حد يفيدني هل زيادة الاسعار الجنوني في الاراضي منطقية ؟؟؟؟

[BoFahed]

السلام عليكم يا اخوان

ابي اعرف هل الزيادة الغير معقولة اللي صارت في الشهور الاخيرة لها اسباب ومعقولة لانه الايجارات نازلة جدا يعني ارض في المشاف او ام صلال ب 220 -240 :eek5::eek5::eek5:ريال الفوت وايجار الفلا هناك ما يوصل 10 الالاف:eek5:

هل الواحد يشتري الحين لانه الاسعار كل يوم وترتفع ولا اللي صاير مضاربة وبتهبط مثل الللي صار قبل سنتين ؟؟؟؟

انا كنت بشتري بالمشاف من شهرين كان 160 الفوت والحين ب 220 ؟؟؟؟؟؟؟

[BO SAUD]

محد لاعب ومستفيد من هالارتفاعات الجنونيه غير بعض هالدلالوه حسبي الله عليهم ونعم الوكيل الله يعجل بهلاكم يارب
بقولك سالفه وربي كنت ابغي أأجر فيلا في شهر 11 يعني قبل لايقرون انه كاس العالم بتنظمها قطر ويقولي بــ 8000 ريال قلت له برد عليك الا يقولي رد بسرعه علشان اذا فازت قطر بتنظيم كاس العالم يمكن المالك يرفع الاجار قلت له مالت عليك وعلى مالكها آسف على هالكلام لكن من القهر اقوله بيرفع من الحين وكاس العالم باقي عليها 12 سنه وليش يرفع هو اصلا بناها بسعر البنيان الحين قبل الارتفاع
خلاصة الكلام محد رافع الاسعار غيرهم ومعروفين من اي جنسيه هم الله ينتقم منهم شر انتقام ان شاءالله

[MLAAS]

اعتبر الاستثمار في الدوحه اكبر خساره :) .. اشتري فلا بمبلغ وقدره ومردودها مايوصل 6%

عماره مدخولها 150 الف في الشهر والدلال يدلل عليها ب 22 مليون

هذا مو من الدلال الي لاعب بالسعر .. هذا من الغبي الي قاعد يشتري وهو خسران بس اهم شي انه يمتلك عقار..

22 مليون اشتري عقارين في الامارات ومدخولهم 300 الف في الشهر

قيمه العقار ماتثمن الا بمدخولها الشهري

بس فالدوحه يمشون عكس الله يهديهم

فيلا اجارها 10000 في الشهر . المفروض ماتتجاوز قيمتها مليون ونص

مثل الاسهم .. كل من هب ودب دخل فيها وقام يضارب فيها .. شالسالفه مايدري ..

[محمد الجفيري]

up up

[صاحب النخبه]

أنا كلمني وسيط عقاري أعرفه وقالي لاتشتري الحين عقار السوق يخوف ماتدري بيستمر بالإرتفاع أو بيهبط