عندي استفسار عن موافقة الزواج من أجنبية

[رمــش الغلا]

السلام عليكم ورحمه الله وبركاته

شحالكم يا جماعه..

اخوي عسكري ، ومتقدم للزواج من يمنيه
ويبي ايعرف اشكثر اتم الموافقة من الداخلية
اللي سمعناه انه 6 شهور :( وعقبها يملج ..

إلا اذا عنده واسطه يمكن شهرين
مع انه اللجنة تجتمع كل أسبوعين

أفيدوني ويزاكم الله خير

أختكم/ رمش الغلا

[مخطط قطري]

لاسف اي عسكري يبي يتزوج من برا قطر ينقعونه فترة بس في حاله وحده اذا هو في القياده العامة امره سهل بس اذا في احد الكتايب الله يعينه يصبر

[جارح]

غير مسموح للعسكري بالزواج من اجنبيه بتاتا هذا المعروف في شروط الزواج من اجنبيه والله يوفقه

[حسن]

ياجماعه مايسير يمكن بنت عمه ولا بننت خاله

[جارح]

3- ضباط وأفراد القوات المسلحة والمخابرات العامة والشرطة، وذلك فيما عدا الحالات التي تكون فيها الزوجة من الفئة (ب) من المادة(3) من هذا القانون. وبشرط موافقة وزيري الدفاع أو الداخلية بحسب الأحوال
صحيح اخوي حسن اذا كانت فيه صلة قرابه فيجوز بشرط موافقة رسمية وزيري الدفاع او الداخليه على حسب جهة عملة

[فلتة زمانها]

شوف الموافقه بتاخذ سنه تقريبا وبيوافقون
مثل الي خذ سوريه طلعت موافقتهم عقب سنه وشهرين مع انها ما تقربله كله نصيب
ادعي واستخير رب العالمين وان شاءالله تتسهل امورك

[المزن الرياني]

غير مسموح للعسكري بالزواج من اجنبيه بتاتا هذا المعروف في شروط الزواج من اجنبيه والله يوفقه

اللي اعرفه هم اعلى نسبه تتم الموافقه عليهم
بس يبيلهم طوله بااااااال

يعني من سنه الى سنتين
وتقل الفتره اذا كانت الزوجه لها صله قرابه بالزوج او اذا كانت الزوجه الثانيه

[حسن]

عجل مسكين العسكري حشى هذا شاريله دبابه ولا طياره حربيه ذكرتوني بختم النسر والدمغه

[البدع]

انا ما اعرف سبب اصرار الشباب على الزواج من الخارج

اغلب الي تزوجوا من الخارج ومن الي اعرفهم تلتهوا بسبب السفرات

او عيالهم يتعقدون اذا امهم مب خليجية

انصح بعدم الزواج من الخارج من تجارب رايتها

[بوعمير]

عادي أختي العسكري يقدر يتزوج من أجنبية من دون وجود صلة قرابة، ولي أصداقاء ضباط في وزارةالداخلية تزوج من أجنبيات، بالنسبة للموافقة حسب المزاج والتوافيق من شهر وفوق.

[رمــش الغلا]

انا ما اعرف سبب اصرار الشباب على الزواج من الخارج

اغلب الي تزوجوا من الخارج ومن الي اعرفهم تلتهوا بسبب السفرات

او عيالهم يتعقدون اذا امهم مب خليجية

انصح بعدم الزواج من الخارج من تجارب رايتها



بالنسبة حق اخوي له تجربة طلاق مع زوجة قطرية
وان شاء الله بتكون الأجنبية الزوجة الثانية له
والله يسهل الأمور ان شاء الله

[رمــش الغلا]

عادي أختي العسكري يقدر يتزوج من أجنبية من دون وجود صلة قرابة، ولي أصداقاء ضباط في وزارةالداخلية تزوج من أجنبيات، بالنسبة للموافقة حسب المزاج والتوافيق من شهر وفوق.


مشكورين على ردودكم اللي ماتبشر بالخير :nice:

دعواتكم ان الله ايسهل امور زواج أخوي

[الإكسير]

بالنسبة حق اخوي له تجربة طلاق مع زوجة قطرية
وان شاء الله بتكون الأجنبية الزوجة الثانية له
والله يسهل الأمور ان شاء الله

بما انه سبق له الزواج من قطريه ماراح ياخذ اكثر من ثلاث شهور وبيكلمونه يروح المقابله وبتم الموافق انشأ الله

[الزلزال]

العسكريين مصعبينها شويه عليهم

[الخزرجي قطر]

الله يوفقه ان شاءالله

[ثابت]

ياجماعه مايسير يمكن بنت عمه ولا بننت خاله

اذا تصير لة اعتقد عادي بس لازم يثبت هالشي انها تقرب لة

[ريتويت]

اخوي مافيها شي قدم طلب فلجنه الزواج من الاجانب وان شاء الله ربي يوفقه

[الخيالة]

اختي عادي مب ممنوع نعرف ناس شغالين في الجيش والشرطه خذوا من مواليد قطر عادي يمكن يطولون علي حسب بس بيعطونهم حتي اعرف ناس مايشتغلون في الجيش او الشرطه بس صار لهم سنتين للحين ناطرين
الله يسهل حق اخوك توكلوا علي الله دام بيتزوج وهالشي لا غلط ولي حرام الله يوفقه ان شاءالله

[راشد محمد]

الله يوفقه ان شاءالله

[intesar]

ندعوا له بالتوفيق..

[عذاري قطر 2011]

واذا قطرية تاخذ اجنبي بعد الموافقه اطول ولا اشلون الاجراءات

[رمــش الغلا]

بما انه سبق له الزواج من قطريه ماراح ياخذ اكثر من ثلاث شهور وبيكلمونه يروح المقابله وبتم الموافق انشأ الله

اتمنى والله ماياخذ أكثر من ثلاث شهور


مشكورين وماقصرتوا،،، الله يعطيكم الصحة والعافيه........


تحياتي لكم
اختكم رمش

[قطريه أصيله]

انا اخوي خذ اجنبيه قدم الاوراق للجنه في شهر 8 -2011 والموافقه خذها شهر2011-11 وملج على طول وتزوج شهر -2012-1 واللحين زوجته حامل الله يوفقهم ان شاء الله

كله قسمه ونصيب

[حياة]

صعبه جداً ع العسكري خصوصا اذا شاب
واعتقد يستثنون حالات معينه فقط
خل يجرب حظه وبالتوفيق

[hyamm]

الله يوفقه

[ولد ازغوى]

انا اشوف وايد عساكر ماخذين اجنبيات
يعني المساله سهله

[اسعاف]

العاد ة من ه شهور الى 6

واذا اتعرف مسؤول اللجنة شهر واحد

واحينا تنقع سنة

واحيانا يناحسونك ولا يعٌطونك موافقة خاصة اذا ما كنت ذرب في المقابلة وعجزت عن تساؤلات اللجنة لك
واذا عندك واسطة ممكن في اسبوعين فقط

[رمــش الغلا]

يزاكم الله خير

قدمنا الطلب والله كريم ان شاء الله ..

[almaf1a]

يزاكم الله خير

قدمنا الطلب والله كريم ان شاء الله ..

حلو لحد اللحين الامور طيبه
ويمكن يقابل اللجنة وبعد الامور طيبه ويمكن يبشرونه بالخير
لكن مابعد اللجنه التنقيعه وماتعرف وين تراجع

الله يعينكم على نفسيات الي شغالين هناك
اللجنه واعضائها ماعليهم كلام
لكن الي يشتغلون هناك عليهم نفسيات ماشفتها في اي مكان في قطر

[قطرية مثقفة]

أختي إذا من نصيبه كل شي بيتسهل والله لا واسطة ولا شي @@ إن شاء الله تسهل أموره والله يوفقه @@

[رمــش الغلا]

مشكورين على دعواتكم الطيبة ويزاكم الله خير