أب يصور ابنته أسبوعيا لمدة 12 عام

[ارين]

السلام عليكم

حبيت أطرح فيديو شاهدته من يومين .. لا أدري إذا سبق طرحه أم لا ..



الفيديو لأب يصور ابنته أسبوعيا لمدة 12 عام ..


شاهد هنا الفيديو (http://ysv.me/776281)


يمكنكم خفض صوت الموسيقى

[غزلان]

شكله اول مولوده له

متفرغ لها كل وقته

يسلموا

[بنت الاجواد]

[COLOR="Red"]ماشاء الله عليه باله طويل

ولاهنت على المقطع[/COLOR[/B][/B]]

[intesar]

حلوه الفكرة

[Red rose]

خوووش فيديو

ياحلاه البنات :shy:

يعطيج الف عافيه ع المقطع الحلو

[واقعية]

مستخدم نفس الخلفية للتصوير لمدة 12 سنة

[بو خليفه 123]

فاضي بصراحه

ماعنده شغل ؟

[sara jsm]

ياحظها والله :( مب انا ماعندي الا صورتين وانا صغيرة ,,

[نور الحور]

سويتها مع بنتي بس أصورها كل شهر مرة لمدة سنة ونص تقريبا بعدين نسيت وتكاسلت للأسف :(

[catqat]

هذي ميزة اللي اتزوج أوروبي راح يدلعها ويدلع بناتها.. والفرق واضح

[بوعلي2]

حلوه الموسيقى

[findi]

فكره رهيبه بصراحه

[ارين]

شكله اول مولوده له

متفرغ لها كل وقته

يسلموا



هلا بك غزلان .. أعتقد هذي أول وآخر مولود له وإلا ما تفرغ لتصويرها كل هالسنوات ..
شكرا لك والله يسلمك عزيزتي


* * * *



ماشاء الله عليه باله طويل

ولاهنت على المقطع[/COLOR



يا هلا ببنت الأجواد .. وفعلا باله طويل 12 سنة .. مدة طويلة مب دقايق أو ساعات ...
تسلمين وجزاك الله خير

* * * *




حلوه الفكرة



والأحلى مرورك انتصار .. تحياتي

* * * *


خوووش فيديو

ياحلاه البنات :shy:

يعطيج الف عافيه ع المقطع الحلو



يا هلا بـ ريد رووز وشكرا لج على هذا المرور العاطر
ويعافيك ربي ويسعدك


* * * *


مستخدم نفس الخلفية للتصوير لمدة 12 سنة


وهذا اللي لاحظته .. الخلفية نفسها ما تغيرت
يعطيك العافية حبيبتي واقعية


* * * *


فاضي بصراحه

ماعنده شغل ؟



أهلا بو خليفة .. يمكن فاضي ويمكن هذي شغلته .. ما أدري ليش أتخيله مصور أو مخرج

شكرا أخوي على مرورك الطيب ودمت بكل خير


* * * *


ياحظها والله :( مب انا ماعندي الا صورتين وانا صغيرة ,,



ولا تزعلين يا سارة واحمدي ربك على الأقل عندك صورتين .. بعض الناس اللي مروا بعدك ما عندهم ولا صورة ..
صج يكسرون الخاطر .. محد تفرغ لهم وصورهم ولا ودوهم للتصوير :)
تحياتي لك ..

* * * *



[color="blue"]سويتها مع بنتي بس أصورها كل شهر مرة لمدة سنة ونص تقريبا بعدين نسيت وتكاسلت للأسف :(



التصوير متعة وأروعها تصوير الأطفال والاحتفاظ بصورهم ورؤيتها بعد مدة من الزمن وملاحظة التغييرات اللي حاصلة فيهم
شكرا نور أسعدني مرورك

* * * *


هذي ميزة اللي اتزوج أوروبي راح يدلعها ويدلع بناتها.. والفرق واضح


يا هلا بالغالية ..
ايش قصدك يـ catqat بالفرق واضح .. هل تقصدين تميز الرجل الأوروبي عن العربي في التعامل مع زوجته وبناته ؟؟
يمكن وجهة نظرك صحيحة بس ما أدري شلون توصلتي لهالحكم .. هل هو من خلال هالفيديو فقط ..
صراحة ما عندي فكرة عن المقارنات التي بينهما
ولكني أعتقد إن الرجل رجل سواء كان أوروبي أو عربي وكلاهما لهما من المميزات اللي تميزه عن الآخر
بل المسلم عامة يفوقهما فدينه يحتم عليه معاملة امرأته بالحسنى ولو لم يكن يحبها
بعكس الأوربي لو كره زوجته ما هو تصورك سيكون عن كيفية معاملته لها ..
فلا دين يحكمه ولا أخلاق

شوفي أختي هالفيديو لأب كويتي مع ابنته لولوة وهو لم يكتفي بحب ابنته فقط بل شملت محبته الأطفال الآخرين ومساعدتهم ..

هنا الفيديو (http://ysv.me/486753)


* * * *



ياحظها 12 سنة قاعد يصورها ومستانس عليها . . .
حسرة على حالي اذكر يوم صغير كنت اقول حق ابوي ودني المصور . . ابي احط صورتي في مجلة ماجد حق التعارف
يقول انثبر بالبيت . . صج قهر . . . زين على الاقل لاتكسر بخاطري صورني وانا راكب ناقه او خروف
يابلفيت اني فارس وحطني في كتاب ( ابطال من الصحراء )



شوف يا طارق معظم الآباء لهم تصرفات ما تعرف نتايجها إلا بعد ما تكبر وتكتشف بعدين مدى حكمتهم وإن تصرفهم كانت لصالحك
ما تدري عن أبوك يمكن كان خايف عليك من العين ..
وبعدين يا أخوي أحلامك غير شكل وسوالفك مالها حل .. :)

يسعدك ربي على هالطلة المميزة .. تحياتي


* * * *


حلوه الموسيقى




صح كلامك أخوي بو علي ..أحسست إن الموسيقى حلوة في بداية سماعي لها ولكنها أصبحت بعد ذلك مزعجة
نعم نحن البشر ننجذب لبعض أنواع الموسيقى
ولكن الذي يجعلني أمنع نفسي عن سماعها هو تحريمها في الإسلام
وتراني مقصرة كثير الله يعفو عني وعن الجميع ويرحمنا برحمته .. تحياتي

* * * * *


فكره رهيبه بصراحه


شكرا لك فيندي على جميل حضورك والله يعطيك العافية :)

[المبرمج صلاح]

من اين حكمت ان الاب هو المصور الا يمكن ان تكون الام من كثرة حبها لابنتها الوحيدة

الفكرة روعة وفيها صبر غير طبيعي

[حليتان*]

بخصوص الفراغه ههههههههههههه

[حليتان*]

يا هلا بالغالية ..
ايش قصدك يـ catqat بالفرق واضح .. هل تقصدين تميز الرجل الأوروبي عن العربي في التعامل مع زوجته وبناته ؟؟
يمكن وجهة نظرك صحيحة بس ما أدري شلون توصلتي لهالحكم .. هل هو من خلال هالفيديو فقط ..
صراحة ما عندي فكرة عن المقارنات التي بينهما
ولكني أعتقد إن الرجل رجل سواء كان أوروبي أو عربي وكلاهما لهما من المميزات اللي تميزه عن الآخر
بل المسلم عامة يفوقهما فدينه يحتم عليه معاملة امرأته بالحسنى ولو لم يكن يحبها
بعكس الأوربي لو كره زوجته ما هو تصورك سيكون عن كيفية معاملته لها ..
فلا دين يحكمه ولا أخلاق

شوفي أختي هالفيديو لأب كويتي مع ابنته لولوة وهو لم يكتفي بحب ابنته فقط بل شملت محبته الأطفال الآخرين ومساعدتهم ..

هنا الفيديو (http://ysv.me/486753)


* * * *






ماشاء الله عليها لولوه عسااا ربي يحفظها ويبارك فيها وماقصر ابوها وفكرته حلووووه وايد الله يعطيه العافيه

حلووو الواحد يعلم ولده او بنته من وهم صغار هالاشياء

مب لازم يروح ويشتري اشياء غاليه حتى لو كرتون ماي يحطه بالثلاجه ساعه وعقب يطلع ويخليهم يوزعون على هالعمال الي صلخهم الحر :(