صالون نسائي اسلامي

[الصايغة]

السلام عليكم,,,,

مثل ما قريتو من العنوان, صالون نسائي اسلامي,,,,,,,

انا أحب شغل الصالونات وايد ومن لما كنت صغيرة امارس التجميل بس بشكل بسيط لما كبرت توفقت تقريباً بسبب مسؤوليات البيت والعيال مثل ما انتوا عارفين.
والحين بصراحة حابة انطلق في هالموضوع,ايش هي فكرة مشروعي؟؟؟؟
صالون نسائي اسلامي وهذا الشي اللي بيميز صالوني يقدم كل الخدمات المعتادة في الصالونات ماعدا:
1- نمص الحواجب ونستعيض عنها بالتشقير
2- ازالة الشعر في المناطق المحرمة
3- قص الشعر قصير جداً اللي فيه تشبه بالرجال ويعلو أرنبة الأذن
4- الحمام المغربي
5- ما استقبل غير المحجبات بالنسبة لشغل الشعر فقط لأني سألت شرعا قالوا لي انتي تساعدينها على التبرج لكن خدمات ثانية عادي
6- أي خدمة أخرى يكون فيها مخالفة للشريعةلأني أبي رزقي يكون حلال% وانا واهلي واهل زوجي ولله الحمد محد فينا ينمص حواجبه لأن تربينا على ان هذا حرام
المشكلة لما سألت بصفة عامة عن هاموضوع 70% ما أيدوني للأسباب التالية:
1- كثرة هالمشروع في قطر
2- أكثر الزباين يروحون الصالون طلبا للخدمات اللي ما راح اسويها, ولو يبون خدمة ثانية انا موفرتها بعد ما راح ييون لأن ما راح يتعنون لصالونين عشان يخلصون شغلهم أكيد بيروحون مكان واحد متوفر فيه كل الخدمات.

يا ريت تعطوني رايكم وخصوصاً ان راس المال متوفر والحمدلله وتقريبا العاملات موجودات ...
وعندي صديقة دايماً تقول لي: من ترك شيئاً لله عوضه الله خيراً منه.

[لمعة الالماس]

وعليكم السلام ورحمة الله وبركاته

اهم شي تحتارين منطقة ما فيها صالون نسائي عشان ينجح الصالون

[نور الحور]

جزاج الله خير على تحري الحلال ..وأنا معاج في هالشي ..
لكن أختي أنا ما أيدج في المشروع نفسه :

1. الصالونات ماليه البلد ..في كل زاوية وكل فريج ..

2. الخدمات اللي بتقدمينها يقدمها اي صالون ثاني وما فيها تميز .. يعني حتى الملتزمة بتروح صالون عادي وبتقول له أبي تشقير مثلا وبيوفرها لها .. أو بتسوي تسريحة وبتقول ما ابي اكستنشن ..وبيسوون لها طلبها
3 . في المقابل أكثر اللي يجون يجون للخدمات المشبوهة اللي ذكرتيها ..


أنا مرة تعاملت مع صالون متواضع تشجيعا مني لصاحبته اللي كانت تتقي الله وماتسوي الأمور المشبوهه ..لكن صالونها دايما فاضي وبعدين سكرت..الله يبدلها بخير منه ..

وبالنسبة لمن ترك شيئا لله عوضه الله خيرا منه هو صحيح لكن انتي للحين عندج الخيار وما سويتي المشروع .. فشلون تتركين شي هو للحين ما سويتيه ..
نصيحتي غيري النشاط ..
وموفقه بإذن الله ..

[الدبلوماسي]

الله يرزقج يااختي برزق احسن من هذا والله فرحت ان في من بنات بلادي مهتمين بالدين لهدرجه والله يوفقج وتفتحين مشروع احسن من هذا و من ترك شيئا لله عوضه الله خيرا منه

[محمد الجفيري]

بالتوفيق اختي

جمعة مباركة

[غناتي1]

موووووفقه

[pink pearl]

الله يجزاج خير، والصراحة الله يكثثر من أمثال هالمسلمين الغيورين اللي يهمهم رضى الله قبل الفلوس والربح المادي ،، وأحب أذكرج بحديث الرسول صلى الله وعليه وسلم :

((من كان همه الآخرة جمع الله شمله وجعل غناه في قلبه وأتته الدنيا وهي راغمة، ومن كانت نيته الدنيا فرّق الله عليه ضيعته وجعل فقره بين عينيه ولم يأته من الدنيا إلا ما كتب له))

،، وبالنسبة لفتح الصالون الإسلامي فكرت فيها من قبل لكن أنصحج بالآتي:

1- أول شي عليج بصلاة الاستخارة، ثم الاستشارة من اللي حولج وعلى قولتهم "ما خاب من استشار ولا ندم من استخار" :)

2- أنصحج تدرسين المنطقة للي بتفتحين فيها الصالون، يعني الصوالين اللي جنبج كم عددها؟ قربها من المكان اللي بتسوين فيه الصالون؟ طبيعة خدماتهم؟؟

3- لو كان فيه أكثر من 3 صوالين قراب منج فأنصحج لا تفتحين هالمشروع، أما لو فيه أقل من صالونين فادرسي الوضع زين من ناحية أسعارهم وخدماتهم، وتوكلي على الله.

4- أنصحج تسوين فكرة جديدة في الصالون، يعني أحنا ما نبي copy من أي صالون، مثلاً:
* ممكن تسوين مكان صغير لألعاب الأطفال علشان تكسبين الزبونة وتريحينها،
*ممكن بعد تحضرين داعية تسوي محاضرات "لأن وقت اللي نقضيه بالصالون طويل من ساعتين وفوق"
* تفتحين مكاين عصاير طازجة، ماي بارد، وخفايف للزباين.
* خلي صالونج له ستايل خاص فيه، واللي تروح له ترتاح من الخدمات اللي موجودة.

5- صحيح ممكن تتعبين بالبداية، لكن العبرة تكون بالبداية القوية وشوي شوي سمعة الصالون الطيبة بتنتشر، واستخدمي المنتديات وتويتر وغيرها في الإعلان عن الصالون.

الله يوفقج في مشروعج، وإن شاء الله تنجحين يارب

[روح الاطلس]

مايكفي توفر راس المال والعاملات انتي احسبيها وشوفي

البلد مليانه صوالين كل شارع اداري فاتحين فيه صالون و والايجارات بحدود 16 الف

كم زبونه باليوم تتوقعين تجي للصالون؟ وكم خدمة راح تسوي ؟

مشكلة الصوالين حتى لو عندج عاملة ممتازة تجي راعية صالون وتخطفها منج وتغريها بالراتب وتقعد تبكي عندج مابي اشتغل وسفريني للبلاد وبعد كم شهر تحصلينها بصالون ثاني! واقعدي دربي من جديد واستقدمي من جديد


لو عندج عاملات اقول لا تفتحين صالون سوي دعاية لهم وخليهم يشتغلون مثل تجار الشنطة :) اكيد فهمتي علي

[محمد الجفيري]

بالتوفيق يا رب

[خادم العلم]

الله يوفقك

[حازم صلاح]

الله يوفقك اختى على نيتك الطيبة ورغبتك في الحلال ورايى ان تتركى الموضوع برمته لان الناس تعودوا على الصالونات المشبوهة فللاسف هذا هو الحاصل والفئة التى تبغى التجميل بدون فعل المحرمات قليلة وتفعلها في البيت فهذه الصالونات اماكن موبوئة ولا خير فيها حتى ينجح مشروعك لابد من حملات توعية للنساء حول المحرمات التى تفعلها تلك الصالونات انا عُرض على اكثر من مرة ان اقوم بعمل دراسات جدوى لصالونات تجميل فرفضت بشدة لعلمى ما فيها من شبهات ومحرمات وكان يتم انتقادى اننى لم اعمل الدراسة والاصل ان الانسان يتحرى الحلال في كل شئ فى حياته

الله يوفقك ويجازيك الخير على نيتك الطيبة

[بونواف2011]

انا شريت بيت على شارع رئيسي وفيه ملحق مؤجر صالون وسألت الشيخ قال الاجار حرام لذلك عطيتهم 3 شهور عشان يطلعون من الصالون لان فلوسه حرام والحمدلله الاجار تبرعت به
اهم شي ان اللي بيشتغلون في صالونك ما يسون هذي الاشياء المحرمه من وراك

[nasser003]

والله انا اشوف ومن خلال ردود الاخوان فكري في شي ثاني افضل والله يوفقك ويرزقك على نيتك الطيبه ... وانتي وامثالك تنحطون على الراس ...

[ام_عيالي]

شلون صار عندج عاملات بدون صالون ابي اعرف ممكن الرقم للتواصل

[KSK Logistic]

نصيحتي غيري النشاط ,

[@فارس@]

اختي عندي لج فكرة نشاط تجاري نسائي مربحة
كلميني ع الخاص وبقولج
والله يوفق الجميع لكل خير

[السيليه]

الله يوفقك

[ali22]

عساج ع القوة

[IT Engineer]

السلام عليكم,,,,

مثل ما قريتو من العنوان, صالون نسائي اسلامي,,,,,,,

انا أحب شغل الصالونات وايد ومن لما كنت صغيرة امارس التجميل بس بشكل بسيط لما كبرت توفقت تقريباً بسبب مسؤوليات البيت والعيال مثل ما انتوا عارفين.
والحين بصراحة حابة انطلق في هالموضوع,ايش هي فكرة مشروعي؟؟؟؟
صالون نسائي اسلامي وهذا الشي اللي بيميز صالوني يقدم كل الخدمات المعتادة في الصالونات ماعدا:
1- نمص الحواجب ونستعيض عنها بالتشقير
2- ازالة الشعر في المناطق المحرمة
3- قص الشعر قصير جداً اللي فيه تشبه بالرجال ويعلو أرنبة الأذن
4- الحمام المغربي
5- ما استقبل غير المحجبات بالنسبة لشغل الشعر فقط لأني سألت شرعا قالوا لي انتي تساعدينها على التبرج لكن خدمات ثانية عادي
6- أي خدمة أخرى يكون فيها مخالفة للشريعةلأني أبي رزقي يكون حلال% وانا واهلي واهل زوجي ولله الحمد محد فينا ينمص حواجبه لأن تربينا على ان هذا حرام
المشكلة لما سألت بصفة عامة عن هاموضوع 70% ما أيدوني للأسباب التالية:
1- كثرة هالمشروع في قطر
2- أكثر الزباين يروحون الصالون طلبا للخدمات اللي ما راح اسويها, ولو يبون خدمة ثانية انا موفرتها بعد ما راح ييون لأن ما راح يتعنون لصالونين عشان يخلصون شغلهم أكيد بيروحون مكان واحد متوفر فيه كل الخدمات.

يا ريت تعطوني رايكم وخصوصاً ان راس المال متوفر والحمدلله وتقريبا العاملات موجودات ...
وعندي صديقة دايماً تقول لي: من ترك شيئاً لله عوضه الله خيراً منه.


السلام عليكم ورحمة الله وبركاته

اختي العزيزة بحسب كلامج مشروعج روعة لكن النقاط التي ذكرتيها هي الاهم في هالزمن بس لا تتحطمين فكري الف مرة لان اذا سويتي المشروع والزبائن ما كانوا بالعدد المطلوب بتخسرين انا اقول اذا تغييرين فكرتج الى شي اخر يعني مركز تعلمين البنات الخياطة والتطريز او تعلمين الحناء وتعلمين التسريحات والمكياج باسعار معقولة وتسوين اشتركات او دورات الصراحة هاي مشروع بيكون اول من نوعه في قطر في وايد من البنات او الحريم يبون يتعلمون هالأشياء .. يعني خلي المركز فيه اقسام مثل قسم للحناء وفيه الفروع وقسم الخياطة وفروعه وقسم المكياج وفروعه وقسم الطبخ وفروعه الصراحة لو نفذتي هالمشروع انا اقولج من الحين ناجح ناجح ناجح وبالتوفيق لج وللجميع