help

[wadha-qa]

السلام عليكم

لو سمحتوا ابي اعرف شنو احسن نوع جرانيت ينفع لمداخل البيت الخارجية ما يتعدى 80 ريال

و ابي رخام للدرج ما يتعدى 100 ريال

[PGR]

:con2: ابصراحه طلبج تعجيزي لانه مابتحصلين جرانيت من الزين على هالاسعار ,, ان شاء الله الاخوان يفيدونج

[الورد جميل]

نفس الطلب

[معماري قطري]

إستبدلي الجرانيت والرخام بنوعيات فاخرة من البورسلان، مع التركيب الجيد وشطف الحواف بطريقة مقوسة لتهتمين من شيء ... عني ركبت رخام للدرج ب 350 ريال للمتر الرويال بيج وألحين متشمخ ويبي له كحت، ومشكلة مكينة الكحت ما تجي قريب الدرابزين يعني يبين من مكان يلمع وزين ومن مكان لا، وركبت نوعية بورسلان للمدخل أسود ومتموج بأبيض وبيج، وهذا بورسلان إيطالي سعر متر الدرجة الثانية كان 200 ريال والأُولى 800 ريال، وهو عبارة عن قشرة غرانيت طبيعية تتركب على عجينة البورسلان، وهو نادر علشان كذيه غالي وسعر متر الجرانيت منه ما يقل عن 6500 ريال إذا حصلتيه، ومن رايي أي بورسلان جيد بينفع وبيكون نظيف ومرتب مدى العمر، وفيه نوعيات مقصوصة جاهزة للدرج وتجي حتى بلونين لون لواجهة العتبة غير ولون لأرضية العتبة غير

[شموخ دائم]

,

,


مرحبا

الاسعار هذي ما تجيب لك شي زين
وسؤالك مثل الي يسئل يطلب ( ذهب ) رخيص

:)

عموما
الارخص بالسوق الجرانيت الصيني وفي منه اللوان متعدده

والجرانيت الهندي لون احمر غامق عنابي هو الي عليه طلب

و كوالتي زين
الصينيين مافي بضاعه عندهم زينه غير الجرانيت
:)

اما الرخام مافيه منه تحت ال 100 غير الرخام الايراني
والعماني سعره 120 ريال
لكن ما يصلح لخارج البيت بس داخل

انا ارشح لك للدرج ( رخام ايطالي ) اسمه ( برلاتو ) 3 سم السماكه
نوع قوي ممتاز وسعره متوسط ويعيش طول العمر

:)





,

,


اخوك


شموخ دائم

[خالد32]

توكلي على الله بالاسعار الي عندك لان صعب تلاقين ارخص. و يمكن جودتهم ضعيفة.

[wadha-qa]

انا ابي اتقيد بسعر العقد ما نبي نزيد ادري الاسعار في العقد اقل شي في السوق بس شنسوي وقعوا العقد ولا حد تناقش فيه مع مختصين !

[الاسكافي]

إستبدلي الجرانيت والرخام بنوعيات فاخرة من البورسلان، مع التركيب الجيد وشطف الحواف بطريقة مقوسة لتهتمين من شيء ... عني ركبت رخام للدرج ب 350 ريال للمتر الرويال بيج وألحين متشمخ ويبي له كحت، ومشكلة مكينة الكحت ما تجي قريب الدرابزين يعني يبين من مكان يلمع وزين ومن مكان لا، وركبت نوعية بورسلان للمدخل أسود ومتموج بأبيض وبيج، وهذا بورسلان إيطالي سعر متر الدرجة الثانية كان 200 ريال والأُولى 800 ريال، وهو عبارة عن قشرة غرانيت طبيعية تتركب على عجينة البورسلان، وهو نادر علشان كذيه غالي وسعر متر الجرانيت منه ما يقل عن 6500 ريال إذا حصلتيه، ومن رايي أي بورسلان جيد بينفع وبيكون نظيف ومرتب مدى العمر، وفيه نوعيات مقصوصة جاهزة للدرج وتجي حتى بلونين لون لواجهة العتبة غير ولون لأرضية العتبة غير

بعد اذن صاحبة الموضوع
الاخ معماري وين احصل هذا النوع من البورسلان " أسود ومتموج بأبيض وبيج، وهذا بورسلان إيطالي سعر متر الدرجة الثانية كان 200 ريال والأُولى 800 ريال"

[ولد المنصور]

السراميك مايصلح حق المدخل ولا الدرج ..... اتوقع هالانواع موجوده عند انصار سيتي او.... شوش للرخام ومكانه مقابل شرطه العاصمه اسئلوا عن احمد وهو بيفيدكم شخص محترم وامين ....