ابي ارائكم الله يجزاكم خير

[مضارب دوسري]

السلام عليكم

انا ولله الحمد خلص المقاول عندي الدور الاول
باقي البلاستر اللي تقريبا يبيله مع باقي الترتيبات شهر تقريبا

اول شي التشطيبات كم تاخذ لها تقريبا اذا بخلصها بنفسي تقريبا كم تاخذ ؟

ثاني شي البورسلان الاسباني او الايطالي كم اسعارهم فالدوحه وهل ممكن القاهم باسعار حدود ال 60 او 70 ريال للمتر فالدوحه( لاني اوردي لقيتهم بهالاسعار فالسعوديه)
اذا ممكن القاهم بهالاسعار ياليت تعطوني اسماء المحلات اللي تعرفونها بضاعتها جيده واسعارها حلوه ؟
والله يجزاكم خير مقدما

[Chambray]

التشطيب وما ادراك ما التشطيب

انا صار لي سنه لحين مع التشطيب
الله يعينك
صج معاناه ورفعه ضغط
هذا اذا تبي شغلك يكون ممتاز

لان العمال للاسف ماعندهم ذمه وضمير ووقت السكن نتفاجئ بامور كثيرة

لذلك يجب الحذر منهم ومتابعتهم خطوه بخطوه

وبالتوفيق

[معماري قطري]

نصيحة لكل مقدم على البناء إنه يسوي عقد متكامل من رسومات دقيقة .. وحتى تفاصيل التشطيب يقررها قبل، ويسوي حساب كميات مفصل ، ويركز على إن يبني البيت كامل تحت إشراف هندسي جيد ولا يستسهل الأُمور، وحساب الكميات يكون مرجع لأي تغيير أو للإضافة والإلغاء، ويكون كذلك تترتب الدفعات على أساسه، ويشتغل المقاول براحته عارف كم بيستلم لين خلص مرحلة والمالك كذلك براحته عارف كم بيدفع وشيتوجب عليه يشتري من مواد ملغية من العقد ومحمله على المالك شراء وعلى المقاول تركيب، وبهذا الشكل بيضمن تسعير متوازي من الكل، وبيضمن أداء جيد وبيضمن ربط كامل للمقاول في المشروع لين يخلص.
ليش سووا رسومات وماصفات وشروط وحساب كميات؟ قبل خط بالعصا على الأرض والأُمور سهالات، مع إن بعض المشاريع تنبني للحين بهالطريقة عندنا، وينفتح الصندوق ويقولون للمقاول خذ اللي تبي وخلصنا، وأي شيء مثل التكييف مثلاً ممكن تتفق على أساس تسويه مع مقاول آخر لكن لازم يتوضح دور المقاول الرئيسي بتفصيل في المواصفات وحساب الكميات، مع ذكر إن المقاول مسؤول عن الموقع وأي مواد يستلمها من المالك وإن المقاول ملزم بنقل المواد من المورد، وأُمور كثيرة أُخرى تحتاج ترتيب بعناية من مكتب استشاري متخصص في العقود والتفاصيل، ولا يكون كل شيء مبهم للمالك وللمقاول، وبعدين أمر مهم لغة الهندسة هي اللغة الإنجليزية وتدرس بالانجليزية في كل مكان، إذا عندنا مصطلحات عربية إحنا ما نفهمها شلون نطلب من كل مقاول أو مدقق قانوني يترجمها؟ وإذا انضبطت هالأُمور كل شيء بيمشي بسلاسة وبيخلص البنيان على أكمل وجه.
ولا ننسى شيء مهم المواد اللي يشتريها المالك ممكن يتحكم أكثر في سعرها ويشتريها من أماكن غير وبلدان غير، وممكن يدفع ثمن سلعة على دفعات لحد يجي وقت تركيبها، وبالتوفيق لكل إنسان يبني ولكل إنسان يشتغل في هالمهنة بذمة وضمير.

[حسن]

الله يعينك يالدوسري عندك كافود عنده بورسلان وسيراميك حلو جرب وشوف
بالتوفيق ان شاءالله

[آنا غيــر]

بورسلان اسباني او ايطالي ماتوقع تلقاه بهالسعر في قطر

كله من ١٢٠ وطالع بعد الخصم

الصيني بتحصله في الحدود اللي ذكرتها

في بورسلان ايطالي امس شفته عند كافود وايد حلو بس متره حول ال ٣٠٠ وشوي :)

[مضارب دوسري]

امس كلمت شركه اسمها بورتو تايب في سوق بروه قالولي متوفر بورسلان اسباني عندهم باسعار من 60 ال 70
يعني تقريبا نفس اسعار الرياض
حد جرب من عندهم ؟

[مضارب دوسري]

الله يعينك يالدوسري عندك كافود عنده بورسلان وسيراميك حلو جرب وشوف
بالتوفيق ان شاءالله

كم اسعارهم اخوي حسن ؟

[مضارب دوسري]

التشطيب وما ادراك ما التشطيب

انا صار لي سنه لحين مع التشطيب
الله يعينك
صج معاناه ورفعه ضغط
هذا اذا تبي شغلك يكون ممتاز

لان العمال للاسف ماعندهم ذمه وضمير ووقت السكن نتفاجئ بامور كثيرة

لذلك يجب الحذر منهم ومتابعتهم خطوه بخطوه

وبالتوفيق

يعني يبيله سنه
بالنسبه لي اشوفها مده حلوه ههههه ومب طويله
بخصوص العماله الحمدلله انا مرتب تركيب البورسلان وبلاط الحمامات اكرمك الله عند شركه اخوي مجربها وشغلهم حلو ومرتب

[مضارب دوسري]

اخوي معماري قطر الله يجزيك خير على نصايحك