سيارات من امريكا ؟؟؟؟ لاصحاب الخبره ؟؟؟؟؟

[مكتب سياحي]

ممكن تساعدوني يا اخوان

عندي واحد في كندا وبغيت اورد سيارات من كندا او امريكا بغرض البيع واسترزق من وراهم

يعني اجيب في كل مره 4 الى 5 سيارات في كل مره


لكن ابغي اعرف المطلوب مني عشان اسويلي هذه التجاره ؟؟

هل لازم سجل تجاري او اي شي ؟؟
او عادي ادخلهم على اسمي كسيارات خاصه وبعدين ابيعهم ؟؟؟
وكم يطلبون مني جمارك ؟؟

ياليت ترشدوني على الطريق الصحيح ؟؟

وشكرا

[MLAAS]

مانصحك تشتري من كندا . لانه جوهم بارد وسياراتهم ماتنفع في جونا ..

ركز على مناطق امريكا الحاره .. تكساس و المناطق الي حوليها .. جوهم نفس جونا


واظن الجمارك ياخذون منك 5% من قيمه الموتر .. هذا الي اعرفه والباقي انشالله يفيدونك فيه الشباب

[مستثمر عقاري]

بالتوفيق اخوي

نجي عند اول نقطه
لازم يكون عندك عنوان في امريكا
لان السيارات ماتتسجل بااسمك وانت مش مقيم في امريكا او موجود

اللي بيصير الله يسلمك
رفيقك يسجلها بااسمه واذا شحن السياره يكون الكونتينر بااسمك مع ورقه مبايعه من امريكا على اساس تكون اثبات ان السياره لك من ناحيه التسجيل في قطر


بالنسبه للمواصفات
جميع السيارات في امريكا عموما من موديل ٢٠٠٥ لين اليوم مطابقه لمواصفات الخليج
،تتحمل الحراره

واذا في اي استفسار تفضل يااخوي

[المحافظ]

طبعا لازم تعرف ان السيارات اللي عمرها اكثر من 5 سنوات ما تدش البلاد ، إلا السيارات الكلاسيكية اللي عمرها اكثر من 30 سنة.

بس لازم تسأل عن تقبل السوق للسيارات الامريكية ، ولازم تفحصها و تشتري تاريخ السيارة من الانترنت ، و تتأكد عن تكلفة الشحن لانه غالي.

[مستثمر عقاري]

^^^

اخوي المحافظ مب شرط اي شي يتسجل في الريكورد مال السياره
انا حاليا في امريكا
عندي موتري صار عليه حادث وانضرب الشاصي وصلحته بحسابي الشخصي بدون لايتسجل عليه ريكورد او تاريخ


اللي يتسجل بس التشييكات في الوكاله او تجديد استماره او اذا حادث وتم التصليح على التامين


اغلب السيارات لو تلاحظ تشوف الريكورد مالها ماعليها شي
بس لما تفحص وتشوف تلقاها رايحه فيها

تقبلوا مروري يالربع

[اوف ليميت]

1- عنوان بامريكا
2- يفضل شخص تعرفه عدل يكون متواجد هناك ويساعدك بالامور
3- شحن الموتر بكونتينر او على ظهر المركب..لك حرية الاختيار لمن يقولون لك كيف تبي تشحنه
4- يفضل شراء مواتر من امريكا وليس من كندا
5- السيارات اللي عمرها اكثر من 5 سنين ماتدش قطر..صحيح..لكن اذا اتعرف حد هناك قطري..كان يدرس او دوره طويله...يقدر يدخل السياره باسمه بحكم انها له واشتراها اثناء اقامته في امريكا..وهاللي قاعد يصير بين الشباب
6- امكانية تصديرها للامارات بغض النظر عن عمر السياره..وعقب شوفلك حل من الامارات لقطر
7- يوم بتاخذ سياره..كنسل التأمين..يكسر الظهر..وماله لزمه

ملاحظه: امكانية التعامل مع شركة شحن...هي بتسجل الموتر وبتحط عنوانهم وكل شي..وبتشحنه لك

هذا والله اعلم

[BoFahed]

نصيحة اخوي شوف المواتر وارد امريكا المرغوبة في السوق يعني خلك في الياباني مثل التندرا الجديد والاف جي جير عادي والمواتر السبورت المعدلة ومب موجودة او غاليه عندنا مثل الكرفت واليفولويشن لانه السوق عندنا متخوف من الامريكي مب مثل الامارات والسعودية بس فيه شباب فاهمين ويرغبون فيه لانه مواصفات احسن


ومثل ما ذكر الاخوان يفضل يكون عندك هناك واحد يفحص ويخلص الاجراءات او تروح بنفسك ولازم تسال عن تاريخ السيارة لانه وايد في المواقع مدعوم او مصلح وممكن تاكد عن طريق موقع CARFAX شوف الرابط اخوي :

http://www.carfax.com/entry.cfx

وفيه معارض تجيب من امريكا ممكن تسالهم عن الاجراءات مثل الخليج وكارماكس او تشوف مواضيع سابقة للاخوان عندنا في المنتدى كانوا يجيبون مواترمن امريكا ممكن تتواصل معاهم

وممكن تجيب اخوي في البداية موترين باسمك ومكم موتر باسم اخوانك او الربع وتشوف فيه السوق من غير لا تطلع سجل

[المحافظ]

المعارض اللي يجيبون من امريكا .. كم ياخذون عمولة لهم ؟ وهل في اي نوع من الضمانات؟

[محمد الجفيري]

up up