ياترى هل يدرون أن " كُلُّ مَنْ عَلَيْهَا فانٍ "

[Lollipop]

كتبت تعليق على موضوع " لو تقدر تغير شي بقطر" وحابة الكل يقراه ويعلق
لانه موضوع خطير ولازم نشوف له حل


"يوم الخميس في فندق الانتركونتنتال كنا معزومين على عرس وبعد إنتهاء العرس واحنا طالعين الله يعزكم شفنا بنات لابسين - من غير هدوم - والمشكلة الأكبر سيارات شبابنا الي نازلين محملين بالهدايا وكل واحد طالع من الفندق وساحب معاه 2 او 3 من الفتيات المغربيات والجزائريات وشفنا سيارة فيها 3 مواطنين، اثنين قاعدين فالامام وواحد فالخلف والبنت تفتح الباب وتقعد في حضن الشاب الي فالخلف !! و

انا ماصدقت ان الدوحة فيها شي جذي كلمت البعض عن الي شفته قالولى ويييه الحين الشباب ياجرون شقق ويحتفلون لطلوع الفجر مع البنات والخمر .......
بالاضافة الي ان بعض الشباب يرافجون شباب من الجنسيات المغربية والجزائرية عشان معاهم تصاريح شرب ويروحون شققهم للاحتفال انقهرت والله .. وانقهرت اكثر لما عرفت ان بعض الشباب يصرفون الالاف كل سنة على إشتراك وعلى تجديد عضويات في فنادق الدوحه ( لاسيجال- الانتر-جراند حياة- الدبليو – الشيراتون – الفور سيزون)
وينكم من الله .....
احب اضيف ان كان في شباب اعمارهم تتراوح بين 31 وال37 اتوقع انهم اباء وعندهم عيال ؟؟؟ يعنى لمتى الاستهتار خاطرى اعرف شلون يجيهم قلب لمثل هذي الافعال مايخافون من الله ...... بصراحة انا قاعدة فالسيارة واشوف الاشكال القذرة وعلى لساني دعوة وحده الله يهديهم .. وفنفس الوقت من القهر كنت اقول الله ياخذ روحهم - استغفر الله العظيم -

[شبح الصمت]

القابض على دينه كالقابض على الجمر

الله يغفر لهم ويهدي قلوبهم للتوبه

ويغفر لنا ويرحمنا برحمتـه

هالكلام الي أقدر أقوله لاني ما أقدر اتعمق لانه لو تعمقنا في هالموضوع ما راح نخلص من الردود

[Lollipop]

وليش مانقدر نشوف حل ؟؟

من يدرى " بعيد الشر عنا وعنكم جميعا الله لايبلينا " أصدقاء السوء وايد ومع احترامي للاجانب بعضهم يرافجون قطريين عشان الفلوس بس عشان يدفعون لهم ثمن عزيمة، طلعة ...الخ
يمكن في يوم من الايام يجرون معاهم اخوى ولا ابني ولا زوجي ؟ هاي المشكلة تخصنا جميعا
واتمني ان الرقابة تتشدد فمثل هذي الاماكن وينوجد حل

[بوعلي2]

شخباري بس :secret:


الحين الامور تطورت اكثر كل الي قلتيه ولا شي


اه ياشبح الصمت ويح قلبي بس :shy:

لو تدرين عن الي نعرفه احنا الشباب يمكن متنامين :)


على العموم انا مثل كلام اخوي شبح الصمت الله يستر عليهم ويهديهم لان لو نتعمق بهالموضوع يبيله سنه لين يخلص :omen2:


الله المستعان

[بوعلي2]

الموضوع يا أختي الكريمه مش محتاج سوالف بالمنتدى الموضوع يبيله بصمه على ارض الواقع

لان الموضوع اكبر من المنتدى يبيله جهات مختصه وقانون وعواقب

وماعندنا هالصلاحيات لاهيئة امر بالمعروف ولا شي

احنا السويكه ابسط شي مب قادرين نمنعها وعيالنا الصغار مدمنينها وحتى الكبار

يعني اقل شي سويكه

فما بالج بأمور اكبر وناس تملك المال والمكان والوقت صعبه جدا لازم قانون وتدخل من جهات مختصه

بالمختصر اتمنى ان يكون عندنا قانون او هيئه مثل السعوديه على الاقل للحد من مثل هالسلوكيات والتصرفات :)

فمان الله

[وطن]

الله يهديهم ويصلحهم

[أبو عبدالعزيز]

ذات مرة بلغت العضيد عن شاب مراهق مركب وحدة أسيوية بشكل مريب!!
ومن خلال أسلوبهم واللامبالاة التي شعرت بها منهم؛ جاني شعور بأني..... !!
الحل من وجهة نظري بإيجاد ضبطية قضائية فعالة خاصة بالقطاع السياحي وقطاع الفنادق ونحوها، ولكن لا أدري أصلا إن كانت الفنادق تستربح من هذه الأعمال المخالفة للشرع ثم القانون، أو أنها تشكل مصدر دخل ثانوي لبعض المدراء ووالعاملين فيها!!

[شبح الصمت]

شخباري بس :secret:


الحين الامور تطورت اكثر كل الي قلتيه ولا شي


اه ياشبح الصمت ويح قلبي بس :shy:

لو تدرين عن الي نعرفه احنا الشباب يمكن متنامين :)


على العموم انا مثل كلام اخوي شبح الصمت الله يستر عليهم ويهديهم لان لو نتعمق بهالموضوع يبيله سنه لين يخلص :omen2:


الله المستعان




بس حبيت اقولك ياخي بعيداً عن الموزوع :eek5:

صباح الورد والفل والياسمين

:nice:

[┋أَجِوَدًيّ┋]

لا حول ولا قوة الا بالله

الصراحة أول مرة أسمع بهالشي

[بوعلي2]

بس حبيت اقولك ياخي بعيداً عن الموزوع :eek5:

صباح الورد والفل والياسمين

:nice:


صباحك سكر يالذيب :shy:

[شبح الصمت]

صباحك سكر يالذيب :shy:




يا روحي على التنسيق

ياخي زغللت عيوووني

:shy:

[ودي أكون]

الحين الامور تطورت اكثر كل الي قلتيه ولا شي
لو تدرين عن الي نعرفه احنا الشباب يمكن متنامين :)
على العموم انا مثل كلام اخوي شبح الصمت الله يستر عليهم ويهديهم لان لو نتعمق بهالموضوع يبيله سنه لين يخلص :omen2:
الله المستعان

السموحه أخوي بوعلي ..

أختي لولي الظاهر البعض تعود علي صاير فلا حول ولا قوة الا بالله .. أو إنهم يشوفون الموضوع خارج عن يدهم فيصعب عليهم التصرف ..

شبح انت معاه بعد :tease:

أنا من رايي أختي .. إنج ماتعورين راسج ولا قلبج ..

من رايي تتصلين ع 999 واتبلغين عن اللي شفتيه .. واتجي الشرطة واتشل الخضر واليابس ..

لان حسب علمي اي حجز في الفندق يطلب عقد زواج .. فاشلون الفندق يحجز حق البعض ..؟!
وغير هذا الشرطة لين جات واضبطت واحد مع وحده تطلب منهم عقد الزواج .. واذا ماعندهم .. اتمنى تحبسهم مدة ماتقل عن سنه ونص ..

هاذول اعوذ بالله منهم يرتكبون اكبر الكبار بشكل علني وبلا خوف ولا حسيب ولا رقيب .. ومو عارفين ان الله فوق وان الموت يجي بثواني ..

انا ماقدر اقول الله يهديه .. لان اللي يسوونه شي كبير كبير ومن اكبر الكبائر .. وغير هذا الامراض اللي يسببونه لاعمراهم ولاهاليهم واعيالهم ..

اللي اقدر اقوله حسبي الله ونعم الوكيل عليهم يارب ..

[Lollipop]

ذات مرة بلغت العضيد عن شاب مراهق مركب وحدة أسيوية بشكل مريب!!
ومن خلال أسلوبهم واللامبالاة التي شعرت بها منهم؛ جاني شعور بأني..... !!
الحل من وجهة نظري بإيجاد ضبطية قضائية فعالة خاصة بالقطاع السياحي وقطاع الفنادق ونحوها، ولكن لا أدري أصلا إن كانت الفنادق تستربح من هذه الأعمال المخالفة للشرع ثم القانون، أو أنها تشكل مصدر دخل ثانوي لبعض المدراء ووالعاملين فيها!!

أكيد الفنادق تربح من هذه الاعمال .. لدرجة اني شكيت ان الفنادق هي الي توظف هؤلاء الفتيات

يعني لو تشوف الكم الهائل الي طالع من الفندق كأنهم مسوين طلبيات يطلعون من الباب كأفواج
والسيارات تحمل الطلبيات وتروح .... وملابس يادوب تستر العورة شي مقرف ومقزز ...... والله في ناس تقول السعودية دولة متخلفة ومتاخرة عشان تطبق الشرع والقصاص .....
ولكن انا اشوف انهم قمة فالتقدم والحضارة

[فلتة زمانها]

القانون المدني مايعاقب الشخص الا لما يجاهر بفعل خادش للحياء في مكان عام
والحبايب سواء رايحين الفندق والا الزرع محد يقدر يمنعهم

[شبح الصمت]

أكيد الفنادق تربح من هذه الاعمال .. لدرجة اني شكيت ان الفنادق هي الي توظف هؤلاء الفتيات

يعني لو تشوف الكم الهائل الي طالع من الفندق كأنهم مسوين طلبيات يطلعون من الباب كأفواج
والسيارات تحمل الطلبيات وتروح .... وملابس يادوب تستر العورة شي مقرف ومقزز ...... والله في ناس تقول السعودية دولة متخلفة ومتاخرة عشان تطبق الشرع والقصاص .....
ولكن انا اشوف انهم قمة فالتقدم والحضارة




حاولت ما أرد لكن ابت اصابعي إلا الرد

انتي متى طالعه من العرس الساعة 2 وإلا 3 ممكن توضحين لانج ميبسه على سالفتج !!

ورداً على كلمتج أنه الاجانب يلاحقون الشباب لجل يدفعون لهم


ارد وقولج اعكسي نظرتج قصدج الشباب يلاحقون الاجانب لجل يضبطونهم

[كازانوفا]

للاسف صرنا بزمن المال
الكل يبحث عنه بطرق غير شرعيه
ونهاية العالم قربت بس الكل في غفله
عافانا الله واياكم

الظاهر لازم نهاجر من الدنياا باكملها قبل ما ينزل غضب الله على العاصي والساكت عن الحق

[بوعلي2]

شبح اعجبك بالالوان لا :shy:



السموحه أخوي بوعلي ..

أختي لولي الظاهر البعض تعود علي صاير فلا حول ولا قوة الا بالله .. أو إنهم يشوفون الموضوع خارج عن يدهم فيصعب عليهم التصرف ..

شبح انت معاه بعد :tease:

أنا من رايي أختي .. إنج ماتعورين راسج ولا قلبج ..

من رايي تتصلين ع 999 واتبلغين عن اللي شفتيه .. واتجي الشرطة واتشل الخضر واليابس ..

لان حسب علمي اي حجز في الفندق يطلب عقد زواج .. فاشلون الفندق يحجز حق البعض ..؟!
وغير هذا الشرطة لين جات واضبطت واحد مع وحده تطلب منهم عقد الزواج .. واذا ماعندهم .. اتمنى تحبسهم مدة ماتقل عن سنه ونص ..

هاذول اعوذ بالله منهم يرتكبون اكبر الكبار بشكل علني وبلا خوف ولا حسيب ولا رقيب .. ومو عارفين ان الله فوق وان الموت يجي بثواني ..

انا ماقدر اقول الله يهديه .. لان اللي يسوونه شي كبير كبير ومن اكبر الكبائر .. وغير هذا الامراض اللي يسببونه لاعمراهم ولاهاليهم واعيالهم ..

اللي اقدر اقوله حسبي الله ونعم الوكيل عليهم يارب ..

لازم قانون اختي لان مافي صلاحيه ان اوقف او اجي واطق صدري قدامهم ولافي قانون يكفلني او يحميني او صلاحيه

انا مابي افتح عيون البعض عن طريقة الحجز بالفنادق ولكن يصير وبدون عقد زواج وبأكبر الفنادق

خلي المستور مستور واحنا الرجال ندري انه يصير :) وتعبنا من كثر مانشوف ونسمع خلكم بالبيوت انتوا لاتعورون راسكم

المفروض نقول الله يهديه لان لايوجد كلام اخر غير الله يهديه ويصلح حاله





شبح الصمت عزمني على فطيرة زعتر وشاي كرك :shy:

الى اللقاء

[تحداني]

في برنامج وطني الحبيب صباح الخير
عاشه المهندي اتقول " جغرافيه قطر ومساحه قطر " لا تتحمل كل هذا الكم من الاجانب
تقول لم نتعود ان تكون ديارنا وبيوتنا وراحه بالنا معرضه للخوف والقلق
ارجوكي يا قطر ديري بالك من هالاجانب وخفي علينا من هالفيضان الي جاينه
ابلادنا اصغيرونه .. وارضنا اصغر
والبعض الاكثر من شبابنا راح في ستين داهيه
ارحموهم .. الله يرضى عليكم


جملكم الله برضاه

[Lollipop]

حاولت ما أرد لكن ابت اصابعي إلا الرد

ياجماعة انا لما طرحت الموضوع هل غلطت في حق حد ؟

[شبح الصمت]

انا طالعة 11 ونص من العرس ، مافي اعراس تخلص قبل ال11 .. لازم ايبس على سالفتي انت مب شايف انه موضوع يستحق النقاش ؟ ولازم الكل يعرف .. ليش استشعر العصبية فردك ؟

لا مااعكسها " الشباب يلاحقون الاجانب لجل يضبطونهم، وبعض الاجانب يلاحقون شبابنا لان معاهم فلوس ومستعدين يسرفون على مثل هذي الامور "



مهب معصب وإلا شيء إلا رايق


بس لانه عارفين متى حزت طلعتهم هالكثر مب الوقت الي ذكرتيه للاسف وانتي قلتي بكميات هائلة يعني قروبات !!

فاسمحي لي موضوعج ماخوذ خيره من زمان بس اللهم فتح موضوع لقط الكلام والقيل والقال واخرتها لا انا وإلا أنتي نقدر نغير شيء

لانه وإلا أحد فينا بيده شيء وكلنا عارفين انه الامر بيد رب العالمين انه يهدي القلوب وبيد الجهات المختصه في مثل هالمواضيع

وتقبلي مروري ولاحدن يعصب

تراني مبتسم من وراء الجهاز وشاق الحلج

:)
:)
:)

[ودي أكون]

شبح اعجبك بالالوان لا :shy:

لازم قانون اختي لان مافي صلاحيه ان اوقف او اجي واطق صدري قدامهم ولافي قانون يكفلني او يحميني او صلاحيه
انا مابي افتح عيون البعض عن طريقة الحجز بالفنادق ولكن يصير وبدون عقد زواج وبأكبر الفنادق
خلي المستور مستور واحنا الرجال ندري انه يصير :) وتعبنا من كثر مانشوف ونسمع خلكم بالبيوت انتوا لاتعورون راسكم
المفروض نقول الله يهديه لان لايوجد كلام اخر غير الله يهديه ويصلح حاله
شبح الصمت عزمني على فطيرة زعتر وشاي كرك :shy:

الى اللقاء


مادري ماتوفر لكم الادارة دفتر تلوين مرة وحده بعد ..
الرجل الحديدي وكراندايزر :waiting:


إذا الشرطه مالها صلاحيات .. فأمن الدولة لها صلاحات والتحريات ..
الحمدالله الدولة لها قوانينها ماظن اللي صاير مسموح فيه من الاساس ..؟!
لا شرعاً ولا قانوناً ..

ياليت حد يفدينا بالجهة المختصه لمثل هاذي الحالات .. وله جزيل الشكر ..


بقول اللي يهديهم حق ناس اتسوي الشي عن جهل .. او بدون مجاهره .. او عالاقل ماتوصل للكبائر ..

اما هالفئه غير السجن والجلد وحسبي الله عليهم ماعندي ..

حسبي الله عليهم ..

[بوعلي2]

دووووم مبتسم يارب

[ضوى]

ايه والله يابو علي صدقت خلنا بالبيوت ابرك لنا ، بس اذا شفنا منكر لازم نستنكره وهاي اضعف شي ممكن نسويه انه نتكلم عنه ، ماتدري يابو علي مرة ملك واحنا نقول يارب حدا هالمسؤولين الشرفاء يشوف الموضوع ويتخذ خطوة ايجابية بهالموضوع ، الاهم نقول يارب كن معنا في انكارنا للمنكر وامين يارب العالمين تتعدل هالاوضاع المخزية

[شبح الصمت]

دووووم مبتسم يارب




اللهم آآمين

[Lollipop]

مهب معصب وإلا شيء إلا رايق


بس لانه عارفين متى حزت طلعتهم هالكثر مب الوقت الي ذكرتيه للاسف وانتي قلتي بكميات هائلة يعني قروبات !!

فاسمحي لي موضوعج ماخوذ خيره من زمان بس اللهم فتح موضوع لقط الكلام والقيل والقال واخرتها لا انا وإلا أنتي نقدر نغير شيء

لانه وإلا أحد فينا بيده شيء وكلنا عارفين انه الامر بيد رب العالمين انه يهدي القلوب وبيد الجهات المختصه في مثل هالمواضيع

وتقبلي مروري ولاحدن يعصب

تراني مبتسم من وراء الجهاز وشاق الحلج

:)
:)
:)

أتمني تظل مبتسم على طول انشالله :)

مش يمكن انا طرحت الموضوع لانه عندي امل انه نلاقي حل ؟
ومن يدرى، يمكن حد فالمنتدي يقرا الموضوع وفعلا يهتم ويطلع بإيده شي

يعني انا شفت الي صار وقعدت عاجزه فالسيارة
لكن مابقعد عاجزة اللسان بعد ولاشرايك ؟

ومره ثانيه الساعه 11 ونص بالدقيقه يوم الخميس رايت ماحدث ..

ولو كل موضوع ينطرح بنقعد نقول قديمة والموضوع ماخوذ خيره من زمان .. شالفايدة من المنتدي وليش نتناقش ؟

صراحة وبعد قراءه ردك جاني شعور سلبي جدا انه مافي فايدة من الكلام وليش انا اصلا طرحت الموضوع واعتقد انه باطلع من المنتدى

السلام عليكم ورحمة الله

[شبح الصمت]

ايه والله يابو علي صدقت خلنا بالبيوت ابرك لنا ، بس اذا شفنا منكر لازم نستنكره وهاي اضعف شي ممكن نسويه انه نتكلم عنه ، ماتدري يابو علي مرة ملك واحنا نقول يارب حدا هالمسؤولين الشرفاء يشوف الموضوع ويتخذ خطوة ايجابية بهالموضوع ، الاهم نقول يارب كن معنا في انكارنا للمنكر وامين يارب العالمين تتعدل هالاوضاع المخزية




مستنكرين هالشيء مليون بالميه

لكن وش بيدنا نسويه !!

قولي لي بنروح ننصح بنحصل كلام ويمكن ندش في مشاكل َ!!

ربج كريم ما لنا إلا الدعاء

والله يحفظ قطر وأهلها من كل شر

ما كان ودنا في يوم نشوف هالاشياء

:weeping:

[بوعلي2]

ايه والله يابو علي صدقت خلنا بالبيوت ابرك لنا ، بس اذا شفنا منكر لازم نستنكره وهاي اضعف شي ممكن نسويه انه نتكلم عنه ، ماتدري يابو علي مرة ملك واحنا نقول يارب حدا هالمسؤولين الشرفاء يشوف الموضوع ويتخذ خطوة ايجابية بهالموضوع ، الاهم نقول يارب كن معنا في انكارنا للمنكر وامين يارب العالمين تتعدل هالاوضاع المخزية

صح لسانج

ولازم انكار المنكر بارك الله فيج صدقتي

والله الواحد يقعد بميلسه وبيته ابرك من هالي يشوفه او يسمعه والله العظيم يعوره قلبه ويهلك

مشكلتنا ان احنا الشباب ندري وياليتنا ماندري عن الي نشوفه ونسمعه ومتاكدين منه من جذي يعورنا قلبنا على شبابنا وبناتنا ايضا

اه بس ربج يفرجها

الله يهدي الجميع لما يحبه ويرضاه امين

[شبح الصمت]

أتمني تظل مبتسم على طول انشالله :)

مش يمكن انا طرحت الموضوع لانه عندي امل انه نلاقي حل ؟
ومن يدرى، يمكن حد فالمنتدي يقرا الموضوع وفعلا يهتم ويطلع بإيده شي

يعني انا شفت الي صار وقعدت عاجزه فالسيارة
لكن مابقعد عاجزة اللسان بعد ولاشرايك ؟

ومره ثانيه الساعه 11 ونص بالدقيقه يوم الخميس رايت ماحدث ..

ولو كل موضوع ينطرح بنقعد نقول قديمة والموضوع ماخوذ خيره من زمان .. شالفايدة من المنتدي وليش نتناقش ؟

صراحة وبعد قراءه ردك جاني شعور سلبي جدا انه مافي فايدة من الكلام وليش انا اصلا طرحت الموضوع واعتقد انه باطلع من المنتدى

السلام عليكم ورحمة الله




تعالي اشفيج عصبتي

ترى الكلام اخذ وعطا

بس نفس هالمواضيع صراحه تقهرنا وتحسسنا انه احنا مافينا خير ننصح الناس

فناقشي وانا الي باطلع من موضوعج

وإن شاء الله ينكتب الخير على يدج ويكون في تغيير

لا تخلين اي كلام يحبطج وإلا يكسر من مجاديفج لو خذتي هالنظرية انه كل من ناقشج وما عطاج الي تبينه تنسحبين صدقيني ما راح تحصلين الي تبينه


واسمحي لي

[مثمن معتمد]

ايام ما كانت شباب كنا نقول الشيخ عبدالله بن خالد محكر لنا

والحين لما كبرت وعقلت عرفت ان اللي كان صح

[faisalqatar]

لو منعوا المصخرة هذي بتخسر اكبر الفنادق و بتقل نسبة الحجوزات بنسبة تزيد عن 50%
و على ذلك بيتأثرون اصحاب اكبر الفنادق و هالشي ما يرضيهم !! وهل كيف يزعلونهم ؟

لذلك سامحين بالمصخره

هاي زبدة الموضوع

ومثل ما قلتي اختي الظاهر ما يدرون ان "كل من عليها فان"

الظاهر مايدرون ان تسونامي و غيره من الظواهر الطبيعيه تحذيرات من الله

و بعد الظاهر انهم ما يدرون انه بيي اليوم اللي الله بيخسف فيه الارض على رؤوسهم

للاسف مافي يدنا الا نقول الله يهديهم و يهدينا معاهم

تحياتي لج

[Lollipop]

:cool:

تعالي اشفيج عصبتي

ترى الكلام اخذ وعطا

بس نفس هالمواضيع صراحه تقهرنا وتحسسنا انه احنا مافينا خير ننصح الناس

فناقشي وانا الي باطلع من موضوعج

وإن شاء الله ينكتب الخير على يدج ويكون في تغيير

لا تخلين اي كلام يحبطج وإلا يكسر من مجاديفج لو خذتي هالنظرية انه كل من ناقشج وما عطاج الي تبينه تنسحبين صدقيني ما راح تحصلين الي تبينه


واسمحي لي




لا انا رحت منتدي السوق النسائي تسوقت ورقت خلاص:)

[حسن]

احنا مادري ليش كل شي نحمله ونقطه على الدوله حتي بلاوينيه واثاممنا لازم
الدوله تشيل عنه ياختي البلاوي ذي من البشر انفسهم هم المقصرين بينهم
وبين ربهم والشيطان هو اللي يقص عليهم والقدوي ضايعه دام الاب كله
مسافر ولا مطيح في المجمعات ولا امور اخري كل خميس(000)
انا اشوف وانتي وغيري لكن مالنا الا الدعاء لهم بالهدايه لان
رب العالمين هو الللي بيحاسبهم على تصرفاتهم
انا اعرف بعض الشباب الاصغار اللي توه متوظف وكله سفرات اما
شمالينا ولا جنوبينا وهم يقولون وش يسون لما تقول لبوه امنعه يقولك خله يستانس
تنصدم من رد هذا الحقير اللي مثله لاكن في النهايه تقول الله يهديهم
صحيح ان المجالس مدارس والحمدلله اللي الله ثبتنا عليها وماتركناها

[نورالهدى]

الله يصلحهم ويسخرهم لأهلهم

[intesar]

ذات مرة بلغت العضيد عن شاب مراهق مركب وحدة أسيوية بشكل مريب!!
ومن خلال أسلوبهم واللامبالاة التي شعرت بها منهم؛ جاني شعور بأني..... !!
الحل من وجهة نظري بإيجاد ضبطية قضائية فعالة خاصة بالقطاع السياحي وقطاع الفنادق ونحوها، ولكن لا أدري أصلا إن كانت الفنادق تستربح من هذه الأعمال المخالفة للشرع ثم القانون، أو أنها تشكل مصدر دخل ثانوي لبعض المدراء ووالعاملين فيها!!


أتوقع تستريح ولا ليش مسموح عندهم.. والقانون غاض الطرف عنهم..

[راعي الدتسن]

انا مررره بلغت عن مصخرره صايره قدامي..!!!
كان ردهم علي انت اشعليك..!؟؟؟؟

[qatara]

يقول صلى الله عليه وسلم :
(( من سن في الإسلام سنة حسنة كان له أجرها وأجر من عمل بها
من بعده لا ينقص ذلك من أجورهم شيئا ومن سن في الإسلام سنة سيئة كان عليه وزرها
ووزر من عمل بها من بعده لا ينقص ذلك من أوزارهم شيئا )) ....

[الجني]

اللهم إن أردت بعبادك فتنة فاقبضني إليك غير مفتون

[qtr7]

الاختلاط بين الجنسين في العمل والمدارس والجامعات يثير الغرائز + انترنت واافلام + فنادق تبيع الفيز انا شايف اعلان من كم يوم فندق يعلن انه يوجد فيز ماعرف ايش الاعلان الغريب هذا يبيعهم ..
الحل الزواج + منع اي بنت تشخلع في المجمعات .ومنع فيز السياحيه للبنات المصيبه انه بعض الجنسيات العربيه قامو يجون من فرنسا جواز فرنسي ! وين تلحق !

[الخزرجي قطر]

الله يهديهم ان شاءالله