اليــــــــوم خمــــيس!! الجو جميل وشـــــآعري .. بس ..!!

[مهرة]

السلام عليكم ورحمة الله وبركاته ..

كيفكن ياصبايا ..؟ ترى اليوم خميس فاينلي حق كل الفاملي >>> آما الشبــــآب خلووهم على صووب ..!!

من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد
علينا ومعروووف لدى الجميع بس الجديد هو اللي بقولكم اياه الحين :ــــ

بما انه اليوم الخميس واكيد فيه مناسبات كثيرة وجميلة أعرآآآآس ,, ملكـــة ,, حنـــــة ,, خطــــوبة ,,آعيـــــآد ميـــلآد ,, عقيـــقـــة ,, عــــشآ وجمعة بيت الجد والجدة ,, والي يحبه قلبكم من هالمناسبات الطيبة وجعل ربي يوفق الجميع والله لا يجيب زعل واتعم الأفرآآآآآح والليالي الملآآآآآآآآآح ..

من هذة المقدمة وهالبـــآب الي انفتح تعالو انشووف من الآلااااالم الي تتحملها المرأة في سبيل جمالها لأرضاء نفسها وزوجها والي حولها وخـــــآصة بنــــــآت جنسها لما فيه من تنافس شريف بحت والتبــــآهي بالجمـــــــآل والرشــــــآقة والقد الممشووووق ولو كـــــآنت أم عيال ..( ترى في بعضهن أجمل بكثير من بعض البنات الآنسات الي ماقد تزوجوا) ..

في يوم من الأيام قرأت مقاله ورد فيها عباره تقول:
(( المرأة تتحمل الآلام من اجل جمالها)) ..!

وطبعاً هذا غير التحمل والمشقة في ارضاء الزوج مثال بسيط ,, وغير الحالات النفسية والعاطفية والمشاعر المكبوتة لما تمر فيه المرأة في مختلف مرآحل حيـــــآتها وبكل ماتتخللة من مفــــآجــــأت تكون مثل السبونج تمتص المشــــآكل والأجواء المزعجة وتتأقلم معها بسرعة من غير ماتبين للي أمامها وحتى لو كانت مع بنااات مثلها ..

وقفت عند هذة العبارة كثير وحبيت أخوض فيها اليوم ونشوف الأبعاد والآثار لمثل هذة الظاهرة
ونبدأ بأول مثال لما تعانيه المرأة الجميلة في سبيل جمالها ..

# الكعب العالي >> هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان الوحده تلبسه وتروح مناسبه ولين رجعت وفصخته تترحم على رجولها ((تقول أسيرأطلقوا سرااحه)) تقعد تتشكى وآآآآآآآي يا ظهري وآآآآه يارجوولي ومقدر أتحرك ونفسها في طرف خشمها لحد يكلمها بعد العرس وحااااااله (( طيب وش اللي حادك يوم تلبسينه ))؟؟ أنا أقولكم ليش عشان تطلع طويله ورزه باختصااااااااار عشان تطلع حلـــــوة...!!!؟؟

#مايناااااااسب ..! >> صارت مناسبه والبنت تبي تروحها لبست وتكشخت وما لقت كعب ولا شووز (( الله يكرمكم )) يناسب الفستان وش تسوي لاااااااااااااااااااازم تلبس شي يناسب
تروح تحوس عند خواتها بنات عمها بنات الجيرآن اي شي تلقى وحده مناسبه ولا مو قياسها تقوس رجلها تطلع ضيقه وعناااااااااااااد إلا بتدخلها (( تذكرني بخوات سندريلا )) وأخيرا قدرت تحشرها برجلها وراحت المناسبه والمسكينه رجعت ورجوولها وآآآآآآرمه ومحمره ومطفشة ((طيب لييييش)) كل هذا عشان الكشخه عشان تطلع اجمل وأحلى..!

# الأكسسوآرآت >> بعض البنات تلتهب إذنهم من (( الحلق )) ذهب فضة آلماس اكسسوار مالها خص لآآآآآزم اتطقم مع اللبسة واذا طلعوا مكان لازم يلبسون حلق ولازم نفس لون اللبس ومايمدي الوحدة ترجع إلا على طول تفصخه هذا إن ما فصخته بالسياره بعدين تروح تغسل أذوونها بماي بارد وتحط كريم ومرآآآآهم وفـــآزلين والي هو وحاله كل هذا عشان تطلع حـــــلوة ..!؟؟

# العدسآآآآآآت >> العدسات الملونة ما تناسب عيون الجميع (الله لا يوريكم الجنيات الي نشوفهن بالأعرآآآآس) و بعضهم يلبسونها وعيونهم تحمر وتدمع وتوجعها بس المسكينة الحلوة مقاومه ومتحمله عشان تطلع أحلى...!!؟؟

# التسريحــآت الفنتـــك>> ولا التسريحات بالعروس ((وما أدراك مالتسريحات ))حدث ولا حرج يمكن البعض ماقد شاف درازن المشابيص المدعسه في هالتسريحات يعني لوالوحده تجيها ضربة على راسها يمكن يتخرم من البلاوي اللي تحت التسريحه وبعض التسريحات ثقيله ومليانه اكسسوار وبعضها يوجع الراس وتكوون مشدوووووودة وعيونها اتروح على جبهتها كنها جنية شآينية طيب لييييييييييش مستحملين هالعذآآب عشان تطلع رزة وحـــــلوة ..!!

# المكيـــآج >> بعضهم ما يتحملوون الظل أوالكحل لأن عيونها حساسه ويحطونه وعيونهم توجعهم وترمش طول الوقت وترجع البنت وأنواع القطرات وغسول العين ((من البلاوي اللي حطتها)) طيب ليش تحطها وعينها ما تتحمل...!!؟؟ يا خزياااااااه تبونها تروح بدون ما تحط المكياج جعل عيونها تنحول أهم شي الكشخه 10 على 10 عشان تطلع أحلى..!!؟؟

# اللبس >> بعض الحريم تبي تلبس فستان ضيييييييييييق والكرشه ماتساعد ابد تروح تلبس مشد أو كورسآآآج ولا يخفى على الجميع ما يسببه ذالك المشد من آلام.. يعني اللي يلبسونه يترحمون على حالهم حتى ما يعرفون ياخذون نفس منه ويمكن ما يتعشون حدهم الشاهي ولا قلاص الماي عالطاولة بس مافي أمل الفستان ينشق كل هذا عشان تطلع حــــــلوة....؟؟!
والبعض نفس الشي تنانيرهم ضيقه مرررة السحاب شوي و بينقطع حتى خيوط الخياطة من حوله بدى يرتخي !! (خخخخخ ) تلقاهم اذا جو يتعشون فكو السحاب عشان تدخل اللقمه ياحراااااااااااام ليييييييييييش انزين .. عشان تطلع أكشخ وأحلى..!!؟

# وفيه الكثير من ابداعاتهن وتحملهن لجميع أنوااااااع العذااااب .. والي عندها زوود تتفضل وتعطينا من خبرآتها عشان نوري هالرجاجيل واشكثر نتحمل ونواجه بلآآآآآآوي بس اذا طرينا الويكند وبدآيةً من يوم الخميس ..

هـــــاه تقدروون اتسوون الي نسوية وتتحملوون ربع الي نعيشة ..!؟؟

ويا حلاته ثوب وسيع وغترة وعقال وامشي دآآآآآيركت على صحن المفطح وكل وانت مرتااااح ولا كنك كليت ولا سويت شي >>> شيـــت ..!!:tease: ولاااا عقب العشا يروحون كوفي ويحلووون :anger1: شفتوا يابنااات يامسيكيناااات:rolleyes2: واذا نص الشهر راحوا يشربون شاي كرك وافتر على الكرنيش ولا اللاند مــــارك .. اوووف يــــــــاه

مع خــــــآلص الود ..

[شبح الصمت]

شيت

اهم شيء المفطح طرشي لي صينيه وإلا تهونين

والحين بيبدأ المهايط

اهم شيء لاحدن تمدح في نفسها وتقولنا انا ممشوقه انا فرس انا حصان انا جمل

خلكم في كيفية أرضاء الزوج

وصباحكم خميس فله ووناسه وتملغ لين يوم التملغ :shy:

[ضوى]

ضحكتني على هالصبح يامهرة

صدقتي يامهرة بكل كلمة قلتيها بس الحمد لله من فضل ربي علي اني ماعانيت الا بمشكلة الكعب لاني ماعرف البس كعب واذا لبست صار شكلي تحفة اصير قالب ثلج ماتحرك الا بحساب اخاف اطيح ، بتقولين انزين ليش باقولج مب حلو تلبسين فلات بمناسبة شكلنا انتيكة يصير صح والا لا :)

[ضوى]

واذا جينا للصج الرجل لا يتحمل كل هذا ، زوجي مايتحمل غترته على راسه ساعيتن كاملتين يتملل ويحس بحرورة وانه مكتوم ويبطل زر الثوب الفوقي يحليهم مرفهين ومدلعين هالرجال

[R 7 A L]

واذا جينا للصج الرجل لا يتحمل كل هذا ، زوجي مايتحمل غترته على راسه ساعيتن كاملتين يتملل ويحس بحرورة وانه مكتوم ويبطل زر الثوب الفوقي يحليهم مرفهين ومدلعين هالرجال



:dance

[غايه الطواش]

هههههههههههه

صدقتي ....هاي لان نحب الزين نستحمل :)

[مهرة]

شيت

اهم شيء المفطح طرشي لي صينيه وإلا تهونين

والحين بيبدأ المهايط

اهم شيء لاحدن تمدح في نفسها وتقولنا انا ممشوقه انا فرس انا حصان انا جمل

خلكم في كيفية أرضاء الزوج

وصباحكم خميس فله ووناسه وتملغ لين يوم التملغ :shy:


ماطلبتو شي الا صحن مفطح وانطح فالك .......................................>>> http://www.alarab.net/pics/1/Chicken-240307_a.jpg

هاه يكفيكم ؟؟ ترى حق شخص واحد فقط ؟؟:tease::tease:

وفيه أحلى من تملغ يوم الخميس هـــــــــــــــــــآف آنــــــــــــــــآيس ويكـــــــــــــــــــــــــــند:nice:

[مهرة]

ضحكتني على هالصبح يامهرة

صدقتي يامهرة بكل كلمة قلتيها بس الحمد لله من فضل ربي علي اني ماعانيت الا بمشكلة الكعب لاني ماعرف البس كعب واذا لبست صار شكلي تحفة اصير قالب ثلج ماتحرك الا بحساب اخاف اطيح ، بتقولين انزين ليش باقولج مب حلو تلبسين فلات بمناسبة شكلنا انتيكة يصير صح والا لا :)


وجعل هالضحكة دوووم حبيبتي اضحكي بناخذ منهم شي ولا منها ..!! فديتج بس قالب الثلج يازينه وقار وهيبة ماعليج من الحساااااااد.. بس هاه لا تكثرين من لبس الفلات مب زين وبالمناسبات البسي هالكعب عن خاطرج وتحملي كلها كم ساعة ..:shy:

اما الرجاجيل خليهم على صووب بعد مب متحملين هالثوب وهالغترة ... الصبر من عندك يارب

هــــــــــــــــــــآف آنــــــــــــــــــــــــــايس ويكنـــــــــــــــــــــــــــد ..

[مهرة]

:dance


ويش لووون الكفروووول الي لابسه هالحين ..!!!!:tease:

[مهرة]

هههههههههههه

صدقتي ....هاي لان نحب الزين نستحمل :)


والي يريد الحلو يصبر على مـــــرة .. صح حبيبتي .. ايه صح:victory:

جعل هالضحكة ماتفارق محيااااج .. :)


هـــــــــــــــــــــــــــــــآف آنــــــــــــــــــــــــــــايس ويكنــــــــــــــــــــد ..

[بوخالد2]

ههههههههه

صباح الورد عليكم

[sweet qatar]

ضحكت أول ما قريت الموضوع عقب تكدرت..

ذكرتيني اليوم عندي مناسبة ..

و منهم بنات شفتهم في اكثر من مناسبة قريبة..

يعني لازم لبس جديد وطقم جديد واكسسوارات جديدة.. و لفة على المجمعات عقب الدوام :weeping:


ثانكس اني واي .. ويعطيج العافية..

[am-tmim]

صباحج الخير مهرة ..

صدقتي والله ماشاء الله عليهم الشباب الثوب والغترة وساعات يقطون الغتره يدورون بالثوب ..

الله يرحمنا برحمته ولا سالفة الكعب مسببه لي ازمه بكل مناسبة ماحب البسه بس الشكل يطلع غلط بالفلات ,,,

اسعد الله يومك يالغلآ

[مهرة]

ههههههههه

صباح الورد عليكم


هلآ ومسهلآ .. صباح النور .. شكراَ لمروركم ..:)

[مهرة]

ضحكت أول ما قريت الموضوع عقب تكدرت..

ذكرتيني اليوم عندي مناسبة ..

و منهم بنات شفتهم في اكثر من مناسبة قريبة..

يعني لازم لبس جديد وطقم جديد واكسسوارات جديدة.. و لفة على المجمعات عقب الدوام :weeping:


ثانكس اني واي .. ويعطيج العافية..


هلا بحبوبة قطر .. ويش رآآآآيج بالموضوع عآآآآد تذكرينا بالعرس هاه وبشويش يا كل الغلا ..:shy: والله الله بذاك الكعب العالي الي يخليج تطالعين من فوق من طرف عينج بس .. الله يعين الجميع حبوبة أدري بعوار الراس والمشآآآآآوير كله بس عشـــآن الطلة البهية ونطقم بعد شبنسوي:rolleyes2:

الله يسلمج ويعافيج .. وان شاءالله تستانسن بكل المناسبات السعيدة ..:) وهــــآف آنـــــايس ويكنــــد

[مهرة]

صباحج الخير مهرة ..

صدقتي والله ماشاء الله عليهم الشباب الثوب والغترة وساعات يقطون الغتره يدورون بالثوب ..

الله يرحمنا برحمته ولا سالفة الكعب مسببه لي ازمه بكل مناسبة ماحب البسه بس الشكل يطلع غلط بالفلات ,,,

اسعد الله يومك يالغلآ


آرررررررحــــبو بالغالية ام تميم :nice: زينتي صفحتي والله بمرورج الكريم وردج الجميل وخليج على الكعب بس سويعــــآت هاه تحملي كله في سبيل جمالنا الراقي يالغلا ..

ربي يسعدك وهـــــــــــآف آنــــــــــــــايس ويكنــــــــــــــــد ..:)

[ريتويت]

كبدايه يعطيج اختي مهرة الف عافيه عالطرح المميز .. للتذكير فقط : هالوقت وبالذات الصيف وبحراره الجو يجب علينا الا القول ( اللهم أجرنا من حر جهنم ) امين يارب .. ثانيا : مع الوقت يتغير كل شي والامهات يبون الستر لبانتهن مب نفس قبل .. الحين اسمع ان الامهات يشجعن وينصحن بناتهن بعمليات التجميل والعياذ بالله حتى يعجلن من زواجهن ... يعني الموضوع صار يتطور وصار خطير اكثر واكثر من المكياج والكعوب وووو ... الخ ... والهدف واحد الا وهو ( زواج البنت ) هل بعتقادك ان البنت تدفع المبالغ الطائله فقط لانها قريبه العروس او المعرس لا والله صارو حتى البنات يروحون يسوون شعر ومكياج بالصالونات وتدفع مبلغ وقدره وتروح العرس وهي اصلا ماتدري هذا عرس من المهم انها تروح وتحضر وترقص وتسلم على الحريم وتعرف باسمها وباسم قبيلتها عشان هدف الزواج لاغير.. وهذا واقع هذا الي يصير الحين ... خلج من الاعراس .. الي خلاني استغرب وانصدم اكثر حضور البنات اعياد ميلاد عيال بالمدارس ولا عيال صغار .. وش الي يخلي بنت كبيره تشتغل وماقاصرها شي تروح عيد ميلاد فمكان حتى لو فمطعم مكادونالدز وتلقينها كاشخه تقولين عرس ولاحفله خطوبه وتروح وتتاخر برا لين فالليل !!! عسى ماشر!!! وتجين ثاني يوم تسالينها وش عندج يافلانه علامج متاخره على دوامج .. تجاوب وعلامات النوم والتعب والارهاق على وجهها ترد ببرود اعصاب ( كان عندنا عيد ميلاد ولد ام فلانه الصغير من الجاليات العربيه فالمطعم الفلاني ) هاااااااااااااا!!!! نعم!!! وش قلتي؟؟؟؟ لاحول ولاقوه الا بالله.. عكس ذلك لو تقولين لها في محاضره دينيه عن موضوع كذا للشيخ كذا تطلع لج مليون عذر وعذر لا ماعندنا سايق ولا السايق شرد ولا السايق مشغول ووووو ....
الشي الثالث والي يقهرني من قلب : كشخه العزاء ( والعياذ بالله ) الحين ياجماعه الخير يقولون في عزا فالبيت الفلاني ...والتجهيزات بسيطه جدا ( عبايه عاديه غير ملفته سوده واصلا ليش المكياج مالا داعي صح ولا غلطانه لان في العزاء ام منكوبه وحزينه واهل زعلانين على ولدهم او بنتهم؟؟؟) الي يصدمني ويزيد حزني تجيك وحده مع امها .. البنت مكياج كامل ( يقال انه يتم بالصالون ويسمى بمكياج العزاء + عطر قوي + عبايه حدث ولا حرج + كعب 15سم ) السؤال هو : كيف سمحت الام بخروج ابنتها على هذي الهيئه للعزاء؟؟ اذا العزاء بهذا الشكل مابالكم حفلات الاعراس ..الخ؟؟

اسال الله لي ولكم حسن الخاتمه...

[شبح الصمت]

يا زينا الشباب


صروال + فانيله

ثوب + غتره وعقال

وريحة عطر توم فورد واشوية عوده

وسلام عليكم


مادري اش حادكم يالبنات هالكثر

هههههههههههههههههههاي

هههههههههههههاي

:tease:

هههههههههاي

[روح الاطلس]

يعني لازم كعب وعدسات وميك اب وتسريحة !!

اشفيه لو راحت بتريننغ سوت وجزمة رياضة:shy: مافي اهم من الصحة بلا كعب يكسر الظهر بلا عدسات تلهب العين بلا ميك اب يعفس البشرة :nice:

[رذاذ]

:eek5:
يعني لازم كعب وعدسات وميك اب وتسريحة !!

اشفيه لو راحت بتريننغ سوت وجزمة رياضة:shy: مافي اهم من الصحة بلا كعب يكسر الظهر بلا عدسات تلهب العين بلا ميك اب يعفس البشرة :nice:

اوووف ولا اننتقع جدام الصالون تنزلهم ساعة اربع ما يطلعون الا الساعة 8:30
وفوق هذا تدفع 1200 للصالون .. لا والولد حاطته عندي

بس يوم يطلعون من الصالون :rolleyes2: اضيع علومك ما تعرف منو الى وياااك وتم ناااطر الين ما يخلص العرس والخطوبه لجل تمليء عيونك من الجمااال :eek5:

وف الاخر تعبانه باخذ شاور وبنااام :anger1:


ومع السلامه ...

بلا ويكند بلا خرابيط

[sweet qatar]

هلا بحبوبة قطر .. ويش رآآآآيج بالموضوع عآآآآد


بعد فيها راي .. موضوعج على العووووق.. هيييه الي ذكرتيه غيض من فيض..





سكر نبات...

الكلام الي قلتيه مرررررعب.. يالله الستر..

ماقدر استوعب الأم تفرض شي حرام على بنتها بس عشان تتزوج..!!

بس اختي الله يهداج مب كل وحدة تتعدل في صالون وتكشخ معناها تدور معرس..

انا و وايد بنات حولي نحجز ميك اب وشعر حق المناسبات الي ننعزم عليها لأنها أسهل وتوفر الوقت..

الي صج صج يقهررر مكياج العزاء.. والي ودج تصبين عليها ماي الي تكون من اهل العزاء ومتمكيجة..

الحمدلله والشكر لهالدرجة مافي احساس..




بلا ويكند بلا خرابيط

هههههههههههههههههههههههههههه
هههههههههههههههههههههههههههه

مسكين عورت قلبي..

[مهرة]

كبدايه يعطيج اختي مهرة الف عافيه عالطرح المميز .. للتذكير فقط : هالوقت وبالذات الصيف وبحراره الجو يجب علينا الا القول ( اللهم أجرنا من حر جهنم ) امين يارب .. ثانيا : مع الوقت يتغير كل شي والامهات يبون الستر لبانتهن مب نفس قبل .. الحين اسمع ان الامهات يشجعن وينصحن بناتهن بعمليات التجميل والعياذ بالله حتى يعجلن من زواجهن ... يعني الموضوع صار يتطور وصار خطير اكثر واكثر من المكياج والكعوب وووو ... الخ ... والهدف واحد الا وهو ( زواج البنت ) هل بعتقادك ان البنت تدفع المبالغ الطائله فقط لانها قريبه العروس او المعرس لا والله صارو حتى البنات يروحون يسوون شعر ومكياج بالصالونات وتدفع مبلغ وقدره وتروح العرس وهي اصلا ماتدري هذا عرس من المهم انها تروح وتحضر وترقص وتسلم على الحريم وتعرف باسمها وباسم قبيلتها عشان هدف الزواج لاغير.. وهذا واقع هذا الي يصير الحين ... خلج من الاعراس .. الي خلاني استغرب وانصدم اكثر حضور البنات اعياد ميلاد عيال بالمدارس ولا عيال صغار .. وش الي يخلي بنت كبيره تشتغل وماقاصرها شي تروح عيد ميلاد فمكان حتى لو فمطعم مكادونالدز وتلقينها كاشخه تقولين عرس ولاحفله خطوبه وتروح وتتاخر برا لين فالليل !!! عسى ماشر!!! وتجين ثاني يوم تسالينها وش عندج يافلانه علامج متاخره على دوامج .. تجاوب وعلامات النوم والتعب والارهاق على وجهها ترد ببرود اعصاب ( كان عندنا عيد ميلاد ولد ام فلانه الصغير من الجاليات العربيه فالمطعم الفلاني ) هاااااااااااااا!!!! نعم!!! وش قلتي؟؟؟؟ لاحول ولاقوه الا بالله.. عكس ذلك لو تقولين لها في محاضره دينيه عن موضوع كذا للشيخ كذا تطلع لج مليون عذر وعذر لا ماعندنا سايق ولا السايق شرد ولا السايق مشغول ووووو ....
الشي الثالث والي يقهرني من قلب : كشخه العزاء ( والعياذ بالله ) الحين ياجماعه الخير يقولون في عزا فالبيت الفلاني ...والتجهيزات بسيطه جدا ( عبايه عاديه غير ملفته سوده واصلا ليش المكياج مالا داعي صح ولا غلطانه لان في العزاء ام منكوبه وحزينه واهل زعلانين على ولدهم او بنتهم؟؟؟) الي يصدمني ويزيد حزني تجيك وحده مع امها .. البنت مكياج كامل ( يقال انه يتم بالصالون ويسمى بمكياج العزاء + عطر قوي + عبايه حدث ولا حرج + كعب 15سم ) السؤال هو : كيف سمحت الام بخروج ابنتها على هذي الهيئه للعزاء؟؟ اذا العزاء بهذا الشكل مابالكم حفلات الاعراس ..الخ؟؟

اسال الله لي ولكم حسن الخاتمه...



توه مانور المنتدى بكبره والله:nice: .. اخبارج يالغالية سكر وعلووومج وينج ماتبينين؟؟ المهم يالحلوة ردج واااايد قوي وأعتقد يبيلة ملف بروحه وينطرح له بموضوع برووحه عشان نتعمق فيه اكثر ونخوضه مع الخائضييين ومن الخبرااااات الي تارسه المنتدى ..!:rolleyes2: المهم حبيبتي خلينا مستانسين الحين وحيآآآآآآج عندي وفاآآآآآلج طيب ياحبيبة ..

هذآآآني جايتج وبسويلج شآي أخضر بالنعناع اتريحين مخج وبالج:):)
وهــــــــــآف آنــــــــــــــــــآيس ويكنــــــــــــــــد ..:nice:

[شبح الصمت]

بعد فيها راي .. موضوعج على العووووق.. هيييه الي ذكرتيه غيض من فيض..

بصراحة شعور رائع لما تدخلين المكان وانتي مرتاحة من كشختج ولبسج..

وتشوفين نظرات الناس كلها تحول صوبج.. وخصوصا الي تطالعج من طرف عينها يعني انها ما تشوفج..

~.. تلفت الناس لامريت ~ اتكسر ارقاب خلق الله..~

شعور حلو بس الأحلى لما تسمعين المدح والغزل وانتي ماخذه راحتج (بالعربي مبهدلة :shy: )..



سكر نبات...

الكلام الي قلتيه مرررررعب.. يالله الستر..

ماقدر استوعب الأم تفرض شي حرام على بنتها بس عشان تتزوج..!!

بس اختي الله يهداج مب كل وحدة تتعدل في صالون وتكشخ معناها تدور معرس..

انا و وايد بنات حولي نحجز ميك اب وشعر حق المناسبات الي ننعزم عليها لأنها أسهل وتوفر الوقت..

الي صج صج يقهررر مكياج العزاء.. والي ودج تصبين عليها ماي الي تكون من اهل العزاء ومتمكيجة..

الحمدلله والشكر لهالدرجة مافي احساس..



هههههههههههههههههههههههههههه
هههههههههههههههههههههههههههه

مسكين عورت قلبي..




أهم شيء فالموضوع أنه رقابهم تكسر

يا حرررررررررررررررام

سجلوا لها هدف

:app:

[sweet qatar]

أهم شيء فالموضوع أنه رقابهم تكسر

يا حرررررررررررررررام

سجلوا لها هدف

:app:


http://www.shooq4.com/vb/images/bb/19.png

اففففف انا تكلمت بشكل عام..
لاتحسسني اني قلت شي خاص ولا غلط..

[مهرة]

يا زينا الشباب


صروال + فانيله

ثوب + غتره وعقال

وريحة عطر توم فورد واشوية عوده

وسلام عليكم


مادري اش حادكم يالبنات هالكثر

هههههههههههههههههههاي

هههههههههههههاي

:tease:

هههههههههاي



يلا اضحكووو اشوي عـــــــــــــــآدي عشانه خميس ومروقييين عطينآكم فرصة ..

قول آمــــــــــــــــــين جعل ثيـــآبكم اتضيق من كثر هالمفطحـــآت والعيوووش وكريشكم اتطيح عشــــآن ام العيال تستــــآنس وتــــأمن وتريح بـــــآلها من ناحية الثانية :thumbup1:

خخخخخخخخخخخخخخ ..!!

[شبح الصمت]

http://www.shooq4.com/vb/images/bb/19.png

اففففف انا تكلمت بشكل عام..
لاتحسسني اني قلت شي خاص ولا غلط..

:stop:

[شبح الصمت]

يلا اضحكووو اشوي عـــــــــــــــآدي عشانه خميس ومروقييين عطينآكم فرصة ..

قول آمــــــــــــــــــين جعل ثيـــآبكم اتضيق من كثر هالمفطحـــآت والعيوووش وكريشكم اتطيح عشــــآن ام العيال تستــــآنس وتــــأمن وتريح بـــــآلها من ناحية الثانية :thumbup1:

خخخخخخخخخخخخخخ ..!!




مروقين عالآخر لا تحاتين

:ok:

[رذاذ]

:victory:

[FONT="Times New Roman"][COLOR="Magenta"][SIZE="4"]هههههههههههههههههههههههههههه
هههههههههههههههههههههههههههه

مسكين عورت قلبي..

:victory:بشل شلايلي وبروح شماااال بقعد مع الغزول والصيد الين الجمعة الصبح برجع واتفطر بسوق واقف ويا الاهل والويكند خالص .. :victory:
:nice:

يمدحون الصافي حبووول ^_^

[مهرة]

يعني لازم كعب وعدسات وميك اب وتسريحة !!

اشفيه لو راحت بتريننغ سوت وجزمة رياضة:shy: مافي اهم من الصحة بلا كعب يكسر الظهر بلا عدسات تلهب العين بلا ميك اب يعفس البشرة :nice:


والله ياريت قسم بالله اريح واحسن بس بعد بنكشخ بالماركات الرياضية وبكل اكسسواراتها يعني بنطقم :victory: والله ثيم حلو حق عيد ميلاد ولا بنسويها حق حفلة النجاااح حق خواتي اتصدقين توج ولعتي شمعة لمبة برآسي والله حلوة الفكرة بشتغل عليها ..

ولا تنسين غرشة الماي معاج بدااااال الغازيات صح .. هــــــــــــــآف آنــــــــــايس ويكنـــــــــد:nice:

[× الجــوري ×]

انه استاندر بمعنى الكلمه :victory:

[مهرة]

:eek5:

اوووف ولا اننتقع جدام الصالون تنزلهم ساعة اربع ما يطلعون الا الساعة 8:30
وفوق هذا تدفع 1200 للصالون .. لا والولد حاطته عندي

بس يوم يطلعون من الصالون :rolleyes2: اضيع علومك ما تعرف منو الى وياااك وتم ناااطر الين ما يخلص العرس والخطوبه لجل تمليء عيونك من الجمااال :eek5:

وف الاخر تعبانه باخذ شاور وبنااام :anger1:


ومع السلامه ...

بلا ويكند بلا خرابيط


هههههههههه هههههههههههه هههههههههههه والله ذكرتووونا بــــ ...!! بعد شنسوي كلهم كم صآلون الي يعرفوون يضبطوون لهم كم تسريحة بعد مو كل شي يعرفووونه وعالموضة وزحمة كل بنـــآت الدوحة بصالون واحد ياه ..وأتمنى الأخوآن يشوفون حالة أخونا رذاذ ويتعلمووون منه ويشفيها يعني مودين الأهل ذاك الصآلون تآخذووون لكم آجر لصبرتوا لكم اشوي ليش احنا كل يوم ولا كل ويكند عرس ولا خطوووبة لاااا .. وحنا واعليا علينا متحملينكم ومتحملين العيآآآآآل وغثى كل شي فوق روووسنا بش عشـــــآنكم والحمدلله كل شي مآشي وعلى أحسن حــــآل:victory:

خذو ام العيال اليوم الصآلون اذا بخآآآآطركم مو لآزم منـــــآسبة بس تغيير جو وصج بيكووون نـــــــــــــــــــآيس ويكــــــــــــــــــــند ..:nice:

[sweet qatar]

:victory:

:victory:بشل شلايلي وبروح شماااال بقعد مع الغزول والصيد الين الجمعة الصبح برجع واتفطر بسوق واقف ويا الاهل والويكند خالص .. :victory:
:nice:

يمدحون الصافي حبووول ^_^

لا ما يصيررر... ومن بيمسك الولــــد.. http://www.shooq4.com/vb/images/bb/7.png


مهرة حبيبتي.. نسيت أتمنى لج ويكند حلووو وفلـــه مثلج.. http://www.shooq4.com/vb/images/bb/34.png

[مهرة]

انه استاندر بمعنى الكلمه :victory:


وحطي لج هالجوريـــــــــــــة على رآسج وبتطلعين بأحلى طلة .. فيه آحلى من البســــآطة والنعــــــومة ..

هـــــــــــــــــآف آنــــــــــــآيس ويكـــــــــــــــــند حبوبة ..:)

[الزلزال]

الحريم طبعهم يحبون يتعدلون اذا كان حق الزوج ولا من غير زوج
ماتخيل وحده لابسه مشد وكعب
احس مصارينها بتطلع من خشمها
هههههههه

[intesar]

هالمواضيع.. متابعة..

[ريتويت]

الحريم طبعهم يحبون يتعدلون اذا كان حق الزوج ولا من غير زوج
ماتخيل وحده لابسه مشد وكعب
احس مصارينها بتطلع من خشمها
هههههههه

كله عشان الكرشه تاخذ موقعها الطبيعي

[رذاذ]

نشوكم ع العشا انشالله

اهداءءء ل شبح الصمت
http://n4hr.org/up/uploads/n4hr_13033034345.jpg

مفطح مندي

[مهرة]

الحريم طبعهم يحبون يتعدلون اذا كان حق الزوج ولا من غير زوج
ماتخيل وحده لابسه مشد وكعب
احس مصارينها بتطلع من خشمها
هههههههه



ها ها ها هـــــــا >> تشبيــــــه بـــــليغ جداً لأبعد حد ممكن تتصوره تخيلت المصـــآرين اطلعت من الشــآشة:sneaky: اللـــــــــــــــــــــــــــه يسعدك ياشيــــخ ..!

جعل ربي يرزقكك بوحدة لآصقة بالمنظرة >> غير ان عيووونك اتصيح جيوووبك وبووكك بعد يصيحووون:tease::tease:

[رذاذ]

هههههههههه هههههههههههه هههههههههههه والله ذكرتووونا بــــ ...!! بعد شنسوي كلهم كم صآلون الي يعرفوون يضبطوون لهم كم تسريحة بعد مو كل شي يعرفووونه وعالموضة وزحمة كل بنـــآت الدوحة بصالون واحد ياه ..وأتمنى الأخوآن يشوفون حالة أخونا رذاذ ويتعلمووون منه ويشفيها يعني مودين الأهل ذاك الصآلون تآخذووون لكم آجر لصبرتوا لكم اشوي ليش احنا كل يوم ولا كل ويكند عرس ولا خطوووبة لاااا .. وحنا واعليا علينا متحملينكم ومتحملين العيآآآآآل وغثى كل شي فوق روووسنا بش عشـــــآنكم والحمدلله كل شي مآشي وعلى أحسن حــــآل:victory:

خذو ام العيال اليوم الصآلون اذا بخآآآآطركم مو لآزم منـــــآسبة بس تغيير جو وصج بيكووون نـــــــــــــــــــآيس ويكــــــــــــــــــــند ..:nice:

تووو للحين اعتبر معرس جديد ^_^

اكيد غيري سوااا ومل وطنش ..
خخخخخخخخخخخخخخ:nice:

[شبح الصمت]

نشوكم ع العشا انشالله

اهداءءء ل شبح الصمت
http://n4hr.org/up/uploads/n4hr_13033034345.jpg

مفطح مندي




لاه لاه لاه

الله يخليك مش ممكن يا رذاذ

اصبر خلني بس اعدل الكرشه اشوي لجل اسوي مكان للاكل

:shy:

[مهرة]

هالمواضيع.. متابعة..


هلا حبوبة تفضلي وعطينا من خبراتج فديتج.. غير عن الأكلآت العجيبة الي متعبتنا فيها ..:nice:

وان شاءالله هالويكند بيكووون نــــآيس اذا عزمتيني عالعشا:shy: فيه حلا ..!!:shy:

ويه فديتهم الي يعزمووون نفسهم ..!!:shy: خخخخخخخخخخ

[مهرة]

لاه لاه لاه

الله يخليك مش ممكن يا رذاذ

اصبر خلني بس اعدل الكرشه اشوي لجل اسوي مكان للاكل

:shy:


تونا مطرشينله ذيك الصينية يمه منكم ماتشبعووون .. واخونا في الله لا يعزم ولا شي ومسويين وكاتبين ومتعبين عمرنا ولا حتى احذفووونا بغرشة لبن يلا خلوها مآي .. حق كروووشهم مايعرفووون آحد ..:rolleyes2: مفـــــــــــــــــــــــآجيع

عازمتكن يابنااااات الليلة العشا عندي ولا اشرآيكم نروووح صوب بيت احبيبتنا ( انتصــــآر) :nice:

[شبح الصمت]

:)
تونا مطرشينله ذيك الصينية يمه منكم ماتشبعووون .. واخونا في الله لا يعزم ولا شي ومسويين وكاتبين ومتعبين عمرنا ولا حتى احذفووونا بغرشة لبن يلا خلوها مآي .. حق كروووشهم مايعرفووون آحد ..:rolleyes2: مفـــــــــــــــــــــــآجيع

عازمتكن يابنااااات الليلة العشا عندي ولا اشرآيكم نروووح صوب بيت احبيبتنا ( انتصــــآر) :nice:




ياليل حتى على الاكل حاشرين عمرهم

خلاص يبه اخذوا الصينيه

بس هااا مسوي لكم مفاجئات حذفت لكم كم حلوونه ف الاكل


هني على قلوبكم

يحدر ورد

:)

[مهرة]

مهرة حبيبتي.. نسيت أتمنى لج ويكند حلووو وفلـــه مثلج..


فديت خشتش بس انت الحلا كله ..:nice:

[رذاذ]

تونا مطرشينله ذيك الصينية يمه منكم ماتشبعووون .. واخونا في الله لا يعزم ولا شي ومسويين وكاتبين ومتعبين عمرنا ولا حتى احذفووونا بغرشة لبن يلا خلوها مآي .. حق كروووشهم مايعرفووون آحد ..:rolleyes2: مفـــــــــــــــــــــــآجيع

عازمتكن يابنااااات الليلة العشا عندي ولا اشرآيكم نروووح صوب بيت احبيبتنا ( انتصــــآر) :nice:

عازمتكن يابنااااات الليلة العشا عندي ولا اشرآيكم نروووح المعصرة صوب بيت احبيبتنا ( انتصــــآر) :nice:

سقطت سهوااا من سرعتج بالكتابة :victory::nice:

[رذاذ]

:)




ياليل حتى على الاكل حاشرين عمرهم

خلاص يبه اخذوا الصينيه

بس هااا مسوي لكم مفاجئات حذفت لكم كم حلوونه ف الاكل


هني على قلوبكم

يحدر ورد

:)

بعدد مطرش لك اللقن والمندي وتطرشة لهم ...:anger1:

اقووول رد الاكل رددددددددددد الاكل

صدقني ينسوفون ام الهرفي خخخخخخخخخخخخ


علينا بالعافية انا وانت :nice:

[شبح الصمت]

بعدد مطرش لك اللقن والمندي وتطرشة لهم ...:anger1:

اقووول رد الاكل رددددددددددد الاكل

صدقني ينسوفون ام الهرفي خخخخخخخخخخخخ


علينا بالعافية انا وانت :nice:




يا رجال اخاف نغص فيه من عيونهم

خلهم بس لا تحاتي الحلاون متربص لهم

:whistling:

[ريتويت]

:http://www.qaym.com/image/1555/6348.jpg


اهداء مني للاخت مهره ولباقي الاعضاء الغاليين ونتمنى لكم ويكند حلو

[مهرة]

يا رجال اخاف نغص فيه من عيونهم

خلهم بس لا تحاتي الحلاون متربص لهم

:whistling:


يمه منهم اشهالحقد الأسود .. عسى ان شاءالله اتطيح بحلوووجكم همشة هيل ومسمار وقرفة بعد عشان اتخلووون الصحن وبيجيه ذآك الـــــــــــــــــــــفوج .. آنعم الله علينا

[مهرة]

عازمتكن يابنااااات الليلة العشا عندي ولا اشرآيكم نروووح المعصرة صوب بيت احبيبتنا ( انتصــــآر) :nice:

سقطت سهوااا من سرعتج بالكتابة :victory::nice:


الله يرحم سياير المعصرة الصغيرة رآيحة رآده جدآم دوآماتكم حق الريوووق بس بيض وجبآتي وكيمة من الصبح .. اشهالفجعة !!:rolleyes2:

[مهرة]

سكر حبيبتي مشكورة ياقلبي جعله مدآخيل العآفيه ..

[مهرة]

هـــــآه بنـــــــآت ويش رآيكم بصنآدل كريستيآن لابوتــــوون ينفع حق الأعرآس ويا فستآن قصير ولا طويل عشان المآركة اتبيــــن ..؟ يعني ..

[findi]

يازين كشخة الأوروبيات

سمبل في كل شي

شوفو شيلبسون في مناسباتهم وشوفو الميك اب الناااعم الي يحطونه مب احنا >_<

[R 7 A L]

ويش لووون الكفروووول الي لابسه هالحين ..!!!!:tease:




هع هع هع هع


هذاك أول وذلحين انتهينا
صرنا مدراء :tease:

[ام بدر]

مسائكم عسل ،،، الخميس يوم للراحه والاستجمام اكره هالمناسبات وقت راحتي فاختصر وما روح الا حق جدتي فديتها،، مجابلها ولا مجابل خلق الله..

[غزلان]

اما البعض معذب عمره بكل وسائل التعذيب من مشد الى فستان مايناسب الجسم والا غصب تلبسه ,ومره في مناسبه وحده كل جسمها واصل لرقبتها من كثر ما المشد ضيق:secret:

الحمد لله الا عافانا مما ابتلاهم وشحادهم

وخميسكم وناسه :)

[intesar]

هلا حبوبة تفضلي وعطينا من خبراتج فديتج.. غير عن الأكلآت العجيبة الي متعبتنا فيها ..:nice:

وان شاءالله هالويكند بيكووون نــــآيس اذا عزمتيني عالعشا:shy: فيه حلا ..!!:shy:

ويه فديتهم الي يعزمووون نفسهم ..!!:shy: خخخخخخخخخخ

ويه ما طلبتي غالي.. حياج الله بس اطلبي..:nice:

[chillis]

:eek5:

اوووف ولا اننتقع جدام الصالون تنزلهم ساعة اربع ما يطلعون الا الساعة 8:30
وفوق هذا تدفع 1200 للصالون .. لا والولد حاطته عندي

بس يوم يطلعون من الصالون :rolleyes2: اضيع علومك ما تعرف منو الى وياااك وتم ناااطر الين ما يخلص العرس والخطوبه لجل تمليء عيونك من الجمااال :eek5:

وف الاخر تعبانه باخذ شاور وبنااام :anger1:


ومع السلامه ...

بلا ويكند بلا خرابيط

ههههههههههههههه قصدك الكشخه انعفست :secret:

[بو خليفه 123]

مافهمت الموضوع مشتت والهدف غير واضح

سطر يقول عزايم و ملكه و جمعة اهل و قبل نهاية السطر تقول المره تتحمل الالم و فقره تتكلم عن الاناناس و سطر عقبه يتكلم عن المكبوس


انا اقول افتحيلنا موضوع نشوف فيه طبخك عادنا ماشفنا حتى طبق بيض منك :tease:*