باقوني لا أحد يشتري عن طريق النت ويرسل المبلغ

[العطار قطر]

أخواني الكرام للفايدة حتى ما اتطيحون وراي هههههههه

طبعا النصب عن طريق موقع قطر ليفينغ (مرتع ووكر النصابين وعصابات المافيا)

عملية النصب كالتالي : يقول لك اشتري 2 أي باد واحصل على ثالث مجانا وكأنه صندوق طماطم
ويقولون أنهم من الخارج ويقولون أرسل الثمن باسم أي شخص من أقربائك عبر الويسترن يونيون وأرسل لي صورة الحوالة التي بها رقم الحوالة
وعندما تصلك السلعة .. أعطني وعد أنك سوف تذهب وتعود مرة أخرى للويسترن يونيون وتغير الحوالة باسمي
والذي يحصل أنك مجرد أن ترسل الورقة الي فيها رقم الحوالة (راحت عليك) يسحبها وتخسر نقودك كما حدث معي
انتبه
انتبه
لا تحول أي ميلغ خارج الدولة هذه عصابة تسرق الأموال
لا تصدق أي معلومة يقولها لك
ويدعي اللص أنه من طرف شركة كبيرة ولها ثقتها وأعطاني اسمها وشهادات من شركة أبل أنها موزع معتمد لمنتجاتها
ولكن كل هذه الوثائق كانت مزورة

ويوم رحت أراجع الويسترن يونيون للأسف قالي أنت يمكن رابع واحد يجينا ونفس الطريقة
مايعطونك اسم المستلم ولا أي معلومة عنه وهذي سياسة متخلفة منهم يقول (دام انك ارسلت الرقم فلوسك اتروح على طول) دام انكم عارفين فيه نصب ليش ما اتشوفون طريقة تتأكدون بالفعل انه المستلم هو الشخص الصحيح

راسلت إدارة الموقع انه في عمليات نصب من عناوين واضحة جدا لكن لا حياة لمن تنادي

الحمدلله المبلغ ما خسرته بل تعلمت فيه درس عملي قوي حبيت أعلمكم اياه ببلاش ياليت الكل يستفيد

[البدع]

أنا لم أتعرض لأي محاولة نصب بالإنترنت من قبل

الله يستر

[chillis]

اصلا مجرد ان في ايباد مجانا مشكوك بامرهم وبعدين الواحد يشتري من الشركات المضمونه والكبيره مثل شركة ابل بروحهم او امازون

[عضو مشاكس]

أنا لم أتعرض لأي محاولة نصب بالإنترنت من قبل

الله يستر

انت بطل ماتخسر ابدا واتجار في كل بقاع الارض وفي كل سلعة خلقها الخالق
اعتقد حتى تجارة السفر الي الفضاء مافاتتك

[النهار]

شركات وهميه تبيع الوهم حاطين اسعار الاي فون 4s على 200 دولار

[الخزرجي قطر]

الواحد لازم يتعلم من تجارب الاخرين
اشكرك على التنبيه بارك الله فيك

[البدع]

اصلا مجرد ان في ايباد مجانا مشكوك بامرهم وبعدين الواحد يشتري من الشركات المضمونه والكبيره مثل شركة ابل بروحهم او امازون

أنا مثلك اطبق هذي القاعدة

مرة شريت من النيل والفرات وكنت خايف منهم

ولكنهم طلعوا ثقة

[airbus]

وانا اقول ليش كل يوم فيه اكتر من دعاية طلعت السالفة في ناس تصدق للحين !!

فيه شي دوم تحطه في راسك انه اي شي في ويستر يونيون انساه اكيد نصاب 100 في ال100

[نووون]

أخواني الكرام للفايدة حتى ما اتطيحون وراي هههههههه

طبعا النصب عن طريق موقع قطر ليفينغ (مرتع ووكر النصابين وعصابات المافيا)

عملية النصب كالتالي : يقول لك اشتري 2 أي باد واحصل على ثالث مجانا وكأنه صندوق طماطمويقولون أنهم من الخارج ويقولون أرسل الثمن باسم أي شخص من أقربائك عبر الويسترن يونيون وأرسل لي صورة الحوالة التي بها رقم الحوالة
وعندما تصلك السلعة .. أعطني وعد أنك سوف تذهب وتعود مرة أخرى للويسترن يونيون وتغير الحوالة باسمي
والذي يحصل أنك مجرد أن ترسل الورقة الي فيها رقم الحوالة (راحت عليك) يسحبها وتخسر نقودك كما حدث معي
انتبه
انتبه
لا تحول أي ميلغ خارج الدولة هذه عصابة تسرق الأموال
لا تصدق أي معلومة يقولها لك
ويدعي اللص أنه من طرف شركة كبيرة ولها ثقتها وأعطاني اسمها وشهادات من شركة أبل أنها موزع معتمد لمنتجاتها
ولكن كل هذه الوثائق كانت مزورة

ويوم رحت أراجع الويسترن يونيون للأسف قالي أنت يمكن رابع واحد يجينا ونفس الطريقة
مايعطونك اسم المستلم ولا أي معلومة عنه وهذي سياسة متخلفة منهم يقول (دام انك ارسلت الرقم فلوسك اتروح على طول) دام انكم عارفين فيه نصب ليش ما اتشوفون طريقة تتأكدون بالفعل انه المستلم هو الشخص الصحيح

راسلت إدارة الموقع انه في عمليات نصب من عناوين واضحة جدا لكن لا حياة لمن تنادي

الحمدلله المبلغ ما خسرته بل تعلمت فيه درس عملي قوي حبيت أعلمكم اياه ببلاش ياليت الكل يستفيد



الله يهداكم ياللي اتدورون الرخص

أخوي وانت تاجر .. لازم اتعرف مثل هالعروض حق الاغراض مالت الـبوعشر عشرين مب ايباد بو الف والا الفين ! يعني بالعقل بيعطيك ايباد ب 2000 ريال مجانا!!!!!!!!!!! العملية واضحة انها نصب من البداية


ثاني شي .. لما يقولك ارسل الحوالة باسم اي شخص وعطني رقم الحوالة . اهم مافي الوسترن يونيون الرقم ، واكيد انهم نصابين ممكن يزورون بطاقة باسم الشخص اللي حولت باسمه ، بعد هذي واضحة ..انها نصب

ثالث شي .. بما انك كلت المقلب .. لازم اتبلغ في الجرائم الالكترونية علشان يوقفون مثل هالتحويلات المالية .. لان حرام ناس اتطيح في الموضوع مرة ثانية

رابع شي (( استفتي قلبك وان افتوك الناس )) حديث شريف

[ANONYMOUS]

الله يجزاك خير علا الدرس المجاني لاخواننا الاعضاء

والله يعوضك انشالله

[قطري متواضع]

الله يعينك ياخي اصلن من يوم ترسل لهم رقم الحواله موب مهم هي باسم من خلاص اذا عرف رقمها يسحبها بالرقم

[جرح الزمان]

لا حول ولا قوة إلا بالله

جزاك الله خير

[البدع]

غير صحيح

أنا مرة اضطريت اصحح حرف في اسم يوم بعثت فلوس لمصر

أظن النصاب عنده حد معرفة في ويسترن

[راعي الدتسن]

معوض خير ان شاء الله..
وجزاك الله خير ع حررصك لتوعية الاخرين

[بصمة قطرية]

الله يعوضك و يعوضنا ..
جزاك الله خير ~

[النهار]

سبحان الله موضوع مشابه لموضوعك

http://www.qatarshares.com/vb/showthread.php?t=508577

[Limet UP]

عوضك الله خير ,,

[رجال زين]

من اساسيات التجارة الالكترونية عدم تحويل اموال مباشرة وخصوصا اذا ماتعرف ان الموقع ثقة ام لا

أفضل وامن طريقة للدفع بالانترنت هي عن طريق موقع pay pal

[Al-Kuwari]

مع احترامي لك اخوي لكن انت السبب في اللي صارلك :)

الله عرفناه بالعقل ومب اي واحد يقولنا اي شي نصدقه

[تاجر كشخة]

ههههههههه الحين زين ضحكت العالم فينا

[مشتاقة لقطر]

عادي اذاماتجرب ما بتوصل ..

انا اجرب كذا مرة واننصب علي 3 مرات بس عادي

بالمقابل ليتجارب ناجحة وصلتني لمجالات اكبر

ما ازعل عاللي خسرته كثر ما اوازنه باللي ربحته من التجارب الثانية

التجارة ربح خسارة لازم نتقبل هالشي

[R 7 A L]

حسبي الله عليهم هالحرامية
بيقطعون ارزاق التجار
الحين صعب اثق في اي تاجر خليجي عن طريق النت

[قطرية كشخه]

الله يهداك مبينه السالفه فيها روح وتعال وعطنا وعوود بعد هههههههه

الله يعووض عليك:nice:

[durra]

نصيحة.. اي بائع يطلب منك ارسال المبلغ ويشترط الويسترن يونيون.. اكثره بيكون نصب..
التعامل مع pay pal اضمن حتى من الدفع مباشرة من بطاقة الائتمان..
مجرد ارسال شكوى لشركة pay pal خلال دقيقتين بتشوف ان فلوسك ترجع.. لان النصاب يخاف من غلق حسابه عندهم ويخسر رصيده الموجود.. خلكم مع pay palاحسن واضمن...

[Abdelrahman]

اخوي الطريقه الوحيده للدفع اونلاين هي "paypal"
حتى لو من المواقع الكبيره مثل ايباي او امازون لا تستخدم الا paypal
وعن طريقه تقدر ترد فلوسك حتى لو انصبوا عليك

[@north_star@]

أولا بارك الله فيك على النصيحة اخوي وثانيا بالنسبه لموقع قطر ليفينج يا كثر النصابين وأصحاب العروض الوهمية .... وثالثا والاهم أخوي هالامور مبينة انها نصب في نصب والدليل الاسعار اللي يحطونها تكون اقل من سعر المصنع بفرق شاسع ما يدخل العقل بالاضافة لطريقة تحويل الاموال عن طريق الويسترن يونيون والله يعوض عليك خير

[boamir]

سبحان الله امس اشوف نفس موضوعك
عضو نكه قطر سوريا كان ينصح بس كان الموضوع عن سياره

وثانيا الموضوع واضح وياريت المره الجايه ماتتحمس وايد هههههههههه
الله يعوضك ان شاء الله

[الزعفراني]

الله يعوضك ، دفعة بلا إن شاء الله :)

أسلم طريقة أشوفها بالنسبة للدفع للشراء عن طريق الانترنت هي عن طريق موقع شركة paypal وأنصح كل شخص يرغب في الشراء من الإنترنت التعامل مع هذه الشركة والدفع عن طريقها ، اولا لانها تتعامل بخصوصية مع بياناتك الشخصية وبيانات بطاقتك الإئتمانية وثانية لأنها طريقة آمنة .

[قرنقووش]

اساسا مجرد ماتسمع بحوالة وستيرن يونيون اغسل ايدك اذا ماكان واحد ثقه
حراميه وناس مغفلين عندنا الله يخارجنا

[رذاذ]

دفع بلاء عنك وعن عيالك انشالله
قول آمين

[S A A D]

قطر ليفينغ مب موقع تجاري معتمد

يعني انا اقدر اسجل فيه واعرض اللي عندي واضحك عالعالم بدون حسيب ولا رقيب

المواقع المعروفه مثل امازون واي بي الواحد يمكن يشتري منها بس موقع مثل هالموقع !!!

[لاجئ عاطفي]

والله المشكله في الناس اللي اتصدق مثل هالعروض الغير موثوقه والا هل يعقل ان الواحد يشتري جهازين ايباد ويحصل على اخر مجانا؟؟؟ يعني بعض الامور تؤخذ بالعقل فياريت نحرص على تشغيل عقولنا قبل مانقدم على اي خطوه غير مضمونه

[solyamalenki]

الله يعوضك خير يا خوي واصلا السالفة واضحة من البداية خذ اثنين والثالث مجانا اشكره نصب عيني عينك وحلو انك استفدت درس وانصحكم يا اخواني انكم تطلبون عن طريق النت من مواقع موثوقة والكل يعرفها .. واذا تبون اقولكم موقع عن طريقه تقدرون تشترون منه اغراض بدون بطايق الائتمان والفيزا وغيره سلم واستلم بضعاتك لحد بيتك والموقع قطري اسمه موقع وسيطك الالكتروني تحط رابط الصورة وبيانات الشيء اللي تبيه بعدين الجماعة يتصلون عليك تستلم بضاعتك وتسلمهم الفلوس فيس تو فيس احسن من انكم تدفعون عن طريق النت وان شاء الله اكون افدتكم بشي ..

[م. عبدالعزيز]

تعود تشتري من المواقع المضمونه مثل ال ebay & amazon

[منهم وفيهم]

جزاك الله الف خير عالدرس والنصيحه .

[البنـدري]

خذها درس .. لا تأمن المواقع العربية ابداً

أنا أثق في البريطانية وبعدها الأمريكية