لاصحاب التجربه افيدوني جزاكم الله كل خير

[حمد بن سعد]

بسم الله الرحمن الرحيم

اخواني ان وصلت مرحلت اختيار السراميك للبيت منها للحمامات والارضيات الى اخره


بغيت الانواع الزينه وابي شي عمر يعيش عندي او حد تعامل مع محلات معينه يعني ابي حد يرشدني الله يجزيكم خير.

لانه الاكثر يقولي ركب صيني درجه اولي هل الصيني الدرجه الاولي بيقعد معاي على الاقل 15 سنه وخاصه سراميك الارضيات .

والله يوفقنا وياكم

[بوخالد2]

انصحك بجلفار على خط سلوى
عنده موديلات جديده و حلوه

ايطالي و اسباني

[حمد بن سعد]

انصحك بجلفار على خط سلوى
عنده موديلات جديده و حلوه

ايطالي و اسباني

جزاك الله كل خير

[بوالبيض]

نابينا .. كافود .. شبيب العطيه طبعا غالي وايد بس خذ شغل ناس مجربه قالت لي عنه
ارام المشكله الحين ما في غير الصيني والله يعين يعني يبيلك دواره عشان تحصل الزين

[نوت]

كونتوار ,حسين فكري ,المتحده ,نابيتا ,سيراميكا رووووعه بس غاااااااااالي

[ميلاف]

انصار ستي لايفوتك

[ولد المنصور]

العاصمه ,,, سيراميكا,,,, كنتوار وحذاه الضحى ,,,, سراميك الخليج ,,,,,, جلفار عنده اشياء طلبيه حلوه واشياء في المعرض ,,,,,
حتى الاسباني فيه درجات .....
اذا ارضيات عندك نابينا عنده انواااااع واااااايد ...

[معماري قطري]

عن البورسلان إذا تبي جودة لا تاخذ الا إيطالي ولا أسباني ولا ألماني وفيه بعد نوعية إماراتية ب 43 بيج 40 في 40 عليها طبعة الجلد شفتها من كم يوم بس أتوقع جيدة، وعندك معامل الكحت من أهم مواصفات صلابة البورسلان والسيراميك اللي هو mohk degree وهو درجة مقاومة الخدوش، طبعاً 10 للألماس وواحد للطبشور وبينهم درجات إذا تقدر تحصل 8 تطمن 7 بعد زين 6 معقول أقل لتاخذ، ومره خذت من العمودي بس كبار 120 في 60 على تشكيلة الرخام لكن صراحة روعة شوي عليه، وبسعر 150 للمتر لكن يسوى ويسوى ويسوى، وأتوقع للحين عندهم.

مهم التركيب يكون على سكريد اسمنت ورمل مثل الصبية بس أخف قوة وبلزاق خاص وبمونة خاصة بعد

[حمد بن سعد]

جزاكم الله كل خير مريت اليوم على ارام للحماتات الله يكرمكم لفيت اشكا لعنده حلوه بس صيني خفت منه حد منكم جرب الصيني

ورميت على الامانه في طريق سلوى عندكم بعد صيني وسباني لاكن غالي والمقاول حاط اللمت 45 الله المستعان


الصيني زين ولا