد الفواصل الخشبية اللي تنحط بين الحائط وصبية الخرسانة اللي يجي عليها البايبات مالت الكهرب والدفان الثاني قليل الكمية ذيه أما يكون رمل مغسول ولا خلطة اسمنتية برمل مغسول وعليها تتركب البلاطات هذا بالنسبة للغرف والمطابخ والصالات، وبالنسبة للحمامات نستخدم رمل مغسول حكومي ويفضل الخشن، وكمية حمولة نشال واحد بتكفي كم حمام، والقيمة 300 ريال على حسب علمي ما ادري كم الحين، وبتفتك من خساير الأرضة المحتملة والموجودة في أغلب دفان قطر، بالنسبة لدواء مكافحة الأرضة فيه نوع قوي في حدود 100 ريال للغالون موجود عند شركة الدرويش، وهذا تصب منه شوي على ال compressible board اللي يكون في حواف الصبية الخرسانة علشان يقاوم طلوع الأرضة لداخل البيت وانتشارها على خشب الأبواب المكلف واللي بتحتد بعد كم سنة تغيره، فدائماً الوقاية خير من العلاج.

بعدين مستغرب توهانك ذيه وسؤالك وانت تبني الله يعينك، وين استشاريك المفروض له راي ويتعب لأجلك الموضوع بسيط لازم عليه.

اخوي العزيز راعي الموضوع...مثل ما تشوف انا و اخونا العزيز معماري قطري نتكلم لغة واحده....الدفان للغرف و البيت من الرمل الطبيعي اللي تم تنخيله و الرمل المغسول للتبليط....عاد اكثر من هالكلام ما ينفع نقول و انت بكيفك تبي تركب بودره نصحناك و نصحت اكثر من مره بالابتعاد عنه و الامر متروك لكم

بخصوص ما ذكره اخونا العزيز معماري قطري عن النمل الابيض و الارضه...كلام 100%....تأكد من رش البيت من شركة متخصصه او من البلدية و بشهادة تبقى معاك....مهمه جدا مثلها مثل البنيان

النمل الابيض او الارضه لو لا قدر الله طلع في بيتك مستقبلا بيصير ياكل كل الاخشاب و الاوراق ....يعني ممكن يخليك تطفش من البيت لو ما قدرت تتخلص منه ....راح تضطر مستقبلا تسوي تكسير في بلاط و ارضيات البيت و الحوش في اماكن مختلفه و تسوي حقن من اجل القضاء على النمل الابيض ...متخيل نوعية هذه الخساير...متخيل انك راح تضطر تغير ارضيات البيت و يمكن في كميات و يمكن ما في

انصحك بعد ابتعد عن النعلات الخشب في البيت مستقبلا لانها اماكن تجميع للحشرات و بالاخص الصراصير

[فتك العديد]

مشكور اخوي خلدون واخوي معماري والدفان الي انا اقصده الي هو تحت البلاط وبالنسبه للاخ معماري الي يسال عن الاستشاري خلاص انتهى دوره يوم خلص العظم والحين قاعد اشطب بنفسي والي فهمته من كلامكم انه احسن دفان للغرف والحمامات هو رمل الحكومه المغسول والله يعينا على تكلفته

[MAZEN37]

في دفان يسموه على ما اعتقد باك فييل حصاه صغير جدا
ايش رايك فيه كدفان للارض وفوقه رمل المغسول تحت البلاط

[خالد32]

استعمل بودره نص سعر المغسول و اذا خايف من الارضه مع وجود المبيدات من البلدية على الاقل خل الرمل المغسول للدور الأرضي و ادفن الادوار العلوية بودرة.
و لا تشيل هم.

[معماري قطري]

مشكور اخوي خلدون واخوي معماري والدفان الي انا اقصده الي هو تحت البلاط وبالنسبه للاخ معماري الي يسال عن الاستشاري خلاص انتهى دوره يوم خلص العظم والحين قاعد اشطب بنفسي والي فهمته من كلامكم انه احسن دفان للغرف والحمامات هو رمل الحكومه المغسول والله يعينا على تكلفته

الله يبارك فيك ويسلمك ويوفقك في بنيانك

يا اخوي الإستشاري وجوده في هالمرحلة أهم من أي مرحلة قبل، وحتى لو إنت بترتب هالأُمور كلها بنفسك بتتعب، خصوصاً في الكهرباء وفي أُمور كثيرة... انا خبرتي في الكهرباء معقولة وحتى وقت دراستي خذت مواد كهرباء بس صدقني حطيت إستشاري وطلبت مهندسين مختصين كهرباء وميكانيكا ووفروا لي على درجة عاليه من الخبره، وهذا غير عن إن التصميم متكامل عندي وبمواصفات وحساب كميات، وفوق هذا جبت إثنين من قدماء مهندسين الكهربه يختبرون التمديدات ولوحات التحكم.

بعدين إنت شكل ما انا فاهم تشتغل بمواصفات مبسطة وممكن كل مقاول يترجمها على كيفه ويسوي أقل المطلوب، لكن إتفاقك عن طريق إستشاري وعن طريق إختيار الأفضل وعن طريق اتفاقية تربط المقاول بشغل محدد ومقبول، وبمتابعة الإستشاري بتتطمن على بيتك وبتضمن نتيجة جيدة، وصحيح الإستشاري بشر وممكن يخطيء لكن انت بروحك ولا انا بروحي وفي مجال غير مجالي أخطائي بتكون كارثية وباتعرض للغش من كل جانب، إلا إذا وفقني الله وتوفقت في ناس بيكتفون بربح معقول وبيسوون كل شيء بضمير وهذا مستحيل الحين، فالمقاول يتصيد الفرص ويحاول دوم يوفر على حسابك، وهو بروحه ينسى شاتفقتوا عليه كلامياً وحتى كتابة إلا إنك تقرا وتحط العقد دوم جدام عيونه.

إخوي الإستشاري عبارة عن محامي قانوني لك ويضمن لك تطبيق الإتفاق وبدونه انت ضايع حتى لو إنك ملم بكل حذافير ودواعيس الشغله، وصدقني كلام ما ينفع كله مراسلات وفاكسات وكلها قانونية إذا طلعت من الإستشاري ولا من أي كان ما لها قيمة.

[خالد32]

استشاري عشان تركيب بلاط شعبي؟ ما اشوف الموضوع يستاهل على فيلا
يمكن لو كان الشغل في برج او مجمع كبير
الاستشاري مهم في مرحلة العظم و بيني و بينكم اكثرهم وجودهم و عدمهم واحد الا من رحم ربي

ادفن الصبيه و البيبات بودره و الحمامات رمل مغسول و توكل على الله