@@ هل من العدل فصل الطالب ..؟؟ @@

[بنـ الدحيل ـت]

السلام عليكم ورحمة الله وبركاته


هل من العدل فصل الطالب أيام الامتحانات ...؟؟؟

[بنت الاجواد]

انا اشوف انه اكبر خطا لانه تضييع لمستقبل الطالب

واذا كان ولا بد يعاقب الطالب بتوقيع تعهد بدل الفصل ,,,

[intesar]

على حسب نوع المشكلة..

[بصمة قطرية]

اللي اعرفه ان قوانين المجلس الأعلى تمنع الفصل نهائياً ...!!!!
ما لهم حق يفصلونه ايام الامتحانات ..
راجعوا المجلس الاعلى في اسرع وقت ..
متأكدة ان الفصل ممنوع ..

[نشميه]

ليش ايش مسوي !!

[الزلزال]

اكيد المشكله كبيره

[الـخـالـدي]

اللي اعرف انه ماينفصل الا اذا مرتكب جريمة

[الحريّه]

الفصل ليس حلّاً لا أثناء الامتحانات و لا قبلها ولا بعدها إلا إذا كان آخر الدواء ( الكَيْ ) .
قد تلجأ المدارس أحياناً إلى الفصل الداخلي ( داخل المدرسة و لمدة قصيرة ) حتى لا يضيّع الطالب وقتاً ثميناً هو بِأَمَسْ الحاجة إليه . و يُستثمر هذا الوقت بأوراق عمل تقوم الأقسام بتخطيطها مسبقاً يؤديها الطالب أثناء الفصل .
إلا أن سلوكيات بعض الطلاب أحياناً لا تترك مجالاً للمدرسة لإتخاذ الحل الأمثل الذي فيه مصلحة الطالب , و يصبح وجود الطالب المشاغب في نفس الصف الذي فيه آخرين ظلماً لهم لأنه يضيّع عليهم الكثير من التعليم بسبب مشاغبتة , خاصة إذا كانت المدرسة قد اتبعت جميع الإجراءات التي يكون عادةً من شأنها إصلاح السلوك . لذلك أحياناً قد تضطر المدرسة إلى الطلب من مكتب المدارس المستقلة الموافقة على فصل الطالب . أما موضوع فصله أثناء فترة الامتحانات فلا أتصور أن هناك تربوياً يرضى بها إلا إذا كان الطالب يشكل عائقاً حقيقياً داخل الصف , حينها قد تضطر المدرسة إلى طلب تحويله إلى مدرسة أخرى كتغيير للبيئة التعليمية .
تحياتي

[قطرية مثقفة]

ماهي أسباب الفصل ؟؟؟؟؟

[قرنقووش]

امتحانات ولا غيرها .. الطالب يعتبرها اجازه له

[بصمة قطرية]

اختي ما يقدرون يفصلونه ..
ينقل لمدرسة ثانية بس ما ينفصل ..
قوانينهم تمنع الفصل نهائياً ..
شوالجريمة اللي ارتكبها عشان ينفصل ..!!
في شي اسمه فصل مؤقت وتأديبي ..
و يكون داخلي في المدرسة ..
يعني ما يتوجه كتاب للمجلس الأعلى بالفصل ..
لكن لو فصل نهائي ايش السبب ..!!
لازم قبلها يروح كتاب للمجلس الأعلى بالموافقة على فصل الطالب ..

[qatara]

يمكن مسوي له شي بسببه فصل

[doha2012]

,


لاحول ولاقوة الا بالله ,



لو تهمهم مصلحة الطالب لا ..


بامكانهم اعفاءه من الحضور ويمتحن عادي في المدرسه , هذا المفروض ,



لكن فصل وحرمان من الامتحانات , ظلم للطالب واهله , ماشفع له شي ابد

لاحضور ولا صغر سن وقل عقل , ولا قلق اهل ,



حاولي الشيخه .. الله يوفقه



,

[شموخ]

ما ينفصل الطالب الا اذا كانت المشكلة كبيرة-

[intesar]

الموضوع غامض..

[قطرية مثقفة]

يمكن أهل الطالب ازعلو علشان الامتحانات @@ بس احياناً اذا جاء العقاب موجع بسبب غلطه كبيره بيكون أفضل درس للطالب وبيفيده مدى الحياة حتى لو كانت الخسائر جسيمة اهم شي يتعلم الطالب درس ماينساه @@ نسأل الله التوفيق لجميع الطلاب @@

[رمح الشمال]

أكيد مسوي شي كبير ولا ما كان ان فصل

[ريم الشمال]

الصراحة أنتم لا يعرف لكم
لا تنطبخون ولا تنشون
المجلس الاعلي شيخ الطالب قلتم ليش التعليم في أنحدار وليش الطلاب ليس لديهم من الأدب والتربية التي تحمي الطلاب الاخرين وتحمي التعليم
وإذا أتخذ اجراءات وأجراءاته مثل بيض الصعو ما نشوفها الا نادر ونحن كلنا نعلم أنها تؤخذ في الشئ الكبير كبير جداً بعد تتسائلون وتستفسرون
ياجماعة أرسو على بر ..
تبون تعليم صح وتربية صح ولا تبون يبقى الوضع على ما هو عليه من الضياع والتشتت لدرجة في أحدى المشاركات لمح صاحبها أن المدارس أصبحت وكر للــ .........
خافو الله في عيالكم ولا تلقوا بأنفسكم في التهلكه

ريم الشمال

[نورعبدالرحمن]

وهل من العدل ان نحكم على فصل الطالب ونحن لا نعلم ماذا فعل
ممكن يكون مرتكب شي يستحق علية اكثر من الفصل
ولا الاخلاق مش مهمة ، اهم شي يقدم الامتحان
الله يسر الامور

[Rashid554]

الصراحة أنتم لا يعرف لكم
لا تنطبخون ولا تنشون
المجلس الاعلي شيخ الطالب قلتم ليش التعليم في أنحدار وليش الطلاب ليس لديهم من الأدب والتربية التي تحمي الطلاب الاخرين وتحمي التعليم
وإذا أتخذ اجراءات وأجراءاته مثل بيض الصعو ما نشوفها الا نادر ونحن كلنا نعلم أنها تؤخذ في الشئ الكبير كبير جداً بعد تتسائلون وتستفسرون
ياجماعة أرسو على بر ..
تبون تعليم صح وتربية صح ولا تبون يبقى الوضع على ما هو عليه من الضياع والتشتت لدرجة في أحدى المشاركات لمح صاحبها أن المدارس أصبحت وكر للــ .........
خافو الله في عيالكم ولا تلقوا بأنفسكم في التهلكه

ريم الشمال

صح لسانج

[الأغر]

اتمنى ان ترجع التربية والتعليم .. وهيبة المدرسه والمدرس مرة اخرى والسماح بالضرب والفصل وإن كان هناك عقوبات اخرى اتمنى تفعيلها .. لان بالفعل اغلب الطلاب والطالبات يحتاجون الى تربيه اولا ومن ثم تعليم ..

[الحال مايساعد]

على حسب نوع المشكلة..

كلام جميل



لكن راعي/ة الموضوع لو يوضح شالمشكلة عشان نعرف نرد!!

[جلكساوي]

ايه نعم من العدل :)

إذا كان الطالب يستعرض قدام المدرسه في نهاية الدوام
وإذا ماحترم هيبة المدرس وإللي مشاكلة كثيره في المدرسه (سويكا-تأخير دايم- تحرش في عيال خلق الله ) تتوقعون هذا شاللي بيردعه؟ اهله ،،بعض الأهالي يدرون ان ولدهم يسوي هالاشياء ويقولون عادي اذا كبر بيعقل،،، بس اذا تم فصله قوموا الدنيا واشتكوا في برنامج وطني الحبيب وف الجرايد وماخلوا واسطه الا دخلوها ف الموضوع،، طيب وينكم من قبل؟

[intesar]

وينج بنت الدحيل..

[نورعبدالرحمن]

بنت الدحيل التغلى ..ارجوج علمينا اشصاير ::pilot:

[بنـ الدحيل ـت]

السلام عليكم

والله يا إخواني وأخواتي

المشكلة أنه من بداية السنة ،، وأنا أتصل بالمدرسة

والمدرسة مهملين بصراحة

الموظف ما يدري عن زميله إذا مداوم أو لا

والشرح طويل

باختصار


المهم فصلوه ليش ..؟؟

جاني الولد وقال لي : يمه المدرسة يبونج علشان توقعين على تعهد

رحت لهم .. وقالوا لي :
الولد ما يبي يدرس ..
الولد يدخن ..
الولد يخرب ربعه ..
الولد يطلع الطلبه معاه في السيارة ويدورون ..

قالوا وقعي
قرأت المكتوب وأتعد أنا أن أنقل ابني السنة الجاية

قلت لهم إن شاء الله .. بس يداوم لين آخر هذا العام وانقله السنة الجاية لمدرسة ثانية

قالوا لي طيب : خلاص خليه يداوم من بكرة

ورحت .. ويوم ثاني .. اتصلوا علي

قالوا لي : خلاص راح نفصله

طيب ليش ..؟؟
ليش تكذبون ...؟؟


انتوا اتفقتوا معاي على ان يكمل هذا العام وينقل السنة الجاية للمدرسة اخرى

قالوا لا .. الولد لا يداوم ومفصول


:(




لماذا اللف والدوران والكذب ...؟؟؟

[ضوى]

السلام عليكم

والله يا إخواني وأخواتي

المشكلة أنه من بداية السنة ،، وأنا أتصل بالمدرسة

والمدرسة مهملين بصراحة

الموظف ما يدري عن زميله إذا مداوم أو لا

والشرح طويل

باختصار


المهم فصلوه ليش ..؟؟

جاني الولد وقال لي : يمه المدرسة يبونج علشان توقعين على تعهد

رحت لهم .. وقالوا لي :
الولد ما يبي يدرس ..
الولد يدخن ..
الولد يخرب ربعه ..
الولد يطلع الطلبه معاه في السيارة ويدورون ..

قالوا وقعي
قرأت المكتوب وأتعد أنا أن أنقل ابني السنة الجاية

قلت لهم إن شاء الله .. بس يداوم لين آخر هذا العام وانقله السنة الجاية لمدرسة ثانية

قالوا لي طيب : خلاص خليه يداوم من بكرة

ورحت .. ويوم ثاني .. اتصلوا علي

قالوا لي : خلاص راح نفصله

طيب ليش ..؟؟
ليش تكذبون ...؟؟


انتوا اتفقتوا معاي على ان يكمل هذا العام وينقل السنة الجاية للمدرسة اخرى

قالوا لا .. الولد لا يداوم ومفصول


:(




لماذا اللف والدوران والكذب ...؟؟؟


الله يعينج اختي بنت الدحيل ، بس اعتقد لو تراجعين المدرسة راح تكتشفين انه مسوي اشياء اكبر من اللي قالوه لج ، حاولي تلكيم المجلس يمشون له هالشهر اللي باقي وعقب ربج يعينج على اللف عالمدارس

[بنـ الدحيل ـت]

انا اشوف انه اكبر خطا لانه تضييع لمستقبل الطالب

واذا كان ولا بد يعاقب الطالب بتوقيع تعهد بدل الفصل ,,,

نعم صدقت

لكن

ماذا تقولين إذا كان الإهمال من المدرسة ..؟؟؟

[بنـ الدحيل ـت]

على حسب نوع المشكلة..

هلا بالغالية

سعدت بتواجدج

[بنـ الدحيل ـت]

اللي اعرفه ان قوانين المجلس الأعلى تمنع الفصل نهائياً ...!!!!
ما لهم حق يفصلونه ايام الامتحانات ..
راجعوا المجلس الاعلى في اسرع وقت ..
متأكدة ان الفصل ممنوع ..

جزاج الله خيرا

اتصدقين أختي

بمجرد كلام قالوا دوري مدرسة ثانية

كان هذا في بداية السنة
وانا قاعدة ابحث عن مدرسة ثانية

اسبوع كامل وانا ابحث

وبالأخير المدير يقول لي من قال لج دوري مدرسة ثانية


الأهمال بعينه

حسبي الله ونعم الوكيل

[بنـ الدحيل ـت]

ليش ايش مسوي !!

عادي مشكلة كل الشباب

بس الأهمال من المدرسة

ما يقدرون يضبطون الطلبة

[بنـ الدحيل ـت]

اكيد المشكله كبيره

لا والله

المشكلة بسيطة بس إدارة المدرسة ما تعرف تضبط الطلبة

الله يهداهم

[بنـ الدحيل ـت]

اللي اعرف انه ماينفصل الا اذا مرتكب جريمة


الله يبعد عنه الجريمة

[بنـ الدحيل ـت]

الفصل ليس حلّاً لا أثناء الامتحانات و لا قبلها ولا بعدها إلا إذا كان آخر الدواء ( الكَيْ ) .
قد تلجأ المدارس أحياناً إلى الفصل الداخلي ( داخل المدرسة و لمدة قصيرة ) حتى لا يضيّع الطالب وقتاً ثميناً هو بِأَمَسْ الحاجة إليه . و يُستثمر هذا الوقت بأوراق عمل تقوم الأقسام بتخطيطها مسبقاً يؤديها الطالب أثناء الفصل .
إلا أن سلوكيات بعض الطلاب أحياناً لا تترك مجالاً للمدرسة لإتخاذ الحل الأمثل الذي فيه مصلحة الطالب , و يصبح وجود الطالب المشاغب في نفس الصف الذي فيه آخرين ظلماً لهم لأنه يضيّع عليهم الكثير من التعليم بسبب مشاغبتة , خاصة إذا كانت المدرسة قد اتبعت جميع الإجراءات التي يكون عادةً من شأنها إصلاح السلوك . لذلك أحياناً قد تضطر المدرسة إلى الطلب من مكتب المدارس المستقلة الموافقة على فصل الطالب . أما موضوع فصله أثناء فترة الامتحانات فلا أتصور أن هناك تربوياً يرضى بها إلا إذا كان الطالب يشكل عائقاً حقيقياً داخل الصف , حينها قد تضطر المدرسة إلى طلب تحويله إلى مدرسة أخرى كتغيير للبيئة التعليمية .
تحياتي

جزاكم الله خير

لكن ما تقولون في مدرسة إذا اتفقت معك على ان يكمل الطالب
وفي الأخير يتصل عليك ويقول لك الطالب مفصول ...؟؟

ألا يعتبر كذب ..؟؟

[بنـ الدحيل ـت]

ماهي أسباب الفصل ؟؟؟؟؟

شكرا لتواجدكم

[بنـ الدحيل ـت]

اختي ما يقدرون يفصلونه ..
ينقل لمدرسة ثانية بس ما ينفصل ..
قوانينهم تمنع الفصل نهائياً ..
شوالجريمة اللي ارتكبها عشان ينفصل ..!!
في شي اسمه فصل مؤقت وتأديبي ..
و يكون داخلي في المدرسة ..
يعني ما يتوجه كتاب للمجلس الأعلى بالفصل ..
لكن لو فصل نهائي ايش السبب ..!!
لازم قبلها يروح كتاب للمجلس الأعلى بالموافقة على فصل الطالب ..

هلا الغالية

أختي .. بعد ما رأيت إهمال المدرسة ..
اشتكيت للمجلس الأعلى ..
وقد غضبوا علي ..


:(

كيف سينضبط الطالب إذا كانت المدرسة مهملة ...؟؟

[بنـ الدحيل ـت]

يمكن مسوي له شي بسببه فصل

عادي مشاكل الطلبة معروفة

لكن لا توصله لفصله

[بنـ الدحيل ـت]

,


لاحول ولاقوة الا بالله ,



لو تهمهم مصلحة الطالب لا ..


بامكانهم اعفاءه من الحضور ويمتحن عادي في المدرسه , هذا المفروض ,



لكن فصل وحرمان من الامتحانات , ظلم للطالب واهله , ماشفع له شي ابد

لاحضور ولا صغر سن وقل عقل , ولا قلق اهل ,



حاولي الشيخه .. الله يوفقه



,

بصراحة


تذكرت شيئا

لم أقرأ ورقة فصل الطالب

ولكن وقعت على تعهد أن لا يدخن الطالب

وإنما كلمة فصل كانت مجرد كلام فقط


حسبي الله ونعم الوكيل

[شيزكيك]

ذكرتيني بقصة صارت حق اختي

اتصلت على مدرسة ولدها تبي تكلم استاذ مادة معينه لانه ولدها مستصعبها واتصلت على المدرسة وعطتهم صف ولدها واسمه الا عقب يكلمها المدرس ويقول لها اصلا ولدك كله راقد في الحصه وعصبت قالت له

ليش محد قالي وليش انت ما تواصلت معانا الولد راقد وانت ما تصرفت ولا تكلمت للادارة

واحترت اختي وتوعدت ولدها الا يقول لها المدرس اي واصلا هالصف العاشر مشاغبين وايد بعدين اختي قالت

له اي صف عاشر وطلع مغلط المدرس لان ولد اختي في الصف الثاني عشر واقتهرت تقول كان الحين

هاوشت الولد وهو ماله خص

ومن عقبها تقول صاروا يطرشون مسجات اول باول حتى لو الولد متاخر عن الحصه الاولى يطرشون حق ابوه مسج

[intesar]

بنت الدحيل من غير زعل.. الله يعينج..
بس مبين أن ولدج مسوي مشاكل.. بصراحة مشاكله كبيرة.. لكن لو عندج أخوان يكون أفضل لو هم تعاملوا مع إدارة المدرسة.. وراحوا هناك يتفاهمون معاهم.. على الأقل يخلص السنة.. قعدي مع الإدارة شوفي ليش غيروا رايهم.. لا تلومينهم.. لومي ولدج وتصرفاته.. يمكن الإدارة شافت لازم يفصل.. ويمكن خير له ويرجع عن تصرفاته..

[بنـ الدحيل ـت]

ما ينفصل الطالب الا اذا كانت المشكلة كبيرة-

نعم . صدقتي

جزاك الله خيرا

[بنـ الدحيل ـت]

الموضوع غامض..

..؟؟


سعدت بحضورك

[بنـ الدحيل ـت]

يمكن أهل الطالب ازعلو علشان الامتحانات @@ بس احياناً اذا جاء العقاب موجع بسبب غلطه كبيره بيكون أفضل درس للطالب وبيفيده مدى الحياة حتى لو كانت الخسائر جسيمة اهم شي يتعلم الطالب درس ماينساه @@ نسأل الله التوفيق لجميع الطلاب @@

الله يسعدج يا رب

[بنـ الدحيل ـت]

الصراحة أنتم لا يعرف لكم
لا تنطبخون ولا تنشون
المجلس الاعلي شيخ الطالب قلتم ليش التعليم في أنحدار وليش الطلاب ليس لديهم من الأدب والتربية التي تحمي الطلاب الاخرين وتحمي التعليم
وإذا أتخذ اجراءات وأجراءاته مثل بيض الصعو ما نشوفها الا نادر ونحن كلنا نعلم أنها تؤخذ في الشئ الكبير كبير جداً بعد تتسائلون وتستفسرون
ياجماعة أرسو على بر ..
تبون تعليم صح وتربية صح ولا تبون يبقى الوضع على ما هو عليه من الضياع والتشتت لدرجة في أحدى المشاركات لمح صاحبها أن المدارس أصبحت وكر للــ .........
خافو الله في عيالكم ولا تلقوا بأنفسكم في التهلكه

ريم الشمال

أكيد يا الغالية نبي تعليم صح وتربية صح

الله المستعان

[بنـ الدحيل ـت]

وهل من العدل ان نحكم على فصل الطالب ونحن لا نعلم ماذا فعل
ممكن يكون مرتكب شي يستحق علية اكثر من الفصل
ولا الاخلاق مش مهمة ، اهم شي يقدم الامتحان
الله يسر الامور

آمين يا رب العالمين

[بنـ الدحيل ـت]

اتمنى ان ترجع التربية والتعليم .. وهيبة المدرسه والمدرس مرة اخرى والسماح بالضرب والفصل وإن كان هناك عقوبات اخرى اتمنى تفعيلها .. لان بالفعل اغلب الطلاب والطالبات يحتاجون الى تربيه اولا ومن ثم تعليم ..

الله المستعان

يا ليت ترجع المدارس المستقلة للمدارس الحكومية

[بنـ الدحيل ـت]

كلام جميل



لكن راعي/ة الموضوع لو يوضح شالمشكلة عشان نعرف نرد!!

وضحنا بارك الله فيكم

[بنـ الدحيل ـت]

ايه نعم من العدل :)

إذا كان الطالب يستعرض قدام المدرسه في نهاية الدوام
وإذا ماحترم هيبة المدرس وإللي مشاكلة كثيره في المدرسه (سويكا-تأخير دايم- تحرش في عيال خلق الله ) تتوقعون هذا شاللي بيردعه؟ اهله ،،بعض الأهالي يدرون ان ولدهم يسوي هالاشياء ويقولون عادي اذا كبر بيعقل،،، بس اذا تم فصله قوموا الدنيا واشتكوا في برنامج وطني الحبيب وف الجرايد وماخلوا واسطه الا دخلوها ف الموضوع،، طيب وينكم من قبل؟

لا والله مب عادي

انا متابعة ولدي من بداية السنة

المشكلة هي المدرسة المهملة

للأسف

حسبي الله ونعم الوكيل

[بنـ الدحيل ـت]

ذكرتيني بقصة صارت حق اختي

اتصلت على مدرسة ولدها تبي تكلم استاذ مادة معينه لانه ولدها مستصعبها واتصلت على المدرسة وعطتهم صف ولدها واسمه الا عقب يكلمها المدرس ويقول لها اصلا ولدك كله راقد في الحصه وعصبت قالت له

ليش محد قالي وليش انت ما تواصلت معانا الولد راقد وانت ما تصرفت ولا تكلمت للادارة

واحترت اختي وتوعدت ولدها الا يقول لها المدرس اي واصلا هالصف العاشر مشاغبين وايد بعدين اختي قالت

له اي صف عاشر وطلع مغلط المدرس لان ولد اختي في الصف الثاني عشر واقتهرت تقول كان الحين

هاوشت الولد وهو ماله خص

ومن عقبها تقول صاروا يطرشون مسجات اول باول حتى لو الولد متاخر عن الحصه الاولى يطرشون حق ابوه مسج

اي والله

نفس الحالة

المدرسة كلش ما يتصلون ولا يرسلون لي إذا الولد غايب او لا


مرة اتصلت عليهم قالوا الولد مش مداوم

انا مستغربة ومتاكد الولد مداوم .. حلفت بالله عليه أن الولد مداوم

ورحت بنفسي المدرسة

وشفت سيارته موجودة

حسبي الله ونعم الوكيل

[بنـ الدحيل ـت]

بنت الدحيل من غير زعل.. الله يعينج..
بس مبين أن ولدج مسوي مشاكل.. بصراحة مشاكله كبيرة.. لكن لو عندج أخوان يكون أفضل لو هم تعاملوا مع إدارة المدرسة.. وراحوا هناك يتفاهمون معاهم.. على الأقل يخلص السنة.. قعدي مع الإدارة شوفي ليش غيروا رايهم.. لا تلومينهم.. لومي ولدج وتصرفاته.. يمكن الإدارة شافت لازم يفصل.. ويمكن خير له ويرجع عن تصرفاته..


نعم صدقتي والله

انا الوم ولدي والله

وقلت له أنت مب ياهل أراكض وراك

انت إذا بتساعدني ساعدني ..

ليش مافي تعاون بيني وبينك ..؟؟

ليش افشل نفسي جدام إدارة المدرسة ..؟؟

ليش اتخرب على غيرك ...؟؟

إذا تبي المدرسة روح لهم واعتذر لهم

وداوم باحترام

خلاص انا تعبت منك

وبس

[دااانة قطر]

نعم صدقتي والله

انا الوم ولدي والله

وقلت له أنت مب ياهل أراكض وراك

انت إذا بتساعدني ساعدني ..

ليش مافي تعاون بيني وبينك ..؟؟

ليش افشل نفسي جدام إدارة المدرسة ..؟؟

ليش اتخرب على غيرك ...؟؟

إذا تبي المدرسة روح لهم واعتذر لهم

وداوم باحترام

خلاص انا تعبت منك

وبس



الله يعينج اختي وحااسة فيج لأني مريت في نفس المشكله

انصحج تخلين ابوه او عماامه او خوااله يحلون الموضوع معااهم

[بنـ الدحيل ـت]

الله يعينج اختي وحااسة فيج لأني مريت في نفس المشكله

انصحج تخلين ابوه او عماامه او خوااله يحلون الموضوع معااهم

والله اختي الحبيبة

الحين محد ينفع أحد

الكل في حاله

والحمدلله على كل حال

[دااانة قطر]

والله اختي الحبيبة
الحين محد ينفع أحد
الكل في حاله
والحمدلله على كل حال


الله يعينج ويقدرج عليه
وربي يهديه ويباارك لج فيه

[طرف محايد]

السلام عليكم اختي بنت الدحيل


بداية أسأل الله يهدي ولدج يارب



ليس السؤال هل من الظلم أم من العدل


ولكن السؤال هل يستحق الفصل أم لا؟؟



والشيء الأهم أنه توجد قوانين للفصل والتحويل


لأني بصراحة أعذر إدارة المدرسة في قرارها


لأن الطالب لم يترك لها خياراً


والمشكلة الأكبر أنه مؤثر على غيره


فلا تلومين المدرسة لأنها قامت بهالشي مضطرة




السؤال هل تم تحويله للمؤسسات الاجتماعية كحقوق الطفل أو غيرها؟

[intesar]

نعم صدقتي والله

انا الوم ولدي والله

وقلت له أنت مب ياهل أراكض وراك

انت إذا بتساعدني ساعدني ..

ليش مافي تعاون بيني وبينك ..؟؟

ليش افشل نفسي جدام إدارة المدرسة ..؟؟

ليش اتخرب على غيرك ...؟؟

إذا تبي المدرسة روح لهم واعتذر لهم

وداوم باحترام

خلاص انا تعبت منك

وبس


خليه مفصول يمكن يحس بالعقاب.. لما اللي أصغر منه دخلوا الجامعة وهو مازال مكانك سر.. فاشل وما سوى شيء..

[أسد الجزيرة]

الله يهديه و يصلحه المشكلة الاولاد ما يحسون بغلطتهم و ضياع مستقبلهم الا عقب ما يكبرون و يتحسفون على الي سوه في المدرسة

الله يعينك

[الحريّه]

جزاكم الله خير

لكن ما تقولون في مدرسة إذا اتفقت معك على ان يكمل الطالب
وفي الأخير يتصل عليك ويقول لك الطالب مفصول ...؟؟

ألا يعتبر كذب ..؟؟




أختي بنت الدحيل ,
لا ألومكِ فأنت أم . و يُسْقَط في أيدينا عندما نكون والدين و يكون الموضوع متعلقاً بأبنائنا .
لا أستطيع أن أطلق حكماً على مدرسة ابنك إن كانت مقصّرة أو غيره , إلا أنني أرى أنكِ كأم تستحقين أن تقف المدرسة إلى جانبكِ بمحاولة إيجاد حل لفتاكِ حتى يكمل عامه الدراسي هذا بطريقة أو بأخرى بدلا من أن يتم إخبارك " تعالي خذي ملفه , مفصول " خاصة في هذه الفترة من العام الدراسي .
أحياناً قد يحاول الطرفين - البيت والمدرسة - إيجاد حلٍّ بأقل الخسائر . فإذا كان الفصل هو آخر الدواء , هنا يكون الحل أن ينقطع ابنك عن الذهاب الى المدرسة ما تبقى من العام الدراسي و يتكفل المنزل بتعليمه - معلم خصوصي - ما تبقى من معايير المواد , و يأتي الى المدرسة أيام الامتحانات لتقديم الامتحان .
أما إيجاد مدرسة اخرى له للعام القادم فيكون مسئولية هيئة التعليم .
تحياتي

[سما الوطن]

بصراحة


تذكرت شيئا

لم أقرأ ورقة فصل الطالب

ولكن وقعت على تعهد أن لا يدخن الطالب

وإنما كلمة فصل كانت مجرد كلام فقط


حسبي الله ونعم الوكيل

أختي إلتبس علينا الأمر

هل ولدك انفصل او لا ؟؟

[كحيلآن]

خليه مفصول يمكن يحس بالعقاب.. لما اللي أصغر منه دخلوا الجامعة وهو مازال مكانك سر.. فاشل وما سوى شيء..

يآ أختي ... شـويــة حنيـــة بـ الــرد شـوي بـس ههههههههههههه أنا حسيت بـ كلمة فاشل وانا مالي علاقة بالموضوع شبيكون أحساس أم الولد .. ؟ لازم نتعلم نجامل شوي مع إيصال المعلومة قولي يبيله إهتمام يبيله مراقبة من هالكلام

المهم أختي الكبيره بنت الدحيل .. انا عمري تقريباً 24 سنة ... وماني بعيد من جيل ولدج الله يحفظه لج ... المشكلة بـ ربعه .. الي مختلط فيهم .. والمشكله الأخرى أنه يحتاج إلى رجال يأدبه صدقيني انتي أمه وأدري أنج حاولتي فيه ولكن ما قدرتي ولكن أبوه ولا عمه ولا خاله لو انتبهوا له صدقيني بيتسنع ..

والي مر ولدج فيه انا مريت فيه شخصياً .. ولكن أبوي الله يطول بعمره هو الي سنعني واقولها بصراحه .. كنت أقحص .. وكنت مخاوي ناس الحين والله متحسف إني كنت أماشيهم عقب ما ماشيت الرجال والله يا أختي كنت أحسبها مرجله وشجاعه واحسبهم مثل أخواني . ولكن الحين فرق بيني وبينهم هم صيّع والشيبان يدعون عليهم وانا مخاوي ربعي الي فالجامعه .. ومابهم قصور رجال والله ينصحوني لمصلحتي .. على عكس ربعي الاولين علموني على الدخان والتقحيص واحسن مافيهم التشجيع يحسسوني إني مايكل شوماخر هههههههههههههه ..

المهم أبوي كان يضربني بـ سلسلة ويضربني بـ سيم مال ملابس ويضربني بـ كيبل .. لين تسنعت وصرت ما اطلع من البيت .. صارت طلعاتي معه لمجالس الرجال .. هذا وانا فالثنوي .. الحين والله عندي مجالس الشيبان أحسن من مجالس الشباب وأونس منها .. مع أحترامي لربعي هههههههههههههههههه ..


الي ابي اوصل له ..يبي له رجال يوقفه عند حده ولا تتركونه بـ عمره هذا .. يا تلحقون عليه أو ما تلحقون واتركوا الدلع والدلال وإذا صاح لا يكسر خاطركم .. أدري أنه رجال ولكن خلوه يعرف إن فيه أحد يوقفه عند حده إذا أخطاء على شان يحسب حساب للخطاء إذا فكر فيه


وشكراً

[Abdelrahman]

السلام عليكم
أختي اكيد الموضوع صعب بالنسبه لجـ بالذات انتي امـ
لاحظت من ردودج انج حاطه اللوم كلهـ على المدرسه
بصراحه وبدونـ مجامله
ولدجـ لو ما شيب المدرسين ما كانوا فصلوه
كثير منا مر بهالظروف سواء ولي امر او طالب
طيب اختيـ انتي ليهـ مسلميته سيارة وهو للحين مراهقـ
ويدخنـ في المدرسهـ
ادارة المدرسه مسؤوله عن 300 الى 400 طالب
وأذا في طالب ينشر هالامور بين الطلاب يستحق الفصل حفاظا على الطلاب الاخرين
بالذات بهالعمر الطلاب عندهم قابليه للانحراف
في مشكله لازم تتعالج مع الولد قبل ما تتعالج مع ادارة المدرسه

[qatara]

اين ابيه ؟

عنه

[أحلام مشروعة]

أختي بنت الدحيل
أعانك الله وهداه لك وأقر عينك به قريبا عاجلا يالله
والكلام الحين مو بس عن ولدج
في مثل يقول اللي ماله كبير ايسووي كل كبير (أو بهالمعنى سامحوني على اللخبطة )
من يوم ما صار المجلس ولا في وزارة ولا مسؤول كبير عن التعليم
ضاع المدير في مسمى صاحب الترخيص
وضاع المدرس في ضغط العمل
وراح الطالب وطي
بس لو في قوانين واضحة لكل جهة ولكل عضو في العملية التعليمية
كان المدرسة انتبهت لعيالها
وكان الطالب حسب حساب اي تقصير
ترا حنا في المدارس وشايفين
الادارة تمنع المدرس من الاتصال بالأهل
هو يبلغ الأخصائيين
وهم ونشاطهم يتصلون أو يكبرون دماغهم وينسون السالفة
وفي طلاب (لا يخاف ولا يختشي) وهذا كيف تضبطينه

[intesar]

اين ابيه ؟

عنه


ياللهول.. ياللهول..

[بنـ الدحيل ـت]

أختي بنت الدحيل ,
لا ألومكِ فأنت أم . و يُسْقَط في أيدينا عندما نكون والدين و يكون الموضوع متعلقاً بأبنائنا .
لا أستطيع أن أطلق حكماً على مدرسة ابنك إن كانت مقصّرة أو غيره , إلا أنني أرى أنكِ كأم تستحقين أن تقف المدرسة إلى جانبكِ بمحاولة إيجاد حل لفتاكِ حتى يكمل عامه الدراسي هذا بطريقة أو بأخرى بدلا من أن يتم إخبارك " تعالي خذي ملفه , مفصول " خاصة في هذه الفترة من العام الدراسي .
أحياناً قد يحاول الطرفين - البيت والمدرسة - إيجاد حلٍّ بأقل الخسائر . فإذا كان الفصل هو آخر الدواء , هنا يكون الحل أن ينقطع ابنك عن الذهاب الى المدرسة ما تبقى من العام الدراسي و يتكفل المنزل بتعليمه - معلم خصوصي - ما تبقى من معايير المواد , و يأتي الى المدرسة أيام الامتحانات لتقديم الامتحان .
أما إيجاد مدرسة اخرى له للعام القادم فيكون مسئولية هيئة التعليم .
تحياتي

والله تعبت معاهم ،، وقلت لهم ظروفي

حسبي الله ونعم الوكيل

[بنـ الدحيل ـت]

أختي إلتبس علينا الأمر

هل ولدك انفصل او لا ؟؟

لا والله ولدي ما انفصل

بس كلمت ولدي وقلت له

خلاص هذه مستقبلك ،،

تبي اتكمل روح بنفسك المدرسة

واعتذر لهم على اللي سويته فيهم

أنت أدرى بنفسك ليش المدرسة ما يبونك

[intesar]

والله تعبت معاهم ،، وقلت لهم ظروفي

حسبي الله ونعم الوكيل


للحين مفصول..
ما صار شي على موضوعه.. طيب روحي المجلس الأعلى اشتكي.. على الأقل يقدم الامتحانات.. وبعدها يغير المدرسة..

المفروض كإدارة مدرسة.. لما الطالب عنده مشكلة.. يكون هناك شيء اسمه أخصائي يمسك الطالب ويعرف ايش مشاكله.. ويحاول يحله عوضا عن العقوبات اللي أحيانا تكون تعسفية وضد الفرد..

اللي حاسته من كلامج أن الولد عنده ظروف خلته جذيه.. ليش ما تعرضين الولد على استشاري أو طبيب نفسي.. راح يستفيد.. وتستفيدين انتي.. في معالجة سلوكه..

ولدج ومن غير زعل بحاجة لعلاج سلوكي لمؤثرات أظنها عائلية..

لا تزعلين مني.. بس هذا اللي أنا حاسته..

[بنـ الدحيل ـت]

يآ أختي ... شـويــة حنيـــة بـ الــرد شـوي بـس ههههههههههههه أنا حسيت بـ كلمة فاشل وانا مالي علاقة بالموضوع شبيكون أحساس أم الولد .. ؟ لازم نتعلم نجامل شوي مع إيصال المعلومة قولي يبيله إهتمام يبيله مراقبة من هالكلام

المهم أختي الكبيره بنت الدحيل .. انا عمري تقريباً 24 سنة ... وماني بعيد من جيل ولدج الله يحفظه لج ... المشكلة بـ ربعه .. الي مختلط فيهم .. والمشكله الأخرى أنه يحتاج إلى رجال يأدبه صدقيني انتي أمه وأدري أنج حاولتي فيه ولكن ما قدرتي ولكن أبوه ولا عمه ولا خاله لو انتبهوا له صدقيني بيتسنع ..

والي مر ولدج فيه انا مريت فيه شخصياً .. ولكن أبوي الله يطول بعمره هو الي سنعني واقولها بصراحه .. كنت أقحص .. وكنت مخاوي ناس الحين والله متحسف إني كنت أماشيهم عقب ما ماشيت الرجال والله يا أختي كنت أحسبها مرجله وشجاعه واحسبهم مثل أخواني . ولكن الحين فرق بيني وبينهم هم صيّع والشيبان يدعون عليهم وانا مخاوي ربعي الي فالجامعه .. ومابهم قصور رجال والله ينصحوني لمصلحتي .. على عكس ربعي الاولين علموني على الدخان والتقحيص واحسن مافيهم التشجيع يحسسوني إني مايكل شوماخر هههههههههههههه ..

المهم أبوي كان يضربني بـ سلسلة ويضربني بـ سيم مال ملابس ويضربني بـ كيبل .. لين تسنعت وصرت ما اطلع من البيت .. صارت طلعاتي معه لمجالس الرجال .. هذا وانا فالثنوي .. الحين والله عندي مجالس الشيبان أحسن من مجالس الشباب وأونس منها .. مع أحترامي لربعي هههههههههههههههههه ..


الي ابي اوصل له ..يبي له رجال يوقفه عند حده ولا تتركونه بـ عمره هذا .. يا تلحقون عليه أو ما تلحقون واتركوا الدلع والدلال وإذا صاح لا يكسر خاطركم .. أدري أنه رجال ولكن خلوه يعرف إن فيه أحد يوقفه عند حده إذا أخطاء على شان يحسب حساب للخطاء إذا فكر فيه


وشكراً

جزاك الله خيرا

[بنـ الدحيل ـت]

السلام عليكم
أختي اكيد الموضوع صعب بالنسبه لجـ بالذات انتي امـ
لاحظت من ردودج انج حاطه اللوم كلهـ على المدرسه
بصراحه وبدونـ مجامله
ولدجـ لو ما شيب المدرسين ما كانوا فصلوه
كثير منا مر بهالظروف سواء ولي امر او طالب
طيب اختيـ انتي ليهـ مسلميته سيارة وهو للحين مراهقـ
ويدخنـ في المدرسهـ
ادارة المدرسه مسؤوله عن 300 الى 400 طالب
وأذا في طالب ينشر هالامور بين الطلاب يستحق الفصل حفاظا على الطلاب الاخرين
بالذات بهالعمر الطلاب عندهم قابليه للانحراف
في مشكله لازم تتعالج مع الولد قبل ما تتعالج مع ادارة المدرسه
نعم .. صح كلامك

وكلمت ولدي وهو حر

الله يهداه ان شاء الله

[بنـ الدحيل ـت]

اين ابيه ؟

عنه

أبوه لاه مع زوجاته الأربع

اللله يهنيه

[بنـ الدحيل ـت]

أختي بنت الدحيل
أعانك الله وهداه لك وأقر عينك به قريبا عاجلا يالله
والكلام الحين مو بس عن ولدج
في مثل يقول اللي ماله كبير ايسووي كل كبير (أو بهالمعنى سامحوني على اللخبطة )
من يوم ما صار المجلس ولا في وزارة ولا مسؤول كبير عن التعليم
ضاع المدير في مسمى صاحب الترخيص
وضاع المدرس في ضغط العمل
وراح الطالب وطي
بس لو في قوانين واضحة لكل جهة ولكل عضو في العملية التعليمية
كان المدرسة انتبهت لعيالها
وكان الطالب حسب حساب اي تقصير
ترا حنا في المدارس وشايفين
الادارة تمنع المدرس من الاتصال بالأهل
هو يبلغ الأخصائيين
وهم ونشاطهم يتصلون أو يكبرون دماغهم وينسون السالفة
وفي طلاب (لا يخاف ولا يختشي) وهذا كيف تضبطينه


والله صدقتي في كل الكلام اللي قلتيه

وانا لاحظت هالشي

المدير ما يدري عن المدرسين

والمدرسين ما يدرون عن الطلبة

الله المستعان

[eXpert*]

أبوه لاه مع زوجاته الأربع

اللله يهنيه

أستوقفنيّ هذا الرد ..


للبيوت أسرار ، غفر الله لكِ و الله يستر علي أمة محمد - صلى الله عليه وسلم - .

[الالماس2005]

ليش يفصلونه ...مالهم أي حق يمنعونه من حق التعليم !!! وانا متاكدة انه ما فية فصل اصلا .. اذا الوالدين يتحاكمون على منع الطفل من التعليم !! فكيف المدرسة تمنع الطفل من حقه بالتعليم !!! ممكن يكون موقت بس مو نهائي .. للتخويف .. انتي لاتسكتين اتصلي بالمدرسة وكلمي الأخصائي الاجتماعي .. بخصوص ولدج وخبريه عن الولد والمجتمع المحيط به انتي ادرى بولدج والضغوط اللي حوله .. اذا كان عنده مشااكل حاولي تعرفينها وتقربين منه وتخبرين الاخصائيين صدقيني راح ترتاحين نفسياا اقل شي يسوون له دراسة حاله ..


كان عندي وحده من بناتي تدنى مستواها دراسياا وفجأه ..بعدها بدت عندي مشكله استدعااء ولي الامر وكل يوم اتصالات من المدرسة وكثرت الشكاوي ... البنت في مرحله مراهقه وبداية تغير في الشخصية .. وتحاول تبرز شخصيتهاا ..

مره وحده رحت للمدرسة على فالي ,,المهم طلعت لي مسوؤله شوؤن الطلاب وهي كانت قايله لبتني راح استدعي امج واجيب كل مدرسااتج ..وانا للصدفه كنت رايحة لهم كانت توهاا متشادة مع مدرسة .. المهم قالت لي الادراية الله جابج .. قالت عندي مشكله مع فلانه .. وقالت لي المشكله .. فحضرت معهاا واتفقنا على انها مستدعيتني قدام بنتي .. فاللي صار انها جمعت كذا مدرسة على اني اسال من تحصيلها الدراسي .. تكلموا عنها مدرساتها وعن تغيرها المفاجأ بالدراسة .. المهم بنتي انحرجت وانا قمت اقط عليها كلام عتب قدام المدرسات .. مشكورة يا بنتي كنت اتوقع انهم جايبيني عشان تكريم ..طلع عشانج مفشلتني .. المهم بالاخير طلعت ملتمه على شله فاشله .. وتقمص شخصياتهم ..اخيرااا اتفقناا على انها تغير تغير جذري ..واتخذنا حلول باشغالها بالانشطه ..والفعاليات برزت ولكن للاحسن بفضل تعاوني مع المدرسة ..ارتفع معدلها دراسيااا بشكل ملحوظ ...


نصيحة ..تواصلي مع المدرسة ..تواصل ولي الامر مع المدرسة امر ضروري لصالح الطالب ..اتمنى الرساله وصلت,,

[BoAof]

اسحبي السياره منه
واستخدمي اسلوب الجزاء والعقاب
بيداوم نفس الناس هاك خذ السياره ما راح يداوم مافي سياره ولا طلعات مع الربع
مجرد تعطين الولد احساس بالمساوليه وذكريه بانه بكره يبي يسافر ويبي يروح ويبي سياره ارز من سيارته الحين

[بنـ الدحيل ـت]

ليش يفصلونه ...مالهم أي حق يمنعونه من حق التعليم !!! وانا متاكدة انه ما فية فصل اصلا .. اذا الوالدين يتحاكمون على منع الطفل من التعليم !! فكيف المدرسة تمنع الطفل من حقه بالتعليم !!! ممكن يكون موقت بس مو نهائي .. للتخويف .. انتي لاتسكتين اتصلي بالمدرسة وكلمي الأخصائي الاجتماعي .. بخصوص ولدج وخبريه عن الولد والمجتمع المحيط به انتي ادرى بولدج والضغوط اللي حوله .. اذا كان عنده مشااكل حاولي تعرفينها وتقربين منه وتخبرين الاخصائيين صدقيني راح ترتاحين نفسياا اقل شي يسوون له دراسة حاله ..


كان عندي وحده من بناتي تدنى مستواها دراسياا وفجأه ..بعدها بدت عندي مشكله استدعااء ولي الامر وكل يوم اتصالات من المدرسة وكثرت الشكاوي ... البنت في مرحله مراهقه وبداية تغير في الشخصية .. وتحاول تبرز شخصيتهاا ..

مره وحده رحت للمدرسة على فالي ,,المهم طلعت لي مسوؤله شوؤن الطلاب وهي كانت قايله لبتني راح استدعي امج واجيب كل مدرسااتج ..وانا للصدفه كنت رايحة لهم كانت توهاا متشادة مع مدرسة .. المهم قالت لي الادراية الله جابج .. قالت عندي مشكله مع فلانه .. وقالت لي المشكله .. فحضرت معهاا واتفقنا على انها مستدعيتني قدام بنتي .. فاللي صار انها جمعت كذا مدرسة على اني اسال من تحصيلها الدراسي .. تكلموا عنها مدرساتها وعن تغيرها المفاجأ بالدراسة .. المهم بنتي انحرجت وانا قمت اقط عليها كلام عتب قدام المدرسات .. مشكورة يا بنتي كنت اتوقع انهم جايبيني عشان تكريم ..طلع عشانج مفشلتني .. المهم بالاخير طلعت ملتمه على شله فاشله .. وتقمص شخصياتهم ..اخيرااا اتفقناا على انها تغير تغير جذري ..واتخذنا حلول باشغالها بالانشطه ..والفعاليات برزت ولكن للاحسن بفضل تعاوني مع المدرسة ..ارتفع معدلها دراسيااا بشكل ملحوظ ...


نصيحة ..تواصلي مع المدرسة ..تواصل ولي الامر مع المدرسة امر ضروري لصالح الطالب ..اتمنى الرساله وصلت,,


جزاج الله خيرا

المدرسة قاموا ضدي

وش آسوي ..؟؟

[بنـ الدحيل ـت]

اسحبي السياره منه
واستخدمي اسلوب الجزاء والعقاب
بيداوم نفس الناس هاك خذ السياره ما راح يداوم مافي سياره ولا طلعات مع الربع
مجرد تعطين الولد احساس بالمساوليه وذكريه بانه بكره يبي يسافر ويبي يروح ويبي سياره ارز من سيارته الحين

نعم .. صحيح

الحين وصل السن القانوني

الله يهدي اعيالنا يا رب

[بنـ الدحيل ـت]

من أسبوع ابني يحضر .. وبالأخير يقولون روح البيت

وأمس شافه مدرس وقال له : خلاص تعال من باجر

وراح لهم .. وما دخلوه


انا أبي أعرف

ليش المدرسة لهم أكثر من وجه ...؟؟؟

ليش كلهم مب يد واحدة

كل واحد على كيفه

وكل واحد ما يدري عن الثاني


طيب إلى متى ..؟؟


لا حول ولا قوة إلا بالله

[كحيلآن]

روحي المجلس الأعلى للتعليم .. أو عندج وطني الحبيب صباح الخير .. بعض أصحاب التراخيص صاروا يعتبرون هـ المدارس ملك شخصي لهم يسوون الي يبونه بدون الرجوع لـ المجلس الأعلى ..


هذه نتيجة مؤسسة راند

[Bo jassim 33]

روحي المجلس الأعلى للتعليم .. أو عندج وطني الحبيب صباح الخير .. بعض أصحاب التراخيص صاروا يعتبرون هـ المدارس ملك شخصي لهم يسوون الي يبونه بدون الرجوع لـ المجلس الأعلى ..


هذه نتيجة مؤسسة راند



ابدعت

[qtr2010]

المهم فصلوه ليش ..؟؟

جاني الولد وقال لي : يمه المدرسة يبونج علشان توقعين على تعهد

رحت لهم .. وقالوا لي :
الولد ما يبي يدرس ..
الولد يدخن ..
الولد يخرب ربعه ..
الولد يطلع الطلبه معاه في السيارة ويدورون ..



اختي ولدج يدخن ويخرب ربعه ومادري اذا هو يسوق والا يطلع مع الدريول وغير الكلام الي ما ذكرتيه ،،
هذا يدل على اهمالج انتي في المقام الاول .
عندج علم ان ولدج "فاسد ويفسد عيال الناس" وانتي ما قمتي باي شي وفي النهايه خايفه ان ما ينجح في الامتحان وتلومين المدرسه ؟؟؟؟؟؟

انا مع ادارة المدرسه وياريت المجلس الاعلى شوي يكون عندهم صرامة مع الطلاب المستهترين واولياء امورهم .

واسف على كلامي الجارح بس هذي وجهه نظري ،،

تحياتي،،

[بنـ الدحيل ـت]

اختي ولدج يدخن ويخرب ربعه ومادري اذا هو يسوق والا يطلع مع الدريول وغير الكلام الي ما ذكرتيه ،،
هذا يدل على اهمالج انتي في المقام الاول .
عندج علم ان ولدج "فاسد ويفسد عيال الناس" وانتي ما قمتي باي شي وفي النهايه خايفه ان ما ينجح في الامتحان وتلومين المدرسه ؟؟؟؟؟؟

انا مع ادارة المدرسه وياريت المجلس الاعلى شوي يكون عندهم صرامة مع الطلاب المستهترين واولياء امورهم .

واسف على كلامي الجارح بس هذي وجهه نظري ،،

تحياتي،،

اعذرني اخي الكريم

أنا معك إذا ولدي فعلا يعمل كل هذا

انا اتابع ولدي دائما
بالنسبة للتدخين ما شميت ريحة التدخين
وبالنسبة للأمور الثانية
الله أعلم
الله يهداهم ان شاء الله

[بنـ الدحيل ـت]

روحي المجلس الأعلى للتعليم .. أو عندج وطني الحبيب صباح الخير .. بعض أصحاب التراخيص صاروا يعتبرون هـ المدارس ملك شخصي لهم يسوون الي يبونه بدون الرجوع لـ المجلس الأعلى ..


هذه نتيجة مؤسسة راند

رحت المجلس الأعلى ,, واشتكيت لهم عن المدرسة

وقالوا لي خلاص ،، بنتصل فيج

وطلعت ...


والساعة 12 اتصلوا علي ,, وقالوا لي : خلاص خليه يداوم باجر


اليوم ولدي راح المدرسة ،،

ودخلوا كل الطلبة المتاخرين وهو لا

قالوا له : أنت اصلا مفصول

[زمان الصبا]

هذه سياسة مدرسة الاحنف و دمارها

عبالهم مدرسة ابوهم

صج لا قالوا

الروس نامت و العصاعص قامت

[faisalqatar]

كلمي مدير المدرسة و قولي له قروا على راي يا يداوم يا ما يداوم

سالفة هذي !!

كل يوم يقولون له تعال ويروح ومايدخلونه ؟!

و ثاني شي شرشحي اللي في المجلس الاعلى و قولي لهم على اي اساس اتقولون لي خلاص خليه يداوم من باجر واخرتها ما يدخلونه

تره الهواش و الصراخ والمصخره اهو الحل الوحيد مع المحلات التجارية ,, اوه سوري قصدي المدارس الحالية و سوق السمج .. اوهو شفيني انا .. قصدي المجلس الاعلى


و تقبلي مروري والله يعينج اختي

[بنـ الدحيل ـت]

كلمي مدير المدرسة و قولي له قروا على راي يا يداوم يا ما يداوم

سالفة هذي !!

كل يوم يقولون له تعال ويروح ومايدخلونه ؟!

و ثاني شي شرشحي اللي في المجلس الاعلى و قولي لهم على اي اساس اتقولون لي خلاص خليه يداوم من باجر واخرتها ما يدخلونه

تره الهواش و الصراخ والمصخره اهو الحل الوحيد مع المحلات التجارية ,, اوه سوري قصدي المدارس الحالية و سوق السمج .. اوهو شفيني انا .. قصدي المجلس الاعلى


و تقبلي مروري والله يعينج اختي

:rolleyes2:

الله يعينك

اتصلت أخت من المجلس الأعلى

قالت لي أنتي متأكده أنه يداوم ..؟؟

يمكن يقص عليج يقول لج مداوم وهو أصلا يلعب ويدور

قلت لها : علشان ما أظلم المدرسة ،، ولا أظلم ولدي

راح أسكت ،، وباروح بنفسي من غير ما أكلم ولدي

اليوم رحت المدرسة ،،

وسألت الناطور ،، ولدي يحضر ولا لا

قال :نعم يداوم بس المدرسة تطرده

وحصلت ولدي اهناك

وحسبي الله ونعم الوكيل



:weeping:

[قطرية مثقفة]

:rolleyes2:

الله يعينك

اتصلت أخت من المجلس الأعلى

قالت لي أنتي متأكده أنه يداوم ..؟؟

يمكن يقص عليج يقول لج مداوم وهو أصلا يلعب ويدور


قلت لها : علشان ما أظلم المدرسة ،، ولا أظلم ولدي

راح أسكت ،، وباروح بنفسي من غير ما أكلم ولدي

اليوم رحت المدرسة ،،

وسألت الناطور ،، ولدي يحضر ولا لا

قال :نعم يداوم بس المدرسة تطرده

وحصلت ولدي اهناك

وحسبي الله ونعم الوكيل



:weeping:

وي فديتج الله يعينج @@ ماعندهم إحساس ان هالأم ذاب قلبها وهي رايحه وراده في هالجو @@ بعد التسامح زين @@ وخلاص غلطه خلو الياهل ايداوم وعطو بعدين ملفه على آخر السنة @@ بس بصراحة تصرف كلش مش تربوي

[بوبراهيم]

الله يرحم ايام زمان ---->>

الله المستعان

[Bo jassim 33]

هذه سياسة مدرسة الاحنف و دمارها

عبالهم مدرسة ابوهم

صج لا قالوا

الروس نامت و العصاعص قامت


شاللي تعرفينه عن مدرسة الاحنف ؟


وهل مديرة مدرستج ما تعاملكم على انها مدرسه ابوها ؟


خاصه باخلاء الطرف ؟

[mariamaziz]

يعطيج العافية اختي ..

انا لفتت انتباهي حركات الولد قبل قانون المدرسه بفصله ..

فديتج اذا كان صج انه ولدج يدور مع ربعه فالسيارة و يدخنون ... انا خفت عليه الصراحة

هو اللي يطلع بقية الاولاد معاه فالسيارة يعني لو لا سمح الله و صار لهم شي ساعتها كل شي بيطيح على راس ولدج ..

لازم تخلين ابوه او اي حد يراقبه و يتأكد من وجوده فالمدرسه ..

و الولد طول السنه مب مهتم فالمدرسة و لا فالدوام و الحين حزة الامتحانات صار يبي يدخل لجنة الامتحان فهذا شي يدل على انه ضامن النجاح ...

شللي عزز في نفوس طلابنا انهم ناجحين بدون تعب ؟؟؟

في قضايا واااااااايد تترتب على مشكلة ولدج ...

الله يحاسب اللي وصلوا عيالنا لهالمستوى