ظاهرة البصق خلال الوقوف

[ابن سينا]

ماهو شعورك وانت متوقف عند الاشاره من صباح الله خير والمركبه الي اماك يفتح السائق الباب والله يعزكم يبصق ويتسنسن وخاصه الاسيويين وتبعوهم الاخوه الوافدين العرب هل الاسيويين في اوربا يعملون نفس الحركه وسلامتكم ..............

[نايف1987]

لا ما اعتقد اللي في اوروبا يسون كذا ولو سوا كان راحت عليهم

للأسف من عز الصبح واحنا نشوف هالظاهرة المقرفة الله يلوع جبدهم ، المفروض يتخالفون بس مين اللي بتصيد لهم بس اكيد لازم في شي نقدر نمعهم فيه لانه مب عدلة جدام العالم تلوع جبودهم

يعني مادري اشفيها لو خذا كلينكس و بصق فيه " الله يعزكم "

[intesar]

قلت الظاهرة عندنا عن قبل.. بس شي يقرف والعياذ بالله..

[الخزرجي قطر]

والله ان كلامك وموضوعك جاي في وقته
شي مقرف عن جد مثل هذه السلوكيات
ماهو الحل للحد من هذه الافعال الشينه

[غزلان]

مقرف مقرف مقرف

حتى بالملاعب وقت المباراه ماتجي الكيمرا الا على اللاعب وهو :(

مره بسوق واقف قلنا نظف بعد ماصلحوه الا هندي حسيت الآرض تلف فيني

لازم يشوفون حل

[السكين]

قلت الظاهرة عندنا عن قبل.. بس شي يقرف والعياذ بالله..

وين قلت يا انتصار بس !!

والله لو تمشوا بشوارع مشيرب ولا الأصمخ ولا النجمة والحراج ولا بأي منطقة فيها عمالة آسيوية ماشيين يجييك ضغط وتقرف حياتك منهم !

الظاهرة محتاجة حزم لأنها كثرة وما قلت ، وكانت مقتصرة بالشوارع والمرتجلين وحديثاً السواقين صاروا يتفننوا فيها على الإشارات ، وأنا ضد الصاق هالتهمة بالوافدين العرب .. يمكن تشوف شيء لا يذكر منهم ، لأنه بطل هالحركة هم الآسيويين تلاقيه قبل ما يبصق يخور مثل الثور أول شي :nice:

الحل هو مخالفة فورية وسحب البطاقة واستلامها بالمركز بعد التوقيع والتعهد ، وصدقوني لو كانت المخالفة عشرة ريال تأثر فيهم ، وهالنوعية تخاف من المراكز يعني بيتحسن سلوكهم .

النقطة الأهم ، التوعية المكثفة هالناس جايين من بلاد تعداد سكانها بمئات الملايين مثل الهند على سبيل المثال ، فيهم ناس ما سمعت بشيء اسمه ايتيكيت ولا أسلوب التعامل ولا عبور شارع ..والتوعية تكون بتوزيع بروشورات في كل مكان وخاصة اماكن تواجدهم توضح فيها عادات وتقاليد البلد وإنه هالعمل غير حضاري ومؤذي نفسياً ومعنوياً للجميع .

بحق ومن كل قلبي اتمنى تزول هالظاهرة لاني شبه يومياً والله العظيم اقول لأي شخص اشوفه يسوي هالحركة انها عيب وغير حضارية واقولهم استخدمموا الفاين يا عالم !!!!

الكثير من الغربيين عند زيارتهم لقطر يعتقدوا ان البلد اغلبيتها قطريين وهالشي يعطي انطباع سيء .. لذنب ما اقترفوه أبداً ..

[رآعي موآجيب]

ماهو شعورك وانت متوقف عند الاشاره من صباح الله خير والمركبه الي اماك يفتح السائق الباب والله يعزكم يبصق ويتسنسن وخاصه الاسيويين وتبعوهم الاخوه الوافدين العرب هل الاسيويين في اوربا يعملون نفس الحركه وسلامتكم ..............


منيب قايلك 3/4 لندن كلها آسيويين ، لكن بقولك نصف لندن آسيويين ولا يسوون اللي يسوونه عندنا

سافرت الهند من فتره ، والوضع أشد سوء مع الأسف

مدري شالحكمه من اللي يسوونه !!

لكن سؤالك في محله ، ليش مايسوون هالأمور في اوروبا ؟

يشوفون الأوربيين أيش مطبقين عندهم ويطبقونه عندنا ويفكونا من هالعاده الكريهه

[الشلهوب]

الاشكال المقرفة اكثر الذين يمضغون التنباك اعزكم الله وبعد ذلك ايتفلونة وما اكثرهم بالاسواق

[intesar]

منيب قايلك 3/4 لندن كلها آسيويين ، لكن بقولك نصف لندن آسيويين ولا يسوون اللي يسوونه عندنا

سافرت الهند من فتره ، والوضع أشد سوء مع الأسف

مدري شالحكمه من اللي يسوونه !!

لكن سؤالك في محله ، ليش مايسوون هالأمور في اوروبا ؟

يشوفون الأوربيين أيش مطبقين عندهم ويطبقونه عندنا ويفكونا من هالعاده الكريهه



بالهند أشد لأنهم ياكلون بان:nice:

[موضي قطر]

يعني الشرهه عليهم ... هذا وانتوا ماعندكم مدينه ترفيهيه :anger1:


حبوا يسوون لكم الملعب الصابوني :rolleyes2:<<< اهداء لاختي غزلان :tomato:

[رآعي موآجيب]

بالهند أشد لأنهم ياكلون بان:nice:

بغيت اقول جعل مافيه عافيه :tease:

لكن الله يصلحهم :nice:

[غزلان]

يعني الشرهه عليهم ... هذا وانتوا ماعندكم مدينه ترفيهيه :anger1:


حبوا يسوون لكم الملعب الصابوني :rolleyes2:<<< اهداء لاختي غزلان :tomato:


وعييييييه وعييييه لو بيدي سجنتهم وبعدها ابعاد بطياره توقف ترانزيت 10 مرات

موضي :(:mad::anger3:

[intesar]

موضي قطر الله يسامحج.. ملعب صابوني..
يععععععععععععع..

[الأصيلة]

من غير ما أحس أهاوش صاحب هذه الحركة
ما أقدر أمسك نفسي وأقوله انت في قطر النظيفة مش في بومبي
لما تروح بومبي سووا اللي تبغيه...
وخاصة بالقرب من المعاصر والسوق ومكان تجمع الهنود...

[الأصيلة]

وعييييييه وعييييه لو بيدي سجنتهم وبعدها ابعاد بطياره توقف ترانزيت 10 مرات

موضي :(:mad::anger3:

اعجبتني فكرة الترانزيت 10 مرات
بسويها مع دريولي اللي فقرني بالمخالفات عشان يذوق الحرة...

[موضي قطر]

وعييييييه وعييييه لو بيدي سجنتهم وبعدها ابعاد بطياره توقف ترانزيت 10 مرات

موضي :(:mad::anger3:



موضي قطر الله يسامحج.. ملعب صابوني..
يععععععععععععع..



ههههههههههههه :tease:


اذكر من زمان كنت مع الوالده في سوق واقف اول مابدوا يعدلون فيه مب التعديل الأخير والشكل القديم لا لما كان جي آر سي <<< مادري صح الكلمة :shy:


المهم كان فيه عمال في الدواعيس ولا ذاك البتان واحنا مارين من عنده ويطلعهااااا تووووووف ... ومالها مكان الا عبايه امي :rolleyes2: وامي تقط العباه في السوق وتمت ترجع مكرمين :anger1: بصراحه حركة مقرفه جداً ... للعلم هم يمشون على الأنظمه في اوروبا وامريكا لأنهم يشوفون بالعين المجرده ان القانون يتطبق على الكل بدون استثناء وسكان البلدان هذه هم اول الملتزمين فيعيشون روح القانون ويلتزمون :nice:

[qtr qtr]

الظاهره هاذي المسؤل عنها البلديه .. قسم النظافه العامه الحاملين صفة الضبط القضائي .. وغرامتها 200 ريال ..

[bambam]

في اوروبا الغرامه توصل لـ ٣٥ يورو اذا بصقت في الارض .. او قطيت زقاره

ليش في قطر مايسون نفس النظام . الي يغلط يتحاسب . هنا في المانيا يآدبون الواحد في جيبه يعني بفلوسه

.... يعني لو الغرامه توصل لـ ٥٠ ريال قطري للي يبصق ماراح نشوف هالظاهره .

[intesar]

ههههههههههههه :tease:


اذكر من زمان كنت مع الوالده في سوق واقف اول مابدوا يعدلون فيه مب التعديل الأخير والشكل القديم لا لما كان جي آر سي <<< مادري صح الكلمة :shy:


المهم كان فيه عمال في الدواعيس ولا ذاك البتان واحنا مارين من عنده ويطلعهااااا تووووووف ... ومالها مكان الا عبايه امي :rolleyes2: وامي تقط العباه في السوق وتمت ترجع مكرمين :anger1: بصراحه حركة مقرفه جداً ... للعلم هم يمشون على الأنظمه في اوروبا وامريكا لأنهم يشوفون بالعين المجرده ان القانون يتطبق على الكل بدون استثناء وسكان البلدان هذه هم اول الملتزمين فيعيشون روح القانون ويلتزمون :nice:


واااي.. صج حركة خايسة مسكينة الوالدة.. الفرق بيننا وأوروبا.. إنهم هناك تعلموا على القوانين من وعوا على الدنيا.. يعني قوانين يمكن صارت لها أكثر من 100 سنة.. أما عندنا فالقوانين مازالت جديدة العهد ومستحدثة.. مثلا عندج نظافة الشوارع وحذف علبة بيبسي ولا كلينكس من السيارة.. الحين من النادر تشوفين هالحركة.. وبصراحة قطر شوارعها نظيفة.. مو مثل قبل.. هذا هو الفرق بينا وبين أوروبا..

[حفيد الأنصار]

مايخفي هالظاهرة الا القوانين وتكون بالغرامة المالية

[abdo222]

بال ! للحين ما ماتوا الي يسون هال الحركات !! اذكر اخر مره زفيت واحد سوا هال الحركه تقريبا قبل سنتين !
لا تسكتون عليهم, الي يشوف حد يروح يقوله "باللين" صديق ما ينفع جدي هذا تسويه في بيتكم مب قدام الناس, هذا مب بلاد" انا بالنسبه لي ما عندي اسلوب اللين في هال الموقف, بس كل ما ازف واحد احسه انه في المستقبل بيعاند وبيسويها,,

[لمعة الالماس]

واذا قطري يسوي جذي شنو الحل معاه !!!!

اليوم الصبح عند الاشارة واحد مسوي نفس الحركة القذره

حسيته تصرف غير حضاري

[الرايــق]

قبل شهرين واحد اسيوي سوا نفس الحركة داخل مجمع الستي سنتر لوع الله جبده

[الحال مايساعد]

الظاهره هاذي المسؤل عنها البلديه .. قسم النظافه العامه الحاملين صفة الضبط القضائي .. وغرامتها 200 ريال ..

صحيح ، الغرامه موجودة بالفعل في القانون لكن مادري هل هي تتبع للبلدية ولا جهه أخرى
لكن المشكلة الأفراد القائمين على الموضوع هذا لم يفعلو القرار هذا ، تدري لو تم تفعيل هذه
المخالفة ، بالكثير بالكثير شهر والظاهرة هذي تختفي من جميع أنحاء قطر

[شبح الصمت]

واذا قطري يسوي جذي شنو الحل معاه !!!!

اليوم الصبح عند الاشارة واحد مسوي نفس الحركة القذره

حسيته تصرف غير حضاري




في ناس عافنا الله واياكم فيهم مرض

بلغم تحصلينه وإلا حاجه وما يقدر يسيطر على نفسه

والدكتور يحذره يقوله لا تمسكها ( يكرم الحاضرين ) طلعها

فالحبيب مافي فاين في السيارة فالحل شنو بطل واقذف

والبعض من الذقاير الخايسه الي مضرتها اكثر من منفعتها

والبعض من التمبو

والبعض من السويكه

والبعض والبعض

الله لا يبلينا يارب

[رذاذ]

منعوا السويكه مفروض يمنعون التنبك مال الهنود ..

عني صادفني الموقف ولحق راعي السياره وقعدت ااشر له بالفاين هز راسه مرتين واعتبار انه اعتذار لو بلغت عنه جان صكووه مخالفه .

[@north_star@]

فعلا عادة وصخة وغير حضارية ولازم يعاقب عليها القانون

[بو الجوري]

أنا عن نفسي إذا سووها قدامي أو حد قط زقارتـه :anger1:
أديـّم له و أحشره هرانه :.. و أعصب عليـه :anger1:

مع الأسف ماقدر أخالفه ، لكـن على الأقل بيعرف إن في ناس يشوفون ويعلقوون :..

[MAZEN37]

ان وضع قانون يخالف ماديا هذه الفئه سيكون رادع لهم
وبيجعلهم يتكلمون بينهم عن هذا القانون ويكون خط يفكرون فيه
وبالنهايه
الله يقرفهم ويجعلها تدور بوجيههم

[MAZEN37]

أنا عن نفسي إذا سووها قدامي أو حد قط زقارتـه :anger1:
أديـّم له و أحشره هرانه :.. و أعصب عليـه :anger1:

مع الأسف ماقدر أخالفه ، لكـن على الأقل بيعرف إن في ناس يشوفون ويعلقوون :..
انا نفسك والله

[نور الحور]

صراحة شيء مقرف حتى النخاع ..
وأكره شيء لما أنزل من السيارة واضطر أرفع عبايتي كأني بخوض في نهر لأنها ممكن تسحب على وساختهم خاصة إن مكانهم المفضل قرب الأرصفة يعني عند صف السيارات :rolleyes2:

وفوق إنها حركة قذرة ففيها نقل للعدوى والأمراض ..الله يكفينا الشر ..

وللأسف هالظاهرة المزعجة شفتها حتى في مكة .. عند البيت الحرام ..وأحياناً داخله للأسف .. لا يعظمون المكان ولا يعرفون الطهارة ..
مرة كانت أختي في مكة بتصعد درج كهربائي ومسكت مسكة الدرج إلا بذاك الشيء اللي يتلزق في يدها :( .. حست الدنيا تدور فيها من القرف والتنرفز :anger1:

عشان جذي أوصيكم بعدم مسك درابزينات السلالم العادية ولا الكهربائية قدر الإمكان ..

الحل ..طبعا بالمخالفات .. هالنوعية من البشر تأثر فيهم المادة أكثر من النصح والتثقيف .. وما في مانع لو بعد سن المخالفات تكون في توعية خاصة بالنسبة للمسلمين منهم كخطوة ثانية ..والله يهدي الجميع ..

موضوع عن شيء مقرف .. بس على الجرح :(

[بعيد المرامع]

تخيلو عاد انا جالس على الكرسي بالطيارة ، الراكب اللي جنبي يسويها ويحطها تحت كرسيه، هذا واحنا لسه ما اقلعنا.

عجزت اتحمل الموقف ، تكلمت وناديت المضيفين يغيرون مكاني ولا والله لا انزل واكنسل الرحلة ، اخر شي بدلت مع هندي باخر الطيارة وتحملت ريحة الزيوت والكريمات طول مدة الرحلة . بس اهون من الوصاخة

انا ودي يطبقون نظام الاعدام في للي يسوون هالحركة ، لو تدرون ان بعد ماتنشف وتتحول لذرات صغيرة تتطاير مع الهواء ، واحنا ممكن نلتقطها مع التنفس ، كان تمشون بكمامات :)

[الصغيره]

لما اشوفهم ما اسكت اوقف على راسه وهاوشه واقول مافيه كلنكس حسبي الله عليهم بينقلون لنا البلاوي

الا ليه القطري ما يسويها ؟؟؟؟

ماقد مر علي قطري يسويها الا شيبانا لول وهم رايحين المسجد كانه من التراث يتفل قبل المسجد

الله يرحمهم امين ويطول بعمار الباقين