تكفون ابي استشاره..

[الالماس2005]

مساااء الخير ..

حبيت استفسر ..اذا حد يقدر يفيدني .. طلبوني الأعلام ..وما اعرف شنو طبيعه عملهم وكيف ادارتهم ..طبعا انا مقدمه عن طريق برزان ..اللي يعرف لا يبخل على ..عن طبيعه العمل والراتب ..

وايضاا تم طلبي للداخليه للمنافذ .. من 2009 كان طلبي واول مره يطلبوني ..الحين ما اعرف شختار .. وما اعرف اذا اقدر ارفض المنافذ واطلب اداره بالدوحه .. بحكم اني ما اقدر اوصل عيالي المدارس وصعب علي

جات السالفه اذا بغيت تحيره خيره ..

[vxr]

جات السالفه اذا بغيت تحيره خيره

في هذي الحالة أنصحك بإستشارة الله سبحانة وتعالى عن طريق ركعتي الإستخارة

ولا يمنع من أخذك لبعض تجارب الآخرين

موفق إنشاءالله

[الالماس2005]

جزاك الله خير ..بلا شك بأستخير والله يكتب اللي فيه خير وخيره.. بس ابي اعرف اذا حد عنده خلفية عن الاعلام ..او اذا اقدر ارفض المنافذ ..واطلب اداره ثانيه

[روح الاطلس]

شنو يعني الاعلام ؟؟ شسم الجهه


هل خذت معلومات كافيه عن الجهتين من ناحية الرواتب والامتيازات ؟؟ بس من سرد الموضوع واضح انج ماخذتي معلومات وافيه واهني صعب تقررين وتقولين محتارة!! روحي للاثنين ولما تجمعين معلومات كاملة تقدرين تفاضلين بينهم بسهولة وتشوفين الاحسن

[الالماس2005]

للحين ما امداني اخذ معلومات ..توهم اتصلوا علي اليوم من وزاره العمل فقالوا الجهتين طالبينج (الداخلية -الاعلام) ..عندهم شواغر ..يبوني اروح لهم اذا ناسبتني شي من الوظائف ..

[روح الاطلس]

الداخليه وايد اقسام وبعضها شفتات بس الحلو ان ساعات العمل قصيره .. الااعلام السموحه ماعرفت اي جهه المقصوده ... انتي ثانويه او جامعيه؟

[ولد ازغوى]

المنافذ يعني الجوازات ما غيرها ولا بو سمره ؟؟

[حقيقه]

شوفي الاعلام اول بالضبط هو شنو

استشيري واسئلي عنه

قبل الداخليه

[بـن عدوان]

انزين انتي ليش مختبصة

حاولي تعرفين طبيعة الشغل في الجهتين

بشكل عام أفضل الإعلام واشوفه احسن للبنات بعد

[أسد الجزيرة]

اذا المنافذ في المطار زين

[al wafi]

اختي الاعلام

احتمال يقصدون المؤسسه القطريه للأعلام

اذا فعلا يقصدون هذي المؤسسه خبريني وراح اعطيج كل التفاصيل عنها من الراتب ومن طبيعه العمل وعن الموضوع كامل

وبالتوفيق وين مارحتي :nice:

[راعي الدتسن]

الله يوفقج ويسدد خطاج.. اول شي لازم تعرفين طبيعة العمل ومن ثم تشوفين المناسب لج ..
واهم شي استخارة رب العالمين

[الالماس2005]

الاعلام يقصدون قناة قطر .. تم ترشيحي وطلبوني للمقابلة وقالوا خليج على الانتظار لين نكلمج .. سألت من طرف واحد يشتغل هناك قال شنو المؤهلات وخبراتك..وخبرته عني ..قال البنات هناك بالأدارة ..أكثر شي بالصادر والوارد... والله أعلم وين بيحطوني ..

أما الداخلية صرفت نظر عنها ..

[قطرية مثقفة]

عزيزتي استخيري ماخاب من استخار

[الالماس2005]

الداخليه وايد اقسام وبعضها شفتات بس الحلو ان ساعات العمل قصيره .. الااعلام السموحه ماعرفت اي جهه المقصوده ... انتي ثانويه او جامعيه؟



انا طلبوني بالمنافذ (ابوسمره او المطار ) صعب علي حيل الاقرب لي المطار والمطار لازم شيل النقاب ما ادري ليش,, ما اقدر .. فقلت الانسب الاعلام في التلفزيون ..