مساعدة وين احصل جاكوزي زين بسعر مناسب

[باحث علم]

السلام عليكم

فريت شارع سلوى وشارع المطار وشبيب العطية ماحصلت تعرفون اماكن ثانية ؟ ابغي جاكوزي سعره بين 10-15 وعليه ضمان

شكرا مقدما

[Miss Merna]

المتحده

[ابوعلي]

اخوي عندك محل جكوزي طريق سلوى

بعد محطة بترول المانع بحوالي ٣٠٠ متر على اليمين

نوعية ممتازة

[ولد المنصور]

انا مع ابو علي ,,, عند جاكوزي طريق سلوى نوعيه ممتازه وضمان 10 سنوات اواكثر وارخص من السوق بوااايد ......

[المنسى]

المتحده

اخوى المتحده وين مكانها

[ابوعلي]

اخوى المتحده وين مكانها

المتحدة بعد محطة بترول التيسير على طريق سلوى وقبل انصار سيتي

ولكن اسعارهم نار

[معماري قطري]

أمس شفت نوعين صناعة سعودية نوعية ممتازة والمكينة أمريكية، وحسب كلام البايع فيه نظام أمان وفيه إنارة، والحجم كبير شوي 180 سم في حوالي 110 ، واحد بسعر 3800 والثاني بسعر 5000 .

الموقع الله يسلمك في آخر سوق عين خالد قرب بيت بو زوير ... مركز الغانم للسيراميك

عني انا خذت 4 جكوزيات من شبيب وعلي العطية واحد للغرفة الرئيسية وواحد للبنات وواحد للأولاد وواحد إضافي يمكن إستخدمناه مره بس، واللي حق العيال واحد تعطل والثاني محد يستخدمه أول الأيام بس، أما اللي في الرئيسية أنا أستخدمه اسبوعياً مرتين أو مرة أقل شيء، لكن عن تجربة شركة شبيب وعلي العطية بيع وبس صيانة ما عندهم وأسعارهم غالية لكن جودة المنتج تسوى، إخترب عندي شاور بخار إحترقت مكينة البخار ، وقبل البيع كانوا يقولون الصيانة عندهم متوفرة وقطع الغيار ومباشرة يصلحون أي شيء يخترب، ويوم رحت لهم طلع كلامهم بس للتسويق، وإقترحوا علي أحاول أفك كل شيء وأشوف وين الخلل، يعني صلح بروحك ما عندنا شيء بصريح العبارة.

[ولد العرب]

أمس شفت نوعين صناعة سعودية نوعية ممتازة والمكينة أمريكية، وحسب كلام البايع فيه نظام أمان وفيه إنارة، والحجم كبير شوي 180 سم في حوالي 110 ، واحد بسعر 3800 والثاني بسعر 5000 .

الموقع الله يسلمك في آخر سوق عين خالد قرب بيت بو زوير ... مركز الغانم للسيراميك

عني انا خذت 4 جكوزيات من شبيب وعلي العطية واحد للغرفة الرئيسية وواحد للبنات وواحد للأولاد وواحد إضافي يمكن إستخدمناه مره بس، واللي حق العيال واحد تعطل والثاني محد يستخدمه أول الأيام بس، أما اللي في الرئيسية أنا أستخدمه اسبوعياً مرتين أو مرة أقل شيء، لكن عن تجربة شركة شبيب وعلي العطية بيع وبس صيانة ما عندهم وأسعارهم غالية لكن جودة المنتج تسوى، إخترب عندي شاور بخار إحترقت مكينة البخار ، وقبل البيع كانوا يقولون الصيانة عندهم متوفرة وقطع الغيار ومباشرة يصلحون أي شيء يخترب، ويوم رحت لهم طلع كلامهم بس للتسويق، وإقترحوا علي أحاول أفك كل شيء وأشوف وين الخلل، يعني صلح بروحك ما عندنا شيء بصريح العبارة.
ادخل على صاحب الشركة علي بن شبيب مكتبه موجود في الشركة وكلمه ولك اللي تبيه رجال يخاف الله ويمكن مايدري رح شفه

[باحث علم]

تسلموووون وجزاكم الله خير
بمر هالمحلات ونشوف

[معماري قطري]

ادخل على صاحب الشركة علي بن شبيب مكتبه موجود في الشركة وكلمه ولك اللي تبيه رجال يخاف الله ويمكن مايدري رح شفه


الله ينور عليك

والله فكرة وعلي أخ وصديق قديم، وباشتكي من اللي شفته، انا ما عجبوني يوزعوني على بايب فيترية غش عرب كلام وايد وشغل قليل وتكلفة صاروخية، صدقني مرة على تركيب تكرم بديه جاني زلمه وشكله متضايق ويشتكي من كثر الشغل، وكنت في المكان الفلاني واشتغلت في قصر شيسمونه وكلام وايد، وركب البديه يمكن خذ ساعه وسئلته كم حسابك قال اللي بيجي منك خير وبركه، وهذا الموضوع من سنة 2007 وقت رخص نوعاً ما ... المهم نهايتها قال 800 ريال، وكل اللي سواه فك القديم المكسور وركب الجديد اللي يمكن قيمته 500 ريال مكانه، انا قلت 500 لك وسامحنا منحرج منه، خذها بنفس خايسه وكنه متصدق علي بالشغل البسيط ذيه.

يبي لي اعلم عيال الوالد شبيب .. الله يغفر له بس شالفايده إحنا طبعنا نستحي وايد

[MeMe MoOoON]

في انواع حلوه الجاكوزي بطريق الوكره بعد الجميل عندهم جاكوزي مع تلفزيون تعلقه بالطوفه
بس سعرهم غالي

اسم المحل الطيب

[aspirin]

انصار سيتي او كافود

[معماري قطري]

على طاري الجاكوزيات، هي متعة والله سواءً في البرد أو الحر بشرط تنضبط التهوئة وحرارة الماي، وبعضها يجي معاه تسخين ذاتي للماي.

فيه ناس تسوي غرفة خاصة حق جكوزي مفتوح وسونا وبخار وجزء منها تكون فيه عدة تمرينات خفيفة في البيت، وهذي يقدر يفصلها الواحد على راحته، ومره شفت شقة من خلال برنامج التايم شير، وهذي الشقة في زاوية في غرفة النوم كان جاكوزي كبير، وفوقه مسوين رسمة شجر وورود واصله للسقف ... عجبتني الفكرة وايد مع ان الغرفة ما كانت في مساحة غرفنا، هذي حلاتها اللي يبني للأجار يسويها للأجانب يحبون هالحركات وترفع القيمة الإيجارية وأي جكوزي صيني ولا إماراتي ولا سعودي راقي ما يوصل 5000 ريال.

[بوخالد2]

عندك المتحده بس غالي

وعندك جلفار سعره مناسب وكل المقاسات

كلهم طريق سلوى

[مرحوم قطر]

مادري بس انا رحت انصار ستي من سنتين و شريت لي جاكوزي و من اسبوعين لقيت نفسه و نفس السعر

ما يتعدا ال 2000 و عندهم اشكال و الوان و هذا هو استعمله ولا اشتكيت منه

و لله الحمد يمكن لاني ما استعمله وايد

[بنكبيري]

انصح بالعامودي ممتاز وماركة وسعره معقول فاليري اند بوخ

[ali22]

انصح بالعامودي ممتاز وماركة وسعره معقول فاليري اند بوخ

انا مريت على العامودي من كم يوم وشفت عنده الجاكوزي روعة بس سعرة 50000 خمسين الف ريال

[حياة]

إحنا ماخذين من محل جاكوزي شارع سلوى
وصاحب المحل وليد أخلاق راقيه ويشرح لك كل شي