الكابونات التعليميه

[خزامئ]

:telephone:مسى الخير
انا شالله الجميع بخير
حد سمع شي جديد عن الكابونات التعليميه
غير الي في جريده الشرق يوم الخميس
من يوم الاحد وانا طول النهار اكلم المجلس الاعلى
ولا يردون

[بصمة قطرية]

:nea::nea::telephone:

[شمس]

اكيد بيكون الرد جيبوا ورقه من المدرسه الي تبون تدرسون عيالكم فيها والمدارس تقول مكتفيه
هنا المجلس بيرفع يد الانتصار

[النجلا]

سألتهم عن طريق حسابهم اللي بتويتر قالولي للحين مانزلت قائمة رسمية بأسماء المدارس ..

[خزامئ]

والاسماء الي نشرتها الشرق

[النجلا]

والله مادري انا شفت الخبر من تويتر وماكانوا حاطين اسماء وسألتهم وهذا ردهم !!

[النجلا]

شفت المقال اللي فالجريدة الحين .. ومكتوب انهم 22 مدرسة اللي نشرتهم الشرق بس 11 وباقي 11 ...

[العملة النادرة]

خبر حلو والله

راح يطبق القرار على السنه الدراسيه 2012-2013
وهل يطبق من سن ثلاث سنوات او لازم من المرحله الابتدائية صف اول

[Miss Merna]

نيوتن في اللسته ولا لا

[العملة النادرة]

اليوم كان في جريدة الشرق مقال بخصوص ها الموضوع في الصفحة 29
تاريخ 26/4/2012

لماذا يا المجلس الاعلى للتعليم اعتمدت فقط 11 مدرسة خاصة تقبل الكوبونات التعليمية ؟؟؟؟؟
واللي عياله في مدارس خاصة غير عن ها الــ 11 مدرسة وشغال في وزارة !!!
لازم ينقل عياله لاحدى ها الـــ 11 مدرسة على شان يحصل على ها الكوبونات ....
وبها القرار كل الناس بينقلون عيالهم للمدارس المحدده
واذا تم النقل بتتغير على الطلاب البيئة التعليمية وهذا شي مب في مصلحة الطالب
واللي مدارس عيالهم قريبة من بيوتهم ؟؟شيسوون ؟؟ ينقلونهم لمدارس ابعد ؟ ليش؟
وليش ما يعتمدون كل المدارس الخاصة ؟ دام هم مرخصين من الجهات الرسمية ومرخصة من المجلس الاعلى للتعليم .
والمدارس المعتمده هي :-..
1. دار الارقم
2. المها
3. شربورن
4. اكاديمية قطر
5. الاندلس
6. اكاديمية الجزيرة
7. الخليج الانجليزية
8. فولتير
9. مدرسة لندن الدولية
10 . اكاديمية قطر للقادة
11 . مدرسة الشويفات
وين باقي المدارس ؟؟؟؟؟؟؟

للي يسالون عن اسامي المدارس بس ياليت احد يخبرنا بالطريقه والشروط كل طفل قطري من حقه هالكوبونات او في تعقيدات والسوال الثاني من اي مرحله تستحق هذه الكوبونات

[ام رويشد]

ارتحت المها معاهم

بس شلون طريقتهم

[FAUCHON]

شوفوا هالخبر لقيته في موقع المجلس الأعلى للتعليم عن الكوبونات التعليمية

http://www.sec.gov.qa/content/resources/detail/68042

[ابوحشر]

ان شالله تكون العملية سلسلة واجراءتها سهلة

[النجلا]

مسا الخير ,,

ماذكروا وش هي المدارس الـ 11 الباقية اللي مانذكرت في الجريدة...؟؟؟

[السندان]

شدي حيلك يا نيوتن

[خزامئ]

ماسمعت اي معلومه كون الي نشر في جريده الشرق

[خزامئ]

مسي الخير
حد شاف الخبر الي في جريده الرايه اليوم عن الكابونات التعليمه؟؟؟؟؟؟