ضربتين في الراس توجعععع .....فزعتكم

[بوغانم995]

هذه الحادثه هي مسلسل مستمر ....الموضوع هروب خادمة ابوأحمد ....صديق العمل الذي اقضي معه اكثر وقتي .....بعد هروب ...خادمتهم ....طلب مني شخصياً المرافقه للبحث عن خادمه ..جديده .....قبل دخول شهر رمضان ....أعاده الله عليكم أجمعين ...:)

المهم في بادي الأمر مانعت بس بعد اصرار منه قلت يالله تجربه للمستقبل ....وطبعاً من سأل ماضاع ...وصلنا لمكتب في سوق العلي ....موصوف لنا ...دخلنا وسلمنا ....وانا ساكت لا أتكلم ...مجرد مرافق ..ومدون للحدث فقط ....ابو أحمد طلب خادمه من سرلنكه ...و تكون طباخه ....كاشرط أساسي ...الموظف في المكتب جاب سيرة عمل لخادمه .من سيرلنكا ..كانت في لبنان ثم الكويت ....تجيد التحدث بالغه العربيه وتعرف طبخات أهل الخليج ...والشام ....الراتب 900ريال

.......فقال للموظف هذا المطلوب ....خوش كلام .

الموظف طلب 8500 ريال ....أتعاب المكتب ....وسوف تحضر خلال 20يوماً ....والعربون 4300 ريال .....ودفعها للموظف بحسن نيه ...وبشهادتي ....فقال للموظف ...اقولك طباخه ....وهو يأخذا الرصيد ..لا تجيب لي حيالله وحده ...انا جاي أريد طباخه ...تفهم ..:anger1:

وبعد الـــ20 يوم ....لم تحضر الخادمه ...ولا حد.....اتصل ....وبعد مناوشات وزيارات ووعود كلها سراب ......وبعد مضي 45 يوماً .....ذهبنا للمكتب ....ونفس السيناريو ....الخميس الجاي ...ويذهب حميس ويأتي ....ولا خبر ....أبو أحمد أخذ ...سائق بيت خاله السرلنكي ...وهد عليهم .....وبعد مشاده ...قالوا له خلاص الخادمه رجلها مكسوره ...ولا تستطيع الحضور ..ابلعها ياولد :omg:


وسوف نعوضك بخادمه نصل في اقرب فرصه يمكن 6 ايام تكون في الدوحه لأن اوراقها جاهزه ....فقال ابو أحمد بس انا أبي طباخه ...مواي وحده ...وهذا شرطي الأول ...وانتم وافقتم على ذلك ....فقالوا له ...هذه تعرف تطبخ ووتتكلم أنجليزي ..وكانت تعمل في ماليزيا ...وتعرف..انجليزي بعد ...:omen2:

بعد كم يوم اتصل لي وصوته مو طبيعي فقلت له ماجور من الشر ....فقال ....خير ان شاء الله ..بس وينك الخادمه يقولون أوصلت ,,,,ايش أخبار الخادمه ....التي وصلت فقال ...ماصدقت انها أوصلت ...بس يأخي ....شاسوي ..

قلت له خلها عندهم لاتأخذها لبيتك خل السائق يأخذها للفحص الطبي .الصباح..ثم البيت ولا تمسك اي شىء ..الا ..بعد النتيجه ....:victory:

وثاني يوم الصباح ابو احمد أمو شوش شوي ....شفيك قال لي يأخي : نصبوا علينا ....فقلت آآآفاء

فقال الخادمه وصلت البيت بعد الفحص الطبي .....كماقلت لي ....بس طلب السائق مقابلتي ...وجاء المكتب وقال لي السريلنكي ...هذه ماتعرف تطبخ.... وهذه ....ماعمرها أشتغلت في الخليج ...

الخادمه القديمه أخبرت ام أحمد بن هذه الخادمه ......كانت في ماليزيا ...قبل عشرين .....سنه بعد زواجها في سيرلنكه ....ذهبت للعمل كعامله في ماليزيا .....لمدة بسيطه ثم عادت لسيرلنكا ...ومن عشرين سنه لم تغادر بلدها:secret:

ماهذا النصب وعدم المصدقيه .....في تعامل هذا المكاتب .. وهذا للحصر وليس العموم ..واللعب على عقول المواطنين والمقيمين ....دفعت المبلغ كامل 8500 ريال .....واخذت الوصل معي ...ووصل ...من عندهم يقول اذا رجعت الخادمه ,,للمكتب ...لا تستلم فلوسك ,,,الا بعد عشرة أيام من أرجاع الخادمه ...واحد من الجيارن قالي من صدجك عشرة ...ايام يمكن
قصدهم عشر شهور ...ولا تشوف فلس ..

هنا مربط القصيد ......وهذه الضربتين التي في الراس ..هروب خادمه والى اليوم مضى عليها اكثر من شهرين ....ولا خبر ...وهنا أين تفعيل البحث والتحري ...لماذا لا تكون هناك ...قوه تستطيع التعامل مع مثل هروب الخادمات:rolleyes2:

والضربه الثانيه بعد طول انتضار ..وصول خادمه تخالف الأتفاق المبدئي ...

وارجاعها ياخذ وقت وحوسه جديده ......والله المستعان....

انا عن نفسي نصحة ابو احمد بتدريب الجديده على العمل ...وعصفور في اليداحسن من عشره على شجره ......للجميع ...نصائحكم ممكن ان تكون بلسم على بوأحمد ....والسلام ...وبسسسس

[موضي قطر]

المفروض يكون العنوان ضربتين في الراس وبتتعود إن شاء الله :(


الله يعينا لا قينا من وين ... ولا من وين :rolleyes2:

[رآعي موآجيب]

الله يكون في عونه

أشهد انهم لتهوه ، لكن ما اعتقد انه المكتب اللي على زاويه ويفتح شمال :secret:

لأني اتعامل معه من اكثر من عشر سنوات ولا عليه كلام ( ماودي اذكر اسمه لا يقولون دعايه )

المهم ، ترى إدارة العمل والعمال مايرحمون هالمكاتب ، اذا مايبغيها يروح لمكتب العمل ويشرح لهم القصه كلها ، لكن الله يعينه على انتظار الخدامه الجديده

الخدم شر لا بد منه ابتلشنا به

الله المستعان

[راعي الدتسن]

الله يعينه.. واهم شي لايسكت عن حقه ..

[ريم 28]

الله يعينه ويفك عوقه

المكاتب مشاكلهم ما تنتهي تدفع المبلغ الخيالي والخدامه ما اتم تشرد

بس اذا اتعرفون خدامه زينه من الممكن اتجيب لك خدامه بلا مكتب بلا مبلغ خيالي تتفق معها علئ الراتب وكل شي وبس سعر التذكره و300 للتاشيره طلب استقدام شخصي وامورك تمام باذن الله

افضل بكثير من المكاتب لان الحين موضه يشردون

[بصمة قطرية]

لا حول ولا قوة الا بالله :( صج قهر ... حسبي الله عليهم النصابين ... رايي من راي اخوي راعي مواجيب ما يسكت عنهم و يروح ادارة العمل او الجهة المسؤولية ويقول لهم السالفة ما لهم حق ما يرجعون فلوسه حلوة عقب عشر شهور باي حق يحطون هالشرط عشر شهور والله الواحد يبي خدامة ينتظر عشر شهور لين يرجعون فلوسه ...!!!! و شهرين لين توصل الخدامة :anger1:

[هدى ورحمه]

المفروض يكون العنوان ضربتين في الراس وبتتعود إن شاء الله :(


الله يعينا لا قينا من وين ... ولا من وين :rolleyes2:

هههههه والله اعذروني بس شر البليه مايضحك:shy:

[ريم 28]

اخوي ما يصير ما يرجعون الفلوس اذا الخادمة ما كملت عندك 3شهور ورجعتها المبلغ يرجعلك ويخصمون عليك 300 ريال

الوصل لديه والتاريخ مكتوب
يستطيع ان يستلمه فلوسه باذن الله
احيانا المكتب يتاخر يوم يومين لكن اكثر لا
يحق لصديقك ان يذهب لهم وياخذ فلوسه بالحال
ويرجع الخدامه فان سكت بيطولون
انا امي ما رجعوا لها الفلوس وقالوا بعد يومين اخوي جاب الفلوس في نفس اليوم

اوضحت الفكره

[بوغانم995]

المفروض يكون العنوان ضربتين في الراس وبتتعود إن شاء الله :(


الله يعينا لا قينا من وين ... ولا من وين :rolleyes2:

بغيناكم عون .....................وبسسسسسس

[MAZEN37]

الله يعينه

[wadha-qa]

الله يعينكم احنا بعد سوو لنا افلام هنديه خاصه مع السيلانيات اللي يقول اختها رجعت لهم من السعوديه مشوهه و خدامتكم خافت و ما تبي تجي قطر
واللي يقول ابوها مات وهونت ما تبي تشتغل
واللي يقول الطياره كل مره تطير وهي تتاخر ما تروح المطار

كذب × كذب بس يبونك تدفع بعدها يلتهونك

انا اقول قدم على فلبينيه احسن لك اهون من السيلانيات صدق يتاخرون شوي بس اخر شي تجي

[ولد ازغوى]

قول حق رفيجك خله يسمي بالرحمن تراه في اول الطريق ما شاف شي

[الزلزال]

الله يكون في عون ابوأحمد

[almaf1a]

الطلب مكتوب فيه اذا تجيد الطبخ او لا
تلقاها مرجعه والا طايحه بجبودهم ولزقوها فيه
الله يعينه
خله يوصل لادارة العمل عندهم مكان خاص للامور هذي حسب ما سمعت

[شبح الصمت]

مشكله لا من الخدم ولا من المكاتب

الله يستر

ياخي رفيجي مره شفته جايه ياخذ خدامته

ياخي شفتها قلت شالسالفه طالب له عارضة ازياء

اقولكم الرجال كان واقف الا يقولي يلا يلا اشوفك على خير

ههههههههههههههههههههههههههههههههههههههههاي

الرجال شافها مادري طار عقله والا شالسالفه

الحبيب استن راح لها وشلها وداها البيت

يالثور مع احترامي له يعني احد يجيب خدامه حلووه

وعندك اخوان فالبيت

عن نفسي خير الامور الوسط لا حلوه والا شينه

هذه جايبها عادي عمرها 22 سنه


عقب كم شهر الحبيب مسفرها ليش شالسالفه يقول صدتها مع الدريول

دور فكك الحبيب يوم الكتلوج يجيبونه له كانه يختار شريكة حياته مب يختار خدامه

ههههههههههههههههههههههههاي


اللهم لا شماته


تبون نصيحه اخو الخدامه خلوها بس حق التنظيف وغسيل الملابس

لي بغيت تجيب لك خدامه جيبها سريلانكية وجيبها صغيره مب كبيره يعني عمرها 20 وإلا قد اشتغلت في الخليج وإلا مره احسن لكم عن عوار الراس تجيبها فاهمه وتجننك معاها

الحين كلهم يعرفون وفاهمين ليش جايين وش بيسوون إلا من رحم ربي