هل المرأه اهي السبب ..

[محمد2009]

السلام عليكم ورحمة الله وبركاته ..

للاسف اغلبيتنا الا من رحم ربي ميعرف اسم جاره والاسباب كثيره ممكن من اسبابها تكون انشغال كثيرنا في الدنيا فنلهوا ويمكن حتى البعض اذا مو الاغلبيه ميعرف ولد عمته كم ولد عنده ولا اهو مريض ولا صاحي
والله يعين وحتى منطلع عن الموضوع نبي نتكلم بصراحه ليش صرنا في قطر خاصه
ميكون بينا تواصل مع الجيران هل السبب الي انا ذكرته اعلاه ام الزوجه اهي السبب ماتبي تسوي علاقات مع الجيران وتحب تكون بحالها لانها خايفه على نفسها وزوجها وعيالها من الي نسمعه ان البعض من الجيران تبدر منهم للاسف امور سلبيه وعدم احترام او لانه الجار فقير ويمكن مامنه فايده فليش نسوي علاقه معاه وتكون بينا علاقات ..

والله لو اقولكم ان الي يزروون امي في المستشفى حاليا 30 الي 40 امرأه والله مافي وحده منهم تقرب لنا ولكنهم حب بينهم لان امي اخبرها متخلى داعوس متروح له حتى زوجة الامام الفقير تزورها ومخبر بيوم بيتنا متجمعوا فيه العياييز وياحليلهم فقدناهم منشوفهم الي في المستشفى عند امي فليش اهم يزورون امي هل لان امي بتعطي كل وحده فيهم برج على الكورنيش ولا بتركب لكل وحده ضروس تركيب ولا لانه امي بنت الامير الفلاني وبتفتح لكل وحده بنك بروحها او لانه امي مخلوقه غير ترى المساله كلها اخلااق ودين وتواضع بس مب عند اي احد للاسف هالامور ..


جار يموت ويمرض واحنا مندري عنه فليش ؟.

جار يسكن جنب بيتنا منروح ولا نرحب فيه فليش ؟؟

امور تحزن ويتقطع لها القلب وين الجار ووين موصانا به رسولنا وحبيبنا محمد صلى الله وعليه وسلم والله ان احد الاخوه قالي انه محد يزروه كلش في البيت فقلت له يمكن زوجتك متبي احد يزروها قالي زوجتى مخلت احد مراحت له وتعزمه ولكن انطوائين فهل السبب اهي المرأه وبدون زعل يعني اذا رضت على احد ارفعته فوووق واذا اكرهته نزلته تحت نبي مشاركات منها فايده ومن هاليوم الكل فينا يحاول انه يزور جاره وعلى الاقل يذكره بالخير ويدعو له ولان هذا موصانا به حبيبنا محمد صلى الله عليه وسلم .


قالت عائشة ـ رضي الله عنها ـ : قلت : يا رسول الله إن لي جارين، فإلى أيهما أهدى؟ قال: " إلى أقربهما منك باباً "


عن ابن عباس ـ رضي الله عنه ـ قال سمعت النبي صلى الله عليه وسلم يقول : "ليس المؤمن الذي يشبع وجاره جائع "


عن عبد الله بن عمرو ـ رضي الله عنهما ـ قال : قال رسول الله ـ صلى الله عليه
وسلم :" ... ومن كان يؤمن بالله واليوم الآخر ؛ فليكرِم جارَهُ "




نبي تفاعل ومشاركات تفيد الكـــــــــــــــــــل ..

[doha2012]

,

عزتي للمره كلنها السبب في كل شي ,


وليه مايكون الرجال هو السبه .. يمكنه مايحب احد يختلط مع اهله واعياله ولا يحب احد يسير عليه ولا ينفتح بابه .........؟


مابه الا المره يعني ..


الله يرحم الحال ..




,

[حسن]

اليوم العلمي للمراءه
موضوعك مهم ذكرتي بجيرانيه الغير ماسوف على فرقاهم

[أخت الكل]

أخوي محمد أمك من الزمن الجميل زمن البساطة وحسن النية

لكن احنا اليوم وين نلاقي وقت لجيران الصبح دوامات والعصر تدريس وحل واجبات والمغرب وقت الجلسة العائلية ومقابل شغل البيت واحتياجاته واجازة نهاية الاسبوع مقسمة بين طلعه مع الاطفال وزيارة لبيت اهل الزوج واهل الزوجة

انا اتكلم هنا عن فئة النساء فزمن امك كانت الجارة تطق باب جارتها بدون موعد وبعيد عن مظاهر التكلف

[محمد2009]

,

عزتي للمره كلنها السبب في كل شي ,


وليه مايكون الرجال هو السبه .. يمكنه مايحب احد يختلط مع اهله واعياله ولا يحب احد يسير عليه ولا ينفتح بابه .........؟


مابه الا المره يعني ..


الله يرحم الحال ..




,



انا مقلت المراه السبب ولكن قلت هل اهي ممكن تكون السبب والموضوع مطروح للمناقشه ..والحقيقه المراه بامكانها تخلى زوجها يزور جيرانه لو اهي تبي وهذا واقع لابد نؤمن فيه ولا نزعل منه فهي سبب في امور كثيره خاصه بوقتنا هذا ..

[R 7 A L]

الحين خل الواحد يواصل زيارته لاهله القريبين بعدين يتفرغ للجار

[محمد2009]

أخوي محمد أمك من الزمن الجميل زمن البساطة وحسن النية

لكن احنا اليوم وين نلاقي وقت لجيران الصبح دوامات والعصر تدريس وحل واجبات والمغرب وقت الجلسة العائلية ومقابل شغل البيت واحتياجاته واجازة نهاية الاسبوع مقسمة بين طلعه مع الاطفال وزيارة لبيت اهل الزوج واهل الزوجة

انا اتكلم هنا عن فئة النساء فزمن امك كانت الجارة تطق باب جارتها بدون موعد وبعيد عن مظاهر التكلف


اختى الكل مشغول والكل عنده ظروف وضغوطات في الحياه وهذا مايمنع ان نسال عن جارنا وعن اخباره فهذا واجب شرعي لابد الكل يقوم فيه بحسب استطاعته ..

[آنــه]

يا عزال هالمره :(

انا اشوف اكثر الاسباب اللي ما تكلم الكاتب فيها هي انشغال الناس الحين البنت تشتغل من الصبح لين 2 الظهر والام اذا ما تشتغل لاهيه في زيارة اهلها وجمعات ربعها الضحى والمواجيب وايام تلقى الام تنطر حد يجيها وما يجيها حد من الجيران فتقرر انها تروح لهم

وبعدين الرجاجيل بعد عليهم تعليق بعد في رجال ما يحبون حريمهم يختلطون بالجيران ولا بالاهل وكلامي مب من مخباي جايبته قدامي كذا حاله اللي زوجها حتى اهلا ما يخليها تزورهم الا في كل شهرين مره تقريبا :)

المسأله ما تنقط على شخص بعينه يعني لا تتحمل المرأة المسؤولية التامة ولا الرجل الكل مسؤول عن ظاهرة التنافر او عدم الاهتمام بالتواصل الاجتماعي سواء الاهل او الجيران وانا ما ابرئ الاثنين ولا ادور لهم الاعذار بالعكس مفروض الكل يسعى للتواصل .. لكن قهرني التركيز ع المرأه

[محمد2009]

الحين خل الواحد يواصل زيارته لاهله القريبين بعدين يتفرغ للجار
للاسف كلامك مب بمحله لان المفروض نجاهد نفوسنا ونحاول قد منقدر نصل الكل ولان احنا مسلمين وهذا موصنا به سيدنا وحبيبنا محمد صلى الله وعليه وسلم

[doha2012]

انا مقلت المراه السبب ولكن قلت هل اهي ممكن تكون السبب والموضوع مطروح للمناقشه ..والحقيقه المراه بامكانها تخلى زوجها يزور جيرانه لو اهي تبي وهذا واقع لابد نؤمن فيه ولا نزعل منه فهي سبب في امور كثيره خاصه بوقتنا هذا ..


,





كيف ذلك ..؟

كيف المره بامكانها تخلي زوجها يزور الجيران لو هي بغت ..؟

ووش الواقع الي لازم نؤمن فيه ولا نزعل منه ..؟




وضح النقاط والمحاور بطريقه اكثر سلاسه واكثر قابليه للنقاش ...!!



,

[محمد2009]

يا عزال هالمره :(

انا اشوف اكثر الاسباب اللي ما تكلم الكاتب فيها هي انشغال الناس الحين البنت تشتغل من الصبح لين 2 الظهر والام اذا ما تشتغل لاهيه في زيارة اهلها وجمعات ربعها الضحى والمواجيب وايام تلقى الام تنطر حد يجيها وما يجيها حد من الجيران فتقرر انها تروح لهم

وبعدين الرجاجيل بعد عليهم تعليق بعد في رجال ما يحبون حريمهم يختلطون بالجيران ولا بالاهل وكلامي مب من مخباي جايبته قدامي كذا حاله اللي زوجها حتى اهلا ما يخليها تزورهم الا في كل شهرين مره تقريبا :)

المسأله ما تنقط على شخص بعينه يعني لا تتحمل المرأة المسؤولية التامة ولا الرجل الكل مسؤول عن ظاهرة التنافر او عدم الاهتمام بالتواصل الاجتماعي سواء الاهل او الجيران وانا ما ابرئ الاثنين ولا ادور لهم الاعذار بالعكس مفروض الكل يسعى للتواصل .. لكن قهرني التركيز ع المرأه


صحيح ماقلتوه وانا مانكره وفيه للاسف رجال يمنعون زوجاتهم من زيارات اهلهم وجيرانهم لاسباب اهم يشووفونها صحيحه وهذا الامر محتاج نقاش طويل ولكن مب المراه تعتبر اكثر تاثيرا في الغالب على الرجل ؟؟

[محمد2009]

,





كيف ذلك ..؟

كيف المره بامكانها تخلي زوجها يزور الجيران لو هي بغت ..؟

ووش الواقع الي لازم نؤمن فيه ولا نزعل منه ..؟




وضح النقاط والمحاور بطريقه اكثر سلاسه واكثر قابليه للنقاش ...!!



,



مافي زوجه متاثر على زوجها وبامكانها تحثه على هالامر وانا من الي شفته في غالب الي يقربون لي انهم اهم سبب في تغير ازواجهم بامور كثيره في الحياه سواء كانت ايجابيه ام سلبيه فالمرأه مؤثره وبقوه في كل شي وماظن فيه شي يحتاج اكثر من هالتوضيح

[R 7 A L]

للاسف كلامك مب بمحله لان المفروض نجاهد نفوسنا ونحاول قد منقدر نصل الكل ولان احنا مسلمين وهذا موصنا به سيدنا وحبيبنا محمد صلى الله وعليه وسلم



اخوي محمد
انا ماجبت شي من عندي
الان الناس مثل قبل في زيارة الاهل ؟

[doha2012]

مافي زوجه متاثر على زوجها وبامكانها تحثه على هالامر وانا من الي شفته في غالب الي يقربون لي انهم اهم سبب في تغير ازواجهم بامور كثيره في الحياه سواء كانت ايجابيه ام سلبيه فالمرأه مؤثره وبقوه في كل شي وماظن فيه شي يحتاج اكثر من هالتوضيح



,


ردك يكفيني سيدي الكريم ,



,

[قطرية فله]

والله موضووعك روعه اشوي عليييه

:shy::victory:

ياليييت الناس يردون مثل قبل:weeping:

يا زين قعدت العيايز ويمعتهم و الله ويا زينهم و يا زين سوالفهم و يا زين دخلتهم البيت اللي على غفله :telephone:


بالعكس ما اتوقع فيه احد ما يحب اللمه و اليمعه

و بنفس الوقت ما نقط اللوم كله ع المره :(

يعني لو زارت جارتها بيزورها معاها ريلها مثلا !!!

ولا اذا ياووها جيرانها ريلها بيتربع من بينهم :nice:!!!

لكن الدنيا كفانا الله شرها تلهي الواااحد

من دوامات و تدريس عيال و غيرها أموور وايده


وبعد مثل ما انذكر فيه رياييل ما يحبون حريمهم يختلطون بناس وااايد

يعني من الريال احيانا و من المره احيان ثانيه

شاكره لك طرححك المميز اللي فعلا عور قلبي على واقع احنا عايشينه

[chillis]

هههه خوفي باجر اي شي يصير بالكون المراه سببه لو واحد غص بيقول مرتي السبب شبقى مهب هي السبب حسستوني انها كائن مضر بالارض

[بوسلمان 2010]

اخوي محمد تسلم على الموضوع ايام البركة راحت طال عمرك الاول حتى الغريب اتزوره وانت ماتعرفه الحين


الاخو وولد العم والقرايب يطيح في المستشفى وانت ماتردي الا من الغرب

[ضوى]

ياعوينها هالمراة ، لو يصير زلزال قالوا المراة

[محمد2009]

اخوي محمد
انا ماجبت شي من عندي
الان الناس مثل قبل في زيارة الاهل ؟

صحيح ولكن وين درونا وليش مب انا وانت والكل يحاول ويجاهد نفسه ويحث على هالشي حت نخفف القطاعه هذي ولا شرايك ؟

[محمد2009]

يا عزال هالمره :(

انا اشوف اكثر الاسباب اللي ما تكلم الكاتب فيها هي انشغال الناس الحين البنت تشتغل من الصبح لين 2 الظهر والام اذا ما تشتغل لاهيه في زيارة اهلها وجمعات ربعها الضحى والمواجيب وايام تلقى الام تنطر حد يجيها وما يجيها حد من الجيران فتقرر انها تروح لهم

وبعدين الرجاجيل بعد عليهم تعليق بعد في رجال ما يحبون حريمهم يختلطون بالجيران ولا بالاهل وكلامي مب من مخباي جايبته قدامي كذا حاله اللي زوجها حتى اهلا ما يخليها تزورهم الا في كل شهرين مره تقريبا :)

المسأله ما تنقط على شخص بعينه يعني لا تتحمل المرأة المسؤولية التامة ولا الرجل الكل مسؤول عن ظاهرة التنافر او عدم الاهتمام بالتواصل الاجتماعي سواء الاهل او الجيران وانا ما ابرئ الاثنين ولا ادور لهم الاعذار بالعكس مفروض الكل يسعى للتواصل .. لكن قهرني التركيز ع المرأه

صحيح ماقلتي ولكن تظل المراه اهي السبب الرئيسي في الغالب

[محمد2009]

والله موضووعك روعه اشوي عليييه

:shy::victory:

ياليييت الناس يردون مثل قبل:weeping:

يا زين قعدت العيايز ويمعتهم و الله ويا زينهم و يا زين سوالفهم و يا زين دخلتهم البيت اللي على غفله :telephone:


بالعكس ما اتوقع فيه احد ما يحب اللمه و اليمعه

و بنفس الوقت ما نقط اللوم كله ع المره :(

يعني لو زارت جارتها بيزورها معاها ريلها مثلا !!!

ولا اذا ياووها جيرانها ريلها بيتربع من بينهم :nice:!!!

لكن الدنيا كفانا الله شرها تلهي الواااحد

من دوامات و تدريس عيال و غيرها أموور وايده


وبعد مثل ما انذكر فيه رياييل ما يحبون حريمهم يختلطون بناس وااايد

يعني من الريال احيانا و من المره احيان ثانيه

شاكره لك طرححك المميز اللي فعلا عور قلبي على واقع احنا عايشينه


نوورتي اختى وللاسف فقدنا هالامور والسبب قلة الوازع الديني وعدم تطبيقنا لديننا كما امرنا الله فللاسف صار الجار ماله اي قيمه ولا احد يعرف باهميته الا من رحم ربي