تفضل وشارك بأقتراحك للمرور حول التعديلات الجديدة

[خليفـة]

الخرجي: الاستفادة من آراء ومقترحات الجمهور.. تعديل قانون المرور وتخفيض بعض المخالفات

فوزية علي: كشف العميد محمد سعد الخرجي مدير ادارة المرور انه تم تشكيل لجنة لاجراء تقييم شامل لقانون المرور رقم (19) لسنة 2007، وذلك بعد مرور 5 سنوات على تطبيقه، مشيراً الى ان التقييم سوف يعيد النظر في الغرامات المشددة على بعض المخالفات المرورية ودراسة إمكانية تخفيضها. وأكد العميد الخرجي ان تعديل بعض مواد قانون المرور سوف يأخذ في الاعتبار اراء ومقترحات وشكاوى السائقين خلال الفترة السابقة ومنذ تطبيق القانون. واشار الى ان التعديلات الجديدة سوف

المصدر : جريدة الشرق

[مخاوي الشيبة]

سبحان الله لي اشبعو قالو لك نعيد تشكيل اللجنه ونفكر في تخفيض وتخفيض


نفس كيوتل اشفطو شفط مهب صاحي من الناس من التسعينات وتوهم من سنتين

افتحو فودافون يالبفيت انها منافسة نشوف العجب العجاب في هل الدنيا !!

[R 7 A L]

نبيهم يضغطون على اشغال
ويعدلون الشوارع ( المداخل والمخارج ويوسعونها )

[تحداني]

لو يخفضون قيمه " حزام الامان " اوف احلى شي
اشدعوه 500 ريال للي يربط الحزام والي ما يربط الحزام

ولو يشيلون مخالفاتي بعد احلى شي
جان زين بعد يشيلون سالفه النقاط
بعد لو يخففون من الرادارات .. لان زيادتها يعني زياده الحوادث
وجان زين يركبون الاشارات الي لها عداد


جملك الله برضاه

[همر]

سبحان الله لي اشبعو قالو لك نعيد تشكيل اللجنه ونفكر في تخفيض وتخفيض


نفس كيوتل اشفطو شفط مهب صاحي من الناس من التسعينات وتوهم من سنتين

افتحو فودافون يالبفيت انها منافسة نشوف العجب العجاب في هل الدنيا !!




تهقى بتنزل شركه منافسه للمرور ؟!!! :eek5:

[مخاوي الشيبة]

لو يخفضون قيمه " حزام الامان " اوف احلى شي
اشدعوه 500 ريال للي يربط الحزام والي ما يربط الحزام

ولو يشيلون مخالفاتي بعد احلى شي
جان زين بعد يشيلون سالفه النقاط
بعد لو يخففون من الرادارات .. لان زيادتها يعني زياده الحوادث
وجان زين يركبون الاشارات الي لها عداد


جملك الله برضاه




اشارات لها عداد مفيده واجد

شرايك انا في عجمان اللي هي عجمان شفتها

معقولة عجمان متقدمه عن قطر في هل الشي

هههههههه

[خليفـة]

سبحان الله لي اشبعو قالو لك نعيد تشكيل اللجنه ونفكر في تخفيض وتخفيض


نفس كيوتل اشفطو شفط مهب صاحي من الناس من التسعينات وتوهم من سنتين

افتحو فودافون يالبفيت انها منافسة نشوف العجب العجاب في هل الدنيا !!

اخوي الله يجزاك خير
الي يقرأ كلامك
بيقول ان قيمة المخالفات راحت لجيوب وأرصدة المسوؤولين في المرور
هذي مخالفات اخوي .. يدفعها كل شخص يخالف النظام والقانون
والحين الجماعة بادروا جزاهم الله خير في اعادة النظر في مسألة قيمتها
انا اشوف انها خطوة طيبة منهم جزاهم الله خير
والي محترم النظام والقانون .. ماراح يدفع لا مخالفة صغيرة ولا كبيرة
:)
قواك الله يالغالي على المرور



نبيهم يضغطون على اشغال
ويعدلون الشوارع ( المداخل والمخارج ويوسعونها )

فكرة طيبة اخوي رحال بارك الله فيك




لو يخفضون قيمه " حزام الامان " اوف احلى شي
اشدعوه 500 ريال للي يربط الحزام والي ما يربط الحزام

ولو يشيلون مخالفاتي بعد احلى شي
جان زين بعد يشيلون سالفه النقاط
بعد لو يخففون من الرادارات .. لان زيادتها يعني زياده الحوادث
وجان زين يركبون الاشارات الي لها عداد


جملك الله برضاه

فكرة طيبة اختي تحداني
ان شاء الله تكون مخالفة ربط حزام الأمان ضمن الدراسة
:)

[تحداني]

اشارات لها عداد مفيده واجد

شرايك انا في عجمان اللي هي عجمان شفتها

معقولة عجمان متقدمه عن قطر في هل الشي

هههههههه



عاد التطور له معاني كثيره
تلقى بلده متطوره في الفساد وبلده متطوره في الشوارع
وبلده متطوره في الشحاتين .. وبلده متطوره بالفقراء
وعجمان يمكن متطوره ابهالشي .. اي بعد عندهم جامعه جدا جدا قويه " جامعه عجمان "

انا والله شفت مثل هالعداد .. بس اموت واعرف كان حلم ولا علم
لان والله شفتها في الكورنيش يوم من الايام


جملك الله برضاه

[مخاوي الشيبة]

اخوي خليفه بنسبة لقانون الامارات رادرات بوظبي على 500 درهم ولهم تخفيض

الناس الى 300 درهم والحزام اب 200 درهم يعني مخالفات لردع الناس صح

بس مش لسحب الجيوب


يعني تبغيني اتكلم بكل صراحه ذاك الليوم انا مكتب المرور الرئيسي في

مدينة خليفه جا رجال عنده سياره موديل 2008 متكنسلة نهائيا عليه مخالفات

حروة 15 الف يعني مسكين الصراحه حاله يرثى له خسران في موتره

ومخالفات 15 الف على ظهره الرجال يبغي ورقة علشان يكنسلون له الموتر

ماعطوه الا لين يدفع 15 الف ريال يقولي تكفى ياطويل العمر حاول تكلمهم

يدخلوني على الخرجي يعني الخرجي طول الله عمرك جالس في مكتبه وحاطين قوانين

ولا يبغون يواجهون العالم ويناقشون العالم في مشكلاتهم ويحلونها لهم

حاطين لك طول الله عمرك واحد في الاداراه تحت مخيس النفس ولي سلمت عليه مايرد

شموضوعك ؟؟!!


الصراحه مأساه اللي تصير

[راعي الدتسن]

بادره طيبه منهم التواصل مع الجمهور واخذ المقترحات منهم..
وان شاء الله نشوف قوانين رادعه.. مب كل شي بالفلوووس

[خليفـة]

اخوي خليفه بنسبة لقانون الامارات رادرات بوظبي على 500 درهم ولهم تخفيض

الناس الى 300 درهم والحزام اب 200 درهم يعني مخالفات لردع الناس صح

بس مش لسحب الجيوب


يعني تبغيني اتكلم بكل صراحه ذاك الليوم انا مكتب المرور الرئيسي في

مدينة خليفه جا رجال عنده سياره موديل 2008 متكنسلة نهائيا عليه مخالفات

حروة 15 الف يعني مسكين الصراحه حاله يرثى له خسران في موتره

ومخالفات 15 الف على ظهره الرجال يبغي ورقة علشان يكنسلون له الموتر

ماعطوه الا لين يدفع 15 الف ريال يقولي تكفى ياطويل العمر حاول تكلمهم

يدخلوني على الخرجي يعني الخرجي طول الله عمرك جالس في مكتبه وحاطين قوانين

ولا يبغون يواجهون العالم ويناقشون العالم في مشكلاتهم ويحلونها لهم

حاطين لك طول الله عمرك واحد في الاداراه تحت مخيس النفس ولي سلمت عليه مايرد

شموضوعك ؟؟!!


الصراحه مأساه اللي تصير


الله يكون في عونه .. ويسهل امره
ولكن اخوي .. خلنا نكون واقعيين
واحد عليه مخالفات 15000 ريال
معناتها انه انسان مو ملتزم بقوانين المرور أبداً
وهو عارف انه مخالف للقانون قبل لا يرتكب المخالفة
اشلون الحين يجي يطلب يكنسل السيارة ؟
لو سمح النظام ان أي شخص عليه مخالفة يقدر يكنسل سيارته
معناتها أي حد عنده مخالفات كبيرة .. يطلب يكنسل السيارة وانتهى موضوعة
وطبعا ممكن تلاقي سيارة قيمتها ما تتعدى الـ 15000 ريال وعليها مخالفات 100.000 ريال
المفروض كل شخص يلتزم ويحترم القانون
وأنا أكد لك اخوي
ان أي شخص يلتزم ويحترم القوانين المرورية
محد يقدر يخالفه او يدفعه أي مبلغ

نعم .. انا اتفق معك ان حجم بعض المخالفات المرورية مرتفعة
ولكن في النهاية قيمة المخالفة تدخل لحساب الدولة وليس لحساب اي مسؤول آخر
والأهم من هذا كله .. ان المخالفات وضعت لردع المخالفين قدر الأستطاعة

هناك على سبيل المثال مخالفة قطع الأشارة الحمراء
من وجهة نظري .. 6000 ريال تعتبر مخالفة بسيطة

اتمنى من مدير ادارة المرور رفع تلك المخالفة
لتصبح 60.000 ريال سواء تسبب المخالف بحادث او لا

لان مرتكبين مثل تلك المخالفة .. يعرضون ارواحهم وارواح الآخرين
للموت .. وليس للخطر فقط

حياك الله اخوي .. وسعيد بمداخلتك

خليفــة

[تحداني]

اخوي خليفه بنسبة لقانون الامارات رادرات بوظبي على 500 درهم ولهم تخفيض

الناس الى 300 درهم والحزام اب 200 درهم يعني مخالفات لردع الناس صح

بس مش لسحب الجيوب


يعني تبغيني اتكلم بكل صراحه ذاك الليوم انا مكتب المرور الرئيسي في

مدينة خليفه جا رجال عنده سياره موديل 2008 متكنسلة نهائيا عليه مخالفات

حروة 15 الف يعني مسكين الصراحه حاله يرثى له خسران في موتره

ومخالفات 15 الف على ظهره الرجال يبغي ورقة علشان يكنسلون له الموتر

ماعطوه الا لين يدفع 15 الف ريال يقولي تكفى ياطويل العمر حاول تكلمهم

يدخلوني على الخرجي يعني الخرجي طول الله عمرك جالس في مكتبه وحاطين قوانين

ولا يبغون يواجهون العالم ويناقشون العالم في مشكلاتهم ويحلونها لهم

حاطين لك طول الله عمرك واحد في الاداراه تحت مخيس النفس ولي سلمت عليه مايرد

شموضوعك ؟؟!!


الصراحه مأساه اللي تصير




ناس انشالت عنهم مخالفات بالثلاثين الف والاربعين الف
اظاهر اخونا في الله ما ايعرف احد اهناك .. والله ابوي يقول يبه لو تدخلين على الضابط
في مخالفات تنشال ابساطه .. وما يبيلها لا الخرجي ولا شي

احنه بعنا سيارتنا الكروزر على اردني .. قلنا له ترى السياره عليها مخالفات
والسياره خربانه .. وووو .. قام قال لنا انتوا بيعوها علي وانا اموري طيبه
ذاك اليوم الوالد يسأل عن السياره .. قال شليت كل المخالفات عنها .. واشحلاتها في الاردن كاهي اتوصل الاهل والجماعه

الدنيا واسطات اخي الكريم
بلا مخالفه بلا كلام فاضي

انا لو اسوي احصائيه .. اكثر الناس الي يدفعون مخالفات .. هم البعض من الاجانب والنساء
اما الشباب امورهم في العلالي .. البعض الاكثر من الشباب


جملك الله برضاه

[مخاوي الشيبة]

الله يكون في عونه .. ويسهل امره
ولكن اخوي .. خلنا نكون واقعيين
واحد عليه مخالفات 15000 ريال
معناتها انه انسان مو ملتزم بقوانين المرور أبداً
وهو عارف انه مخالف للقانون قبل لا يرتكب المخالفة
اشلون الحين يجي يطلب يكنسل السيارة ؟
لو سمح النظام ان أي شخص عليه مخالفة يقدر يكنسل سيارته
معناتها أي حد عنده مخالفات كبيرة .. يطلب يكنسل السيارة وانتهى موضوعة
وطبعا ممكن تلاقي سيارة قيمتها ما تتعدى الـ 15000 ريال وعليها مخالفات 100.000 ريال
المفروض كل شخص يلتزم ويحترم القانون
وأنا أكد لك اخوي
ان أي شخص يلتزم ويحترم القوانين المرورية
محد يقدر يخالفه او يدفعه أي مبلغ

نعم .. انا اتفق معك ان حجم بعض المخالفات المرورية مرتفعة
ولكن في النهاية قيمة المخالفة تدخل لحساب الدولة وليس لحساب اي مسؤول آخر
والأهم من هذا كله .. ان المخالفات وضعت لردع المخالفين قدر الأستطاعة

هناك على سبيل المثال مخالفة قطع الأشارة الحمراء
من وجهة نظري .. 6000 ريال تعتبر مخالفة بسيطة

اتمنى من مدير ادارة المرور رفع تلك المخالفة
لتصبح 60.000 ريال سواء تسبب المخالف بحادث او لا

لان مرتكبين مثل تلك المخالفة .. يعرضون ارواحهم وارواح الآخرين
للموت .. وليس للخطر فقط

حياك الله اخوي .. وسعيد بمداخلتك

خليفــة




ترى موتره من 2008 يجدد ملكيه يدفع ويحول

على الرقم الشخصي علشان يجدد ملكيه بس


ماعلينا من هل الموضوع


تحويل مخالفه قطع الاشاراه من 6000 الى

60000 الف


لا ياخوي لا مهب هل الشكل ناس ادور هل المبلغ

تسوي لها تجارة او تسافر لها مكان

تستانس


سعدت بلنقاش معاك

[خليفـة]

ناس انشالت عنهم مخالفات بالثلاثين الف والاربعين الف
اظاهر اخونا في الله ما ايعرف احد اهناك .. والله ابوي يقول يبه لو تدخلين على الضابط
في مخالفات تنشال ابساطه .. وما يبيلها لا الخرجي ولا شي

احنه بعنا سيارتنا الكروزر على اردني .. قلنا له ترى السياره عليها مخالفات
والسياره خربانه .. وووو .. قام قال لنا انتوا بيعوها علي وانا اموري طيبه
ذاك اليوم الوالد يسأل عن السياره .. قال شليت كل المخالفات عنها .. واشحلاتها في الاردن كاهي اتوصل الاهل والجماعه

الدنيا واسطات اخي الكريم
بلا مخالفه بلا كلام فاضي

انا لو اسوي احصائيه .. اكثر الناس الي يدفعون مخالفات .. هم البعض من الاجانب والنساء
اما الشباب امورهم في العلالي .. البعض الاكثر من الشباب


جملك الله برضاه

اختي تحداني
الكلام الي تقولينه فيه بعض المغالطات بارك الله فيج
نعم .. هناك بعض المخالفات الي يتم اسقاطها عن الشخص المخالف
ولكن يعتمد على نوع المخالفة وكيفية حدوثها
اما مسألة ان الي عنده واسطة يشيل عن نفسه مخالفة سرعة
عن طريق معارفة او عن طريق أحد يعرفه في المرور
هذا كلام مبالغ فيه اختي
الجماعة جزاهم الله خير في المرور متعاونين ومتساعدين لأبعد الحدود مع الجميع
يعني الي وقف بعد الأشارة ولقطته كيمرة الرادار .. له وضع يختلف عن الشخص
الي قطع الأشارة وهي حمراء وكمل طريقة

والأردني الي ذكرتيه في مداخلتج .. راح ولا جاء
هو مقيم ينطبق عليه القانون مثله مثل أي شخص مقيم او حتى مواطن

الخرجي وكل المسؤولين في الداخلية
ما يتعاملون مع ناس بالقانون وناس آخرين بطريقة ودية او شخصية
المسؤولين يطبقون النظام لانهم مُحاسبين امام الله وامام القانون ايضا
ولا تنسين ان نظام المخالفات يكون عن طريق الحاسب الآلي
يعني ما تنشال المخالفة الا بدفع قيمتها
الا المخالفات الي يراجع فيها الشخص المخالف ويكون وضعه القانوني يسمح بإزالة المخالفة عنها
يعني على حسب نوع المخالفة

اتمنى منج اختي تحداني انتي وكل من يعيش على أرض قطر
ان يُحسن الظن بالمسؤولين في البلاد
وما يقطون كلام .. قد يكون أكبر من الحقيقة .. ولا يمت لها بصلة
لا من قريب ولا من بعيد
:)
خليفــة







ترى موتره من 2008 يجدد ملكيه يدفع ويحول

على الرقم الشخصي علشان يجدد ملكيه بس


ماعلينا من هل الموضوع


تحويل مخالفه قطع الاشاراه من 6000 الى

60000 الف


لا ياخوي لا مهب هل الشكل ناس ادور هل المبلغ

تسوي لها تجارة او تسافر لها مكان

تستانس


سعدت بلنقاش معاك

انا اسعد يالغالي
قطع الإشارة الحمراء بمثابة جريمة اخوي
وفيها تعريض حياة المخالف والأخرين للموت الوشيك
60.000 مبلغ حلوا يخليه يتأدب ويعمل ألف حساب قبل لا يفكر بقطع الاشارة مرة ثانية
ومسألة مشروعه التجاري .. او سفرة يستانس فيها
ما يكونون على حساب حياة الآخرين لو كانت حياته ما تهمه بارك الله فيك
شاكر لك اخوي
:)

[خليفـة]

همسة في أذن كل من يرى في كلامي شيء من المبالغة
او المديح للمرور :

يشهد الله .. انني لا أعمل في وزارة الداخلية بتاتاً .. لا من قريب ولا من بعيد
ويشهد الله .. انني لا أعرف الخرجي .. ولا أعرف أي صاحب قرار في المرور

كل ما في الأمر .. انني وجهت كلمة شكر للعميد الخرجي المحترم
على قرار طيب يقوم بدراسته

وسلامتكم

:)

[مخاوي الشيبة]

ناس انشالت عنهم مخالفات بالثلاثين الف والاربعين الف
اظاهر اخونا في الله ما ايعرف احد اهناك .. والله ابوي يقول يبه لو تدخلين على الضابط
في مخالفات تنشال ابساطه .. وما يبيلها لا الخرجي ولا شي

احنه بعنا سيارتنا الكروزر على اردني .. قلنا له ترى السياره عليها مخالفات
والسياره خربانه .. وووو .. قام قال لنا انتوا بيعوها علي وانا اموري طيبه
ذاك اليوم الوالد يسأل عن السياره .. قال شليت كل المخالفات عنها .. واشحلاتها في الاردن كاهي اتوصل الاهل والجماعه

الدنيا واسطات اخي الكريم
بلا مخالفه بلا كلام فاضي

انا لو اسوي احصائيه .. اكثر الناس الي يدفعون مخالفات .. هم البعض من الاجانب والنساء
اما الشباب امورهم في العلالي .. البعض الاكثر من الشباب


جملك الله برضاه



ياخي هل الانسانه صادقه يعني باقولك

شي اخوي خليفه انت لازم تحرجنا

ونقولك دخلنا على فلان وعلان وشلينا

مخالفات عن نفسنا وشلينا حجز مواتر

حوالي 4 مرات شلينا حجز موتر

يا اخي مازال في الدنيا خير

خل القطري ينفع اخوه لي احتاج له

ترى الاجانب مهب احسن منا يافديت خشمك

يشتغلون في مناصب في الدولة ويساعدون

ربعهم على حسابنا خلنا ننفع بعضنا

تراهم مهب احسن منا

[تحداني]

اختي تحداني
الكلام الي تقولينه فيه بعض المغالطات بارك الله فيج
نعم .. هناك بعض المخالفات الي يتم اسقاطها عن الشخص المخالف
ولكن يعتمد على نوع المخالفة وكيفية حدوثها
اما مسألة ان الي عنده واسطة يشيل عن نفسه مخالفة سرعة
عن طريق معارفة او عن طريق أحد يعرفه في المرور
هذا كلام مبالغ فيه اختي
الجماعة جزاهم الله خير في المرور متعاونين ومتساعدين لأبعد الحدود مع الجميع
يعني الي وقف بعد الأشارة ولقطته كيمرة الرادار .. له وضع يختلف عن الشخص
الي قطع الأشارة وهي حمراء وكمل طريقة

والأردني الي ذكرتيه في مداخلتج .. راح ولا جاء
هو مقيم ينطبق عليه القانون مثله مثل أي شخص مقيم او حتى مواطن

الخرجي وكل المسؤولين في الداخلية
ما يتعاملون مع ناس بالقانون وناس آخرين بطريقة ودية او شخصية
المسؤولين يطبقون النظام لانهم مُحاسبين امام الله وامام القانون ايضا
ولا تنسين ان نظام المخالفات يكون عن طريق الحاسب الآلي
يعني ما تنشال المخالفة الا بدفع قيمتها
الا المخالفات الي يراجع فيها الشخص المخالف ويكون وضعه القانوني يسمح بإزالة المخالفة عنها
يعني على حسب نوع المخالفة

اتمنى منج اختي تحداني انتي وكل من يعيش على أرض قطر
ان يُحسن الظن بالمسؤولين في البلاد
وما يقطون كلام .. قد يكون أكبر من الحقيقة .. ولا يمت لها بصلة
لا من قريب ولا من بعيد
:)
خليفــة


:)



كل الكلام الي قلته على عيني وراسي مع العلم اعرف اجابه كل سطر
لكن تضعني في خانه المغالطات ما اسمح فيها ابدا ابدا
لاني اكبر من المغالطات .. واعرف ماذا اكتب .. وعن ماذا اتكلم ..
ولما ادخل موضوع املك ما املكه من معلومات .. وان لم تكن معلومات حاصله بشكل يومي
لكن تحصل ومافي احد يقدر ينكرها

جملك الله برضاه

[خليفـة]

ياخي هل الانسانه صادقه يعني باقولك

شي اخوي خليفه انت لازم تحرجنا

ونقولك دخلنا على فلان وعلان وشلينا

مخالفات عن نفسنا وشلينا حجز مواتر

حوالي 4 مرات شلينا حجز موتر

يا اخي مازال في الدنيا خير

خل القطري ينفع اخوه لي احتاج له

ترى الاجانب مهب احسن منا يافديت خشمك

يشتغلون في مناصب في الدولة ويساعدون

ربعهم على حسابنا خلنا ننفع بعضنا

تراهم مهب احسن منا

لا بالعكس اخوي ليش احرجك بارك الله فيك !!
ما فيها شي لو واحد خالف مخالفة بسيطة وراح المرور يطلب اسقاط المخالفة عنه
والجماعة كما ذكرت سابقاً .. متعاونين لأبعد الحدود جزاهم الله خير
وفي النهاية اخوي مثل ما قلت لك .. يعتمد على نوع المخالفة
ويعتمد على سبب الحجز
لكن أنا أبي واحد يقول لي انا أسقطت عن نفسي مخالفة قطع اشارة حمراء وتسببت بحادث
اتحدى أي أحد انه يقدر يسقط عن نفسه هالمخالفة
محد يقدر .. تعرف ليش اخوي ؟
لان هالنوع من المخالفات ما فيها تهاون عند المسؤولين في المرور
اما الماخلفات البسيطة .. والي ما تترتب عليها أي اخطار لأرواح الناس
الجماعة متساعدين وطيبن وحلوين لأبعد الحدود بارك الله فيك

:)

[تحداني]

ياخي هل الانسانه صادقه يعني باقولك

شي اخوي خليفه انت لازم تحرجنا

ونقولك دخلنا على فلان وعلان وشلينا

مخالفات عن نفسنا وشلينا حجز مواتر

حوالي 4 مرات شلينا حجز موتر

يا اخي مازال في الدنيا خير

خل القطري ينفع اخوه لي احتاج له

ترى الاجانب مهب احسن منا يافديت خشمك

يشتغلون في مناصب في الدولة ويساعدون

ربعهم على حسابنا خلنا ننفع بعضنا

تراهم مهب احسن منا




نعم صادقه .. وما أألف من مخي كلام
لكن دائما الحقيقه تجرح .. ونطلع فيها غلطانين وما انعرف شي
واحنه ما سمينا احد .. ولا جبنا طاري احد .. على كلام اخونا خليفه

وما اعتقد الخرجي ضابط
انا قلت الوالد دخل على ضابط وشال عنه مخالفات كثيره
والاردني الي انت اتشوفه مقيم يقدر يسوي اشياء كثيره انا ما اقدر اسويها الي هي ابلادي وديرتي


جملك الله برضاه

[خليفـة]

كل الكلام الي قلته على عيني وراسي مع العلم اعرف اجابه كل سطر
لكن تضعني في خانه المغالطات ما اسمح فيها ابدا ابدا
لاني اكبر من المغالطات .. واعرف ماذا اكتب .. وعن ماذا اتكلم ..
ولما ادخل موضوع املك ما املكه من معلومات .. وان لم تكن معلومات حاصله بشكل يومي
لكن تحصل ومافي احد يقدر ينكرها

جملك الله برضاه

انا قلت كلمة الحق
ولكن .. يبدوا لي ان كلمة الحق غير مقبوله عندج اختي تحداني

ارجعي اقري كلامي بهدوء .. وسترين انني لم أسيء لج

انا قلت ولا زلت اقول .. انج بالغتي كثيراً بكلامج

حسستيني ان احنا في دولة لا تعرف النظام لا من قريب ولا من بعيد
بالتالي .. ذكرت ما ذكرته لج في ردي أعلاه

سعيد بمرورج مرة أخرى .. واتمنى ما يضيق صدرج من كلامي
فأنا أقول كلمة الحق .. حتى لو كنت أمام سلطان جائر
:)

خليفــة

[خليفـة]

نعم صادقه .. وما أألف من مخي كلام
لكن دائما الحقيقه تجرح .. ونطلع فيها غلطانين وما انعرف شي
واحنه ما سمينا احد .. ولا جبنا طاري احد .. على كلام اخونا خليفه

وما اعتقد الخرجي ضابط
انا قلت الوالد دخل على ضابط وشال عنه مخالفات كثيره
والاردني الي انت اتشوفه مقيم يقدر يسوي اشياء كثيره انا ما اقدر اسويها الي هي ابلادي وديرتي


جملك الله برضاه

تقدرين تتكرمين علينا اختي تحداني
وتذكرين لنا شنو نوع المخالفات الي قدر الوالد يشيلها عن نفسه ؟
انا اتوقع تكون مخالفات بسيطة .. وفي يد أي مسؤول في المرور ان يسقطها عن مواطن
كونها بسيطة وفيه مجال كبير لأزالتها

وبالمرة اختي اذكري لنا شنهي المخالفات الي قدر الأردني يشيلها عن نفسه ؟
بس عشان تتضح لنا الصورة .. ويطلع كل كلامج الي قلتيه في محله

اما مسألة ان الأردني يقدر يسوي الي ما تقدرين تسوينه وانتي مواطنة
فهذا الكلام مفروض ما يصدر من انسانه فاهمه وواعية ومثقفه مثلج اختي الكريمة

القانون يعطي كل ذي حقٍ حقه
سواء كان قطري .. أو مقيم
بغض النظر عن جنسيته

ولكن ان الأردني يقدر يسوي امور في البلاد ما يقدر يسويها المواطن
اسمحي لي اقول لج : بالغتي للمرة الثانية في كلامج

راح ولا جاء في مسؤولين بتابعون سريان القانون
ولو لاحظوا اي مخالفة من أردني قطعوا أذنه

:)
خليفــة

[دااانة قطر]

ألف شكر لطرحك
والله يجزيه الخير عالخطوه الطيبه وان شااء الله تفيد الجميع
وياليت يوفرون كامير خااصه للمتجااوزين من اليمين لأن زهقنا من المتجااوزين



وفي نفس الوقت انا مع الأخت تحدااني الزمن في اللي قاالته
ولا باالغت ولا شي شي نشوفه ونسمعه الوااسطه تمشي في كل شي وتدخل في كل شي وهذا اللي يخلي بعض الناااس مايفتكر لا بقاانون ولا أنظمه

[خليفـة]

ألف شكر لطرحك
والله يجزيه الخير عالخطوه الطيبه وان شااء الله تفيد الجميع
وياليت يوفرون كامير خااصه للمتجااوزين من اليمين لأن زهقنا من المتجااوزين



وفي نفس الوقت انا مع الأخت تحدااني الزمن في اللي قاالته
ولا باالغت ولا شي شي نشوفه ونسمعه الوااسطه تمشي في كل شي وتدخل في كل شي وهذا اللي يخلي بعض الناااس مايفتكر لا بقاانون ولا أنظمه

حياج الله اختي دانة قطر
وانا ما انكر وجود الواسطة في قطر
ولا أحد يقدر ينكرها
ولكن أرجع وأعيد كلامي مرة أخرى :
يعتمد على نوع وحجم المخالفة
:)

شكرا لمرورج

[A l i]

لو يخفضون قيمه " حزام الامان " اوف احلى شي
اشدعوه 500 ريال للي يربط الحزام والي ما يربط الحزام

ولو يشيلون مخالفاتي بعد احلى شي
جان زين بعد يشيلون سالفه النقاط
بعد لو يخففون من الرادارات .. لان زيادتها يعني زياده الحوادث
وجان زين يركبون الاشارات الي لها عداد


جملك الله برضاه

اي والله بس لو ينزلون مخالفات الحزام ..
و الاشارات اللي لها عداد احسن شي :nice:

[ummohammed]

رجاء من المسؤولين في المرور مادام هم بصدد دراسة ومراجعة القوانين والمخالفات الانتباه الى المخالفات التي ترد الينا على مطراش من دون اي اثبات او دليل , وهذا الشي صار لي شخصيا ولغيري

مثل مخالفة عدم ربط حزام الامان
مخالفة وقوف خاطئ .... وين ؟ متى ؟

وللاسف لما اعترض لا هو يقدر يثبت لي ان المخالفة صحيحة ولا انه اقدر اثبت العكس وفي النهاية مجبورة ادفع قيمة مخالفة لم ارتكبها
ومثل ما يقال في القانون البينة على من ادعى
فياريت تكون المخالفات مثبتة بالصور كما في مخالفات السرعة او تكون مدفوعة في حين وقوع المخالفة خاصة في حالة حزام الأمان حتى ما احس بالظلم وحتى تكون فعلا رادع للمخالفين وما ينطبق علينا المثل اللي يقول (تجيك التهايم وانت نايم)
وشكرا لصاحب الموضوع

[aljaber1]

بادرة طيبه واتمنى تكون اعادة النظر قريبه وتستاهل المانشيتات الصحفية

[خليفـة]

رجاء من المسؤولين في المرور مادام هم بصدد دراسة ومراجعة القوانين والمخالفات الانتباه الى المخالفات التي ترد الينا على مطراش من دون اي اثبات او دليل , وهذا الشي صار لي شخصيا ولغيري

مثل مخالفة عدم ربط حزام الامان
مخالفة وقوف خاطئ .... وين ؟ متى ؟

وللاسف لما اعترض لا هو يقدر يثبت لي ان المخالفة صحيحة ولا انه اقدر اثبت العكس وفي النهاية مجبورة ادفع قيمة مخالفة لم ارتكبها
ومثل ما يقال في القانون البينة على من ادعى
فياريت تكون المخالفات مثبتة بالصور كما في مخالفات السرعة او تكون مدفوعة في حين وقوع المخالفة خاصة في حالة حزام الأمان حتى ما احس بالظلم وحتى تكون فعلا رادع للمخالفين وما ينطبق علينا المثل اللي يقول (تجيك التهايم وانت نايم)
وشكرا لصاحب الموضوع
العفوا اختي ام محمد
وان شاء الله يتم اعادة النظر في النقطة الي طرحتيها
شاكر لج تواجدج اختي
:)


بادرة طيبه واتمنى تكون اعادة النظر قريبه وتستاهل المانشيتات الصحفية

قواك الله اخوي بوجابر
شكرا لتواجدك
:)

[آنــه]

السلام عليكم و رحمة الله و بركاته


موضوع الواسطة في قطر وغيرها من الدول امر مسلم به شئنا ام أبينا
وايضا كانت للقطري او لغير القطري فهي أيضاً في كلى الحالتين صحيحه

لكن لنغدغ هذا الطرح بالافكار الجميلة و الجديدة و لنكن نحن من يقوم بوضع بعض الاقتراحات الهادفة والبنائة فهناك من يجوب في أرجاء الانترنت فمن الممكن يكون لنا هذا الموضوع مثابة العصف الذهني لبعض من افراد اللجنة الموقرة

لاهان الجميع على الطرح وعلى الردود

ما اعرف في أمور المخالفات والا كنت افيدكم فيها
وكل الشكر مقدم من الجميع الى كل من يعمل في إدارة المرور والدوريات

[خليفـة]

السلام عليكم و رحمة الله و بركاته


موضوع الواسطة في قطر وغيرها من الدول امر مسلم به شئنا ام أبينا
وايضا كانت للقطري او لغير القطري فهي أيضاً في كلى الحالتين صحيحه

لكن لنغدغ هذا الطرح بالافكار الجميلة و الجديدة و لنكن نحن من يقوم بوضع بعض الاقتراحات الهادفة والبنائة فهناك من يجوب في أرجاء الانترنت فمن الممكن يكون لنا هذا الموضوع مثابة العصف الذهني لبعض من افراد اللجنة الموقرة

لاهان الجميع على الطرح وعلى الردود

ما اعرف في أمور المخالفات والا كنت افيدكم فيها
وكل الشكر مقدم من الجميع الى كل من يعمل في إدارة المرور والدوريات

كل الشكر والتقدير لهذي المشاركة الطيبة
لكم مني جزيل الشكر والأحترام
:)

[حسن]

ناس انشالت عنهم مخالفات بالثلاثين الف والاربعين الف
اظاهر اخونا في الله ما ايعرف احد اهناك .. والله ابوي يقول يبه لو تدخلين على الضابط
في مخالفات تنشال ابساطه .. وما يبيلها لا الخرجي ولا شي

احنه بعنا سيارتنا الكروزر على اردني .. قلنا له ترى السياره عليها مخالفات
والسياره خربانه .. وووو .. قام قال لنا انتوا بيعوها علي وانا اموري طيبه
ذاك اليوم الوالد يسأل عن السياره .. قال شليت كل المخالفات عنها .. واشحلاتها في الاردن كاهي اتوصل الاهل والجماعه

الدنيا واسطات اخي الكريم
بلا مخالفه بلا كلام فاضي

انا لو اسوي احصائيه .. اكثر الناس الي يدفعون مخالفات .. هم البعض من الاجانب والنساء
اما الشباب امورهم في العلالي .. البعض الاكثر من الشباب


جملك الله برضاه


ذكتيني باغنيه فرج عبد الكريم الله يرحمه عندي امل عندي امل

شوفي اساسا الخرجي مايشيل مخالفات ولا يساعد هذا اللي اعرفه واسمع عنه
عندك ياعبدالله بن ناصر نائب المدير هو اللي يشيل واللي ذكره ممنتشر
وكنت اخبر من زمان بابو راعي الكفتيريا ذاك بعد واسطته عوده بس مادري وين راح
بعدين الله يهداك سندرتينا على مخالفه الاحزام يعني انتي الوحيده اللي انظلمتي
يقولون المصريين ياما في السجن من مظاليم بعدين مافي مشكله ياتحداني
الماي زاد على الاطحين مثل مايقولون الراتب صار 50000الف الله يزدكم ويبارك
كذا الناس ماتفتكر ذكرتيني يوم البورصه العالم توقف على الرصيف والناس مهب مفتكره
الله يذكرك يالون الاخضر كان يبعث البهجه في نفوس المضاربين
مسائك اخضر الله يرحمه عبد الله القمبر هذا سلامه كان:victory:

[خليفـة]

ذكتيني باغنيه فرج عبد الكريم الله يرحمه عندي امل عندي امل

شوفي اساسا الخرجي مايشيل مخالفات ولا يساعد هذا اللي اعرفه واسمع عنه
عندك ياعبدالله بن ناصر نائب المدير هو اللي يشيل واللي ذكره ممنتشر
وكنت اخبر من زمان بابو راعي الكفتيريا ذاك بعد واسطته عوده بس مادري وين راح
بعدين الله يهداك سندرتينا على مخالفه الاحزام يعني انتي الوحيده اللي انظلمتي
يقولون المصريين ياما في السجن من مظاليم بعدين مافي مشكله ياتحداني
الماي زاد على الاطحين مثل مايقولون الراتب صار 50000الف الله يزدكم ويبارك
كذا الناس ماتفتكر ذكرتيني يوم البورصه العالم توقف على الرصيف والناس مهب مفتكره
الله يذكرك يالون الاخضر كان يبعث البهجه في نفوس المضاربين
مسائك اخضر الله يرحمه عبد الله القمبر هذا سلامه كان:victory:

هههههههههه
نورت الموضوع اخوي بوعلي
:nice:

[حسن]

العميد الخرجي ان تعديل بعض مواد قانون المرور سوف يأخذ في الاعتبار اراء ومقترحات وشكاوى السائقين خلال الفترة السابقة ومنذ تطبيق القانون

كلام الخرجي هذا يذكرني باعضاء مجلس الشوري يوم طالب برفض القانون بالاجماع
واول مره يصير هل الاجماع المبروك لكن للاسف طلعو مثلنا الخرجي رفض طلبهم

ليش يا مدير المرور المحترم تتهم اشغال وتخريبها للشوارع وعمل شوارع خطره من اسباب الحوادث وتطالب بالتحقيق او تشكيل لجنه
ليش يامدير المرور المحترم وتقول بسبب نظام الاشارات القديم والمتهالك اللي عندنا
وخوف الاجانب ممن المخالفه يقوم يظرب بريك وسبب الكثير من الحوادث ليش
ليش يامدير المرور المحترم تطلب بتقسيم الداره المرور الى الربع اجزاء
منطقه شماليه وجنوبيه وغربيه وشرقيه ولا هو حب في المركزيه
ليش ماتقول مدارس السواقه هي سبب من اسباب تدهور السواقين الجدد
والضحك على الناس وسؤ مخرجات تعليمها
ليش تشوف تريلا منقلبه على دوار السلاح غير ان القطري هواللي بيتحمل المخالفه والسواقه
ماله علاقه
ليش ماتتم المخالفات الفوريه على السواقبن وليس السيارات
اليس هذا ظلم السواق يخالف وانا صاحب السياره اتحملها
تظمنون حقكم وتهضمون حقوق الاخرين
ليش وليش والف ليش لكن مافي اليد حيله
قلت واقولها فوضى السواقه الموجوده عندنا مايحل الا اصحاب
قرار صادق وجاد وتغير والا بنتم على الحال الى قيام الساعه
شواعنا الواحد يخجل من مناظرها ويقارنها بشارع العابر
انا قايلككم على حسابي وبدل تمثل :victory:

[خليفـة]

الأخوة والأخوات الأعضاء الكرام
اتمنى منكم جميعاً المشاركة في هذا الموضوع
عن طريق طرح ملاحظاتكم حول التعديلات الجديدة المقترحة
وهناك من الأخوة من يستطيع ايصال صوتنا لأصحاب القرار في ادارة المرور
مثل اخونا عنزي قطر .. واخونا جاجاسم
وكلنا قطر

خليفــة

[شيخ الديرة]

السلام عليكم ورحمة الله وبركاته

الموضوع مهم جدا لأنه يمس سلامة بشر وحياة عوائل نتيجة الحوادث المؤسفة.

لاحظت ان الموضوع نفسه أخذ صدارة الصفحة الأولى من منتدى قطري أخر باللغة الأنجليزية.

عسى أن تكون فكرة أعادة النظر في العقوبات تتضمن أجراءات رادعة وأكثر فعالية من الغرامات المالية. يجب أن نعترف أن وفاة أبرياء بسبب مخالفة سائق طائش لا يمكن أن أصلاحها بأي غرامة مالية.

بالأضافة الى ذلك, فأن التأكيد على العقوبات المالية فقط يؤدي الى أن تكون المخالفات شبه عاديه لمن يمكنه أن يدفع.

اقترح أن تكون العقوبات أكثر من ذلك, بحيث لا تفرق بين الغني والفقير. وهناك أمثلة كثيرة مطبقة في مختلف الدول مثل سحب رخصة القيادة, الجلوس في دروس للتوعية المرورية, تقييم سعر التأمين على مستوى ألتزام السائق وليس على السيارة.

[الإكسير]

الرادار الحين في كل شارع المفروض يتم تخفيض الرادار الى 250 ريال

[Locale]

ابوي الله يطول فعمره قطع اشارة المرور وماكان منتبه
واتصل ساعتها في جارنا الله يجزيه خير وشلها عنه

بالعكس انا مع تخفيض الاسعار لان اشوف مبالغ فيها نوعا ما
*

[MAZEN37]

وين الكلام السابق انه بيرفعون قيمة المخالفات وحياة الانسان اغلى
انا ضد تخفيض المخالفات ليش يخفضون شالهدف مساعدة المستهترين

[qatari 111]

اتمني يعيدون تخطيط طريق الشمال لين المطار .. تخطيط فاشل بمعنى الكلمه

[راشد المهندي]

السلام عليكم
انا مقاطع المرور, وعندي سيارتين ولا جددت الاستماره من 3 سنين.
المفروض ان المرور جهه خدميه تخدم وتسهل المرور للمواطنين بس الواقع انهم جهه تسابق الاخرين لاستنزاف جيب المواطن.

تحياتي

[خليفـة]

السلام عليكم ورحمة الله وبركاته

الموضوع مهم جدا لأنه يمس سلامة بشر وحياة عوائل نتيجة الحوادث المؤسفة.

لاحظت ان الموضوع نفسه أخذ صدارة الصفحة الأولى من منتدى قطري أخر باللغة الأنجليزية.

عسى أن تكون فكرة أعادة النظر في العقوبات تتضمن أجراءات رادعة وأكثر فعالية من الغرامات المالية. يجب أن نعترف أن وفاة أبرياء بسبب مخالفة سائق طائش لا يمكن أن أصلاحها بأي غرامة مالية.

بالأضافة الى ذلك, فأن التأكيد على العقوبات المالية فقط يؤدي الى أن تكون المخالفات شبه عاديه لمن يمكنه أن يدفع.

اقترح أن تكون العقوبات أكثر من ذلك, بحيث لا تفرق بين الغني والفقير. وهناك أمثلة كثيرة مطبقة في مختلف الدول مثل سحب رخصة القيادة, الجلوس في دروس للتوعية المرورية, تقييم سعر التأمين على مستوى ألتزام السائق وليس على السيارة.

حياك الله اخوي
وشاكر لك المشاركة الطيبة
وكلي أمل ان يتم النظر في مقترحاتك اعلاه
:)


الرادار الحين في كل شارع المفروض يتم تخفيض الرادار الى 250 ريال

فكرة طيبة الصراحة
وبالفعل
الرادار الآن في كل شارع وزنقة
ما يضر لو خففوا حجم المخالفة قليلاً
شكرا للمشاركة اخوي
:)


ابوي الله يطول فعمره قطع اشارة المرور وماكان منتبه
واتصل ساعتها في جارنا الله يجزيه خير وشلها عنه

بالعكس انا مع تخفيض الاسعار لان اشوف مبالغ فيها نوعا ما
*

الله يطول بعمر الوالد
وان شاء الله ينتبه مره ثانية
وما يعرض حياته وحياة الآخرين ( بدون قصد ) للخطر لا سمح
شكرا للمشاركة
:)


وين الكلام السابق انه بيرفعون قيمة المخالفات وحياة الانسان اغلى
انا ضد تخفيض المخالفات ليش يخفضون شالهدف مساعدة المستهترين

بعض المخالفات المرورية قيمتها عالية جداً اخوي مازن
بالتالي ما يمنع لو خفضوها قليلا
وخصوصا المخالفات الي الكل معرض لارتكابها
مثل حزام الأمان مثلا .. 500 ريال كثير
وخصوصا ان كثير من الأحيان الواحد ينسى يلبسه او يسهى عنه
شكرا للمشاركة عموما اخوي
:)


اتمني يعيدون تخطيط طريق الشمال لين المطار .. تخطيط فاشل بمعنى الكلمه

والله يالغالي انا اشوف ان فيه فرق السماء والأرض بين خط الشمال زمان والحين
ما ادري والله .. لو تقدر توضح لنا شنو الملاحظات الي ما تعجبك في الخط .. اكون شاكر لك
لاني اقبض هالخط تقريبا يوميا .. ولأقصى الشمال
وما اشوف الا كل خير للأمانة
شاكر لك مرورك وفي انتظار ردك اخوي
:)


السلام عليكم
انا مقاطع المرور, وعندي سيارتين ولا جددت الاستماره من 3 سنين.
المفروض ان المرور جهه خدميه تخدم وتسهل المرور للمواطنين بس الواقع انهم جهه تسابق الاخرين لاستنزاف جيب المواطن.

تحياتي

اليوم او بكرة
مصيرك تجدد استمارة موترك يالمهندي
وبتدفع كل الي عليك
محد يقدر يحط راسه براس الحكومة
وخصوصا لما يكون القانون ضدك
عموما .. الله يحفظك .. ويبارك لك بحلالك
:)

[MAZEN37]

انا ضد يكون في قانون لحزام الامان اصلا
الشوارع ضيقه وصغيره وما يمديك دوس على الموتر حتي الطرق الخارجه زحمه
يعني ضيقة نفس و حزام تتربط به
اخبر الحزام حق الخطوط يا رجال قمنا ندوس بريكات اكثر من البترول

[خليفـة]

انا ضد يكون في قانون لحزام الامان اصلا
الشوارع ضيقه وصغيره وما يمديك دوس على الموتر حتي الطرق الخارجه زحمه
يعني ضيقة نفس و حزام تتربط به
اخبر الحزام حق الخطوط يا رجال قمنا ندوس بريكات اكثر من البترول

والله ياخوي الواحد قام يحط حزام الأمان مو عن السرعة الزايدة وبس
مرات أحط الحزام تجنباً لسواقة المجانين والمستهترين
تكون ماشي في أمان الله
ويجيك واحد يمشي مليون في وجهك !!
الحافظ الله

[باراكودا]

كفاية ربع قرن ونحن نعاني من المطبات في كل شارع وفي كل داعوس .....كفاية .

[كازانوفا]

متابعه للجمهوووووووور الكريم

[مخاوي الشيبة]

ياخي والله لي رحت دبي ولا رحت امريكا وسقت سيارتك اهناك تشعر بلمتعه


نادر مايصادفك مطب الشوارع شحلوها كل شي ماشي ولا احلى


ومن تدخل قطر تستانس على خط بوسمرا شوي الا غبار جايك من شمال والسبه

الكسارات ومن توصل دوار جسر الصناعيه بدت الزحمه واللغلاغه

على ماتوصل اشارات المناصير تستغفر مليون الف مره قد سيئاتك راحو

من كثر الاشاراه ماتبطل وتسكر تطلع بفكره جميلة الا وهي تجاوز من يمين صوب

حديقه الحيوان كان يحول عليك شرطي من ورا سور الحديقه وقف ياولد

انت مخالف متجاوز يمين زين اللفه بعيده كبرو اللفه خلو الناس يمشون

على ماتوصل شارع اسباير العود 160 الف اشاره في وجهك وتسكر مرتين

كل اشاره وصلت اخيرا عقب الوعب تفأل خير تعين زحمه العن من الثانيه

ولي دخلت السد ماطلعت الا بطلعت روحك


ولي وصلت البيت تصلي ركعتين شكر لله وتحمده انه وصلك سالم ومعافى

[qatari 111]

والله يالغالي انا اشوف ان فيه فرق السماء والأرض بين خط الشمال زمان والحين
ما ادري والله .. لو تقدر توضح لنا شنو الملاحظات الي ما تعجبك في الخط .. اكون شاكر لك
لاني اقبض هالخط تقريبا يوميا .. ولأقصى الشمال
وما اشوف الا كل خير للأمانة
شاكر لك مرورك وفي انتظار ردك اخوي
:)

:omg:
اخوي انت مالاحظت عيوبه من مداخل ومخارج على هالطريق ..!!! والزحمه اللي صايره بسبة المداخل والمخارج .. وغير الحوادث اليوميه اللي تصير ..

!!!؟؟؟؟ انا مستغرب منك .. مع انك يوميا تمشي على هالخط .. والناس زهقت من كثر ماتشتكي من عيوبه .

[خليفـة]

والله يالغالي انا اشوف ان فيه فرق السماء والأرض بين خط الشمال زمان والحين
ما ادري والله .. لو تقدر توضح لنا شنو الملاحظات الي ما تعجبك في الخط .. اكون شاكر لك
لاني اقبض هالخط تقريبا يوميا .. ولأقصى الشمال
وما اشوف الا كل خير للأمانة
شاكر لك مرورك وفي انتظار ردك اخوي
:)

:omg:
اخوي انت مالاحظت عيوبه من مداخل ومخارج على هالطريق ..!!! والزحمه اللي صايره بسبة المداخل والمخارج .. وغير الحوادث اليوميه اللي تصير ..

!!!؟؟؟؟ انا مستغرب منك .. مع انك يوميا تمشي على هالخط .. والناس زهقت من كثر ماتشتكي من عيوبه .

اخوي الغالي
انـا إلي قصدته مـن عقب جسر الخريطيات ؤانت رايح شمال
أما قبل جسر الخريطيات اتفق وياك 100% إن مشاكل الخط لاا تعد ؤلا تحصى
واتفق وياك إن الوضع سابقا كان أفضل
الحين وصل لي قصدك اخوي
:)
شكرا للتوضيح

[عنزي قطر]

موضوع وجهد مميز من الاخ خليفه بارك الله فيك والجميع

وجميع الاقتراحات بعين الاعتبار

موضوع يستحق الرفع

[خليفـة]

موضوع وجهد مميز من الاخ خليفه بارك الله فيك والجميع

وجميع الاقتراحات بعين الاعتبار

موضوع يستحق الرفع

بارك الله فيك اخوي عنزي قطر
وعساك على القوة انت وكل من يعمل لخدمة الوطن والمواطن
:)

خليفــة

[شيخ الديرة]

يجب تحويل الغرامات من السيارة كما هو متبع اليوم الى السائق كما يجب. وكذلك على المسؤولين دراسة السبل اللازمة لمنع تحويل الغرامات ونقاط المخالفات الى الأخرين من المكفولين او من يقبل الأجرة مقابل قبوله تسجيل النقاط بأسمه. الهدف هو تقليل المخالفات من أجل تقليل الدماء في الشوارع وغرف الطوارئ, وأي طريقة يمكن تطبيقها على الجميع أن يؤيدها من أجل ذلك.

[RE-Qatar]

اتمنى يتم تغيير السرعات على الخطوط الخارجية مثل:

خط الشمال من بعد جسر ام العمد السرعة تكون 140كم
خط سلوى من بعد منطقة السيلية الجديدة تكون السرعة 140كم

[قطرية كشخه]

تسلم اخوووي ع الموضوع ..

بس اللي ما يخالف ما تهمه قيمة المخالفة كم لو كانت 100 الف !!

بالنسبة لي اقترح زيادتها لان للحين الكثيرين للاسف يخاالفون اشلون لو خفضوا المخالفة ! :nice::rolleyes2:

[بوسلمان 2010]

الله انتمنا انهم ينظرون في مخالفة حزام الامان والردار على حسب السرعة

[bo_hamad]

التخفيض * التخفيض * التخفيض

وننتظر ونشوف التعديل

[خليفـة]

كفاية ربع قرن ونحن نعاني من المطبات في كل شارع وفي كل داعوس .....كفاية .

يعطيك العافية اخوي
شاكر لك مرورك
:)


متابعه للجمهوووووووور الكريم

سعيد بمتابعتج الطيبة اختي كازانوفا
:)


ياخي والله لي رحت دبي ولا رحت امريكا وسقت سيارتك اهناك تشعر بلمتعه


نادر مايصادفك مطب الشوارع شحلوها كل شي ماشي ولا احلى


ومن تدخل قطر تستانس على خط بوسمرا شوي الا غبار جايك من شمال والسبه

الكسارات ومن توصل دوار جسر الصناعيه بدت الزحمه واللغلاغه

على ماتوصل اشارات المناصير تستغفر مليون الف مره قد سيئاتك راحو

من كثر الاشاراه ماتبطل وتسكر تطلع بفكره جميلة الا وهي تجاوز من يمين صوب

حديقه الحيوان كان يحول عليك شرطي من ورا سور الحديقه وقف ياولد

انت مخالف متجاوز يمين زين اللفه بعيده كبرو اللفه خلو الناس يمشون

على ماتوصل شارع اسباير العود 160 الف اشاره في وجهك وتسكر مرتين

كل اشاره وصلت اخيرا عقب الوعب تفأل خير تعين زحمه العن من الثانيه

ولي دخلت السد ماطلعت الا بطلعت روحك


ولي وصلت البيت تصلي ركعتين شكر لله وتحمده انه وصلك سالم ومعافى

ان شاء الله مع مرور الوقت
ومع المشاريع العملاقة المخطط لها من قبل الدولة
نشوف تغييرات طيبة في الشوارع
والى الأفضل ان شاء الله
:)
شاكر لك تفاعلك اخوي
:)


يجب تحويل الغرامات من السيارة كما هو متبع اليوم الى السائق كما يجب. وكذلك على المسؤولين دراسة السبل اللازمة لمنع تحويل الغرامات ونقاط المخالفات الى الأخرين من المكفولين او من يقبل الأجرة مقابل قبوله تسجيل النقاط بأسمه. الهدف هو تقليل المخالفات من أجل تقليل الدماء في الشوارع وغرف الطوارئ, وأي طريقة يمكن تطبيقها على الجميع أن يؤيدها من أجل ذلك.
بارك الله فيك اخوي شيخ الديرة
وان شاءالله يتم اعادة النظر في فكرتك المطروحة
:)
شاكر لك مرورك الطيب



اتمنى يتم تغيير السرعات على الخطوط الخارجية مثل:

خط الشمال من بعد جسر ام العمد السرعة تكون 140كم
خط سلوى من بعد منطقة السيلية الجديدة تكون السرعة 140كم

فكرة طيبة اخوي
مع اني اشوف 120 للخطوط الخاريجة سرعة مناسبة والله
شكرا لمرورك ولمشاركتك اخوي
:)


تسلم اخوووي ع الموضوع ..

بس اللي ما يخالف ما تهمه قيمة المخالفة كم لو كانت 100 الف !!

بالنسبة لي اقترح زيادتها لان للحين الكثيرين للاسف يخاالفون اشلون لو خفضوا المخالفة ! :nice::rolleyes2:

انا اتفق معاج اختي قطرية
الي يخالفون اغلبهم ما تهمهم المخالفة المرورية
وخصوصاً
الي تدفع امه المخالفة عنه
هالنوع بالذات ما عندة مشكلة بالمخالفة ولا بقيمتها
:)
شاكر لج المرور الجميل


الله انتمنا انهم ينظرون في مخالفة حزام الامان والردار على حسب السرعة
نتمنى ذلك اخوي بوسلمان
شكرا لمرورك الكريم
:)


التخفيض * التخفيض * التخفيض

وننتظر ونشوف التعديل

ننتظر .. وان شاء الله نشوف كل خير
شكرا للمرور اخوي
:)