جيتكو لبرك السباحه ..

[راعي 2006]

السلام عليكم ورحمة الله وبركاته ..










(جيمكو لبرك السباحه )

ممكن حد يفيدني عن هالشركه او حد جرب يسوي بركة سباحه فيها ياليت تفيدوني ..

[معماري قطري]

من أفضل الشركات في قطر لبرك السباحة وشغالين في نوافير حول المطار الجديد ومشاريع كبار كثيرة، والله يعينك عليهم انا طلبت جهاز بخار كهربي منهم وليتات ال اي دي ونطرتهم حول شهرين لين وصلت الطلبية ويمكن شهر ونص لين ركبوا الجهاز، وصراحة كل شيء يطلبونه من دبي أتوقع ويذلون الواحد عليه .. وتدمر تعتبر في مستواهم وفيه شركة ثالثة نسيت والله إسمها بس موقعهم قبل لتوصل تقاطع خليفة بن عبدالله العطية وانت جاي من صوب السلطة على اليمين، تقريباً أول دخلة الطريق الفرعي بعد لفة المركز الصحي على ما اعتقد أبو بكر.

انا سويت حوض ما له سنه جاهز، وسويته مغطى ومكيف وبتدفئة للماي ولجو المكان، وطلع زين بس الرطوبة من التدفئة شوي مشكلة ولازم أركب جهاز سحب الرطوبة، الحين في الصيف زين، وركبت سقف شفاف وجزء حديد يدخل النور وخلطت بلاستك أبيض وبلاستك أزرق طلع وايد حلو حتى نور القمر إذا مكتمل ينور المكان، ولو محتاج نصايح أكثر مستعد للمساعدة، ونصيحة لتسوي عمق أكثر من 1.25 متر، وإذا تبغي عملي ورخيص عندك الجبر وريجنسي، وإذا مستعد تستورد عندك نوع اسمه اندلس بول بضغط الهواء ويتركب حتى فوق السطح، ولشخص واحد Endless Pool سو سيرش في النت وبتعرف مواصفاته، ونصيحة إذا عندك مساحة كافية تسوي حوض وصالة رياضية وسونا وبخار وجلسة تلفزيون

[king999]

انصحك ب تدمر او جيمكو فقط

بالنسبة لي اخوي اشتغلت مع تدمر

[راعي 2006]

من أفضل الشركات في قطر لبرك السباحة وشغالين في نوافير حول المطار الجديد ومشاريع كبار كثيرة، والله يعينك عليهم انا طلبت جهاز بخار كهربي منهم وليتات ال اي دي ونطرتهم حول شهرين لين وصلت الطلبية ويمكن شهر ونص لين ركبوا الجهاز، وصراحة كل شيء يطلبونه من دبي أتوقع ويذلون الواحد عليه .. وتدمر تعتبر في مستواهم وفيه شركة ثالثة نسيت والله إسمها بس موقعهم قبل لتوصل تقاطع خليفة بن عبدالله العطية وانت جاي من صوب السلطة على اليمين، تقريباً أول دخلة الطريق الفرعي بعد لفة المركز الصحي على ما اعتقد أبو بكر.

انا سويت حوض ما له سنه جاهز، وسويته مغطى ومكيف وبتدفئة للماي ولجو المكان، وطلع زين بس الرطوبة من التدفئة شوي مشكلة ولازم أركب جهاز سحب الرطوبة، الحين في الصيف زين، وركبت سقف شفاف وجزء حديد يدخل النور وخلطت بلاستك أبيض وبلاستك أزرق طلع وايد حلو حتى نور القمر إذا مكتمل ينور المكان، ولو محتاج نصايح أكثر مستعد للمساعدة، ونصيحة لتسوي عمق أكثر من 1.25 متر، وإذا تبغي عملي ورخيص عندك الجبر وريجنسي، وإذا مستعد تستورد عندك نوع اسمه اندلس بول بضغط الهواء ويتركب حتى فوق السطح، ولشخص واحد endless pool سو سيرش في النت وبتعرف مواصفاته، ونصيحة إذا عندك مساحة كافية تسوي حوض وصالة رياضية وسونا وبخار وجلسة تلفزيون

جزاك الله خير اخوي على النصايح وبصراحه افكر اتعامل مع شركة جيمكو ان شاءالله

وبخصوص العمق شالمعنى قلت لي متر و25 مع اني قلت له 1,60 وطول البركه والعرض

4 في 6 وغير ان البركه بتكون داخل البيت ايش النصايح الي تنصحوني ..

وممكن اعرف ايش الاضائه ال اي دي ؟؟


ومشكور مره ثانيه

[راعي 2006]

انصحك ب تدمر او جيمكو فقط

بالنسبة لي اخوي اشتغلت مع تدمر

جزاك الله خير يالغالي على النصيحه

[معماري قطري]

جزاك الله خير اخوي على النصايح وبصراحه افكر اتعامل مع شركة جيمكو ان شاءالله

وبخصوص العمق شالمعنى قلت لي متر و25 مع اني قلت له 1,60 وطول البركه والعرض

4 في 6 وغير ان البركه بتكون داخل البيت ايش النصايح الي تنصحوني ..

وممكن اعرف ايش الاضائه ال اي دي ؟؟


ومشكور مره ثانيه


لا شكر على واجب الشيخ

بيطلع عليك أغلى لو سويت متر وستين، انا من متر وعشرين إلى متر ونص تقريباً مسوي الحوض عندي بس شفت ان متر و25 سم هو الدارج والمناسب للكل والمريح، وإذا تبغي غزير للقفز تحتاج مترين ونص عمق يعني متر و60 كلش ما تنفعك بالعكس للعيال خطره،

[السد]

السؤال الاول:
هل عندك مبلغ صيانة لبركة السباحة شهريا 300 ريال
والسؤال الثاني :
لا تنسى عمل نظام سيفيتي للاطفال
الله يحفظهم

[راعي 2006]

لا شكر على واجب الشيخ

بيطلع عليك أغلى لو سويت متر وستين، انا من متر وعشرين إلى متر ونص تقريباً مسوي الحوض عندي بس شفت ان متر و25 سم هو الدارج والمناسب للكل والمريح، وإذا تبغي غزير للقفز تحتاج مترين ونص عمق يعني متر و60 كلش ما تنفعك بالعكس للعيال خطره،


يعطيك العافيه بس انا قلت ان مب علشان القفز عالاقل الواحد يقدر يغوص ويحس انه يسبح مب طول الوقت واقف

بس ممكن اخذ رايك فالسعر 97000 الف

بركه + جاكوزي 3 اشخاص

[معماري قطري]

شوف إخوي من تجربه والله تحسفت اني سويت حوضي متدرج وانا مساحته قريبه من اللي عندك 4 في 7 متر، وشفت واحد مسويه بعمض متر و22 ونص سم شقصة النص سم مب عارف ... المهم مساحة حوضه 12 في 4 ومغطى ومكيف وطالع صراحة وايد راقي، والمتر و25 سم ارتفاع زين للكل ومب خطر وممكن تغوص فيه مع ان الغوص يسد الإذن الا بعدة خاصة.

بعدين سعر 97000 بدون مواصفات كاملة ما اقدر أحكم عليه .. انا لي سووه تدمر بكم طبقة عزل وحتى الطابوق ألزمتهم بعزله من الخارج ببتومين بس، وبالكونكريت اللي بالضغط بمكينة خاصة ترش الحايط والحديد رش، وحطيت جهاز تسخين للماي طلع ب 24000 وليتات فايبر اوبتكس اللي تتغير ألوانها حول حافة الحوض من فوق، وهذي طلعت ب 11 الف‘ غير عن بناء الحوض والحفر والردم والتبليط حوله علي كانت القيمة 50 الف .. يعني وصل 85000 عقدي مع شركة تدمر، وسويت السقف ب 26000 وضفت عليه 5000 ونتيفات من هنيه وهناك من كهربه وتكييف وصبغ وسيراميك وغيره حسبتها مره طلعت علي 240000 كمبلغ إجمالي تقريبي.

وإن شاء الله باوافي الجميع بتقرير متكامل عن مراحل البناء والمعاناة اللي بدت 15/ 3 2011 وما خلصت الا آخر شهر 10 2011