سرقه هكر من الحساب الشخصي؟؟

[ام الحلوين]

السلام عليكم ورحمة الله وبركاته

ياجماعة الخير ولدي يدرس في لندن وانسحب من حسابة 20 الف ريال قطري لما راجع البنك في البدايه قالوا له انت الي ساحب وبالفعل مسحوب من حسابك 20 الف
قالهم اصلا مقدر اسحب 20 الف من البطاقه وبعد اكثر من اتصال من مدير قسم الاحتيالات بالبنك قالوا بنحول الموضوع للمدير يعني سالفه طويله

خدمة العملاء قالوا له البنك بيعوضك لان السرقه صارت عن طريق هكر لحسابك
مدير الاحتيالات ماوضح له اي شي عن التعويض

هل ياجماعة احد منكم تعرض لنفس الموقف؟؟ وهل عوضوة البنك؟؟

[عاهد بن علي]

الله يعوضكم خير

[ام الحلوين]

الله يجزاك خيرا

[السد]

بيتعوض
لكن بعد مدة
ما يقصرون عندنا البنوك

[ام الحلوين]

بيتعوض
لكن بعد مدة
ما يقصرون عندنا البنوك

شي طيب والله

شكرا لك

[عضو قديم]

أنا صارت لي نفس الحركة بس في كندا استخدمت الفيزا مرة وحدة وبعد ما رجعت الدوحة بسنتين انسحب من حساب الفيزا 6 الاف ريال على عمليتين راجعت البنك وبلغتهم باﻷي صار وتم ارجاع المبلغ في حسابي

[doha007]

وعليكم السلام

صار لنا موقف قريب مع اختلاف المبلغ

ورجّعوا المبلغ بعد 4 ايام من الضغط عليهم وبدون واسطات

حقكم بيرجع انشالله لاتحاتون , بس تواصلوا مع البنك

[Abdelrahman]

اختي البنك اللي فيه الفلوس بريطاني ولا قطري ؟
ما وضحتي

[Qa10]

صارت لي بالبطاقة الإئتمانية مالت المصرف ورجعوها لي
واصدروا بطاقة جديدة مجاناً

[ام الحلوين]

اشكركم على الرد اخواتي واخواني

البنك قطري مش بريطاني
والبنك وضح لولدي ان السرقه تمت من شركة بريطانيه محتاله

انا مش عارفه بالبدايه ليه البنك قالوا لولدي ان السحب كان منه ولما تجادل معاهم ولدي قالوا له عن طريقة هكر؟
لكن ان شاء الله يعوضونه

[CH Engineer]

ام الحلوين اتصلي على البنك وطالبيهم بحجز المبلغ اذا تحويل بنكي
ويرجعونه لحسابج
والهكر او حرامي الفلوس هم يتفاهمون معاه يقدرون يجيبون حقهم

[faisalqatar]

المفروض البنك يتحمل مثل هالمواضيع لان من مسؤولياتهم توفير الامان (سكيورتي) على حساب العميل
والبنوك عندنا ما شاء الله ما يقصرون و حتى احيانا يردون المبلغ وعقب يبدون بالتحقيق واذا اكتشفوا انج ساحبته و قاصه عليهم يردون يسحبون المبلغ مرة ثانيه .. يعني متساهلين

صارت مرة مع ابوي كانت تنخصم مبالغ من الفيزا واهو ما يدري والله اتصلوا فيه البنك وقالوا له ان في ناس قاعدين يسحبون من بطاقتك و ردوا له المبالغ كامله (هاي دليل على صدق البنوك عندنا)

ان شاء الله بيرجع له المبلغ بس راجعوهم ولا تسكتون عن الموضوع

[ام الحلوين]

اشكركم على الرد

والله ياخواني هم بنفسهم متصلين على ولدي وقالوا له انه تم الاحتيال على حسابك من قبل شركة بريطانيه من مدينه غير المدينه الي انت ساكن فيها وثاني يوم ولدي يوم اتصل على مدير الاحتياالات تم يرواغ ويقوله انت ساحب المبلغ
لكن باذن الله قال مدير البنك بيشوف الموضوع واحنا ووالله نراجعهم

اشكركم مرة ثانيه