تكفون شورو علي ايش احسن سيارة استخدام

[waseet]

انا مليت من الاستيشن عموما والفورويل ... صرت اتكاسل من سواقتهم لدرجة ماعاد اطيق اطلع مكان .... شني السياره الخفيفه اللبقه الي سواقتها حلوه ومميزاتها حلوه حق استخدام البلد والمشاوير ....

ابي كل واحد ورية والله يجزاكم خير

[مخاوي الشيبة]

عن رايي اشوف الرنج الجديد اللي بينزل في 2013

هو صحيح مانزل لكن ياهو مركب وراحه وفخامه


لكن اخي الكريم لاتاخذ سبورت كنك قاعد في حوض

خلك على الفوج هو الملك الصراحه


على العموم الموتر مجربه وسايقه ولا احلى بامكانك تروح شركة الفرادان

وتطلب تيست درايف على الفوج وشوف واحكم بنفسك !!!

[لاجئ عاطفي]

انا عني استخدمت المرسدس وكان ولا اروع والحين رنج سبورت ومرتاح جدا من سواقتهم مع ان كثير يذمون الرنج لانه وعر ولكن بالنسبه لي اشوف ان سواقته حلوه وماعليه كلام فانا انصح به هو والمرسدس

[MLAAS]

يالربع الرجال قالكم حق المشاوير مب كشخه

[الصيفي قطر]

خذلك سدرك خخخخخخخ

موتر صالون وحليو مالك الا افالون وله بي ام وله مرسدس يالربع ترا الرجال قايل مايبي فورويل وانت كاتبينله رنج ركزو فالموضوع

[MLAAS]

سمارت
ميني كوبر
بيجو crz مو متاكد من اسمه بس انصحك تشوف هالموتر بالاخص

[fhd4]

لو الناس كلهم ذوق واحد … كان ماشفت كل انواع السيارات في الشوارع …

خذ الفورويل اللي عندك وافتر في وكالات السيارات واختار السيارة اللي تعجبك حسب امكانياتك …

[ابوصالح1]

اختار انت بنفسك لأن. الناس ما تعرف إمكانياتك وميولك.

[ولد المنصور]

حق المشاوير والبلاد وتكون لبقه ........مالك الا كورولا وتحمل تاخذ 1600 ..... اخذ 1800 سي سي او نيسان تيدا ,,,,,,,,,, مميزاتهم,,, رفعهم عن الارض حلو ,,,,اقتصادي,,,,,, مكيف بارد ,,,,,, والسعر ماينزل وااايد ........... ولك الاخيار اخوي

[رمح الشمال]

البيجو ٥٠٤ ماله حل

[الحـ(درب)ـب]

انتو من صجكم ؟؟

شنو بيجو وكورلا ومادري شنو ؟؟؟ هالمواتر مب ماشيه مع اهل الدوحة والرجال كلامه قطري او من شباب الدوحة المقيمين


بقولك ردي وانت قيم

اذا ميزانيتك من 50 لين الـ 100
وتبي فورويل
خذ شروكي اس ار تي 8 اسعارهم من 65 لين 90 يكون موديل مابين 2007 و2009
او خذ يوكن 2007 او 2008 واسعارهم مابين 80 و 100
او خذ اسكويا موتر مريح وسريع وواسع وعايلي ومشاوي وسعره اللي بدون دبل تحت 100 اذا كان 2009 وتويوتا وارد امريكا
او خذ
خفيفن وتبعد عن الياباني الثقيل الكروزر والنيسان

اذا تبي صالون
خلك من المواتر وركز على الافالون او الأوريون
سيارات خفيفه وسريعه واقتصادية وكشخه
واسعارهم من 60 لين 100 على حسب الموديل

اذا ميزانيتك تحت 50
دور لك صالون خفيف والأفضل هو الكامري والأكورد
من 2007 و 2008

الفورويل تحت الخميس ابعد عنه
:)

اذا ميزناتيك فوق 100 كلمني على الخاص وبقول لك شنهي المواتر :)

[Alpinestars]

السلام عليكم

اخوي ماحدد لنا انت كم المزانيه عندك وايش وضعك مثلأ متزوج و اعزب عشان نقدر نحدد لك ان شاء الله السياره اللي نشوفها تناسب وضعك ومشاوريك

الله يوفقك ..

[لاجئ عاطفي]

خذلك سدرك خخخخخخخ

موتر صالون وحليو مالك الا افالون وله بي ام وله مرسدس يالربع ترا الرجال قايل مايبي فورويل وانت كاتبينله رنج ركزو فالموضوع


ومن قالك ان الرنج فور ويل؟؟؟ السبورت مهب فور ويل هذا اذا كنت اتعرف للرنجات

[مساهم الشبكه]

المكسيما الجديده سياره ماعليها كلام للمشاوير مكيف يحبه قلبك وعزم ممتاز جدا مواصفات ولا اورع

[بوجاسم566]

اخوي اذا ميزانيتك كبيرة لا تشتري غير المرسيدس

واذا بسيطة عليك بالكامري موتر مريح وسعرة فيه وعندك ١٠ سنين قدام

ما تبدل الا سفايف و توايـر و البطاريات الباقي بيتم صاحي :)

واذا كلش كلش شريت الاغراض من الحسا بنص سعر قطر

ووقت البيع بيجيب لك سعر

[qatar2090]

افالووووووون

[qatarman8008]

دودج شارجر ار تي ... واللي ما يعرفه يسال عنه

[المبرمج صلاح]

الافالون ثم المكسيما ثم الكامري حسب ميزانيتك
الله يوفقك ان شاء الله

[Mohammad ALG]

كورولا 2007 1800 سي سي

[d.romance]

Bmw اسبور ولا اروع أو ميني كوبر
وعندي اللي يخدمك في السعر
والله يوفقك

[بوAli]

مادري الفورويلات اللي جربتها شنهي، بس غير اللكزس فورويييل او اللكزس عامة مافي موتر

رايي الشخصي

[ولد المنصور]

ياشبااااااااااب الرجال يقول صالون وخفيف , ماقال فورويل ,, اللي يقولي رنج واللي يقول جيب ....

[كلمة قطر]

أنا انصحك اخوي بالكامري سعرها حلو وعملية

[كلمة قطر]

اخوي مالك الا الكامري سعرها حلو والمشاوير مالها حل

[سعود سعد]

خذ العلم وانا اخوك
وبتدعي لي
اذا انت امكانياتك ممتازه وماعندك مشكله
تخير من هالثلاث للإستخدام اليومي والمشاوير والسفرات السريعه ( مسكات غلط على قولتهم )
تتحمل وبارده وكد ومد على قولتهم
السياره الأولى
لكزس بلا منازع وتخير من الفئات السيدان ال اس - إي اس - آي اس -
bmw - ولا تاخذ غير ال6 سلندر طع شوري صيانه بلااااش اخذ 730 أو الفئه الخامسه الوسط يسمونها
الأودي A7

وخذها قاعده كل ماكثرت المواصفات وزاد حجم المكينة ومعايير الفخامه في الموتر كل ما صار استخدامه اليومي مب في صالحك لأنه راح يطلب ويبلش على قولتهم

بينما اذا امكانياتك متوسطه
انصحك في الأفالون من تويوتا
بعدها فوكس من فورد
بعدها الأوريون من تايوتا
ثم الكامري ثم الكورولا

ادري بتقول متعصب تويوتا لاكن والله ماراح تلاقي مثلهم في عز الحر يبيضون الوجه وفي الصيانه قطعهم تلاقيها في السوبر ماركت من قوة توفرها


تحياتي للجميع وعذرا ع الإطاله