ماهي احسن خطوط للسفر لأمريكا

[juma]

ماهي احسن خطوط للسفر لأمريكا من حيث الكفائه والسعر والراحة

[تحداني]

الاماراتيه
الاتحاد


بدون تردد



جملك الله برضاه

[Liali]

الإماراتية. A380

[بوعلي-Qtr]

اخوي على حسب
المنطقة اللي تبي تروحلها , الاماراتيه تطير لها فتوكل على الله

واذا لا , القطرية ممتازة

[بوجاسم566]

القطـرية

لا توقف في مكان ولا شيء

دايركت الى نيويورك او هيوسـتن او واشنطن

عقب تريح في المكان الى بتوصلة ليـلة عشان ما تتعب :)

ثاني يوم تحجز على المكان الى تبيه وجوف شنو اقرب مكان حق المنطقة الى بتروح لها

والطيارات الداخليـة تعبانة يعني مافيها راحة نهائيا

[مـــحـــمــد]

اخوي عشان ماتتعب في الطياره وتروح دايركت الى امريكا
14 ساعه او 16 ساعه.
روح ترانزيت دوحه - لندن على القطرية او البريطانية تقريبا 7 ساعات وشوي
اقعد في لندن يوم او يومين ريح فيها وعقبها طير
على الطياره الامريكيه تقريبا 8 ساعات وشوي الي اي مكان في امريكا
جذي انت بتكون مرتاح ...

[قطر2000]

القطريــــــــه
وبس

[بوحمد1]

اخوي عشان ماتتعب في الطياره وتروح دايركت الى امريكا
14 ساعه او 16 ساعه.
روح ترانزيت دوحه - لندن على القطرية او البريطانية تقريبا 7 ساعات وشوي
اقعد في لندن يوم او يومين ريح فيها وعقبها طير
على الطياره الامريكيه تقريبا 8 ساعات وشوي الي اي مكان في امريكا
جذي انت بتكون مرتاح ...

وين يريح في لندن ؟

في المطار ولا داخل لندن نفسها واذا داخل لندن لازم تفيز لها بعد غير الفيزه الامريكية ولا انا غلطان ارجو الافاده لاني على وجه سفر لامريكا واحتمال وجهة السفر مابين هيوستن وبوسطن

[مــــلاك]

اذا بتروح شرق امريكا ( نيويورك وفلوريدا ) انصحط بالقطريه

اذا بتروح الغرب ( سان فرانسسكو ولوس انجلوس ولاس فيجاس وسان دييجو ) انصحك بالاماراتيه
او تروح على القطريه وتنزل نيويورك وترتاح فيها كم يوم عقب تاخذ طياره داخليه لأي مدينه في الغرب

[برشلوني قطر]

اذا بتروح شرق امريكا ( نيويورك وفلوريدا ) انصحط بالقطريه

اذا بتروح الغرب ( سان فرانسسكو ولوس انجلوس ولاس فيجاس وسان دييجو ) انصحك بالاماراتيه
او تروح على القطريه وتنزل نيويورك وترتاح فيها كم يوم عقب تاخذ طياره داخليه لأي مدينه في الغرب


اختي ليش اذا راح ( سان فرانسسكو ولوس انجلوس ولاس فيجاس وسان دييجو )

تنصحين بالاماراتيه ؟؟

[مــــلاك]

اختي ليش اذا راح ( سان فرانسسكو ولوس انجلوس ولاس فيجاس وسان دييجو )

تنصحين بالاماراتيه ؟؟



لان القطريه ماتروح للغرب للأسف

بالنسبه لنا حجزنا على القطريه الى نيويورك وبنقعد فيها كم يوم وعقبها بنطير على سان فرانسسكو بطيران فيرجن

[صاحب النخبه]

لان القطريه ماتروح للغرب للأسف

بالنسبه لنا حجزنا على القطريه الى نيويورك وبنقعد فيها كم يوم وعقبها بنطير على سان فرانسسكو بطيران فيرجن

والأفضل إنك تقوم بحجز تذاكر الرحلات الداخلية في أمريكا من مكاتب السفريات في الدوحة
لأن الحجز عن طريق الإنترنت مايصلح لنا لأنهم يطلبون كريدت كارد أمريكي وأنت اللي عندك قطري فما راح تتم عملية الحجز

[مــــلاك]

والأفضل إنك تقوم بحجز تذاكر الرحلات الداخلية في أمريكا من مكاتب السفريات في الدوحة
لأن الحجز عن طريق الإنترنت مايصلح لنا لأنهم يطلبون كريدت كارد أمريكي وأنت اللي عندك قطري فما راح تتم عملية الحجز



اخوي انا حجزت بنفسي طيران فيرجن و دلتا وكل اموري طيبه ان شاء الله

[juma]

شكرًا على ردود كم الطيبه
انا حجزت على القطريه مباشر على نيويورك في نهاية 6 طبعا صلخوني بالاسعار بس شنسوي معاي العيال وشناط وعباله شفت القطريه هي افضل خطوط تناسب ظروفي لو بروحي ما عندي مشكله مشكورين وما قصرتوا بس سؤالي الثاني وين الاماكن الي تنصحوني بزيارته وقريبه من نيويورك تصلح حق عيال من سن 14 وطالع

[بوجاسم566]

^^

روح ميامي اورلاندو :) فيها ديزني لاند

عقب خذ طيران داخلي وروح كاليـفورنيا

عندك السي وورد في سان ديقو

و بفيرلي هيلز للتسوق

وعندك هوليود وغيرها اماكن وايـد

[الحجاجي]

الأختيار يعتمد على عدد الأشخاص ..

القطريــة تروح مباشر . لبعض الأماكن
وكذلك الأماراتية ..


الأماراتية مباشر سعرها معقول ..


جربت سافرت عن طريق القطرية -لندن
ولندن - سان فرانسيسكو عن طريق فيرجن

بصراحة فرق شاسع بين طيران فيرجن والقطرية ..
طيران مميز ومريح ... وخدمة عال العال ..

وكذلك الأماراتية تطير كل يوم الفجر اذا كان وجهتك سان فرانسيسكو .


أهم شيء تحسبها صح ..
من ناحية انتظاراك في المطار ..
واذا كان وجهتك النهائية ..عشان المطار
والتحويل إلى رحلات داخلية ( شغلة صعبة ما افضلها) .
بالذات في مطارات أمريكا .

بالتوفيق ..

[مــــلاك]

أهم شيء تحسبها صح ..
من ناحية انتظاراك في المطار ..
واذا كان وجهتك النهائية ..عشان المطار
والتحويل إلى رحلات داخلية ( شغلة صعبة ما افضلها) .
بالذات في مطارات أمريكا .

هالنقطه مهمه ولابد وضعها بالاعتبار
للاسف حجزنا على القطريه لان معانا يهال ومانبي ترانزيت
بس عقب ماحجزنا حسيت توهقنا بالطيران الداخلي من نيويورك الى سان فرانسسكو
والعكس الى نيويورك ...
لو خذنا الاماراتيه الى سان فرانسسكو بيكون افضل لنا
لكن الحمد لله ... قدر الله وماشاء الله فعل ..وان شاء الله نتجبنها المرات الجايه
خصوصا اذا كانت الوجهه الى الغرب تحديداً

[juma]

هالنقطه مهمه ولابد وضعها بالاعتبار
للاسف حجزنا على القطريه لان معانا يهال ومانبي ترانزيت
بس عقب ماحجزنا حسيت توهقنا بالطيران الداخلي من نيويورك الى سان فرانسسكو
والعكس الى نيويورك ...
لو خذنا الاماراتيه الى سان فرانسسكو بيكون افضل لنا
لكن الحمد لله ... قدر الله وماشاء الله فعل ..وان شاء الله نتجبنها المرات الجايه
خصوصا اذا كانت الوجهه الى الغرب تحديداً
الله ييسر أموركم انا نفس الشي معاي العيال وأول مره اروح نيويورك اعتقد الاستقرار في نيويورك والتجوال حواليها انسب شي خصوصا ان الاجازه السنه داخل في نصها رمضان وما عندنا وقت هي كلها من نهاية 6 ونرجع قبل رمضان بيومين تقريبا ولهذا اخترت القطريه مع ان أسعارها غاليه بس شنسوي علشان العيال بس بغيت اسأل المار يوت الي في التايم سكورير زين ومثل ماهو في الصور ولا عليه ملاحظات

[juma]

^^

روح ميامي اورلاندو :) فيها ديزني لاند

عقب خذ طيران داخلي وروح كاليـفورنيا

عندك السي وورد في سان ديقو

و بفيرلي هيلز للتسوق

وعندك هوليود وغيرها اماكن وايـد
شكرًا حطيناهم في اللسته :nice:

[juma]

الأختيار يعتمد على عدد الأشخاص ..

القطريــة تروح مباشر . لبعض الأماكن
وكذلك الأماراتية ..


الأماراتية مباشر سعرها معقول ..


جربت سافرت عن طريق القطرية -لندن
ولندن - سان فرانسيسكو عن طريق فيرجن ص

بصراحة فرق شاسع بين طيران فيرجن والقطرية ..
طيران مميز ومريح ... وخدمة عال العال ..

وكذلك الأماراتية تطير كل يوم الفجر اذا كان وجهتك سان فرانسيسكو .


أهم شيء تحسبها صح ..
من ناحية انتظاراك في المطار ..
واذا كان وجهتك النهائية ..عشان المطار
والتحويل إلى رحلات داخلية ( شغلة صعبة ما افضلها) .
بالذات في مطارات أمريكا .

بالتوفيق ..
شكرًا وجزاك الله خير على هذه النصيحه

[حفيد الأنصار]

تروح وترجع بالسلامة ان شاء الله

[مــــلاك]

الله ييسر أموركم انا نفس الشي معاي العيال وأول مره اروح نيويورك اعتقد الاستقرار في نيويورك والتجوال حواليها انسب شي خصوصا ان الاجازه السنه داخل في نصها رمضان وما عندنا وقت هي كلها من نهاية 6 ونرجع قبل رمضان بيومين تقريبا ولهذا اخترت القطريه مع ان أسعارها غاليه بس شنسوي علشان العيال بس بغيت اسأل المار يوت الي في التايم سكورير زين ومثل ماهو في الصور ولا عليه ملاحظات



والله هذي بتكون ان شاء الله اول زيارة لنا فماعرف بس اعتمدت على تقارير الاعضاء في العرب المسافرون وعلى trip advisor
وحجزنا في DoubleTree Suites by Hilton NYC
ان شاء الله يكون في المستوى المطلوب ..

[juma]

تروح وترجع بالسلامة ان شاء الله

الله يسلمك جزاك الله خير

[juma]

والله هذي بتكون ان شاء الله اول زيارة لنا فماعرف بس اعتمدت على تقارير الاعضاء في العرب المسافرون وعلى trip advisor
وحجزنا في DoubleTree Suites by Hilton NYC
ان شاء الله يكون في المستوى المطلوب ..

الله ييسر أموركم انشاءالله. انا حجزت في New York Marriott Marquis
يمدحونه ويطل على التايم سكوير وانا اول مره اروح انشاءالله يستأنسون العيال ونستفيد من هالرحله شكرًا على تفاعلك ومشاركتك

[بوسيف الجابر]

الطيران الامريكي تنزل في مطار الدوحة وبعدها تروح دبي

تقريبا صار لها اسبوعين اعتقد خيار جيد

[محمد الجفيري]

ان شالله يساعدوك الاعضاء

بالتوفيق

[مـــحـــمــد]

وين يريح في لندن ؟

في المطار ولا داخل لندن نفسها واذا داخل لندن لازم تفيز لها بعد غير الفيزه الامريكية ولا انا غلطان ارجو الافاده لاني على وجه سفر لامريكا واحتمال وجهة السفر مابين هيوستن وبوسطن

اي اخوي في المطار تنزل شوي تدخن لك كم زقاره :ok2: اذا كنت تدخن
وعقب تركب الطياره وتروح اي وجه في امريكا
واذا تبي تدخل لندن بعد عادي بس لازم تسوي لك فيزا

[طالب مبتع،ث]

دامك بتنزل في نيويورك روح تمثال الحرية
statue of liberty

تروح له بباخرة صغيره لانه في نص البحر ولو تبي تقدر تحجز رحلة اكبر ويودونك اكثر من جزيرة هناك

و انصحك انك تروح ولاية فلوريدا مدينة اورلاندو لان فيها :

اكبر مدينة دزني في العالم فيها سبع حدائق
مدينة يونيفيرسال فيها مدينة العاب و استيديوهات كيف ينتجون الافلام
سي ورلاد , مدينة مائية

[طالب مبتع،ث]

ولو احتجت اي شي راسلني على الخاص بساعدك باللي تامر به
بحكم اني ادرس في امريكا

[حمد بن خالد]

اللي فيه حيل يرقد وااايد يروح عالقطرية او الاماراتية

اللي مايتحمل الـ 14 ساعه

يروح عالـ klm ( الهولندية ) أو البريطانية .. " يفضل ترانزيت ليلة من الطيران نفسه مش انت تطلب "

اذا من الخطوط الناقلة يوفرون لك فندق وتقدر تدخل بفيزا (24ساعه)


والسياحة الداخلية للعوائل الكبيرة ,, يفضل لو تقتصر الرحلة على ولاية فلوريدا فقط لأنك راح تلقى كل شي هناك من ترفيه وتسوق وراحة وترتيب ونظام وسياحة

أما لو شباب أو عائلة صغيرة ارشح فلوريدا وكاليفورنيا

فلوريدا :

أورلاندو .. حدائق عالم ديزني فقط .

كاليفورنيا :

لوس أنجلوس .. يونيفيرسال ستوديو , هوليود ستوديو , والشواطئ والأسواق الخرافية الباقية أمثال سانتا مونيكا وروديو داريف .

سان دييقو .. السي وورلد



وأفضل شي يكون التسوق في آخر الرحلة ليلتين نيويورك بحكم رخص السوق هناك وضخامته :nice:
مع لفة بالهيلكوبتر :nice:


وسفرة سعيدة بإذن الله :nice:

[مستر راشد]

اذا تبي دايركت للمناطق الشرقيه

روح على القطرية