بنـك الدوحـه والشايب

[love77m]

السلام عليكم


اليوم رحت أقدم على قرض وشفت شي يحزن القلب

اليوم في فرع المرقـاب بنك الدوحه ..شايب عمره بين 50 و 55 تقريبـا

كان مقدم ورقة طلب تعهـد لبنك التنميه ، وسأل موظف من اخوانا العرب وقأل له

الموظفه اللي عندها المعامله ماخذه اجـازه ولا نعرف متى ترجع ، ولو مستعجل وتبي تخلص المعامله روح للمديـر .. وفعلآ الشـايب نزل من الطابق الثـاني للأرضي (للمديـر)

وشكل الشأيب فهم المدير الموضوع .. وبعده رجع لنـا واتصل المديــر للموظف

وشكله قال له يدور في الملفـات ، والحبيب من ورى الشـايب يسوى اشـارات لموظفه ويـاه ويتطنزون بسألتهم وكل شوي يسألونه عن رقم الحسـاب

والشـايب مايشوف عدل ولعوزوه يـاما اخذ كرت الحساب وياما رجعه في جيبه

وبالأخيـر قالوا له عطنا رقم تليفونك والبيانات مره ثانيه وارجع للمدير وقل له ماحصلناها ( حتى ماكلموا بانفسهم المدير ) تعبوا الشايب

وبعد ماراح الشايب .. الموظف يسأل هل الموظفه اجازه ولا موقفه عن العمل ( مايدرون وش الطبخه )

وشكل الموظف رايق يقول لموظفه وياه : هالشايب يمكن من الناس اللي تروح السعوديه وترجع وتكون ناسيه معاملاتهم < حاولت افهم وش يقصد ولا فهمت !!


حتى والله أني شطبت على ورقه الطلب من اللي شفت

~~
لو ان واحد فيكم في مكـاني وش بيسوي !!!

وثاني شي لو يبي يشتكـي الشايب وين يروح !!

[مستثمر111]

حسبي الله ونعم الوكيل

[Rashid554]

والله انا مستغرب منك اذا كان شايب وانت تشوف يأشرون بحركات دليل انهم راح يتمصخرون عليه
ابسط شي تسويه تطلب نقل من البنك اذا ماكان عندك مديونية وتاخذ طلب النقل من المدير والسبب طنازه الموظف مع الموظفه على احد المراجعين وتبين الشي هذا للمدير عشان يعرفون ان الله حق :)

[سان سيمون]

ابسط شيء بسوية بعطيهم كلمتين في العظم وبقول لشايب تعال يبه بخلص موضوعك وبنزل معه للمدير وبقوله على الي حاصل وان من المفترض إرضاء العميل وبخلص موضوع الشايب وآخر شيء بقول انا جئت بسوي الخدمة الفلانية وبالأخص اذا ما عندي مديونية ولانه هذا وضع موظفينكم ما يشرفني أتعامل مع هالبنك واطلع

[رآعي موآجيب]

هذا كله وأنت ساكت :)

بعدي والله

لو انا منك ماكان نزلت الموضوع وكان دقيت لطمه 7 سنين

سلااااااااااااام :victory:

[مرتبش]

تشوفهم وساكت مب حلوة في حقك

[العقل الحر]

يالربع سان سيمون

بنت

فاخفو الريس شوي

[┋أَجِوَدًيّ┋]

الشرهة مهب عليهم * الشرهة عليك أنت

تشوفهم يأشرون ويتطنزون على الشايب المسكين

وأنت واقف نفس اللوح !!

[موضي قطر]

بصراحة موقف مستحيل اتحمله لو صار قدامي وبعد لشايب من اهل قطر :anger1:

مافيك حميَا لاهلك وربعك ... والله اللي رفع سبع وبسط سبع ان مافيك خير ولو اني مكانك ماراح اسكت وفي نفس الوقت باخذ حقه من عيونهم مع مراعاة وضعي كأمرأه :omen2:




يالربع سان سيمون

بنت

فاخفو الريس شوي


شدخل سان سيمون في الموضوع :(

[intesar]

الشرهة مهب عليهم * الشرهة عليك أنت

تشوفهم يأشرون ويتطنزون على الشايب المسكين

وأنت واقف نفس اللوح !!




:eek5::secret::anger1:

[doha2012]

,


لاحول ولا قوة الا بالله ..


خدمة جمهور وذي سواتهم ..



الله المستعان ,


,

[ابن الجزيرة]

معاملة هذا الفرع غاية في الرداءة والسوء

موظفين لا يفقهون عملهم

مدير لا يهش ولا ينش...تارك الفرع سايب


تعاملت معهم مرة واحدة وبعدها حرمت العودة الى هذا الفرع

[الخزرجي قطر]

كان الواجب على الموظفين احترام العملاء وخاصة اذا كان كبير في السن
الله يهديهم ان شاءالله وفي مثل هذا الموقف تنبيه الموظفين او ابلاغ مدير الفرع

[دنيا الاسهم]

والله واقرا الموضوع انقهرت جعلهم القهر هالاجانب الخايسين جايين مفقرين من بلادهم واستغنوا واستقوا علينا والحين يتطنزون على اهل قطر مالت عليهم .. وانت وش فيك ساكت .. والله لوانا مكانك افشلهم

[العقل الحر]

شدخل سان سيمون في الموضوع :([/COLOR][/B][/SIZE][/COLOR][/FONT]


مادري :rolleyes2:

مب هي في السالفه وموظفه في البنك

وهذا الموقف صار قدامها

[Locale]

كاتب الموضوع ليش ماتدخلت وعطيتهم من الزين
واذا كنت تبي تتجنب المشاكل وطولت لسانهم
جان عالاقل ساعدت الشايب اذا شافوك احذاه واقف وتساعده ساعتها ماراح يستعبطون

صج بعض الموظفين يبيلهم حد يسنعهم

[البحار00]

قله أدب

أكيد هالموظف من اياهم الي ماعمرة تربى ولا بيتربى على سنع هالقطر الأوليين

الي ابهاتنا ربونا عليه

اقسم بالله لاهو قدامي لا العب به لعبة السبلة

[كحيلان قطر]

اخ يا حرة في قلبي ليتني هناك والله لا اسويلهم فلم هندي واخليهم بيزه مايسون لاكن لقولهم صنم متفرج لا كاتب موضوع عشان تقهرنا في اخر الليل

[راشد محمد]

انت شسوست..قاعد تفرج؟؟؟

[رمح الشمال]

هذا كله وأنت ساكت :)

بعدي والله

لو انا منك ماكان نزلت الموضوع وكان دقيت لطمه 7 سنين

سلااااااااااااام :victory:

حي والله ذا الرأس يا راعي المواجيب رد في محله

[Class - Qtr]

انا مازعلت الا عشانه شايب ,,

لوكان شاب في عمري وعمرك مب حلوة انك تدخل عرض وهو يجوفهم لكن اتصور بحكم

كبر سنه الرجل .. انا بعد تعاملهم معاة با اناديه وبااخذ المعامله وبااحاول اخلصها له

شي يزعل طريقه تعاملهم معاة

[qatari 111]

وانت كاتب الموضوع على اي اساس .. تبي تروينا انك ما سويت شي .. ولا خذت حق الشايب

تبينا نعلمك ويش المفروض تسويه .. امرك عجييب والله !!!!!!

[كلاسيكي]

وقسما بالله انك ماتحمل ذره وطنيه وحميه لاهل بلادك هذا كلام تكتبه


لو ان واحد فيكم في مكـاني وش بيسوي !!!

وثاني شي لو يبي يشتكـي الشايب وين يروح !!

اش بيسوي؟

لا ياشيييخ يابطل جاي تكتب الموضوع وماعندك لسان تتفاهم معاهم شالقلب الي عليك..

مادري وشفيه الجيل الجديد اخص ماعم لكن صايرين خكاره وهاديين

[سان سيمون]

مادري :rolleyes2:

مب هي في السالفه وموظفه في البنك

وهذا الموقف صار قدامها

:eek5::eek5: انا ثالث معلق على الموضوع موب الكاتب :telephone:بيني وبينك لو موظفة في بنك كان على طول فونش لان لساني طويل وما اسكت على غلط على قولت إخوانا المصريين بدبش دبش

[فلتة زمانها]

حرام عليك شلون تشوف هالموقف وتسكت اقل شي تسمعهم كلمتين :(

[حقيقه]

خفو على الرجال
فيه ناس في مثل هالمواقف مايعرفون يتصرفون ومايفكرون بسرعه

[آهـل شَـرق]

روح الفرع وادخل على المدير وقدم شكوى على الموظفين .. وخلك شاهد على اللي صار

[بوجاسم566]

يعني تجوفهم ياشرون ويضحكون وانت قاعد في مكانك

لو انا منـك

بسمع الموظف كلام اخليـة يقدم استقـالتة

في بلادنا ويستعبطون على شيابـنا

ليتني كنت مكانك والله :(

[Um Yousif]

وانت اش سوويت مجرد شاهد عيان
ماتصرفت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الدوحي7]

صدقوني يقول ابعد عن المشاكل واغني لهاا وذول مب محترمين اصلا ،، والشرهه على الى حطهم اصلانا واكيد ذول مب من اهل قطر،،

[qatari911]

ابسط شيء بسوية بعطيهم كلمتين في العظم وبقول لشايب تعال يبه بخلص موضوعك وبنزل معه للمدير وبقوله على الي حاصل وان من المفترض إرضاء العميل وبخلص موضوع الشايب وآخر شيء بقول انا جئت بسوي الخدمة الفلانية وبالأخص اذا ما عندي مديونية ولانه هذا وضع موظفينكم ما يشرفني أتعامل مع هالبنك واطلع

:nice:
انا لو مكان اشرشح في الموظف
عسى ماشر يتطنز على الشايب
والله اقر موضوعك وانا من قهر ودي اني اكون هناك كان عرف ان الله حق
حسبي الله عليه

[جارح]

هههه ياجماعة الخير شفيكم على الرجال يعني ماتعرفون سبب سكوته ومن بعدها تنزيلة للموضوع شنهو انا بفسرها لكم وانتو احكمو بانفسكم هل توقعي بمحله ولا غلطان
اولا الاخ سكت الله يهداة لاجل يخلصون معاملته خااااف المسكين يعطلونه وقال بنفسه مصلحتي اولا
ثانيا من بعد ماخلص معاملته وانجز مصلحته عمل فيها فلته وعنده حميه ونزل الموضوع لكم لاجل تمدحونه انه ماستر عليهم وفضحهم
هاذي هيه السالفه واضحة للعيان ماعرف انه بيتبهدل بالردود على سكوته عن الحق وكأنه 0000 استغفر الله العلي العظيم
ياخوي ياكاتب الموضوع حط هالحكمه في بالك دوم كلمة تستحي منها بدها بدون تراجع او تردد

[سـهـم دايـخ]

والله يا خوي من قريت انك رايح لبنك الدوحة (بنك ربوي) تاخذ قرض .. وانا غاسل يدي منك .. ومتوقع منك ردة فعلك .. ساكت لانك خايف لا يرفضون معاملتك ويذلونك لانك انت اللي ذليت نفسك ورحت لهم ..

لقد اسمعت لو ناديت حيا .. ولكن لا حياة لمن تنادي

[bo,,nasser]

هذي البنوك الربويه


وانت الله يصلك في بنك ربوي وراضي ( نصيحت اخو أطلع من البنوك الربويه )

وثاني شي انت ليش مافزع حق الشيبه (( راح الطيبين ))


ياليت ماكنت الموضوع

على العموم الله يصلحك وينورك على طريق الصلاح ,,,

[باراكودا]

راجفان سيثارامان

[دااانة قطر]

مارضااها على نفسي شلون برضااها على رجاال كبير
عن نفسي لو أني بمكاانك برد عليهم وبشتكي عند اللي أكبر منهم
ولحظة مااقال للشاايب ارجع للمدير كنت بقول له ليش ماتتصل فيه بنفسك؟؟
غريبه يرجع يطلب من الشاايب ينزل مره ثاانيه
ماقد صاارت

[barod]

من القهر ماعرفت وش اكتب

[مخاوي الشيبة]

سود الله وجيهم

[Riku3]

الشيخ فهد وعبدالرحمن بن محمد بن جبر آل ثاني مايرضون عن هالسوالف .. لو وصلتهم شكوى مثل هذي ما بيسكتون عن هالموظفين ..

المشكلة ان الشكوى مب لك والا كان نصحتك توصلهم .

[الدوحي7]

والله يا خوي من قريت انك رايح لبنك الدوحة (بنك ربوي) تاخذ قرض .. وانا غاسل يدي منك .. ومتوقع منك ردة فعلك .. ساكت لانك خايف لا يرفضون معاملتك ويذلونك لانك انت اللي ذليت نفسك ورحت لهم ..

لقد اسمعت لو ناديت حيا .. ولكن لا حياة لمن تنادي

اي والله بنك ربوي

[OREO]

راجفان سيثارامان

و ابشرك ،،اغلبية الاشخاص اللي تحته شيعة ،،

[الصيفي قطر]

غلطان ياصاحب الموضوع لازم طلبت لهم ريوق وسولفت معاهم شوي ..

والله لوني منك يمكن مديت يدي وبغض النظر شنهي جنسية الشايب ياخي عيب

وهالبنك لانه رايح فيها مايوظف الا ناس رايحيين فيها

ليتني مكانك والله ياليييييييييييت

مادري شاقولك والله ماعرف شاقول ,,,

المهم ليش ماريقتهم ؟

[bo3adel]

في موظف في بنك من البنوك حاول يستهبل ع الوالد .. ابوي بكل بساطه راح الفرع الرئيسي وقعد مع المدير العام

شرح له الموضوع .. ومادري عاد شصار ف ذاك الموظف ..

للاسف انت في قطر .. بكل بساطه تتعرض لتفاهة بعض الموظفين .. اللي يفتقرون لابسط مقومات التعامل ..

القهر الاكبر لما يكون الشخص: عربي + مسلم .. ويا مكثرهم ..
مؤسساتنا ينقصها اهم شي قبل توظيف اي شخص .. مرحلة التدريب .. هي اهم مرحله في حياة الموظف وخاصة اللي يتعامل مع الزباين ..

صراحه لو انا منك اخوي او منج اختي .. اكلم اي مسؤول او مسؤوله عن الفرع .. واقوله عن موظفينه .. لان اللي يسوي مثل هالحركات .. ماعنده احترام لا لنفسه ولا لغيره ولا حتى للمؤسسه اللي يشتغل فيها

[وحيد-الشوق]

الله يهديك ليش سكت وثاني شيء تقدم على قرض من بنك ربوي !!!!!!

[طلعة الروح]

مارضااها على نفسي شلون برضااها على رجاال كبير
عن نفسي لو أني بمكاانك برد عليهم وبشتكي عند اللي أكبر منهم
ولحظة مااقال للشاايب ارجع للمدير كنت بقول له ليش ماتتصل فيه بنفسك؟؟
غريبه يرجع يطلب من الشاايب ينزل مره ثاانيه
ماقد صاارت

سوق خضره مب بنك ولو اني متأكده ان وايد اماكن ماشيه على هالنظام الغبي
ماعرف شنهي ظروف الشايب بس الله ايسر له ويترك هالبنك على هالمعاملة الزفتة
كان عليهم يحترمون كبر سنه على الاقل.....

[بوسلمان 2010]

هذا طال عمرك يبيله الموظف والي معاه زف علني هذا اذا لبسته العقال في رقبته وبخلي المدير يحضر وزفة


جدام مديرة والناس الموجودين لااخليه عبرة لمن يعتبر والله بس ماادري وشسكتك وانت اتشوف شيبه ينهان


جدامك للاسف

[قطرية كشخه]

اعتقد في البنوك في كيمرات مراقبه .. يعني لو حضرتك رحت داايكرت حق مدير الفرع واشتكيت على هالموظفين محد كان يقدر ينكر وبيتبهدلون شوي على الاقل ..

اما انك قاعد اتفرج وساكت وخلصت شغلك سكااتي معناها ان حتى وجودك جدامهم ماله اي قيمه واحتراام .. الحين شالمطلوووب ؟؟ نصفق لك !!:anger1:

[Right]

موقفك سلبي جداً



" الساكت عن الحق شيطان أخرس "



الذي يسكت عن الحق مع القدرة ولا يأمر بالمعروف ولا ينهى عن منكر


ولا يغير ما يجب تغييره ويسكت وهو يستطيع أن يتكلم هذا يقال له:


شيطان أخرس من شياطين الإنس !!!

[شبح الصمت]

عيب عيب والله

إلي ما يحترم الناس هذا أنسان مهب محترم

ولو جاني شيبه واقدر أخدمه من عيوني والله لخدمه

بخلص له الموضوع من أ - ي

وبأخص الشيبان والعجيز لهم الاحترام والتقدير مهب يجيني وقعد استضرف دمي قدام العالم

كفايه يوم يطلع من عندك ويدعي لك

يا أخوان الدعوه غاليه غاليه غاليه من شخص ساعدته وإلا فرجة ضيقـته

يدعي لك بالخير وإلا يدعي عليك بالشر

اليوم تتطنز على شيبانا وبكره يتطنزون عليك يالذليل

مفروض هالموقف ينزل في البلاك بيري إذا صحيح وينتقد فيه الموظف لجل يكون عبره لغيره ولجل الموظفين يحترمون المراجعين وإلا يقللون من قدرهم

وتراني مهب أحسن من أحد موجود بس الي ابوي الله يرحمه رباني عليه بسويه رباني على احترام الصغير والكبير رباني أني احشم العالم وأخدم جعل من جابه الجنه

[vxr]

ما يسوى عليك نزلت الموضوع معليش خيرها في غيرها

بس ياربك تعلمت من الردود اللي جاتك مثل هدير البحر

[qrt_trading]

الحمد لله والشكر وما تستحي تتنزل الموضوع وانت كانت ردة فعلك سلبية للدرجة ذي.

ابي افهم وش تتوقع ان الناس يقولون لك يهنونك ويصفقون لك على سلبيتك هذي غريبه والله.

وما اقول إلا الله يهديك ان شاء الله

[love77m]

لحول ولا قوة الا بالله

للحين فيه ناس هذا تفكيرها !! والله ماهقيت فيكم بهالشي

فيه بعض الردود ترد الـروح وتبين ان اهلها فاهمين ، اما بعض الردود ماقول الا لحول ولا قوة الا بالله .. ومايحتاج اسوي لها اقتبـاس عشان ماحرجهم

امـا ان إحنا ماسوينا شي هذا شي مايدخل العقـل لان كل انسان له ردة فعـل حتى لو إن ماله اصل ولا فصـل

وبعدين اللي كان قاعد لما صارت السالفه الوالد الله يحفظه وهو كبيـر في السن والله يعينه

وقال لي الموضوع لانه جد يضـايق ومن باب الشيمه رحت لـ عل وعسى اساعده ولا اخلص الموضوع له

وطبعـا رحت هناك وسألت عن شايب جاء لهم وسالفته وتعرفون حركاتهم اسرار عملاء ومن هالكلام حتى مديرهم دخلت عليه وبالقانون طردني لاني حتى ماعرف اسمه

ولما حطيت الموضوع ابي اشوف احد يعرف اشخاص مسؤولين هناك بيطلعون لنا الموضوع او بيخلصونه لانه من شيبانا واكيد ماله حد ولا كان خلصوها له

واللي الحين فيكم مسوي فيها شيمه يطلع لنا مسؤول هناك يخلصها له ^^

اما الردود اللي مالها داعي خلوها عنكم .. بغض النظر عن بعض الردود


واللي يشوف نفسه بيخلص الموضوع يرسل لي رساله عشان اعطيه اسماء الموظفين والسالفه ويخلصها الله لايهينه

من ردودكم احس كلكم بتخلصونها ( انتظركم )

يالله يا أهل الفزعه حتى لو تبون تسددون اللي عليه جزاكم الله خيــر

[تاجر كشخة]

اكيد شي طبيعي بيسوون هالحركات .....ربويون

[vxr]

الله يهديك أخوي بعد هذي الردود كلها أشوف قصتك أختلفت شوي عن اللي أنت حطيتها

والشباب اللي علقوا على موضوعك كانوا يردون على القصة اللي أنت حطيتها بحذافيرها

الحين أشوف القصة تغيرت فلا تلومهم

[vxr]

وهذا موضوعك طال عمرك

اليوم رحت أقدم على قرض وشفت شي يحزن القلب

اليوم في فرع المرقـاب بنك الدوحه ..شايب عمره بين 50 و 55 تقريبـا

كان مقدم ورقة طلب تعهـد لبنك التنميه ، وسأل موظف من اخوانا العرب وقأل له

الموظفه اللي عندها المعامله ماخذه اجـازه ولا نعرف متى ترجع ، ولو مستعجل وتبي تخلص المعامله روح للمديـر .. وفعلآ الشـايب نزل من الطابق الثـاني للأرضي (للمديـر)

وشكل الشأيب فهم المدير الموضوع .. وبعده رجع لنـا واتصل المديــر للموظف

وشكله قال له يدور في الملفـات ، والحبيب من ورى الشـايب يسوى اشـارات لموظفه ويـاه ويتطنزون بسألتهم وكل شوي يسألونه عن رقم الحسـاب

والشـايب مايشوف عدل ولعوزوه يـاما اخذ كرت الحساب وياما رجعه في جيبه

وبالأخيـر قالوا له عطنا رقم تليفونك والبيانات مره ثانيه وارجع للمدير وقل له ماحصلناها ( حتى ماكلموا بانفسهم المدير ) تعبوا الشايب

وبعد ماراح الشايب .. الموظف يسأل هل الموظفه اجازه ولا موقفه عن العمل ( مايدرون وش الطبخه )

وشكل الموظف رايق يقول لموظفه وياه : هالشايب يمكن من الناس اللي تروح السعوديه وترجع وتكون ناسيه معاملاتهم < حاولت افهم وش يقصد ولا فهمت !!


حتى والله أني شطبت على ورقه الطلب من اللي شفت

~~
لو ان واحد فيكم في مكـاني وش بيسوي !!!

وثاني شي لو يبي يشتكـي الشايب وين يروح !!

[بوخالد911]

حسبي الله ونعم الوكيل

[المستريح]

والله لو انا لاعتبره ابوى واتدخل ويمكن اسوى مشكله مع الموظف واتسبب له بالفصل واوصلها لاكبر راس فى البنك اما يتمسخرون على شايب وانا ساكت اسمحلى مب مرجله

[love77m]

vxr

هذا رد لي ماغيرت في الموضوع ^^


اخـوي ( المستريح ) اقراء ردي الثاني الله يهديك ، مع الخيل ياشقرا ماتصلح لك


،


والله يا اخوان وقت الجـد ماشفت حد رد ..

محد طرش رساله خاصه الا واحد الله يجزاه خيـر ، حتى لو ماسوا شي ..


ورجآئن لعـاد حد يرد على الموضوع

[كحيلآن]

ليتك سآكت يآ راع الموضوع .. والله الحره فيك مب فيهم .. والله ثم والله لو انا مكانك لآ أٍسسحب الموظف الي تقول عنه وأستعد على رقبته الواطي كآشخ عند الموظفه على حسآب الشايب .. عزي لحآلك والله يا راع الموظوع..

[القطو السمين]

جزيت خيرا على موقفك النبيل انت كاتب في اخر الموضوع اللي يبي يساعد الشايب ايش عليه يسوي ؟ هذا دليل انك مهتم لامره والاخوان قراوا بس ماكملوا لين الاخير لوانك مانت مهتم مانزلت الموضوع ولي يقول انا بسوي وبسوي وهالسوالف والقصد منها الاستنقاص من اخوكم يالله من بكرة اي موقف بيسير لكم قولولنا عنه وشلوون حليتوه

[كحيلآن]

اليوم رحت أقدم على قرض وشفت شي يحزن القلب

اليوم في فرع المرقـاب بنك الدوحه ..شايب عمره بين 50 و 55 تقريبـا

كان مقدم ورقة طلب تعهـد لبنك التنميه ، وسأل موظف من اخوانا العرب وقأل له

الموظفه اللي عندها المعامله ماخذه اجـازه ولا نعرف متى ترجع ، ولو مستعجل وتبي تخلص المعامله روح للمديـر .. وفعلآ الشـايب نزل من الطابق الثـاني للأرضي (للمديـر)

وشكل الشأيب فهم المدير الموضوع .. وبعده رجع لنـا واتصل المديــر للموظف

وشكله قال له يدور في الملفـات ، والحبيب من ورى الشـايب يسوى اشـارات لموظفه ويـاه ويتطنزون بسألتهم وكل شوي يسألونه عن رقم الحسـاب

والشـايب مايشوف عدل ولعوزوه يـاما اخذ كرت الحساب وياما رجعه في جيبه

وبالأخيـر قالوا له عطنا رقم تليفونك والبيانات مره ثانيه وارجع للمدير وقل له ماحصلناها ( حتى ماكلموا بانفسهم المدير ) تعبوا الشايب

وبعد ماراح الشايب .. الموظف يسأل هل الموظفه اجازه ولا موقفه عن العمل ( مايدرون وش الطبخه )

وشكل الموظف رايق يقول لموظفه وياه : هالشايب يمكن من الناس اللي تروح السعوديه وترجع وتكون ناسيه معاملاتهم < حاولت افهم وش يقصد ولا فهمت !!


حتى والله أني شطبت على ورقه الطلب من اللي شفت

~~
لو ان واحد فيكم في مكـاني وش بيسوي !!!

وثاني شي لو يبي يشتكـي الشايب وين يروح !!

أنت تتكلم بـ صيغة المتكلم وعقبها ترد وتقول أن أبوك الله يطول بـ عمره هو الي راح .. وديتها يمين عيت تجي وديتها يسار بعد عيت تجي .. المهم كيف حالك بس عساك بخير

[fahad_qatar]

موضي قطر ( على بالطلاق انك ارجل منه )

.
لعنبو دارك ماعند حميا في أهلك أهل قطر شايب ولا عجوز

[الزلزال]

الشرهة مهب عليهم * الشرهة عليك أنت

تشوفهم يأشرون ويتطنزون على الشايب المسكين

وأنت واقف نفس اللوح !!



حسبي الله ونعم الوكيل

[vxr]

معليش أخوي أنت غلطت والظاهر من كثرة الردود اللي جاتك

ما تبي تقتنع أنك غلطان

على العموم الصورة وصلت والرد وصلك في مثل هذي المواقف ردٌ على سؤالك في آخر الموضوع

أتمنى من الإدارة الكريمة غلق الموضوع

[qtr qtr]

بل بل بل .. خفوا على الرجال شوي .. كل من دش الموضوع عطاه كم من كلمتيين تجرحه .. عيب والله ..
في حد راضي فيكم تلقى برد بنفس هالردود .. اكيد لا

والرجال يمكن فهالوقت ما عرف يتصرف .. ربما شي خلاه يتردد شلون يتصرف ..

بس مالكم حق تردون عليه بالفاض دنيئه ..
ارتقوا بردودكم شوي .. وصاحب الموضوع يمكن يجرجركم لمراكز الشرطه لردودكم السيئه وانا اقصد البعض مب الكل ..