كيوتل وما ادراك ما كيوتل

[BoAof]

الكل كان حاط اماله بشركه اتصال قويه تنافس كيوتل وترحمنا
من شركة الاتصالات الوحيده في قطر اللي غصب طيب مجبورين عليها
ومن متى نسمع انه بتكون في منافسه بين كيوتل وفودافون بعد ما ادخلت السوق

ولكن للاسف جاتنا شركه اسواء وكل تركيزها على تقديم خدماتها وعروضها لفئه بعينها

30/ابريل/2012 حققت اتصالات قطر «كيوتل» إيرادات قدرها 8.03 مليار ريال في الربع الأول من العام الحالي بنمو قدره %7.6 عن ذات الفترة من العام الماضي

انا مب متكلم عن الارباح وطريقتها لان الناس مغصوبين على هالشركه ومن يقدر يتنازل عن التلفون ولا الانترنت هالايام

بالنسبه لي موضوعي عن الاحتيال وسوء الخدمه المقدمه في البلاك بيري
اول ما فعلت الخدمه كان الاشتراك ب125 شامل الانترنت مفتوح ومجاني
وبعدها جنا عرض وهمي في باقات الشهري انه تم تخفيض قيمه الاشتراك
وتدرون وش صار :eek5:

الاشتراك مجاني بس للاسف الانترنت يحسب عليك اي رابط يتم فتحه وبسعر خيالي
قبل فاتورتي ما تتعدى 400 ريال
وحاليا :rolleyes2: في الشهر 1500
للاسف ويا فرحه ما تمت

[R 7 A L]

مالنا الا اننا ندفع واحنا ساكتين

ونتكيف مع الوضع

الحين انا متكيف على الاخر واشكر كيوتل ليل نهار

تخيل يزعلون علينا :(

[تمون]

والله كلامك سليم
من كم يوم انصدمت فاتورتي ١٤٠٠ وشوي وانا العاده ادفع ٤٠٠

[البدع]

انا العكس

فواتيري قبل كانت 1000 ريال كل 20 يوم

الحين 1000 ريال كل 50 يوم

والسبب ان الاسعار انخفضت والانترنت صار متوفر بالتليفون بسعر 100 ريال شهريا

اضف ان الدنيا تغيرت عندي ... وصار شغلي بالايميل وفيسبوك وواتس اب

[abdo222]

اخوي بالنسبه لكيوتل كشركه : اعطيها 30-40% لها فوق ال 30 سنه بالدوحه والخدمه الله بالخير! والناس تشتكي كل يوم اذا مب كل ساعه,,

بالنسبه للبلاكبيري حقهم,, نظام الشهري بلاكبيري يعطيك 250 ميجا بايت للشهري 300 , طبعا 250 تخلص في اسبوع بالنسبه لاستخدامي, بعدين يسحب من الرصيد,,
خذ بلاكبيري ابو 60 ريال بالشهر ويعطيك 1 جيجا تكفي وتوفي,,

[المحبووووب]

اشهد انك صادق نصب مابعده نصب

خداع وتضليل للعميل انا مثلك عندي باقت الشهري 300 , شهر اربعة جاتني الفتوره 1184 ليش

معقولة اكثر من 800 ريال استخدام نت

[الجوكر90]

السلام عليكم
اخوي اول شي كلامك غير صحيح بس هاي مب يعني اني اكذبك لا بالعكس ادري فاتورتك جات عاليه بس روح واسال ماينفع بالتلفون تكلمهم

وثاني شي انت متى جربت فودا فون
لان الصراحه اشوفها شركه ماعليها كلام وكل فتره تتطور عن قبل ععكس كيوتل

وبخصوص البلاك بيري اصلا مافي شي اسمه 125 ريال
60 ريال فالشهر واذا عندك باقه 300 او 575 او 1000 ابلاش

وبخصوص الميغا عندك فالاسبوع 250 ميغا وفالشهر 1 غيغا
وتقدر تدخل هالرابط وتتاكد من كلامي
http://www.qtel.qa/QODPPortal/portal/qodp_portal_consumer_detail?_nfpb=true&detailId=SP_SHAHRY_BB_AR&lang=ar#

مثل ماقلت لك مصدق كلامك بس صدقني مب من البلاك بيري يمكن من استخدامك انت
روح وتاكد فرع السد وان شاء الله ماراح يقصرون معاك


معلومه بسيطه انا ضد كيوتل وبعنف ومع فودا فون بعنف
بس استخدم الاثنين واستفيد من عروضهم
وبالتوفيق ان شاء الله

[ابوالكلام]

فل تذهب كيوتل الى الجحيم

[BoAof]

السلام عليكم
اخوي اول شي كلامك غير صحيح بس هاي مب يعني اني اكذبك لا بالعكس ادري فاتورتك جات عاليه بس روح واسال ماينفع بالتلفون تكلمهم

وثاني شي انت متى جربت فودا فون
لان الصراحه اشوفها شركه ماعليها كلام وكل فتره تتطور عن قبل ععكس كيوتل

وبخصوص البلاك بيري اصلا مافي شي اسمه 125 ريال
60 ريال فالشهر واذا عندك باقه 300 او 575 او 1000 ابلاش

وبخصوص الميغا عندك فالاسبوع 250 ميغا وفالشهر 1 غيغا
وتقدر تدخل هالرابط وتتاكد من كلامي
http://www.qtel.qa/QODPPortal/portal/qodp_portal_consumer_detail?_nfpb=true&detailId=SP_SHAHRY_BB_AR&lang=ar#

مثل ماقلت لك مصدق كلامك بس صدقني مب من البلاك بيري يمكن من استخدامك انت
روح وتاكد فرع السد وان شاء الله ماراح يقصرون معاك


معلومه بسيطه انا ضد كيوتل وبعنف ومع فودا فون بعنف
بس استخدم الاثنين واستفيد من عروضهم
وبالتوفيق ان شاء الله

بالنسبه لكلامك اخوي انا معاك في كل اللي قلته
بس اللي انا اقوله قبل كان استخدام الانتر نت في البلاك بيري مجاني ووقعنا عقد بهالشي
وجات كيوتل بين يوم وليله قالت استخدام النت محدد 250 ميقا بايت في الاسبوع
تعرف وشو معنات 250 ميقا بايت يعني افتح مقطعين ولا ثلاثه من اليوتيوب وبيبداء يحسب عليك 6ريالات لكل 1 ميقا بايت اذا 250 ميقا ما تتم حتى يوم شلون تبيني في كل مقطع فيديو افتحه في البلاك بيري ادفع 6 ريال اقل شي
وعليك الحسبه
البلاك بيري كله مقاطع فيديو وروابط انا في اسبوع واحد فاتوره استخدام النت 1100:rolleyes2: من بعد ما كنت كل شهر ادفع 400

[الدوحة قطر]

بصراحة احس في شي غلط عندك الشيخ لازم تتاكد الفاتورة من ايش جايتك عالية ؟؟؟

انا مشترك في خدمة بلاك بري السبوعي الي هي 15 ريال كل اسبوع

ودايما اخلي الرصيد مصفر مجرد احول 15 ريال كل اسبوع على هل خط الي بس مخلي الاستخدام فيه حق البلاك بري

وانا يوميا افتح ماقطع فيديو وروابط انترنت

وحتى اليوتيوب قبل ما كان يفتح معاي بس اللحين عادي

بصراحة عمره ما خلص الرصيد معاي الي هو 250 ميغا في الاسبوع والخدمة تتم شغاله معاي وكل شي تمام

[تاجر كشخة]

انا العكس

فواتيري قبل كانت 1000 ريال كل 20 يوم

الحين 1000 ريال كل 50 يوم

والسبب ان الاسعار انخفضت والانترنت صار متوفر بالتليفون بسعر 100 ريال شهريا

اضف ان الدنيا تغيرت عندي ... وصار شغلي بالايميل وفيسبوك وواتس اب

دائما اسبح عكس التيار :whistling:

[ريم 28]

كرت هلا افضل لك من خط مباشر بالنسبه للبلاك بيري

كانت عند نفس المشكله الفاتوره 2000 ويقولون النت

قلبته كرت هلا والروابط كلها تنفتح عادي

[ولد ازغوى]

انا زادت فواتيري بس قمت ادفع وانا ساكته لان هم مستحيل بيطلعون غلط -_-

[بـن عدوان]

الاشتراك مجاني بس للاسف الانترنت يحسب عليك اي رابط يتم فتحه وبسعر خيالي
قبل فاتورتي ما تتعدى 400 ريال
وحاليا :rolleyes2: في الشهر 1500
للاسف ويا فرحه ما تمت

من صجك ؟؟

الحين انا مشترك في الشهري بو 300 وخدمة البلاك بيري مجانية ؟

انت تقول انه الروابط اللي افتحها تصير بفلوس ؟

[قرنقووش]

كيوتل خدماتها فقط للهلا والباقات
ماشفنا اي عروض مدهشه ومغرية للي فواتيرهم عادية ( تدفع قد ماتستخدم )
ومصرين يقطون الناس في دوامة الباقات اللي تقعد نص ساعه يقرقر الموظف فوق راسك وماتستفيد من كلامه ولا شي وولا يرجع لك اي شي وولا يعوضك

[راعي الدتسن]

الله يعينك .. بس بقوولك شي لازم تتأكد من وشو الزياده اللي صايره في فواتيرك..
يعني تروح الفرع او تكلمهم بالتلفون وتعرف بالتفصيل عن كل ريال زياده..
وبعدين لازم تسدد فواتيرك اول بأول لانه ربعنا يدفعون نصف الفاتوره ويخلون الباقي والشهر اللي بعده يقولون ليش الفاتورره مرتفعه..!!!!
وابدأ من هالشهر..
ومن تجربتي كانت الفاتوره تطلع فوق الالف ويوم شيكت طلع من النت وانا مشترك وياهم في باقة ال ١ جيجا وخلال اسبوع خلصت.. وعلى طول اخذت لي كرت فودافون ... واستخدمته على باقة ال ١جيجا ونسيت شي اسمه تعبئه لانه مايخلص مع فودافون..
واحلى تحيه لفودافون

[brooq]

ادفع وانت ساكت .. وإذا مب عاجبك إشرب من ماي البحر ..

عفواً هذا ليس كلامي .. ولكنه لسان حال كيوتل ..

مرة .. كنت أتذمر أمام أحد مدراء كيوتل في أحد الأفرع التعيسة .. فقال لي بالحرف الواحد ( محد إضربك على يدك وطلب منك اللجوء إلى خدمات كيوتل)

طبعاً هذا الكلام كان قبل دخول فودا فون السوق .. فقلت له وما هو البديل؟؟؟ تلعثم وما عرف يجاوب.

خدمات كيوتل زفت في زفت.

[بـن عدوان]

اتصلت في كيوتل وقالوا عندهم مشكلة

مايندرى شنو الصح !!

[الجوكر90]

بالنسبه لكلامك اخوي انا معاك في كل اللي قلته
بس اللي انا اقوله قبل كان استخدام الانتر نت في البلاك بيري مجاني ووقعنا عقد بهالشي
وجات كيوتل بين يوم وليله قالت استخدام النت محدد 250 ميقا بايت في الاسبوع
تعرف وشو معنات 250 ميقا بايت يعني افتح مقطعين ولا ثلاثه من اليوتيوب وبيبداء يحسب عليك 6ريالات لكل 1 ميقا بايت اذا 250 ميقا ما تتم حتى يوم شلون تبيني في كل مقطع فيديو افتحه في البلاك بيري ادفع 6 ريال اقل شي
وعليك الحسبه
البلاك بيري كله مقاطع فيديو وروابط انا في اسبوع واحد فاتوره استخدام النت 1100:rolleyes2: من بعد ما كنت كل شهر ادفع 400

شوف الشيخ انا بقولك
اذا انت فالبيت وعندكم واير لس افتح الواير لس وشوف الروابط لان اسرع وابلاش

وثاني شي خذها مني وهالشي متاكد منه
لو تفتح مليون رابط مستحيل 250 ميغا تخلص
بس بشرط ماتفتح رابط اليوتيوب
لان 250 ميغا الي عندك خلصو من روابط اليوتيوب اما الروابط العاديه مستحيل مستحيل تخلص

معلومه ترى عندي تلفونين بلاك بيري واحد فودا فون والثاني كيوتل والحمدلله ولا مره صادتني هالمشكله لا اذا ابي اشوف الروابط افتح الواير لس فالبيت واقعد اشوف ع كيفي ولا الفيديو مايقطع وايد

انا كنت نفسك دوم اتذمر واقول يبوقون ومادري وشو هو صج في اخطاء بس كل مايصير شي كنت اروح لهم او اتصل 111 وماستحي واسال واستفسر لين ماتعلمت والحمدلله الحين عندي الباقه 300 والبلاك بيري ابلاش وكل شهر فاتورتي ماتزيد عن 340 او 350 وهالزياده يا مكالمات دوليه او رسايل حق الوسيط بي بي

وبالتوفيق ان شاء الله

[رآعي موآجيب]

تعرف معنى قسط سياره !!!! :omen2:

هذي كانت فواتري عند كيوتل

كنت ادفع كل شهر من 1500 إلى 3000 ريال

وكنت ازعل زعل شديد واجيهم واعفسهم لكن كالعاده ، اطلع انا الغلطان والبداله المتحركه

ماكنت مقتنع بسالفة التعبة وكرت الهلا ، وشو اللي كل يوم والثاني وقف عند بقاله وعبي رصيدك !!

ذاك اليوم جاتني فاتوره بـ 3700 ريال ، كنت مسافر ، لكن ما اتصلت من خط كيوتل واجد

شكيت الحال على اخوي وقلت انا بشتكي عليهم عند المجلس الأعلى للأتصالات

قالي لا تشتكي عليهم ولا يشتكون عليك ، في الآخير بيقبضونك الباب الشرقي وانت توزع ابتسامات القهر

لكن اسمع الشور وحول خطك من فاتوره لتعبئه ، اول شي تستفيد من نقاط نجوم وثاني شي تكون تجربه واذا ماجازت لك حوله خط بس بتكون بادي معهم من الصفر وبتعرف شلون تتعامل معهم

توكلت على الله وحولت الخط لتعبئه وحولت كل نقاط نجوم لرصيد

اول وثاني شهر مادفعت شي لأن فيه رصيد من نجوم

بعدها كل شهر اعبيه بـ 500 ريال ، مرات اعبيه قبل يخلص الشهر بكم يوم ومرات يتم معي فوق الشهر

طيب وين راح قسط السياره اللي كانوا يلهطونه كل شهر !!!!؟

حسبي الله ونعم الوكيل والله لا يبيح منهم ولا يحلل عليهم كل ريال خذوه دون وجه حق

ومن يومها وانا اخوك وانا مرتاااااااح ، لا ينصبون علي ولا اتلاغى معهم كل شهر

أنت ماتشوفهم ميتين على الفواتير وكل كم يوم ينزلون عروض وتخفيض على اصحاب الفواتير واللي بيحول فاتوره ، وش مصلحتهم ياخذون حساب الخدمه على الآجل !!؟

لأنه من البديهي أن مصلحتهم ياخذون قيمة الخدمه قبل أستخدامها ، لكن عرفت لهم ولحركاتهم اللي مالها داعي ابد

وكل دوله اسافر لها آخذ شريحه بمبلغ رمزي وكان الله غفور رحيم

الزبده // حول خطك هلا وارتااااااااااااح منهم

[واحد في حاله]

ياكثر مشاكلي مع كيوتل بس شنسوي مجبورين عليها

خذ السالفه ,, كيوتل مسوين عرض للانترنت برودباند اشترك معاهم بعقد سنه
واحصل على جهاز واي فاي مجاني

توكلنا على الله واشتركنا قالي الموظف :
فيه 3 باقات 2 قيقا ,5 قيقا ,غير محدود
اي باقه تبي ؟
قلت : 5 قيقا
قال : تدفع شهريآ 160
قلت : ممتاز :D
قال : اللمت الاستاندرد عندنا 600
قلت : اوك :D

الجهاز فيه عداد كم تستعمل ميقا .. قيقا
اسبوع وانقطع :rolleyes2:

رحت لكيوتل :anger1:

نفس الموظف ناديته وعطيته الجهاز قلت شوف ماكملت اسبوع وانقطع شسالفه ؟

شيك وطبع له ورقه وقال :

شوف انت اشتركت تاريخ 8 مارس
ف حسبنا الفاتوره من 8 لين 31 مارس 123 ريال
وفاتوره شهر ابريل ناخذها مقدم 160 ريال
والسيم كارد 50 ريال
المجموع 333 ريال
وفيه خطأ بسيط حاسبين عليك 300 ريال على الجهاز وراح يتصلح
المجموع 633 ف انت في هذي الحاله تعديت اللمت وانقطع :D

واحنا اليوم 8 مايو وقدمت شكوى ثانيه وللحين ماتصلح الخطأ البسيط

يقولون الخطأ تصلح بس الابديت حق الفواتير يصير تاريخ 12 من كل شهر ف انتظر لين يصير ابديت وبتنشال :tease:

[MoTeC]

للي يشتكون من كيوتل

روح كيوتل وقولهم يطلعون لك فاتوره تفصيليه وشوف من وشو ارتفعت فاتورتك او ليش انقطعت
المهم وادفعها كامله وبلش حساب من جد وجديد اما بتقولي بدفع نص وبعدين الباقي هذي كل يوم وترك بتدفع فاتورتك<< حقيقه وواجد تحدوني عليها وثاني شي خذلك الباقه اللي تفيدك اكثر وماتعدي فيها الدقايق المجانيه
من بين ال 60 و 130 و 300 و 575 او 1000
انا الشهري 130 + 60 خدمه بلاك بيري الحمدلله ولا مره عدت الفاتوره 250
للعلم مكالماتي اغلبها طول الشهر من 15دقيقه وفوق وغير هاي مكالمات خارجيه ولد خالي فبريطانيا وربعي فالكويت الامارات السعوديه بالنص ساعه ساعه الا ربع اذا كلمت حد والحمدلله الحمدلله ماتعدي الرقم اللي فوق
لمتي 2001 ريال وبإسمي رقم البيت بخدمه النت 4ميجا ورقم اخوي ونفس خدمتي ونفس السعر
وفواتيرنا تنزل 19 وتندفع 23~28

[بوخالد911]

حول الى الاشتراك الشهري بو 200
ولك 700 دقيقة
و100 مسج
ومدري كم للنت

موفقين

[Aisha.1989]

الكل كان حاط اماله بشركه اتصال قويه تنافس كيوتل وترحمنا
من شركة الاتصالات الوحيده في قطر اللي غصب طيب مجبورين عليها
ومن متى نسمع انه بتكون في منافسه بين كيوتل وفودافون بعد ما ادخلت السوق

ولكن للاسف جاتنا شركه اسواء وكل تركيزها على تقديم خدماتها وعروضها لفئه بعينها

30/ابريل/2012 حققت اتصالات قطر «كيوتل» إيرادات قدرها 8.03 مليار ريال في الربع الأول من العام الحالي بنمو قدره %7.6 عن ذات الفترة من العام الماضي

انا مب متكلم عن الارباح وطريقتها لان الناس مغصوبين على هالشركه ومن يقدر يتنازل عن التلفون ولا الانترنت هالايام

بالنسبه لي موضوعي عن الاحتيال وسوء الخدمه المقدمه في البلاك بيري
اول ما فعلت الخدمه كان الاشتراك ب125 شامل الانترنت مفتوح ومجاني
وبعدها جنا عرض وهمي في باقات الشهري انه تم تخفيض قيمه الاشتراك
وتدرون وش صار :eek5:

الاشتراك مجاني بس للاسف الانترنت يحسب عليك اي رابط يتم فتحه وبسعر خيالي
قبل فاتورتي ما تتعدى 400 ريال
وحاليا :rolleyes2: في الشهر 1500
للاسف ويا فرحه ما تمت

^^

اخوي .. \ :)

العرض مش وهمي ولاحاجة بس لو انت تتابع فاتورتك بانتظام ما راح تتراكم عليك

وتوصل لهالمبالغ ... وعموما خدمة البلاك بيري حاليا بـ 60 ريال بالاضافة الى 250 ميقابايت
للاستخدام الانترنت ..

واذا حبيت تتأكد كم باقي لك من الانترنت في الباقة تقدر تتصل خدمة العملاء وتستفسر

وفي وتواريخ معينة لاصدار الفواتير ..

لو تشيك ع فواتيرك كل تاريخ اصدارها مااتوقع تتعدى اللمت ^^

وأي شركة ناحجة مثل كيوتل لازم بتكون ارباحها عالية .. وماتوقع في شي من ( الاحتيال ) مثل ماقلت ..

[Aisha.1989]

ادفع وانت ساكت .. وإذا مب عاجبك إشرب من ماي البحر ..

عفواً هذا ليس كلامي .. ولكنه لسان حال كيوتل ..

مرة .. كنت أتذمر أمام أحد مدراء كيوتل في أحد الأفرع التعيسة .. فقال لي بالحرف الواحد ( محد إضربك على يدك وطلب منك اللجوء إلى خدمات كيوتل)

طبعاً هذا الكلام كان قبل دخول فودا فون السوق .. فقلت له وما هو البديل؟؟؟ تلعثم وما عرف يجاوب.

خدمات كيوتل زفت في زفت.


:whistling:

الخدمات كلها ممتازة وما اتوقع فيها شي . .

[almaf1a]

ولا مره دفعت زيادة على الاشتراك للبلاك بيري
اكيد عندك خلل او استخدامك لروابط يوتيوب كثير
اذا انك خلصت ال1 غيغا اكيد بيحسب عليك
المسأله كلها متعلقه فيك
اذا عرفت كيف تستخدم الخدمه ماراح تشتكي

[قطر دزاين]

انا في باقة شهري توني دافع الفاتوره من سبوعين الى مطرشين لي رساله انك استخدمت 80% وانا اصلا ما اتصل من تلفون غير مكلامات محليه ومحدوده يدوب كل مكلامه دقيقه ونص تفاجئت انه نازله فاتوره ب 450 حقت ايش مدري علما انه سابقآ تنزل كل نهايه شهر 350 الحين في شهر تنزل الفاتوره مرتين واكثر من 350 اللي هي باقة الشهري

انا اليوم ان شاء الله بروح وبحول هلا على الاقل اعرف كم عبيته

[Aisha.1989]

انا في باقة شهري توني دافع الفاتوره من سبوعين الى مطرشين لي رساله انك استخدمت 80% وانا اصلا ما اتصل من تلفون غير مكلامات محليه ومحدوده يدوب كل مكلامه دقيقه ونص تفاجئت انه نازله فاتوره ب 450 حقت ايش مدري علما انه سابقآ تنزل كل نهايه شهر 350 الحين في شهر تنزل الفاتوره مرتين واكثر من 350 اللي هي باقة الشهري

انا اليوم ان شاء الله بروح وبحول هلا على الاقل اعرف كم عبيته

اخوي . . \

مآفي ولا فآتورة تصدر مرتين فالشهر .. مثل ما قلت قبل
في تواريخ لاصدار الفوواتير وتقدر عن طريق 111 تتأكد من تاريخ
اصدار فاتورتك ..
وبخصوص انه ما تسوي ولا مكالمة الا محلي ..
الباقة فيها دقايق مجانية .. اذا خلصت الدقايق ينحسب عليك بالريت العادي
35 درهم للدقيقة ..وتقدر تشيك على الدقايق كل يومين عشان تسوي كنترول
لفاتورتك .. او عن طريق 114 ..

واستخدامك للانترنت عندك ميقابايت مجاني لكل باقة وفي حال تعديت الميقابايت المجاني
شي طبيعي بيحسب عليك ..

ومثل ما قلت لك تقدر تتأكد كم باقي لك فالباقة فكل وقت . .

^^ :)

[BoAof]

^^

اخوي .. \ :)

العرض مش وهمي ولاحاجة بس لو انت تتابع فاتورتك بانتظام ما راح تتراكم عليك

وتوصل لهالمبالغ ... وعموما خدمة البلاك بيري حاليا بـ 60 ريال بالاضافة الى 250 ميقابايت
للاستخدام الانترنت ..

واذا حبيت تتأكد كم باقي لك من الانترنت في الباقة تقدر تتصل خدمة العملاء وتستفسر

وفي وتواريخ معينة لاصدار الفواتير ..

لو تشيك ع فواتيرك كل تاريخ اصدارها مااتوقع تتعدى اللمت ^^

وأي شركة ناحجة مثل كيوتل لازم بتكون ارباحها عالية .. وماتوقع في شي من ( الاحتيال ) مثل ماقلت ..




دامك شغاله في كيوتل اكيد بتمدحين
ادفع فواتيري اول باول وفواتيري تنزل 12 الشهر
وفوق هذا دفعت تاريخ 25/4/2012 وصفرت فاتورتي
وتاريخ 5/5/2012 نازلتلي فاتوره استخدام الانترنت 1100 من 12/04/2012
ويوم كلمتهم كعادة موظفين كيوتل التفنن في تضييع حق العميل وان العميل مب فاهم شي
ورمي الاخطاء على السستم

[الزلزال]

الله كريم

[Aisha.1989]

دامك شغاله في كيوتل اكيد بتمدحين
ادفع فواتيري اول باول وفواتيري تنزل 12 الشهر
وفوق هذا دفعت تاريخ 25/4/2012 وصفرت فاتورتي
وتاريخ 5/5/2012 نازلتلي فاتوره استخدام الانترنت 1100 من 12/04/2012
ويوم كلمتهم كعادة موظفين كيوتل التفنن في تضييع حق العميل وان العميل مب فاهم شي
ورمي الاخطاء على السستم

انا ما امدح حد ..
واذا انت شاك ع قولتك في احتيال ,, تقدر تاخذ فاتورة تفصيلية وتتأكد
من استخداماتك . . وترى الموظفين مايحطون شي من عندهم في الفواتير
اللهم هي طريقة فهمك لنظام الفواتير غلط . .

وشي اكيد اذا تعدى الانترنت اللمت المجاني بيحسب عليك ..
كل شي بحقه ما في خدمات مجانية انت تستخدم الجوال
يعني اكيد بتكون عليك مستحقات .. :)

[BoAof]

انا ما امدح حد ..
واذا انت شاك ع قولتك في احتيال ,, تقدر تاخذ فاتورة تفصيلية وتتأكد
من استخداماتك . . وترى الموظفين مايحطون شي من عندهم في الفواتير
اللهم هي طريقة فهمك لنظام الفواتير غلط . .

وشي اكيد اذا تعدى الانترنت اللمت المجاني بيحسب عليك ..
كل شي بحقه ما في خدمات مجانية انت تستخدم الجوال
يعني اكيد بتكون عليك مستحقات .. :)

سوال يطرح نفسه وبيكون رد على كل كلامك
متى صار استخدام النت في البلاك بيري محدد بعدد معين من الميقا بايت اللي هو 250 ولا 1 قيقا
وبعد ما كااااان ان لمت وجات فتره اليوتيوب مجاني وعقبه شافو العالم يستخدمونه بكثره قالو نخليه بفلوس

والله اسلوب استغلالي لابعد الحدود وعبدة للدرهم وفي المقابل اسواء الخدمات نلاقيها
البلا مب هذا البلا مافي بديل في السوق
يعني مجبوووووووووووووووورين على كيوتل رضينا ولا انرضينا

[Aisha.1989]

سوال يطرح نفسه وبيكون رد على كل كلامك
متى صار استخدام النت في البلاك بيري محدد بعدد معين من الميقا بايت اللي هو 250 ولا 1 قيقا
وبعد ما كااااان ان لمت وجات فتره اليوتيوب مجاني وعقبه شافو العالم يستخدمونه بكثره قالو نخليه بفلوس

والله اسلوب استغلالي لابعد الحدود وعبدة للدرهم وفي المقابل اسواء الخدمات نلاقيها
البلا مب هذا البلا مافي بديل في السوق
يعني مجبوووووووووووووووورين على كيوتل رضينا ولا انرضينا

استخدام الانترنت صار محدد من سنة .. وكل باقة لها انترنت معين مجاني

اخوي .. مافي اي استغلال بالموضوع

ومثل ماقلت لك مافي اي شركة تقدم لك خدمات ببلاش ..
والمسألة مش اجبارية . .
:)

[الجوكر90]

انا في باقة شهري توني دافع الفاتوره من سبوعين الى مطرشين لي رساله انك استخدمت 80% وانا اصلا ما اتصل من تلفون غير مكلامات محليه ومحدوده يدوب كل مكلامه دقيقه ونص تفاجئت انه نازله فاتوره ب 450 حقت ايش مدري علما انه سابقآ تنزل كل نهايه شهر 350 الحين في شهر تنزل الفاتوره مرتين واكثر من 350 اللي هي باقة الشهري

انا اليوم ان شاء الله بروح وبحول هلا على الاقل اعرف كم عبيته

الشيخ انا بقولك ليش

الله يسلمك كل شي يعتمد ع تاريخ نزول الفاتوره
يعني لو فاتورتك تاريخ 18 كل شهر
وانت اشتركت فالباقه 300 بتاريخ 8 من هاليوم راح يسون لك حسبه انك تستخدم 400 دقيقه خلال 10 ايام الي هي من تاريخ 8 لين 18 والفاتوره تكون 100 ريال
وراح تنزل عليك فاتوره 400 ريال مقدم حق الشهر الي بعده

وروح هناك اتوقع راح يقولون لك نفس كلامي بس هم روح وتاكد

وبالتوفيق ان شاء الله

[الـخـالـدي]

اخوي انا قبل مثلك متلته مع الفاتوره حولته هلا وانا مرتاح

افتح اللي تبي ماعندك اي مشكله تلفوني احمل فيه 24 ساعه ولا مره انخصم من رصيدي

الا اذا فتحت اليوتيوب .. هنا ينخصم مضبوط او انك مسافر على كل برودكاست ينخصم منك