الإزدحام

[المشتاقه الى الجنه]

إش رأيكم من لما سكروا دوار وقود
الي بين اشاره السينما ودوار المول
الدوار الصغير
إش رأيكم بالازدحام الحاصل وسببه التسكير
ليش يسكرونه وعملوا هالزحمه زياده على اشاره المول واشاره السينما
*

[لاميزون]

انا مع تصكير الدوار ولكن باعادة برمجة الاشارت الخاصة بالمول والسينما حتى تناسب حركة المرور

[ثابت]

الله يعين والله الزحمة مشكلة وللاسف لازم المسولين عن هذا الامر يجلسون ويحطون خطط لحل هالمشاكل او بتصير ازمة باكر لنة كلنا نعرف بلدنا الله يحفظها مقبلة على حدث عالمي وبتصير البلاد زحمة بعد كم سنة كأس العالم

[راشد محمد]

الله يعين

[جرح الزمان]

مع إلغاء الكثير من التقاطعات .... لانها تعطل انسيابية المرور من اربع جهات لخدمة البعض

هنا محتاجين (( u تيرن )) قبل الإشارات بشوي مثل اللي سوه في دوار الجوازات

[وطن]

الصراحة عفسوا الدنيا
من شفته مسكر قطعت الخط ولا اروح له

اللي يبي يروح وقود مثلا وهو جاي من المول لازم يوصل لين السينما ويرجع
وبروحها اشارة السينمات زحمة

وما يصير يزيدون الوقت فيها لان تصير زحمة في نجمة توصل لين التقاطع

انا اقترح يحطون كاميرات على الاشارات الجديدة مثل المول والتضامن
لان مع الكاميرات محد بيتجاوز الاشارة ويعطل التقاطع لو ماله مكان في الخط اللي رايح له
جذي تخف الزحمة على الخطوط الثانية

[الزلزال]

اعتقد مشاريع الطرق والجسور مطوله لسنوات طويله
والله يعن اهل الدوحه بس كله في مصلحه البلد

[المشتاقه الى الجنه]

انا مع تصكير الدوار ولكن باعادة برمجة الاشارت الخاصة بالمول والسينما حتى تناسب حركة المرور

أنا مش مع التسكير
أنا ساكنه هناك اضطر اوصل اشارت المول ومع التسكير صارت زحمه واجد

[المشتاقه الى الجنه]

الله يعين والله الزحمة مشكلة وللاسف لازم المسولين عن هذا الامر يجلسون ويحطون خطط لحل هالمشاكل او بتصير ازمة باكر لنة كلنا نعرف بلدنا الله يحفظها مقبلة على حدث عالمي وبتصير البلاد زحمة بعد كم سنة كأس العالم

والله من الزحمه ما احب اطلع من بيتي

[فارس قطر]

المشكلة تخطيط اشغال كلة فاشل

البلدان المجاورة يفكرون للمشاريع جدام عشرين سنة

واشغال عندنا تفكر حلول مؤقتة امحق تخطيط.