اذا حد جرب يفيدني ويليت يكون مجرب

[ثابت]

السلام عليكم

انا افكر اقلب وجهت مدخل بيتي الي زجاج كامل كبرت البرندة مالت المدخل وسويت اعمدة وسقف زايد وصار عندي المدخل على شكل نص دائرة بس ابي اعرف وين مكان زين يركب الزجاج ويليت يكون مجرب
وشنو نوعية الزجاج الزين للمساحات الكبيرة لني جبت واحد وحسيتة لوتي وشكلة عليمي

وهذي صورة المدخل والمكان الي بركب فية الزجاج حتى توضح لكم الصورة.

http://im14.gulfup.com/2012-05-01/1335843459811.jpg (http://www.gulfup.com/show/X28r71s9xs5c0g)

[qatar.syria]

من معلوماتي المتواضعة اقول انتبه يكون مدخل بيتكم باتجاه اشعة الشمس مباشرة وإلا تصبح الحرارة لديك في الداخل مرتفعة جدا

[ثابت]

لا وجة البيت شمال الحمدلله وهو بيكون مدخل بس وبعدين طوفة على الصالة

[khaldoon]

اهم شي يكون دبل جلاس علشان يكون عازل للحرارة ولو لمينيتد بيكون افضل و افضل علشان لو تكسر ما يطيح يظل ثابت مثل زجاج السيارات

الله يوفقك

[شموخ دائم]

,

,


مرحبا

http://img.al-wlid.com/imgcache/13045.png

اذا تقصد تسوي البرنده زجاج زي الصوره
فهذا عملتها مره عند الاختصاصي
زجاج بدون المنيوم والباب المسكات الي فيه ستان ستيل
الحين البرندات يعملونها كذا زي المحلات حتى يكوون المنظر كامل باين بدون فواصل الالمنيوم
اذا عندك حديقه بيكون المنظر روعه من البرنده
وممكن تكيف البرنده وطول السنه بتكون الجلسه فيها حلوه


بالتوفيق لك

,

,


اخوك


شموخ دائم

[معماري قطري]

من معلوماتي المتواضعة اقول انتبه يكون مدخل بيتكم باتجاه اشعة الشمس مباشرة وإلا تصبح الحرارة لديك في الداخل مرتفعة جدا

إخوي مجرد توضيح بسيط .. درجة الحرارة في قطر توصل إلى 57 درجة في الظل، وأغلب المكيفات مصممة لحرارة خارجية توصل إلى 45 درجة،
لذا يستوجب تظليل وحدات المكيف الخارجية، كما يتوجب على من يريد الراحة والثبات في درجة الحرارة المريحة لداخل الحيز العمراني أن يعمل عزل حراري متكامل لجميع الحوائط، ومنها حتى النوافذ، فبوضعنا ستائر خاصة ومن كم طبقة على النوافذ نكون عملنا عزل حراري بدون قصد، وكلما كانت طبقات الستائر عازلة أكثر للحراة كانت لدينا قدرة على التكييف أكبر في درجات الحرارة العالية جداً، كذلك لا ننسى طبقات الزجاج واستخدام غاز الأرغون بدل الهواء بين طبقات الزجاج، فغاز الارغون والذي له خاصية عدم التكثف وعمل بخار على طبقات الزجاج الداخلية، وله خاصية العزل الحراري ولو قليلاً عن الهواء العادي، وحسب مناقشتي لكثير من مركبي النوافذ لا يعرفون عنه شيء، وحسب رؤيتي لبيوت البعض فتكثف بخار الماء موجود، وهناك قليل من الشركات في قطر من تحقن تجويف الزجاج بهذا الغاز وذلك لصعوبة الحقن ولطول وقت الحقن بحيث يستلزم أجهزة خاصة وتأخذ العملية وقتاً طويلاً بحيث يتم إستبدال الهواء بهذا الغاز، ومن يدعي تفريغ الهواء فهذا مستحيل لأن مهما كان سمك الزجاج لو حاولنا التفريغ سينفجر بسبب الضغط الجوي.

وسلامتكم

[ميلاف]

إخوي مجرد توضيح بسيط .. درجة الحرارة في قطر توصل إلى 57 درجة في الظل، وأغلب المكيفات مصممة لحرارة خارجية توصل إلى 45 درجة،
لذا يستوجب تظليل وحدات المكيف الخارجية، كما يتوجب على من يريد الراحة والثبات في درجة الحرارة المريحة لداخل الحيز العمراني أن يعمل عزل حراري متكامل لجميع الحوائط، ومنها حتى النوافذ، فبوضعنا ستائر خاصة ومن كم طبقة على النوافذ نكون عملنا عزل حراري بدون قصد، وكلما كانت طبقات الستائر عازلة أكثر للحراة كانت لدينا قدرة على التكييف أكبر في درجات الحرارة العالية جداً، كذلك لا ننسى طبقات الزجاج واستخدام غاز الأرغون بدل الهواء بين طبقات الزجاج، فغاز الارغون والذي له خاصية عدم التكثف وعمل بخار على طبقات الزجاج الداخلية، وله خاصية العزل الحراري ولو قليلاً عن الهواء العادي، وحسب مناقشتي لكثير من مركبي النوافذ لا يعرفون عنه شيء، وحسب رؤيتي لبيوت البعض فتكثف بخار الماء موجود، وهناك قليل من الشركات في قطر من تحقن تجويف الزجاج بهذا الغاز وذلك لصعوبة الحقن ولطول وقت الحقن بحيث يستلزم أجهزة خاصة وتأخذ العملية وقتاً طويلاً بحيث يتم إستبدال الهواء بهذا الغاز، ومن يدعي تفريغ الهواء فهذا مستحيل لأن مهما كان سمك الزجاج لو حاولنا التفريغ سينفجر بسبب الضغط الجوي.

وسلامتكم

اخوي حصه الفيزياء في المدرسه ترا انا مافهمتك انت تكلم عن واحد يبي يحط زجاج عشان البرنده

كثافه وانفجار ترااا العالم مافهمتك وواولهم انا . ..

وخصوصا ياليت توضح شلون احط عازل على المكيفات الخارجيه يعني تقصد اذا ركبو المكيفات السبلت وخلصو اروح السطح واحط عليهم جلاد من الشمس ولا مافهمت ممكن توضح

[بن غيث]

في شركة تابعة للسلام العالمية
على ما أظن اسمها
الوكلاس
في الصناعية
الدبل او الترابل
حسب احتياجك
ومثل ما اذكروا الاخوان
خلدون ومعماري قطري
بخصوص التنويه عن الزجاج
من الكسر او الحرارة صحيح
ولازم تنتبه له

[السد]

شوف اخوي
قطر لليو بي في سي
عندهم يوبي في سي بارد
وبامكانك تزورهم في معرضهم في طريق سلوى
بس نصيحة حاول ان تقلل من الزجاج في المنزل
لان الحرارة عندنا مرتفعة ولا تعرف شمال او جنوب
وفيه فكره اتركب عازل حراري للزجاج مثل عازل السيارات
وشوف شركة لومار عندهم تركيب مثل هذه الاشياء

[dream~qa]

الطريقة اللي حاطها الأخ شموخ دائم طريقة ممتازة .

[معماري قطري]

اخوي حصه الفيزياء في المدرسه ترا انا مافهمتك انت تكلم عن واحد يبي يحط زجاج عشان البرنده

كثافه وانفجار ترااا العالم مافهمتك وواولهم انا . ..

وخصوصا ياليت توضح شلون احط عازل على المكيفات الخارجيه يعني تقصد اذا ركبو المكيفات السبلت وخلصو اروح السطح واحط عليهم جلاد من الشمس ولا مافهمت ممكن توضح

السموحة يا ميلاف ما عرفت انك توك تدرس فيزيا، وانك مقتنع بالجلاد أو المخفي العازل للحرارة اللي يطلعون عنه دعاية... انا تكلمت عن تضليل الوحدات الخارجية، ونعم تحتاج لعزل بايبات الغاز وعزل جيد وتحتاج انها تكون أقصر ما يمكن، والباقي كله حقائق علمية وفيزيائية :nice: واسئل مدرسين الفيزيا :telephone: بيعطونك المعلوم، والله يوفقك في دراستك ان شاء الله

[معماري قطري]

السلام عليكم

انا افكر اقلب وجهت مدخل بيتي الي زجاج كامل كبرت البرندة مالت المدخل وسويت اعمدة وسقف زايد وصار عندي المدخل على شكل نص دائرة بس ابي اعرف وين مكان زين يركب الزجاج ويليت يكون مجرب
وشنو نوعية الزجاج الزين للمساحات الكبيرة لني جبت واحد وحسيتة لوتي وشكلة عليمي

وهذي صورة المدخل والمكان الي بركب فية الزجاج حتى توضح لكم الصورة.

http://im14.gulfup.com/2012-05-01/1335843459811.jpg (http://www.gulfup.com/show/x28r71s9xs5c0g)

إذا مدخل البيت أي شيء بينفع معاه، لكن واجهة كاملة صعبة شوي وتحتاج إحتياطات مثل ما ذكروا الإخوان، ونصيحة لو تسوي قزاز شفاف يبين المدخل وخصوصاً إذا عندك باب ثاني يستر من داخل، ولو تسوي اليو بي في سي بيكون أحسن وبيعطيك عزل صوت وعن الغبار.

[معماري قطري]

شوف اخوي
قطر لليو بي في سي
عندهم يوبي في سي بارد
وبامكانك تزورهم في معرضهم في طريق سلوى
بس نصيحة حاول ان تقلل من الزجاج في المنزل
لان الحرارة عندنا مرتفعة ولا تعرف شمال او جنوب
وفيه فكره اتركب عازل حراري للزجاج مثل عازل السيارات
وشوف شركة لومار عندهم تركيب مثل هذه الاشياء


بعد ألحين طلع الإختيار الألماني صراحة عندهم نوعيات متميزة، ومعاملتهم راقية وعندهم أنواع منها الغالي ومنها الرخيص