أهواك أحبك أعشقك ماأخونك..!!!

[لاجئ عاطفي]

يفداك القلب و التعب و المسافه
دام آخر المشوار شوفة عيونك

و يفداك عمر ضاع كله حسافه
على الزمان اللي قضيته بدونك

جيتك بقايا حب هذا إعترافه
أهواك أحبك أعشقك ماأخونك

يعني أحبك حب أسمه خرافه
لطروا أساطير الهوى يذكرونك

و لو خفوق كتاب تقرا غلافه
قسم قسم بالله أعشق جنونك

جيتك على رغم الزمن و اختلافه
كل الطرق عندي توصل جفونك

مليت من شح الغرام و جفافه
ضميان حب و برتوي من مزونك

قلي أحبك خل عنك الكلافه
ريح ظنوني ريح الله ظنونك

يا سيد قلبي و الحلا و اللطافه
كل المشاعر في خفوق ييبونك

خلص كلامي بس عندي إضافه
أهواك أحبك أعشقك ماأخونك

[R 7 A L]

خلص كلامي بس عندي إضافه
أهواك أحبك أعشقك ماأخونك

بالمختصر المفيد
كما في البيت السابق

أنت ، رائع ، ذويق ، مافيك حيله



تحياتي

[بن هجرس]

و لو خفوق كتاب تقرا غلافه
قسم قسم بالله أعشق جنونك

:
:


لاجئ عاطفي


اختيار غاية في الروعة


سلمت ودمت
:
:

[لاجئ عاطفي]

بالمختصر المفيد
كما في البيت السابق

أنت ، رائع ، ذويق ، مافيك حيله



تحياتي



تسلم فديت خشمك ماعليك زود وشرفني تواجدك الغالي ..

[لاجئ عاطفي]

و لو خفوق كتاب تقرا غلافه
قسم قسم بالله أعشق جنونك

:
:


لاجئ عاطفي


اختيار غاية في الروعة


سلمت ودمت
:
:


يسلم غاليك الشيخ وشرفني تواجدك الغالي ..

[تحداني]

جميله هالكلمات
والأجمل ان كانت حقيقه


جملك الله برضاه

[لاجئ عاطفي]

جميله هالكلمات
والأجمل ان كانت حقيقه


جملك الله برضاه


الاجمل مرورك العطر .. شرفني تواجدك ولاهنت ..