فلسطيني وافتخر ..

[الأغر]

فلسطيني وأفتخر
https://fbcdn-sphotos-a.akamaihd.net/hphotos-ak-ash4/p480x480/305541_438292842864442_317694721590922_1631556_190 3950808_n.jpg

قالولك اسكت ما تحكيش

انت خلقت للتلطيش

للحواجز للمعابر للتفتيش

كتبوا علي جبينك ينداس

من الضابط للشاويش

فلسطيني قالولك ممنوع تعيش

فلسطيني ممنوع تثور

ومش مسموح تكون مقهور

اياك تطالب بحقك

اوعك بيوم تشوف النور

***

ممنوع تجدد هويه

ممنوع تجدد بسبور

فلسطيني و بدك تتعلم

هاي الشغله ضد الدستور

فلسطيني لازم تتألم

من دون ما يشوفك دكتور

فلسطيني ممنوع تتظلم

و لا يطلع بجناحك ريش

فلسطيني ممنوع تعيش

***

فلسطيني بكل المطارات

اسمك بالاحمر مكتوب

و على شباك مصلحه الجوازات

كتبوا علي جبينك مطلوب

لازم تتوقف ساعات

مذنب او مندون ذنوب

ويتوجه الك اتهامات

انك سبب كل الحروب

كأنو بسببك الحق مات

والعدل بارضك مسلوب

وكأنك سبب النكسات

وكل ازمات الشعوب

وكأنو بسببك مجرم فات

على جنين بلحظه الغروب

ودبح صبيان و بنات

وعجز على امرها مغلوب

***
مع انو الحقيقه

انا الي بالدنيا ضحيه

عملتوني ماده للغنى

و قضية للي ما عندو قضيه

انا الي راسي ما إنحنى

إلا لرب البريه ..

انا الي شعبي صمد

في الضفه وغزه و بالرشيديه

انا الي شعبي انتفض

وبحجر حارب دوريه

واليوم و بكره و للابد

عنا كلمه وحده هي

فلسطينى وافتخر وتحيا الامه العربيه :weeping:

منقول مع بعض التعديل في الكلمات ..

[intesar]

تحياتي للقضية الإسلامية..

[الأغر]

تحياتي للقضية الإسلامية..

بل دعواتك للقضية الاسلاميه التي بها تبدأ قصة النهاية للحياة على الكره الأرضيه :)
ولهذا الكثير لا يريد تحريرها حب للدنيا فقط