تم افتتاح معرض العروس بمركز موزه بنت محمد

[q6ryah]

السلام عليكم

تم افتتاح معرض العروس بمركز موزه بنت محمد من يوم الاحد الماضي ولمده اسبوعين

والمواعيد من 8-12،30 الصبح

ومساء من 4-8،30
وباالتوفيق للجميع

[قطري !]

عادي يخلونا ندخل




بشوف شبح يروح معاي



ونبي نعرف شنو تخصصه هالمعرض

[الزلزال]

بالتوفيق

[q6ryah]

المعرض للنساء فقط

وفرصه للعرايس

[ولد ازغوى]

وين مكانه

[intesar]

بمركز موزة.. والمعرض بصراحة فاشل.. وصغير .. يعني معرض عرايس.. يبيعون فيه كاب كيك وآيس كريم وأجبان.. يعني ما فهمت.. العرايس اللي بيروحون هناك .. رايحين شهر عسل ولا يتبضعون لعرسهم.. معرض عرايس لغير العرايس...

[فزعه]

السلام عليكم

تم افتتاح معرض العروس بمركز موزه بنت محمد من يوم الاحد الماضي ولمده اسبوعين

والمواعيد من 8-12،30 الصبح

ومساء من 4-8،30
وباالتوفيق للجميع


الله يوفقكم ويرحم الشيخة موزة بنت محمد

[doha2012]

,


في له مكانيين , واحد عند استاذ خليفه وواحد في معيذر الشمالي ,


اي واحد فيهم المعرض ...؟




,

[intesar]

اللي بالوعب.. استاذ خليفة

[doha2012]

,


الله يوفقهم ,




,



تسلمين الشيخه ,



ياليت الاخت حطت معلومات كامله عنه دامها فتحت الموضوع .. او زودته ب صور ومن الفئات اللي مشتركين فيه ..




,

[فزعه]

الله يوفقكم ورحم الله الشيخه موزة بنت محمد

[q6ryah]

السلام عليكم

صراحه وللاسف انا مارحت المعرض ولكن المشتركات طلبو مني احط الموضوع


وبخصوص انه المعرض يبيعون فيه اجبان او كيك وانه معرض العروس لغير العروس

ذكرتني هالمقوله بغانم السليطي بفايز التوش ( زقاره ام قطو ) مافيها قطو هههههه

وبالتوفيق للجميع

[chillis]

المعرض مافيه شي للعروس ولا يخصه فيها شويه جلابيات للرمضان واسعارهم مبالغ فيها بالذات الي من البحرين. ويبيعون اجبان وكيكات وكلهم محلات ينعدون على الاصابع فاي عروس ذي

[المضعد]

السلام عليكم ورحمة الله وبركاته
ان وجد في معرض مركز موزه بنت محمد الاجبان والكيك والكاب كيك
وجد كذالك الفساتين ,المكياج,العطورات العربيه والفرنسيه,الالماس,جلابيات الحنه...الخ
لا ننسى مجهود القائمين عليه من مديرة المركز السيده هيفاء النعيمي الي اصغر موظف
وان وجد فيه بعض الاخطاء .ان شاءالله راح تتلاشى مع الوقت
شرفونا بزيارتكم خلال الاسبوع فترتين ماعدا الجمعه فتره واحده من 4-8ونص
ولكم مني جزيل الشكر

[intesar]

أقول الله يوفقكم.. بس لا تسمونه معرض عرايس.. وبعد وين الفساتين.. تقصدين جلابيات.. وجلابيات بيت بارك الله فيج.. وأي مجوهرات غير الزرقي.. ما ادري إذا اكسسوارات ولا بالفعل مجوهرات.. والبقية اكسسوارات تقليد.. إذا بندخل بالشرع ومسماكم.. مركز موزة!!.. كيف تبيعون تقليد.. أعتقد من الناحية الشرعية ما يجوز..
الرأي المخالف ماراح يفسد عليكم جو المعرض.. ولا راح يقلل لكم الزباين.. وماله داعي تحطين اسم المسؤولة.. لان حنا ما نعرفها ولا يخصنا ايش هي مجهوداتها.. حنا حطينا رأينا بكل مصداقية وسلاسة.. حطيتوا الإعلان .. تشكرون عليه.. وخلي الناس تتحاور وتناقش.. وتعرف.. واللي بيروح بيروح.. ما بيهمه كلام حد..

المهم بصراحة كان أحلى شيء تشيلي.. انها فاتحة هناك.. وشريت منها.. وما قصرت..

[المضعد]

ارحم الله والديج عزيزتي