ايهم افضل (يوكن او تاهو)

[قلب الحدث]

السلام عليكم

اخواني ان شاء الله معزم اجيب موتر جديد ومحتار بين التاهو واليوكن اعرف ان الاتنين مثل بعض ومن نفس الشركة الام بس عندي شوية استفسارات

1- ايهم افضل الجيدة وكيل الشفر ولا المناعي وكيل الجيمس
2- متى راح يتغير الشكل الحالي
3- ايهم راسي على الخط ويجيب سعر وقت البيع
4- اليوكن عندهم نفس مواصفات التاهو ltz الي بشاشة بس مش دينالي لان الدينالي غالي سعره بالوكالة 220 الف اما التاهو سعره حوالي 180 يعني ابي يوكن محرك 5.3 بشاشة ورنجات 20
5- عند المقارنة بينهم وبين ال gx من ناحية المواصفات والخطوط والبر مين افضل
6- هل ممكن اركب الشاشة الاصلية للموتر الي يجي عادي مش فول ابشن و كم تكلف
ناطر ردكم وشكرا

[بويعقوب]

باختصار شديد ..

اليوكم والتاهو عيال عم

التاهو شكله احلى .

[ولد المنصور]

شوف ياخوي اليوكن والتاهونفس الشي بس اليوكن ارغب ...... والموترين مايصلحون حق بر ابدا ,,, لكن رمله ماعليه كلام وخط وسفر مسسسسسسسسسسسسسسسسسسكت ماشالله ............ اما الجي اكس مايستاهل سعره كلشششش ,,,,,,,,,,
بشور عليك ياخوي بنيسان وش راايك ..

[mazag]

كلهم نفس الشي مكينه قير دبل شاصي قطع كلها وحده

ومافيهم خربات وقطعهم اسعارها عاديه

وموتر بيت درجه اولى

[اوف ليميت]

اليوكن والتاهو ؟
ليش في فرق؟ هههه..مافي فرق..مجرد اسماء ووكالات متعدده لتعدد الربح وفتح مناخ لاكثر من تاجر
فقط لاغير

عالعموم ..

الجمس يوكن اذا بتاخذلك الفل اوبشن دينالي الصغير ... روووعه
والشفر اذا بتاخذ..خذ ال زد71 (z71)

الفرق بين شفر تاهو ltz وال z71..ليتات الضباب و الداش بورد (العدادات) والنسافات وبس اعتقد
فال زد71 احلى من ال ال تي زد..بالنسبه لي
بعض الناس ماتحب دواسات ال زد71 وبعضها ماتحب البمبر الامامي

بس لاتحاتي شي..انت وبكيفك بالمواصفات اللي تبيها..ولاتصدق اللي يقولك مايصير تحط هذي على هذي او هذي هني...كل شي فال زد71 تقدر تسوي مثله فال ال تي زد..والعكس صحيح

بشكل عام ال زد71 افضل شوي
تقدر تطلب polished chrome
او wood
وفي بعد satin chrome
وفي بعد brushed aluminum
من الداخل...واعتقدالبولش كروم او الوود احسن ... ابتعد عن البرشد الومنيوم والكروم العادي او البلاستيك

وطبعا فل اوبشين وغير الرنقات .. وبس


اما الفرق بين الجمس اليوكن بشكل عام مع الشفر تاهو بنوعينه
1- التاهو أغلى
2- لا فرق يذكر بين الجمس والتاهو .. مجرد اختيارك للشكل الداخلي فقط
3- عدد مبيعات التاهو وعدد سيارات التاهو المنتجه اكثر بكثير من الجمس يوكن
4- جنرال موتر حريصه اكثر على انتاج التاهو ودقيقه جدا في تفاصيل تصنيعه..لدرجة انه يوجد زوايد للشفر تاهو تفوق الجمس يوكن وذلك لاعتماد الولايات المتحده وكندا على استخدام التاهو في سلك الشرطه للطرق الوعره والمطاردات

وتذكر..من ناحية المكينه لايوجد فرق..اللهم مسميات للمواصفات الاعلى والاعلى من العادي للفل اوبشين الدينالي لل ال تي..ال تي اس..ال تي زد..وال زد71


نرجع بخصوص الوكلاء في قطر..أيهم افضل المناعي أم الجيده
بصراحه ... المناعي بلامنازع افضل من خدمة وكالة الجيده

خدمه وأدب وصيانه عاليه واحترافيه..ادرجة انك تروح الصناعيه وكالة المناعي...عادي تشوف يعدلون ماي باخ و فيراري وماكلارين وحتى لو تبي كامري
ويخلصون شغلك اول باول .. واسعاره اقل من الجيده بوايد (عن تجربه..شفر بيك اب وجمس بيك اب)

يعني بتاخذ شفر لاتحاتي..روح صلحه فالمناعي اذا في شي مش عالضمان


مجرد رأي فالموضوع وشكرا

هذا والله اعلم..

[قلب الحدث]

اخوي اوف ليميت الصراح كفيت ووفيت شكرا لك
بو يعقوب شكرا على المرور
ولد المنصور شكرا لك الصراحة انا ما راعي بر الموتر للبيت والشوارع
mazag شكرا على المداخلة

ان شاء الله بمر على الوكالات والمعارض اخد فكرة عن الاسعار والمواصفات

[رمح الشمال]

عمبر اخو بلال

[ابوصالح1]

السلام عليكم أخوي. العزيز. سعره 180 بعد سنتين بيجيب لك حوالي 90 إلي 95 والله أعلم وعند البيعه أيضا ثقيل. إذا تبي سياره أفضل منه واقوي وآنا مجربها سكوئا أو الكروزرات بنواعها الكروزر أفضل من السكويا أيضا والسكويا مريح. وسعره 140 ألف في السعوديه دبل وثلأجه ومحركات لكزس واللي بفتحه وازرار في السكان وسيت السائق كهربائي وعرشه واشئا. ب 155 ألف سعودي أخري واذا تبي معلومات زياده أرسل رقمك علي الخاص وأبشر.

للعلم الجي اكس أر تقريبا 230 بعد سنتين إنشاء الله بيجيب 200 إلي 195 ألف وقس علي ذلك والله أعلم

[ابوصالح1]

للعلم الأمريكي والسكويا في السفر في الليل الإناره فاشله جدا تتعبك

[المحقق كونان]

الشباب ماقصرو معاك

تقدر تركب الشاشة الاصلية على يوكن او التاهو سعرها تقريبا 7000 ريال مع الكاميرا عند الوكالة .. بس لازم برمجة والافضل تركب الشاشة عند الوكالة

[همر]

ماشاء الله الشباب كفوا ووفوا..

الموضوع الحين تجارب شخصيه..

تجربتي مع وكالة المناعي.. مثل ماقال واحد من الشباب يصلحون كل السيارات وخاصة الصبغ عندهم زين.. بس هني المشكله .. يتأخرون في الصيانه والسبه لي دخلت كراجهم كله سيارات من برع !!!

الشي الثاني.. قطع غيارهم اغلى والسبه انهم يشترونها من الجيده !!! اللي هو وكيل الاي سي دلكو.. مره كنت ادور بطاريه .. مريت محل اي سي دلكو في بن محمود.. قالي البطاريات خالصه .. ليش.. يقول وكالة المناعي يشترونها من عندنا اول باول وبكميات كبيره..

الشي الثالث.. المناعي كانوا قاصين علي يخلوني اسوي تشييك كل 5000 عشان الضمان يبلفيت.. يوم خذت التاهو قالو لي عندنا ايل 10000 مايحتاج تسوي كل 5000.. مع ان المناعي ماقالوا لي هالكلام...

رابع شي... مراكز الصيانه الخارجيه.. كنت اودي الهمر فرع الخيسه.. تغيير ايل كان ياخذ له يوم كامل او تعال اليوم الثاني.. كله زحمه.. التاهو كنت اوديه الجيده فرع اللاندمارك يخلصون الموتر وانا قاعد مافي زحمه..

خامس شي.. وكالة المناعي مايخلونك تتعامل مع مراكز خدمة الاي سي دلكو.. ولا بينلغي الضمان.. وكالة الجيده يقولون عادي بس خل الفواتير عندك.. هي اصلا لهم وكيلهم الجيده بس استعباط..

سادس شي واهم شي.. خذت على التاهو ضمان 5 سنين عداد مفتوووووح.. وكالة المناعي لي الحين مال اول .. 3 سنين او 60000 ...

ولك القرار..

[qtr qtr]

ماشاء الله الشباب كفوا ووفوا..

الموضوع الحين تجارب شخصيه..

تجربتي مع وكالة المناعي.. مثل ماقال واحد من الشباب يصلحون كل السيارات وخاصة الصبغ عندهم زين.. بس هني المشكله .. يتأخرون في الصيانه والسبه لي دخلت كراجهم كله سيارات من برع !!!

الشي الثاني.. قطع غيارهم اغلى والسبه انهم يشترونها من الجيده !!! اللي هو وكيل الاي سي دلكو.. مره كنت ادور بطاريه .. مريت محل اي سي دلكو في بن محمود.. قالي البطاريات خالصه .. ليش.. يقول وكالة المناعي يشترونها من عندنا اول باول وبكميات كبيره..

الشي الثالث.. المناعي كانوا قاصين علي يخلوني اسوي تشييك كل 5000 عشان الضمان يبلفيت.. يوم خذت التاهو قالو لي عندنا ايل 10000 مايحتاج تسوي كل 5000.. مع ان المناعي ماقالوا لي هالكلام...

رابع شي... مراكز الصيانه الخارجيه.. كنت اودي الهمر فرع الخيسه.. تغيير ايل كان ياخذ له يوم كامل او تعال اليوم الثاني.. كله زحمه.. التاهو كنت اوديه الجيده فرع اللاندمارك يخلصون الموتر وانا قاعد مافي زحمه..

خامس شي.. وكالة المناعي مايخلونك تتعامل مع مراكز خدمة الاي سي دلكو.. ولا بينلغي الضمان.. وكالة الجيده يقولون عادي بس خل الفواتير عندك.. هي اصلا لهم وكيلهم الجيده بس استعباط..

سادس شي واهم شي.. خذت على التاهو ضمان 5 سنين عداد مفتوووووح.. وكالة المناعي لي الحين مال اول .. 3 سنين او 60000 ...

ولك القرار..




كلام اخونا كله صح .. مييزة الجيده الصيانه يخلصونها بنفس اليوم .. وتعاملهم محترم

وهاذي عن تجربه مب تأليف اجيبه من راسي ولا من القيل والقال

[يراعٌ فراتي]

الجمسي سعره فيه وفي البيع افضل

وفي اصيانة المناعي احسن من الجيدة عن تجربة

عندي همر واعرف المناعي زين

صج اسعارهم اغلى شوي بس ممتازين

الشفر اذا تشتريه خذه مستعمل خفيف بيكون سعره احسن يعني 2012 ب 180
بتحصله ماشي 5000 كيلو بعد فترة بنازل 20 او اكثر

[اوف ليميت]

الله يجزاكم خير عالسوالف اللي تنفع ولكن بدون مبالغه

انا عندي 3 مواتر من المناعي وعندي موتر واحد من الجيده

بخصوص اسعارهم...بقول هالكلام والله شاهد علي .. اذا طلع عليك 5000 ريال فالجيده عشان شغله معينه..صدقني تدفع على نفس الشغله ويمكن احسن 4200 او 3700 ريال فالمناعي...حتى لو بنقول وفرت على نفسك اقل شي 1000 ريال اذا مش اكثر

بخصوص الخدمه وسرعتها..الحين تقولي رايحلي فرع الخيسه ومتأخرين؟ انزين ياخوك..اكيد بيتأخرون..فرع الخيسه ماشاءالله كم سياره من وكالة المناعي في الخيسه والخريطيات وامصلال علي ومحمد وام عبيريه وام قرن ونعيم والدحيل والغرافه وغيره وغيره ... تخيل ان كل هذول يروحون الخيسه..ترى زين يقولك تعال بكره .. اذا عندك فوق ال 20 موتر في وكالة الجيده..صدقني يقولك تعال بعد 3 ايام اذا مانساك واتصلك بنهاية الاسبوع

وفوق كل هذا الكل يدري الخيسه زحمه..تدري وين انروح؟ فرع ام الافاعي عند نادي الريان..الله لايهينك..عندك خط الرفاع الجديد (اللي هو شارع العرضات) بيوديك سيده لنادي الريان .. هناك محطة ام الافاعي قدامك..تعطيه موترك الحين..15 دقيقه يقولك موترك جاهز وانت قاعد داخل مع المدير تحت المكيف تشرب شاي

بخصوص نوع الزيت..هذي اول مره اسمع فيها..انهم امخبين عنك هالمعلومه...يمكن نسوا يقولون لك
عالعموم..ترى فالبدايه ماكان في بو 10 الاف .. كان بو 5000 بس
الحين بو 10000...هذا تستخدمه اذا انت تضرب خطوط وتسافر او حتى لو تمشايتك بعيده وطويله..يعني كل يوم شمال او دوام بعيد وجذي..ينفع الموتر..لان مافي تضريب بريكات واجد..بس اذا انت الموتر للعائله وتوصيل وداخل الدوحه..حط بو 5000...صحيح انك لو حطيت بو 10 الاف نفس الشي..بتوفر على نفسك مبلغ + وقت .. على ماترجعلهم مره ثانيه...بس بكيفك اذا تبي تحط الزيت الغير مناسب 100% لتمشاية السياره..موترك وانت حر

بخصوص الضمان..المناعي ضمانه صار 3 سنين او 150 الف

نرجع للجيده...لو بتكلم جنرال موتر مدل ايست..وتحاول اتعرف بعض الحالات اللي صارت في قطر من الجيده..بتكتشف ان في اكثر من زبون تم تصليح مواترهم بطريقة خاطئه...يمكن تقول بالصدفه اوكي..وبعد بسعر اعلى...تم تحويل المواتر الى المناعي لاصلاحها..
المناعي سوى فحص كمبيوتر كامل...تم اكتشاف الاصلاحات اللي سواها الجيده كانت مش مكتمله وعندك بلاكات الانجن كذا واحد منهم لوس مش راكب والمكينه اطلع شرار كل ماتدعس ريس..(ربك حفظ اصحاب المواتر) + قطعتين تم تركيبهم اصلي بس مستعمل..مش اصلي جديده من الستور..وانت دافع كل شي بسعر وكاله جديد..على شنو؟

هالسالفه صج .. مش شخص او اثنين..اشخاص وايد

وهذا السبب اللي مخلي الناس تتوجه لاصلاح مواترها للمناعي

شوف انت المناعي تلاقي في كراجاتهم كل انواع السيارات..ولا 50 موتر في كل كراج للتصليح ويخلصونك من 3 الى 5 ايام وبسعر اقل وخدمه راقيه

ولو بتلاحظ .. شركة المناعي لو موترك موديل 2007 او 2008 ويمكن اقدم...يتشوفهم يتصلون فيك فجأه يسألونك عن خدمات وغيره وغيره وحتى متى اخر مره وديت موترك للوكاله او جذي..بس الجيده اذا موترك بهالموديلات القديمه..دووورني يتصلون فيك..بس حق المواتر الجديده..يعني اذا موترك انتهى ضمانه امطبقين نظام (طقعله الحين وهو بيجينا زاحف)

مابي اطول بالموضوع..مجرد رأي..يمكن البعض كانت تجربته سريعه وحلوه مع الجيده..بس لاتقارن تجارب تبديل الزيت والفلتر وهالسوالف..نبي الشغل العدل
زيت وفلتر بسويه باي مكان...انت احسب حساب المستقبل والاشياء الكبيره


ملاحظه..مانبي نخبي عليكم ان صج المناعي رفع سعر الخدمه عنده بعد الزيادات..يعني صارت 200 ريال زياده او شي جذي..ولكن عممها على جميع مكاتب الخدمه بورقه معلقه فالمكاتب عشان الكل يعرف..والزيت والفلتر التبديل

الجيده اتوقع رفع بس ماعممها....

بصراحه افضل اللي يجي في وجهي ويقولي (يافلان ببوق منك 100 ريال ترضى؟) بقوله تفضل .. احسن من اللي يقولي (ترى مش ماخذ منك ولا ريال زياده..بس عطني سعرها 200) وهي بالاساس 100 وللا 150

وفمان الله

[وحيد-الشوق]

الشباب ماقصروا :)

انا من رايي شوف لك مستعمل نظيف يكون احسن من الجديد وبتحصل اسعار حلوة اما اذا مالك خاطر توكل على الله وخذ جديد وماعليك من الي يقول خذ تويوتا قسم بالله مواترهم خايسه وغاليه عالفاضي جي اكس ٦ سلندر ب٢٠٠ الف واستاندر حول ال١٧٠ والافالون ٢٠١٢ ب١٤٠ الف وموديل ٢٠١٣ بيتغير شكلها عادي بتوصل ١٧٠ !!!!!

للأسف القطريين هم الي حطوا قدر حق شركة تويوتا الفاشله ولا روح لف العالم كله ماتلاقي كروزر واحد

الامريكي تغير عن قبل واغلب الوكالات تعطيك ضمان مفتوح حتى الدودج ضمانهم ٥ سنين عداد مفتوح وتقدر تجدد بعد بس للأسف الامريكي مهضوم حقه في قطر :(

ونصيحه اخيره مر شركة نيسان وشوف الباترول الجديد صراحه موتر ماعليه كلام وفخم عكس الكروزر

والله يرزقك الي في خاطرك