محتار في الدفان!!!

[B7r_QTR]

السلام عليكم ورحمة الله وبركاته

كيف الحال ياجماعة الخير

قدني بوقع العقد ومذكور فيه بخصوص الدفان ,, انه الدفان نفسه والباقي بودر
وجاتني نصايح كثيرة من الربع انا الدفان كامل افضل يكون بودر

وشهو الفرق بينهم؟؟

عطوني رايكم ولاعليكم امر

[looorans1999]

وعليكم السلام
يل غالي وضح اكثر على شان انفيدك موظوعك مش مفهوم وغامض

[B7r_QTR]

ان شاء الله بوضح أكثر

وقت الدفان البودر أفضل ولالا؟

[معماري قطري]

البودرة هي فائض كسارات وتعتبر دفان غير نقي ورخيص، وإذا من الموقع ومنخول ومصفى من الحجارة الكبيرة بيكون وايد أفضل، ولازم يندك زين ويتعالج ضد الأرضة

وبالتوفيق لك

[ولد المنصور]

والله انا اشوف البودره ممتازه بس تاكد وشوفها ... مره طلبت بودره من واحد جابها لي اتقول فودر خفيفه كلش هذا ماتنفع ... وبعد ماسالت طحت على واحد وجابلي بودره ممتازه وجامده بس اهم شي دكها دك وصب ماي عليها واايد

[Bozizoo]

تقدر تحط دفان مغربل ممتاز
طبعا البودره افضل بس مؤ معناة المغربل ماينفع
اما عن ناتج الحفر مالك ممكن يحطه لك بس اذا كان مافيه صخور كبيره
بس من الافضل عشان تبعد نفسك عن الشك خله يجيب لك دفان مغربل
اذا تبي اي استفسارات ولا يهمك اخوي

[B7r_QTR]

السلام عليكم

جزاكم الله خير يا اخون
الظاهر الآراء مختلفة
اول مرة اسمع عن المغربل

المقاول قالي البودر بيطلع علي زيادة20000 ريال على قيمة العقد

شرايكم اخليه بودر كامل؟؟ ولا الدفان عن ناتج الحفر واذا احتاج دفان زيادة اضيف عليه البودر؟

والسموحة على الإزعاج

[khaldoon]

اخوي احسن دفان هو دفان الارض نفسها الاصلي بس انك تشيل منه الاحجار الكبيره اللي بزيد طولها او عرضها عن 75ملم....لانه اكبر من هذا الحجم يدخل في تصنيف الصخور و ليس الاحجار حسب المواصفات القطرية

ممكن يكون في الدفان هذه الصخور بطول 200ملم بس بشرط باتجاه واحد...يعني تكون مثل الشريحة

الرمل المغسول غالي جدا جدا وما احد يدفن فيه بس يستخدم في كل اعمال البناء من طابوق و خرسانات وبلاستر و تبليط

الرمل المغسول او washed sand
هو الرمل الذي مر بعمليه غسيل وتخلص بذلك من الطمي والاملاح ويتم ذلك بوضع الرمل بغساله (حوض كبير به ماء) و به ذراع كبير تدور ثم يترك ليترسب الطمي على الوجه ويزال
ثم يضاف عليه الشبه للتخلص من الاملاح التي لم تذوب بالماء

الرمل الناعم مال الطعوس و اللي انت سميته رمل بلاستر يستخدم في دفن البايبات و لا يجوز استخدامه للبلاستر و يستخدمونه المقاولين الصغار في البلاستر لانه رخيص مقارنة بالرمل المغسول...تأكد تماما انه كل المشاريع الكبيره ما تستخدم الا رمل مغسول و الا بيكونوا يغشون بالخلطه

تقدر تستخدمه في دفان غرف البيت بحيث انك بس تغمره بالماء تماما و هذا هو اسلوب دمكه بس انا ما انصحك الا لو كانت غرف صغيره جدا جدا و ما عليها الاوزان الكبيره

الرمل البودره بس ترش عليه ماي و تدكه بيصير مثل الحجر و صلب جدا جدا

بس يوم ما يصيده ماي بالمستقبل تحت اي سبب مثل تضرب ماسوره و الا اي شي....بينتفخ و البلاط بيقب لفوق ...ما نقبل ندفن فيه كاشراف

:nice:

http://qatarshares.com/vb/showthread.php?t=508222

[Bozizoo]

شوف الخاص اخوي

[خالد32]

تبي دفان حق اساسات البيت او تبليط الارضيات او للحوش او للحمامات؟

[كبير المتداولين]

:nice:

http://qatarshares.com/vb/showthread.php?t=508222

:nice: