الدراجات الناريه

[ابن سينا]

ماهو شعورك وانت متوقف عند الاشاره ومعك اطفالك والي متوقف بجنبك شخص على دراجه ويعطيه رايس حدها وطلع اصوات تنصم منها الاذن وبكاء الاطفال من الصوت القوي والرعب الذي اصاب الاطفال من شدة الفرقعه ما هو الحل مع تلك الفئه

[رآعي موآجيب]

دفه بمدقار الموتر وخله ينسدح هو ودراجته :victory:


















أمزح معك طبعاً :nice:

وش الحل معهم الله يسلمك !!؟ مافيه حل

منيب قاعد كل شوي رايح المركز اشتكي على فلان وعلان وفي نفس الوقت منيب مناشب خبلان الشوارع اللي مجبور تصادفهم كل يوم

قول حسبي الله ونعم الوكيل وكمل طريقك

[السكين]

من فترة على اشارات برزان وقفوا 4 عند سيارتي ، وواحد منهم قعد يشير في التواير وعطب الدنيا ، وكان معاي ابن اختي الصغير على الكرسي ورا وصرخ فجأة تفاجأت انه واحد عند الشباك اللي وراي لابس قناع مخيف ..
ولحد هاللحظة أقول حسبي الله ونعم الوكيل والله ينتقم منه على اللي سوّوه من رعب لابن اختي وأذية للناس اللي حوالينا .

واليوم اثنين على اشارات دوار الريفير قبل الشمال اثنين دخلو الدوار بطريقة غبية والله سلمهم واحد دخل قدام شاحنة والثاني قدام لكزس فورويل واللكزس هو اللي تفاداه ورحمه بوقوفه بعد الله .

والله ما في حل إلا منع هالدراجات لانه مكانها المناسب حلبة سباق فقط ..

[آنــه]

ناس مستهترين وفاضين ( طرطنقيين )
ولقوا لهم مكان وحد ما يوقفهم عند حدهم
شتبونهم يسوون أكيد بيستعرضون

إيه على ايام اول من يلقون بطبطه في الشارع
خذوها و خلوا عين راعيها بيضا
يا زين شبك المرور وهو متبوز بالبطابط

[┋أَجِوَدًيّ┋]

حسب وجهة نظري * أن إلي يسوقون هالدراجات صيع !

[دفرنت]

استمتع بهوايتك بدون اذية الناس ياراعي الدراجة

الله يهدي الجميع

[بوسلمان 2010]

الله يهديهم ويصلحهم ان شاء الله

[رجل الجزيرة]

وين أبو شنب عنه، صدقني يتأدب.

[نشميه]

حركاتهم سخيفه ومزعجه

[barod]

الله يهديهم وان زودها معك خذ رقمه واشتك عليه او وقفه وقوله عسى ماشر وفهمه المشكله

[باراكودا]

راحت ايام المقنع كان متخصص في مطاردة الدراجات النارية .

[بيانو]

أمر مزعج جدا

كما غننى احس انهم غاويين هواش